27 C
Phnom Penh

TAG

features2

លោក​នាយក​រដ្ឋមន្ត្រី​​អំពាវនាវ​ឱ្យ​បង្ក្រាប​ក្រុម​ចោរ​ប្លន់​ប្រដាប់​អាវុធ

លោក​​​នាយក​​​​​រដ្ឋ​​​មន្ត្រី ហ៊ុន សែន បាន​​​បញ្ជា​​ឲ្យអាជ្ញាធរ​​​ទូទាំង​​​ប្រទេស​​​ "បង្ក្រាប" ​​​ក្រុម​​ដែល​ជាប់​ពាក់​ព័ន្ធ​អំពើ​ប្លន់​​​ប្រដាប់​​​អាវុធ​​​បន្ទាប់​​​ពីមាន​បទ​​​ឧក្រិដ្ឋ​កើត​​​ឡើង​​​កាល​​​ពី​​​ពេល​​​ថ្មី​​​ៗ​​​ដែល​​​បាន​​​បណ្តាល​​​ឲ្យ​​​មនុស្ស​​​មួយ​​​ចំនួន​​​ស្លាប់​​​ និង​​​រង​​​របួស​​​។ មាន​​​ប្រសាសន៍​​​នៅ​​​ពិធី​​​ជួបជុំ​​​​​​មេដឹក​​​នាំ​​​ពុទ្ធ​​​សាសនា មូស្លីម និង​​​គ្រិស្ត​​​សាសនា​​​នៅ​​​កោះ​​​ពេជ្រ​​​ក្នុង​​​រាជ​​​ធានីភ្នំពេញ កាល​​​ពី​​​ម្សិល​​​មិញ  លោក ហ៊ុន សែន បាន​​​ថ្លែង​​​ថា បើ​​​ទោះ​​​ជា​​​"ប្រទេស​​​គំរូ​​​" សម្រាប់​​​ភាពស្ងាប់​​​ស្ងាត់​​​ខាង​​​​​សាសនា​​​ ក៏​​​ដោយ​​​ ​​​ក៏​​​ប្រទេស​​​កម្ពុជា​​​បាន​​​ជួប​ប្រទះ​អំពើ​​​ហិង្សា​​​ប្រដាប់​​​អាវុធ​​​កើត​​​ឡើង​​​ញឹក​​​ញាប់​​​ដែរ​។ លោក​​​នាយក​​​រដ្ឋ​​​មន្ត្រី​​​បាន​​​ថ្លែង​​​ទៅ​​​កាន់​​​អ្នក​​​ចូល​​​រួម​​​ថា "សាសនា​​​អប់​​​រំ​​​មនុស្ស​​​ឲ្យ​​​ប្រព្រឹត្ត​អំពើ​​​ល្អ​​​ មិន​​​ឲ្យ​​​លួច​​​ប្លន់​​​ទេ​​​។ ប៉ុន្តែ អំពើ​​​ប្លន់​​​ប្រដាប់​​​អាវុធ​​​បាន​​​​​​កើត​​​ឡើង​​​ក្នុង​​​រយៈ​​​កាល​កន្លង​ទៅ​នេះ​​​"។ លោក​​​បាន​​​ថ្លែង​​​ថា "ដូច្នេះ​​​ខ្ញុំ​​​បាន​​​ចេញ​​​បញ្ជា​​​ បន្ថែម​...ឲ្យ​​​​​​អាជ្ញាធរ​​​មាន​​​សមត្ថកិច្ច​​​ សុំ​ឱ្យ​គ្រប់​​​ទី​​​កន្លែងទាំង​អស់​បង្កើន​ការ​ប្រុង​ប្រយ័ត្ន​​​​ និង​វ៉ៃ​​​​​​ បង្ក្រាបពួក​ឧក្រិដ្ឋ​​​ជន​​​ប្លន់​​​ប្រដាប់​​​អាវុធ​​​នេះ​"។ មាន​​​អំពើ​​​ប្លន់​​​ប្រដា​ប់​​​អាវុធ​​​​​​មួយ​​​ចំនួន​​​កើត​​​ឡើង​​​ទូទាំង​​​ប្រទេស​​​ចាប់​​​តាំង​​​ពី​​​ខែ​​​មុនមក។ ​​​កាល​​​ពីថ្ងៃ​​​ទី​​​១៥​​​ ខែ​​​វិច្ឆិកា ក្មេង​​​ប្រុស​​​អាយុ​​​១៣​​​ឆ្នាំ​​​ម្នាក់​​​ត្រូវ​​​បាន​​​បាញ់​​​ស្លាប់​​​ក្នុង​​​ខេត្ត​​​​​​កំពត​​​នៅ​​​ពេល​​​បុរស​​​ពីរ​​​នាក់​​​បាន​​​ប៉ុន​​​ប៉ង​​​ប្លន់​​​ម៉ូតូ​​​ហុងដាឌ្រីម មួយ​​​គ្រឿង​​​។ កាល​​​ពី​​​ថ្ងៃ​​​ទី​​​២២​​​ ខែ​​​វិច្ឆិកា...

​​ តាទិត្យ​ ដែល​​​ជា​​​អតីត​មន្ត្រី​ខ្មែរក្រហម ត្រូវ​​​បាន​​​ចោទ​​​ប្រកាន់​​​​ពីបទ​ប្រល័យ​ពូជសាសន៍

​លោក យឹម ទិត្យ ​អតីត​មន្ត្រី​ខ្មែរ​ក្រហម​​ដែល​គេ​ស្គាល់​​ថា តាទិត្យ ​កាលពី​ម្សិលមិញ​​ត្រូវ​បាន​ចោទ​ប្រកាន់​ពី​បទ​ឧក្រិដ្ឋជាច្រើន​រួម​មាន​​អំពើ​ប្រល័យ​ពូជសាសន៍​ក្នុង​សំណុំរឿង​០០៤​នៅ​អង្គ​ជំនុំជម្រះ​​វិសាមញ្ញ​​ក្នុង​តុលាការ​​​ ​កម្ពុជា​ ( ECCC)។ ​តាទិត្យ ដែល​ប្រឈម​ការ​ចោទ​ប្រកាន់ពី​​​បទ​ឧក្រិដ្ឋជាច្រើន​ដែល​បាន​ប្រព្រឹត្ត​អំឡុង​ពេល​លោក​ជា​លេខា​ស្ដីទី​​ភូមិភាគ​ពាយព្យ​របស់​ខ្មែរ​ក្រហម​​នោះ​ គឺ​ជា​ជន​សង្ស័យ​ទី១​ដែល​ត្រូវ​បាន​ចោទ​ប្រកាន់​ដោយ​លោក​​ Michael Bohlander សហចៅក្រម​ស៊ើបអង្កេត​ អន្តរជាតិ​ចាប់​តាំង​ពី​លោក​បាន​កាន់​ការ​ងារ​បន្ត​ពី​ចៅក្រម ម៉ាក ហាម៉ុន ​កាលពី​ខែ​សីហា។ យោង​តាម​របាយ​ការណ៍​​ដែល​ចេញ​ផ្សាយ​ដោយECCC ​បាន​ឲ្យ​ដឹង​ថា ជា​មួយ​អំពើ​ប្រល័យ​ពូជសាសន៍​ប្រឆាំង​ខ្មែរក្រោម ជា​ជន​ជាតិ​ភាគតិច​មក​ពី​ប្រទេស​វៀតណាម​ភាគ​ខាង​ត្បូង តាទិត្យ ​ត្រូវ​បាន​ចោទ​ប្រកាន់​ពីបទ​ឧក្រិដ្ឋ​ប្រឆាំង​មនុស្ស​ជាតិ រួមមាន...

ការ​​​ប្រកួត​​​ក្នុង​​​ទ្រុង​​​ជា​​​លើកទី២​នៅ​​​កម្ពុជា​​​​​​ គឺ​​​ជា​​​ការ​​​​​​ប្រកួត​​​សង​​​សឹក​​​និង​​​ផ្តួល​​​គ្នា​​​ដ៏​​​​​​រហ័ស​​​

ចាន់​​​ រតនា បាន​​​ដើរ​​​ចូល​​​សាល​​​មហោ​​​ស្រព​​​​​​​​​ កោះ​​​ពេជ្រ​​​ ដែលមាន​​​​កន្លែង​​​នៅ​​​ទំនេរ​​​ពាក់​​​កណ្តាល​​​​ មុន​​​ម៉ោង១១​​​​​​និង​​​៣០​​​នាទី​​​យប់​​​ថ្ងៃ​​​សៅរ៍បន្តិច​ ដោយ​​​ពាក់​​​រូបមុខ​យក្ស ខណៈ​​​ម៉ាសីុន​​​បាញ់​​​​​​ផ្សែង និង​​​តន្ត្រី​​​ប៉ប់​បស្ចឹម​​​ប្រទេស​​​​​​​ ចាប់​​​ផ្តើម​​​បាញ់​​​ និង​​​ប្រគំ​​​ឡើង​​​ មុន​​​​​​​ការ​​​ប្រកួត​​​លើក​​​ចុង​​​ក្រោយ​​​នៃ​​​ព្រឹត្តិការណ៍​​​​ប្រកួត​​​ជើង​​​ឯក "អាណាចក្រ​​​ខ្មែរ​​​"​ ក្នុង​​​រាជ​​​ធានីភ្នំពេញ។ ទោះ​​​បី​​​ជា​​​ព្រឹត្តិការ​​​ណ៍ផ្លូវ​​​ការ​​​ដ៏​​​សំខាន់​​​នេះ​​​​​​ ផ្តោត​សំខាន់​លើ​កីឡាករ​​​ក្បាច់​​​គុន​​​ចម្រុះ​​​​ចំនួន​​​ពីរ​​​រូប​​​ក្តី ​តែ​វា​ក៏​​​ជា​​​ជំនួប​ម្តង​ទៀត​រវាង​​​កីឡាករ​​​ខ្មែរ​​​ចំនួន​​​ពីរ​​​រូប​​​គឺ​​​ កីឡាករ ចាន់​​​ រតនា អាយុ​​​២៨ ​​​និង​​​ កីឡាករ សំអាង ឌុន អាយុ​​​២៤​​​ឆ្នាំ​​​ ដែល​​​មាន​​​រូប​​​​​​ធំ​​​ៗ​​​នៅ​​​លើ​ផ្ទាំង​​​ផ្សព្វ​​​ផ្សាយ​​​ដែរ​។ ​​​​​​​​​អំឡុង​​​ព្រឹត្តិការណ៍​ប្រកួត​​​មួយ​​​កាល​​​ពី​​​ឆ្នាំ​​​មុន​​​ដែល​​​ហៅ​​​​ថា "Rise of the Kingdom” នៅ​​​ក​​​្នុង​​​រាជ​​​ធានី​​​ភ្នំពេញ​​​ កីឡាករ​​​ ចាន់​​​ រតនា ដែល​​​មាន​​​​​​ការ​​​គាំទ្រ​​​យ៉ាង​​​ខ្លាំង​​​​​​ត្រូវ​​​បាន​​​សម្រេច​​​ឲ្យ​​​ចាញ់​​​​​​គូ​​​​​​ប្រកួត​​​របស់​​​ខ្លួន​​​ គឺ​​​កីឡាករ ​​​សំអាង​​​ ឌុន បន្ទាប់​​​ពី​​​អ្វី​​​ដែល​​​ចាត់​​​ទុក​​​ថា គឺ​​​ជាការ​​​ជាន់​​​មុខ​​​ខុស​​​លក្ខន្តិកៈ ដោយ​​​ធ្វើ​​​ឲ្យ​​​គូប្រកួត​​​ធ្វើ​​​ពុធ​​​ជា​​​របួស និង​​​ធ្វើ​​​ឲ្យ​​​មាន​​​ការ​​​រៀប​​​ចំ​​​ជំនួប​​​របស់​​​ពួក​​​គេ​​​ឡើង​​​វិញម្តងទៀត​។ នៅ​​​ក្នុង​​​កិច្ច​​​សម្ភាសន៍​​​មួយ​​​កាល​​​ពី​​​សប្តាហ៍​​​មុន​​​ ចាន់ រតនា ប្តេជ្ញា​​​ថា...

ជំនួយ​​​រងការ​​​គំរាម​​​កំហែង​​​ ខណៈដែល​​​សហភាព​​​អឺរ៉ុប​​​អំពាវនាវ​​​សុំឲ្យ​​​​​​មាន​​​ការ​​​វិល​​​ត្រឡប់​​​របស់​​​លោក រង្ស៊ី

សភាអឺរ៉ុប​​​ កាលពី​​​ម្សិលមិញ​​​បាន​​​អនុម័ត​​​យ៉ាង​​​លើសលប់​​​លើ​​​សេចក្តី​​​សម្រេច​​​មួយ​​​ ដោយ​​​អំពាវនាវ​​​ឲ្យ​​​រដ្ឋាភិបាល​​​កម្ពុជា​​​លុប​​​ចោល​​​ដីកា​​​ចាប់​​​ខ្លួន​​​មេដឹកនាំ​​​គណបក្ស​​​ប្រឆាំង​​​គឺលោក  សម រង្ស៊ី ដោយ​​​តំណាង​​​រាស្ត្រ​​​ផ្តល់​​​យោបល់ថា ជំនួយ​​​ជាទឹកប្រាក់​​​ប្រមាណ​​​៤៣៥លាន​​​ដុល្លារ​​​គួរ​​​ត្រូវ​​​លុប​​​ចោល​​​ ប្រសិនបើ​​​មិនមាន​​​ការ​​​អើពើ​​​ទេ​​​នោះ​​​។ សេចក្តីសម្រេច​​​ដែល​​​ចាត់ទុក​​​ការ​​​ដក​​​ចេញពី​​​តំណែង​​​​​​ជា​​​អនុប្រធាន​​​សភា​​​របស់​​​អនុប្រធាន​​​គណបក្ស​​​សង្គ្រោះជាតិ​​​គឺ លោក កឹម សុខា ថា​​​ខុសច្បាប់​​​ បាន​​​អនុម័ត​​​ដោយ​​​មាន​​​ការ​​​យល់​​​ព្រម​​​ពីសមាជិក​​​សភា​​​ចំនួន​​​៥៦៧​​​រូប​​​ក្នុង​​​ចំណោម​​​៦៣០រូប។ សមាជិក​​​សភា​​​ចំនួន​​​២៧​​​រូប​​​បាន​​​បោះឆ្នោត​​​ប្រឆាំង​​​នឹង​​​សេចក្តី​​​សម្រេច​​​ ហើយ​​​៣៦​​​រូប​​​បោះឆ្នោត​​​អនុបវាទ​​​។ សេចក្តី​​​សម្រេច​​​អំពាវនាវ​​​ឲ្យ​​​រដ្ឋាភិបាល​​​លោក​​​ ហ៊ុន សែន លុបចោល​​​ដីកា​​​តាម​​​ចាប់​​​ខ្លួន​​​និង​​​បទចោទ​​​​​​ដែល​​​ធ្វើ​​​ឡើង​​​​​​ចំពោះ​​​​​​មេដឹកនាំ​​​គណបក្ស​​​ប្រឆាំង​​​គឺ លោក សម រង្ស៊ី  និង​​​សមាជិក​​​សភា​​​ និង​​​ព្រឹទ្ធសភា​​​គណបក្ស​​​សង្គ្រោះជាតិ​​​ និង​​​ក៏​​​អំពាវនាវ​​​ឲ្យ​​​បញ្ឈប់​​​​​​ការ​​​ប្រើ​​​​​​ប្រាស់​​​បែប​​​នយោបាយ​​​ចំពោះ​​​តុលាការ​​​ក្នុងការ​​​ផ្តន្ទាទោសពលរដ្ឋ។ លោក រង្ស៊ី ដែល​​​បាន​​​ចូលរួម​​​​​​​​​នៅ​​​ឯការ​​​បោះឆ្នោតនៅ​​​ក្រុង​​​ស្ត្រាសប៊ួ ប្រទេស​​​បារាំង​​​ ត្រូវតុលាការ​​​បញ្ជា​​​ឲ្យ​​​ចាប់ខ្លួន​​​ពីរ​​​សប្តាហ៍​​​កន្លង​​​មក​​​ហើយ ដោយ​​​មាន​​​ដីកា​​​តុលាការ​​​នា​​​ឆ្នាំ​​​២០១១​​​ ដែល​​​កាត់​​​ឲ្យ​​​លោក​​​ជាប់​​​ពន្ធនាគារ​​​​​​ពីរ​​​ឆ្នាំ។ ដីកា​​​បាន​​​ធ្វើ​​​ឡើង​​​ក្នុងពេល​​​ដែលមាន​​​ការ​​​វាយ​​​ប្រហារ​​​ទៅលើ​​​គណបក្ស​​​សង្គ្រោះ​​​ជាតិ​​​ រួមមាន​​​ការ​​​វាយ​​​ដំច្រំធាក់​​​ទៅលើ​​​តំណាង​​​រាស្ត្រ​​​ពីរ​​​រូប​​​ដោយ​​​ក្រុមអ្នក​​​តវ៉ា​​​ដែល​​​គាំទ្រ​​​ដោយ​​​គណបក្ស​​​ប្រជាជន​​​កម្ពុជា​​​។ សេចក្តី​​​សម្រេច​​​នេះ​​​ក៏​​​អំពាវនាវ​​​ឲ្យមាន​​​ការ​​​ផ្តន្ទាទោស​​​អ្នកដែលទទួល​​​ខុសត្រូវ​​​ចំពោះ​​​ការ​​​វាយ​​​ដំច្រំ​​​​​​ធាក់​​​ទៅលើ​​​តំណាង​​​រាស្ត្រ​​​គណបក្ស​​​សង្គ្រោះជាតិ​​​ពីររូប​​​ ពី​​​សំណាក់​​​សមាជិក​​​នៃកង​​​កម្លាំង​​​ប្រដាប់​​​អាវុធ​​​។ មាន​​​ទាហាន​​​តែ​​​បីនាក់​​​ប៉ុណ្ណោះ​​​ត្រូវ​​​បាន​​​ចាប់​​​ខ្លួន​​​​​​ទាក់​​​ទិន​​​នឹង​​​ការ​​​វាយ​​​ដំកាលពី​​​ថ្ងៃទី២៦​​​ ខែតុលា។ សហភាព​​​​​​អឺរ៉ុប​​​គឺជា​​​ប្រទេស​​​ផ្តល់ជំនួយ​​​ដ៏ធំបំផុត​​​តែមួយគត់​​​ដល់​​​ប្រទេស​​​កម្ពុជា​​​ ដោយ​​​សន្យាផ្តល់​​​ទឹកប្រាក់​​​៤១០​​​លាន​​​អឺរ៉ូ​​​ (ប្រហែល​​​៤៣៥លាន​​​ដុល្លារ​​​​​​អាមេរិក​​​) ដល់​​​ប្រទេស​​​នេះ​ពី​​​ឆ្នាំ២០១៤​​​ដល់​​​ឆ្នាំ​​​២០២០ ហើយ​​​តំណាងរាស្ត្រ​​​ដែល​​​និយាយ​​​គាំទ្រ​​​សេចក្តីសម្រេច​​​កាលពី​​​ថ្ងៃព្រហស្បតិ៍ ក៏បាន​​​គំរាម​​​​​​ដក​​​ជំនួយ​​​ដែរ។ លោក  ជីរិ ប៉ូសពីស៊ីល ជា​​​សមាជិក​​​​​​អភិរក្ស​​​និយមជន​​​ជាតិ​​​ឆែក​​​ ដោយ​​​និយាយ​​​ក្នុង​​​នាម​​​គណបក្ស​​​ប្រជាពល​​​រដ្ឋ​​​អឺរ៉ុប​​​ ដែលជា​​​ក្រុម​​​ធំបំផុត​​​នៅក្នុង​​​សភា​​​សហភាព​​​អឺរ៉ូប​​​ បាន​​​កត់​​​សម្គាល់ថា "យើង​​​កំពុង​​​​​​ពិភាក្សា​​​អំពី​​​កម្ពុជា​​​ និងស្ថានការ​​​ណ៍នៅទីនោះ​​​មួយរយៈកន្លង​​​មក​​​"។ លោក  ជីរិ ប៉ូសពីស៊ីល បាន​​​និយាយថា "យើង​​​កត់​​​សម្គាល់​​​ឃើញ​​​ថា មាន​​​ច្បាប់​​​អនុម័ត​​​ដែល​​​ប្រឆាំង​​​នឹង​​​វិស័យ​​​ឯកជន​​​ ដែល​​​ប្រឆាំង​​​នឹង​​​សង្គមស៊ីវិល។ ជាអកុសល​​​ សេចក្តី​​​សម្រេច​​​  មិនបានអនុវត្ត​​​ដោយ​​​ប្រទេស​​​កម្ពុជាទេ ទោះបី​​​យើង​​​ជា​​​ដៃគូ​​​សំខាន់​​​របស់​​​កម្ពុជាក៏ដោយ"។ លោក  ជីរិ ប៉ូសពីស៊ីល បាន​​​មាន​​​ប្រសាសន៍ថា "យើង​​​នឹងផ្តល់​​​ទឹកប្រាក់​​​រាប់រយលាន​​​អឺរ៉ូ​​​ក្នុង​​​រយៈ​​​ពេល​​​ពីរបីឆ្នាំ​​​បន្ទាប់​​​ទៀត​​​។ ខ្ញុំសូម​​​អំពាវនាវ​​​ឲ្យ​​​គណៈ​កម្មាធិការ ​ ​វាយ​​​តម្លៃឡើងវិញ​​​ថា​​ ​យើង​​អន្ទះសា​​​ក្នុងការ​​​គាំទ្រ​​​កម្ពុជា​​​ប៉ុណ្ណា​​​ ក្នុងពេលដែលការ​​​អំពាវនាវ​​​របស់​​​យើង​​​ឲ្យ​​​គាំទ្រ​​​លទ្ធិប្រជា​​​ធិប​​​តេយ្យ​​​ត្រូវគេ ព្រងើយកន្តើយនោះ"។ មានប្រសាសន៍​​​ក្នុងនាម​​​សម្ព័ន្ធភាព​​​នៃអ្នកសេរីនិយម​​​និង​​​ក្រុម​​​អ្នក​​​ប្រជាធិបតេយ្យ លោក អីវ៉ាន់ ចាកូវិច ជាសមាជិក​​​សេរីនិយម​​​ក្រូអាដ ក៏បាន​​​កត់​​​សម្គាល់​​​ទៅលើ​​​វិភាគទាន​​​​ជំនួយ​​​ដ៏ធំ​​​របស់​​​សហ​​​ភាព​​​អឺរ៉ុប​​​ដល់ប្រទេស​​​កម្ពុជា​​​ ហើយ​​​បាន​​​មាន​​​ប្រសាសន៍ថា លោកជឿថា ការនេះ​​​មាន​​​ន័យ​​​ថា អឺរ៉ុប​​​កំពុង​​​ជួយ​​​លើកស្ទួយ​​​របប​​​ផ្តាច់​​​ការ​​​របស់​​​លោក ហ៊ុន សែន។ លោក​​​ ចាកូវិច បាន​​​មាន​​​ប្រសាសន៍ថា សហភាព​​​អឺរ៉ុប នៅចន្លោះ​​​ឆ្នាំ​​​២០១៤​​​និង​​​ឆ្នាំ​​​២០២០​​​នឹង​​​ជួយ​​​អភិវឌ្ឍ​​​ប្រទេស​​​កម្ពុជា​​​ដោយ​​​មាន​​​ទឹកប្រាក់​​​៤១០​​​លាន​​​អឺរ៉ូ។ លទ្ធផល​​​នៃជំនួយ​​​នេះ​​​គឺថា ឥឡូវនេះ​​​យើង​​​មាន​​​របប​​​គាបសង្កត់​​​មួយ​​​ដែល​​​បង្ក្រាប​​​សិទ្ធិមនុស្ស​​​ និងដែល​​​ធ្វើ​​​ឲ្យ​​​ប្រទេស​​​កម្ពុជា​​​ប៊ិះ​​​តែ​​​នឹង​​​ជួប​​​ភាពក្រីក្រ។ លោក ចាកូវិច បាន​​​មាន​​​ប្រសាសន៍​​​បន្ថែមថា "នេះជា​​​ហេតុ​​​ដែលយើង​​​ត្រូវតែធ្វើ​​​។ នេះ​​​គឺជាហេតុ​​​ដែលខ្ញុំគាំទ្រ​​​សេចក្តី​​​សម្រេច​​​នេះ​​​។ យើង​​​និយាយ​​​យ៉ាង​​​ច្បាស់​​​លាស់​​​ថា យើង​​​នឹង​​​មិន​​​ទទួល​​​យក​​​ស្ថានការណ៍​​​បែបនេះ​​​បាន​​​ទេ​​​ ហើយ​​​យើង​​​​​​ត្រូវការការ​​​​​​ផ្លាស់​​​ប្តូរ"។ សមាជិក​​​អុីតាលីប្រជាប្រិយនិយម​​​គឺ លោក អុិកណាហ្ស៊ីអូ ការ៉ាវ បាន​​​មាន​​​ប្រសាសន៍​​​ថា ព្រឹត្តិការណ៍​​​ថ្មីៗ​​​កន្លង​​​ទៅនេះ​​​មាន​​​ដូចជា​​​ ការ​​​ចេញដីកា​​​ចាប់​​​លោក រង្ស៊ី ការ​​​វាយដំច្រំ​​​ធាក់​​​ទៅលើ​​​តំណាង​​​រាស្ត្រ​​​គណបក្ស​​​សង្គ្រោះជាតិ​​​ដោយ​​​អ្នក​​​តវ៉ា​​​ដែលគាំទ្រ​​​ដោយ​​​គណបក្ស​​​ប្រជាជន​​​កម្ពុជា​​​ គឺគ្រាន់​​​តែ​​​ជា​​​រោគសញ្ញានៃបញ្ហា​​​ទូលំទូលាយ​​​មួយ​​​របស់​​​រដ្ឋាភិបាល​​​កម្ពុជា​​​ប៉ុណ្ណោះ​​​។ លោក កាវ៉ាវ បាន​​​មាន​​​ប្រសាសន៍ថា "ការ​​​រំលោភសិទ្ធិមនុស្ស​​​និងការ​​​បង្ក្រាប​​​ដែល​​​យើង​​​ឃើញ​​​កើត​​​ឡើង​​​នៅប្រទេស​​​កម្ពុជា​​​ ពិត​​​ជាអាច​​​កើត​​​ឡើងដោយ​​​អំពើ​​​ពុករលួយ​​​ដែលកើត​​​មាន​​​នៅ​​​ក្នុង​​​នយោបាយ​​​កម្ពុជា"។ លោក កាវ៉ាវ បាន​​​មាន​​​ប្រសាសន៍​​​បន្ថែមថា "តាមពិត​​​ទៅ​​​ ប្រទេស​​​កម្ពុជា​​​គឺសម្រាប់​​​លក់ ពោល​​​គឺ​​​ទាំង​​​ធនធានទាំងឡាយ ព្រៃឈើ ទន្លេបឹងបួរ​​​ ប្រេង ប៉ុន្តែថែម​​​ទាំង​​​សិទ្ធិមនុស្ស​​​ដែរ គឺថា​​​អ្វីៗក៏​​​សម្រាប់​​​ដាក់លក់ដែរ​​​ គឺពលរដ្ឋ​​​៧០០.០០០នាក់​​​ត្រូវ​​​បង្ខំ​​​ឲ្យ​​​ចាកចេញ​​​ពីលំនៅដ្ឋាន​​​ ដូច្នេះគេអាច​​​​​​រឹបអូស​​​យក​​​ដីធ្លីបាន​​​"។ លោក​​​ ហ្សង់ ប៉ូល ដេណាណូ​​​ ជា​​​អ្នកសង្គមនិយម​​​ជនជាតិ​​​បារាំង​​​ បាន​​​មាន​​​ប្រសាសន៍​​​ខ្លាំង​​​ជាង​​​នេះ​​​ទៅទៀត​​​ ដោយមិន​​​ចាត់ទុក​​​របប​​​លោក ហ៊ុន សែន​​​ ថា​​​ជារបប​​​ស៊ីវិលទេ។ លោក ហ្សង់ ប៉ូល ដេណាណូ បាន​​​មាន​​​ប្រសាសន៍ថា "ពិតណាស់ថា របប​​​យោធា​​​នៅ​​​ប្រទេស​​​កម្ពុជា​​​គឺ​​​ពុករលួយ​​​ ហើយ​​​ខ្ញុំគិត​​​ថា យើង​​​ត្រូវ​​​តែ​​​ប្រយុទ្ធ​​​ប្រឆាំង​​​នឹង​​​នីតិវិធី​​​ជំទាស់​​​នឹង​​​លទ្ធិប្រជា​​​ធិបតេយ្យ​​​ ក៏ព្រោះថា របប​​​នេះ​​​បិទទ្វារ​​​ពីការ​​​អភិវឌ្ឍ។ ប្រទេស​​​កម្ពុជា​​​មាន​​​ប្រវត្តិ​​​​​​​​​រង​​​ទារុណ្ឌកម្ម​​​ចុកចាប់​​​​​​ ហើយ​​​យើង​​​ត្រូវ​​​តែ​​​ជួយ​​​ប្រទេស​​​នេះ​​​រកឲ្យ​​​ឃើញ​​​​​​មាគ៌ា​​​មួយ​​​ឆ្ពោះទៅ​​​រក​​​លទ្ធិប្រជា​​​ធិប​​​តេយ្យ"។ ចំ​​​ណែក​​​ឯ​​​​​​សមាជិក​​​២៧​​​រូប​​​នៃ​​​សភា​​​សហភាពអឺរ៉ុប​​​បាន​​​បោះ​​​ឆ្នោត​​​ប្រឆាំង​​​​​​នឹង​​​សេចក្តី​​​សម្រេច​​​នោះ ប៉ុន្តែ​​​​​​មិន​​​បាន​​​​​​ឡើង​​​និយាយ​​​​​​​​​ជំទាស់​​​ទេ។​​​ លោក សុខ ឥសាន អ្នក​​​នាំ​​​ពាក្យ​​​គណ​​​បក្ស​​​ប្រ​​​ជា​​​ជន​​​កម្ពុជា​​​បាន​​​មាន​​​ប្រសាសន៍​​​បន្ទាប់​​​ពី​​​​​​ការ​​​បោះ​​​ឆ្នោត​​​ថា លោក​​​​​​មិន​​​ជឿ​​​ថា​​​​​​សហភាព​​​អ៊ឺ​​​រ៉ុប​​​​​​​​​នឹង​​​គំរាម​​​​​​ដក​​​​​​ជំនួយ​​​ ដើម្បី​​​ជំរុញ​​​ឲ្យ​​​រដ្ឋា​​​ភិបាល​​​​​​កម្ពុជា​​​​​​លុប​​​ចោល​​​​​​ដីកា​​​របស់​​​តុលា​​​ការ​​​ទេ។​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ អ្នក​​​នាំ​​​ពាក្យ​​​គណ​​​បក្ស​​​ប្រ​​​ជា​​​ជន​​​កម្ពុជា​​​រូប​​​នេះ​​​បាន​​​មាន​​​ប្រសាសន៍​​​ថា "​​​ខ្ញុំ​​​មិន​​​យល់។ គេ​​​ប្រើ​​​លុយ​​​ទិញ​​​​​​ច្បាប់​​​នៅ​​​កម្ពុជា។ ពិបាក​​​ណាស់។ យើង​​​ចង់​​​បាន​​​ប្រាក់​​​ ប៉ុន្តែ​​​​​​យើង​​​​​​ចង់​​​​​​បាន​​​ប្រាក់​​​នោះ​​​តាម​​​វិធី​​​ស្រប​​​ច្បាប់។ ខ្ញុំ​​​សូម​​​សរសើរ​​​​​​ដែល​​​គេ​​​​​​ហ៊ាន​​​​​​ប្រើ​​​ប្រាក់​​​​​​របស់​​​គេ​​​ទិញ​​​ច្បាប់។​​​ ខ្ញុំ​​​មិន​​​ដឹង​​​ថា​​​​​​​​​ថ្នាក់​​​ដឹក​​​នាំ​​​​​​រដ្ឋាភិបាល​​​​​​គិត​​​ដូច​​​ម្តេ៉ច​​​ទេ ប៉ុន្តែ​​​ចំពោះ​​​ខ្ញុំ​​​ គេ​​​មិន​​​អាច​​​​​​ទិញ​​​ប្រ​​​ជាធិបតេយ្យ ឬ​​​ច្បាប់​​​នៅ​​​កម្ពុជា​​​បាន​​​ទេ"។ ​​​​​​មាន​​​ប្រសាសន៍​​​តាម​​​ទូរស័ព្ទ​​​ពី​​​ក្រុង​​​ស្ត្រាសប៊ូ​​​ក្រោយ​​​ពី​​​ការ​​​បោះ​​​ឆ្នោត លោក​​​ រង្ស៊ី​​​ បាន​​​មាន​​​ប្រសាសន៍​​​ថា ឥឡូវ​​​នេះ​​​លោក​​​នឹង​​​រង់​​​ចាំ​​​មើល​​​​​​ថា គណៈ​​​កម្មាធិការ​​​អ៊ឺរ៉ុប​​​ ដែល​​​ជា​​​អង្គ​​​ប្រតិបត្តិ​​​របស់​​​សហភាព​​​អ៊ឺរ៉ុប​​​ធ្វើ​​​យ៉ាង​​​ណា​​​​​​ចំពោះ​​​សេចក្តី​​​សម្រេច​​​ដែល​​​អនុម័ត​​​ដោយ​​​​​​សភា។​​​ លោក រង្ស៊ី បាន​​​មាន​​​ប្រសាសន៍​​​ថា "ខ្ញុំ​​​សង្ឃឹម​​​ថា រដ្ឋាភិបាល​​​កម្ពុជា​​​នឹង​​​យល់​​​នូវ​​​ស្ថានការណ៍​​​នេះ ហើយ​​​គេ​​​នឹង​​​បញ្ជៀស​​​ការ​​​កាត់ ឬ​​​​​​កាត់​​​បន្ថយ​​​ជំនួយ​​​ពី​​​សហភាព​​​អឺរ៉ុប"។​​​ សួរ​​​ថា​​​តើលោក​​​មាន​​​គម្រោង​​​វិល​​​ត្រឡប់​​​មក​​​ប្រទេសកម្ពុជាវិញ​​​​​​ឬយ៉ាងណា លោក រង្ស៊ី បាន​​​មាន​​​ប្រសាសន៍ថា លោកជំទាស់​​​ទៅនឹង​​​សំណួរ​​​បែបនេះ​​។ លោក​​​ រង្ស៊ី បាន​​​មាន​​​ប្រសាសន៍ថា "មនុស្ស​​​ភាគច្រើន​​​សួរខ្ញុំសំណួរបែបនេះ​​​។ ហាក់ដូចជា​​​គេ​​​មិន​​​យល់​​​ថា គោល​​​បំណង​​​ចុងក្រោយគឺត្រូវ​​​នាំមក​​​នូវ​​​ការ​​​ផ្លាស់ប្តូរបែប​​​ប្រជាធិបតេយ្យ​​​នៅ​​​ប្រទេស​​​កម្ពុជា​​​។ យុទ្ធ​​​សាស្ត្រ​​​ដើម្បី​​​ទទួលបាន​​​លទ្ធផល​​​នេះ​​​គឺស្មុគ្រ​​​ស្មាញ​​​ណាស់​​​"។ ប្រធានគណបក្ស​​​សង្គ្រោះជាតិ​​​រូបនេះ​​​បាន​​​មាន​​​ប្រសាសន៍​​​ថា "មិនមែន​​​ជាការ​​​វិល​​​ត្រឡប់​​​មក​​​កម្ពុជា​​​វិញ​​​ដើម្បី​​​ប្រយោជន៍ក្នុងការ​​​វិល​​​ត្រឡប់​​​មក​​​ប្រទេសកម្ពុជា​​​វិញ​​​នោះ​ទេ។ វាមិន​​​ជួយ​​​ឲ្យវិល​​​ត្រឡប់មកវិញ​​​ គឺគ្រាន់តែ​​​សម្រាប់​​​ប្រយោជន៍​​​បែបនោះទេ។ យើង​​​ត្រូវ​​​ប្រាកដ​​​​​​ថា កម្លាំង​​​ប្រជាធិបតេយ្យ​​​មាន​​​សេរីភាព​​​ និងសំឡេង​​​តទល់"។ លោក រង្ស៊ី បាន​​​មាន​​​ប្រសាសន៍បន្តថា "យើងត្រូវ​​​ពិចារណា​​​ទៅលើ​​​ស្ថានការណ៍​​​ទាំង​​​មូល​​​ ហើយ​​​មិនគ្រាន់តែ​​​ឆ្លើយ​​​សំណួរ​​​ប៉ុណ្ណោះទេ​​​។ នៅពេលណា​​​លោកវិល​​​ត្រឡប់​​​មកវិញ​​​? វាចង្អៀត​​​ពេក​​​ ហើយមិន​​​ឆ្លុះ​​​បញ្ចាំង​​​ទៅលើ​​​អ្វី​​​ដែល​​​ត្រូវ​​​ធ្វើ​​​ដើម្បីនាំ​​​មកនូវ​​​ការ​​​ផ្លាស់ប្តូរ​​​បែប​​​ប្រជាធិបតេយ្យ​​​ទេ"។ លោក រង្ស៊ី បាន​​​មាន​​​ប្រសាសន៍ថា គណបក្សសង្គ្រោះជាតិ​​​មាន​​​សមាជិក​​​ដែល​​​បន្ត​​​ការ​​​តតាំង​​​នៅទីនេះ ​​​ក្នុង​​​ពេល​​​ដែល​​​លោក​​​នៅក្រៅ​​​ប្រទេស​​​។ លោក រង្ស៊ី បាន​​​មាន​​​ប្រសាសន៍ថា "វត្តមាន​​​របស់​​​ខ្ញុំ​​​មិនចាំបាច់​​​ទេ។ នៅក្នុងពិភពលោក​​​ទំនើប​​​នេះ​​​ វត្តមាន​​​គឺ​​​មិនសំខាន់​​​ដូចការ​​​ប្រ​​​ស្រ័យទាក់ទង​​​ជាមួយ​​​នឹងពលរដ្ឋ​​​នៅ​ជួរមុខទេ។ ខ្ញុំអាច​​​ទាក់ទង​​​ពួកគេ​​​ទីណាក៏បាន​​​ ពេលណាក៏បាន។ ខ្ញុំនឹង​​​វិលត្រឡប់​​​មក​​​ប្រទេសវិញ​​​ នៅពេល​​​ដែលមាន​​​ការ​​​ធានាថា យើង​​​អាច​​​​​​ចាប់​​​ផ្តើម​​​​​​ការ​​​ផ្លាស់ប្តូរ​​​បែប​​​លទ្ធិប្រជាធិបតេយ្យ​​​​​​​​​បាន​​​"៕ រើន​​​​​​​​​​​​​​​ (រាយការណ៍បន្ថែម​​​ដោយ ឃី សុវុឌ្ឍី)    

លោក ហោ ណាំហុង ​បដិសេធ​ថា លោក​​មិន​បាន​​​​ស្នើ​ឲ្យ​មាន​ការ​​​ចាប់​ខ្លួន​លោក សម រង្ស៊ី ​នោះ​ទេ

កាល​​ពី​ម្សិលមិញ លោក ហោ ណាំហុង រដ្ឋមន្ត្រី​ក្រសួង​ការ​បរទេស​​​បាន​​​កោះ​ហៅ​​​បណ្ដា​អង្គទូត​​​ប្រចាំ​ប្រទេស​កម្ពុជា ​​ដើម្បី​ប្រាប់​ថា លោក​​មិន​​ជាប់​ពាក់​ព័ន្ធ​​ការ​​ចេញ​ដីកា​​​ចាប់​ខ្លួន​លោក សម រង្ស៊ី ប្រធាន​គណបក្ស​ប្រឆាំង​​​កាលពី​សប្ដាហ៍​មុន​ឡើយ​។ ​រដ្ឋមន្ត្រី​រូប​នេះ​​ក៏​បាន​ព្យាយាម​​ពន្យល់​បក​ស្រាយ​អំពី​​​​​វិធានការ​​របស់​រដ្ឋាភិបាល​នៅ​ក្នុង​ការ​​ស្វះ​ស្វែង​​​​​ចាប់​ខ្លួន​លោក សម រង្ស៊ី ​តាម​ការ​ផ្ដន្ទាទោស​​បទ​បរិហារកេរ្តិ៍​​ដែល​មាន​​អាយុ​កាល​៤ឆ្នាំ​​ទៅ​ហើយ​ក្នុង​បណ្ដឹង​​​របស់​​លោក ហោ ណាំហុង ​ដោយ​អះអាង​ថា ​ជម្លោះ​​​​នេះ​មិន​មែនជា​រឿង​នយោបាយ​​ឡើយ ប៉ុន្តែ​គឺ​ជា​​រឿង​ផ្ទាល់​ខ្លួន​។ ​លោក​បាន​ថ្លែង​ទៅ​កាន់​ក្រុម​អ្នក​យក​ព័ត៌មាន​​ក្រោយ​ពី​ជំនួប​​របស់​លោក​ជាមួយ​មន្ត្រី​ការ​ទូត​​នៅ​ឯ​ក្រសួង​ការ​បរទេស​ថា "​ទាក់​​ទិន​ឯក​ឧត្ដម​ សម រង្ស៊ី ខ្ញុំ​បាន​ជម្រាប​អង្គទូត​ថា មិន​មែន​ជា​ទំនាស់​​រវាង​គណបក្ស​​ និង​គណ​បក្ស​​​​ទេ។ មិន​មែន​ជា​បញ្ហា​នយោបាយ​ទេ​។ វា​ជា​បញ្ហា​​រវាង​ឯក​ឧត្ដម​​ សម...

តុលាការ​ចេញ​ដីកា​ចា​ប់ខ្លួន​​សកម្ម​ជន​ព្រះ​​​សង្ឃ​​ សឹង ហាយ​​​ ជា​​​ថ្មីម្តង​​​ទៀត

សាលា​​​ដំបូង​​​រាជ​​​ធានី​​​ភ្នំពេញ​​​បាន​​​ចេញ​​​ដីកា​​​ចាប់ខ្លួន​​​សកម្ម​​​ជន​​​ជា​​​ព្រះ​​​សង្ឃ​​​ សឹង ហាយ បន្ទាប់​​​ពី​​​ត្រូវ​​​បាន​​​ផ្តន្ទាទោស​​​កាល​​​ពី​​​ខែ​​​មុន​​​ពី​​​បទ​​​ប្រើ​​​ប្រាស់​​​ឯកសារ​​​​​​ក្លែង​​​ក្លាយជាសង្ឃ​​​ និង​​​ស្លៀក​​​ដណ្តប់​​​បែប​​ព្រះ​​​ពុទ្ធ​​​​​​​សាសនា​​​ដោយ​​​​​​គ្មាន​​​សិទ្ធិ​​​។ ព្រះ​​​តេជគុណ សឹង ហាយ ត្រូវ​​​បាន​​​ផ្សឹក​​​ និង​​​  ផ្តន្ទាទោស​​​ពីបទ​​​ធ្វើ​​​ការ​​​តវ៉ា​​​នៅ​​​​​​មុខ​​​សាលា​​​ដំបូង​​​រាជ​ធានីភ្នំពេញ​​​ កាល​​​ពី​​​ថ្ងៃ​​​ទី​​​១១​​​ ខែ​​​វិច្ឆិកា​​​ ឆ្នាំ​​​មុន ហើយ​​​ត្រូវ​​​បាន​​​បណ្តេញ​​​ចេញ​​​ពី​​​វត្ត​​ដែល​​​ព្រះអង្គ​​​គង់​នៅ​ក្នុង​​​ខណ្ឌ​​​មាន​​​ជ័យ បន្ទាប់​​​ពី​​​ត្រូវ​​​បាន​​​ដោះ​​​លែង​​​ពី​​​ពន្ធនាគារ​​​កាល​​​ ពី​​​ខែ​​​មេសា។

ក្រសួង​​​រ៉ែ និង​​​ថាម​​​ពល​​​បដិសេធ​​​មិន​​​​​​ទទួល​​​ខុស​​​ត្រូវ​​​ចំពោះ​​​រណ្តៅ​​​ដី​​​បាក់​​​

បន្ទាប់​​​ពី​​​ជញ្ជាំង​​​ដី​​​ដែល​​ខណ្ឌ​​​ចែក​​​បឹង​​​និង​​​រណ្ដៅ​​​ដី​​​​​​បាន​​​បាក់​​​កាល​​​ពី​​​ពេល​​​យប់​​​ថ្ងៃ​​​អង្គារ ​​​ដោយ​​​ធ្វើ​​​ឲ្យ​​​មាន​​​ចរន្ត​​​ទឹក​​​ដ៏​​​ខ្លាំង​​​រហូត​​​ដល់​​​បំផ្លាញ​​​ទូក​​​នេសាទ​​​មួយ​​​គ្រឿង​​​ និង​​​ធ្វើ​​​ឲ្យ​​​បាត់​​​ខ្លួន​​​មនុស្ស​​​ម្នាក់​​​​​​មក កាល​​​ពី​​​ម្សិលមិញ អាជ្ញាធរ​​​បាន​​​បដិសេធ​​​មិន​​​និយាយ​​​ថា នរណា​​​ជា​​​អ្នក​​​​​​មើល​​​ខុស​​​ត្រូវ​​​រណ្តៅ​​​ដី​​​ដែល​​​មាន​​​ឧបទ្ទវ​​​ហេតុ​​​​​​កើត​​​ឡើង​​​នេះ​​​ទេ។ នៅ​​​ម៉ោង​​​ប្រហែល​​​៨​​​និង​​​៣០​​​នាទី​​​យប់​​​ថ្ងៃ​​​អង្គារ ទឹក​​​ពី​​​បឹង​​​កប់​​​ស្រូវ ស្ថិត​​​​​​នៅ​​​​​​ខណ្ឌ​​​ព្រែក​​​ព្នៅ​​​​​​បាន​​​ហូរ​​​បុក​​​ចូល​​​ការដ្ឋាន​​​ជីក​​​ដី​​​មួយ​​​កន្លែង​​​​​​របស់​​​ឧកញ៉ា ញឹក​​​ ផន បន្ទាប់​​​ពី​​​ជញ្ជាំង​​​ដី​​​ទទឹង​​​២០​​​ម៉ែត្រ​​​ដែល​​​ខណ្ឌ​​​ចែក​​​តំបន​​​់ទាំង​​​ពីរ​​​បាន​​​បាក់។ លោក ខន រ៉េត អាយុ​​​២៧​​​ឆ្នាំ​​​ និង​​​លោក ​​​ទូច ស្លឹក​​​ អាយុ​​​៣៣​​​ឆ្នាំ កំពុង​​​នេសាទ​​​ក្នុង​​​បឹង​​​នោះ​​​នៅ​​​ចម្ងាយ​​​ប្រហែល​​​៤០​​​ម៉ែត្រ​​​ពី​​​រណ្តៅ​​​ដី​​​ នៅ​​​ពេល​​​នោះ​​​ទូក​​​ឈើ​​​របស់​​​ពួក​​​​​​គេ​​ត្រូវ​​​ទឹក​​​ហូរ​​​កួច​​​ចូល​​​រណ្តៅ​​​ និង​​​ក្រឡាប់​​​លិច។ ​​​លោក រ៉េត បាន​​​តោង​​​ស្នោ​​​​​​ និង​​​បាន​​​ហែល​​​ទៅ​​​កាន់​​​កន្លែង​​​មាន​​​សុវត្ថិភាព​​​ នៅ​​​ពេល​​​ដែល​​​ទឹក​​​ហូរ​​​ធ្លាក់​​​ចូល​​​ ប៉ុន្តែ លោក​​​ ស្លឹក បាន​​​បាត់​​​ខ្លួន។ លោក​​​ ឌិត ទីណា អ្នក​​​នាំ​​​ពាក្យ​​​ និង​​​ជា​​​រដ្ឋ​​​លេខា​​​ធិការ​​​នៃ​​​ក្រសួង​​​រ៉ែ និង​​​ថាម​​​ពល​​​បាន​​​មាន​​​ប្រសាសន៍​​​ថា ថ្វី​​​បើ​​​ក្រសួង​​​របស់​​​លោក​​​ទទួល​​​ខុស​​​ត្រូវ​​​ចំពោះ​​​ការ​​​មើល​​​ខុស​​​​​​ត្រូវ​​​ការ​​​ជីក​​​ដី​​​នៅ​​​ក្រុង​​​ភ្នំពេញ​​​ក៏​​​ដោយ​​​ ក៏​​​រណ្តៅ​​​ដី​​​ដ៏​​​ធំ​​​របស់​​​លោក​​​ ផន មិន​​​ស្ថិត​​​នៅ​​​ក្រោម​​​​​​ការ​​​ទទួល​​​ខុស​​​ត្រូវ​​​របស់​​​ខ្លួន​​​ទេ។ លោក​​​បាន​​​មាន​​​ប្រសាសន៍​​​ថា "វា​​​មិន​​​មែន​​​ជា​​​របស់​​​ក្រសួង​​​ទេ។ វា​​​មិន​​​មែន​​​ជា​​​ការ​​​ទទួល​​​ខុស​​​ត្រូវ​​​របស់​​​យើង​​​ទេ"។ នៅ​​​ពេល​​​សួរ​​​ថា នរណា​​​ទទួល​​​ខុស​​​​​​ត្រូវ​​​ចំពោះ​​​ការដ្ឋាន​​​ជីក​​​ដី​​​របស់​​​ឧកញ៉ា​​​រូប​​​នេះ ​​​លោក ទីណា បាន​​​ឆ្លើយ​​​តប​​​ថា "លោក​​​ជា​​​អ្នក​​​កាសែត។ វា​​​ជា​​​ការងារ​​​របស់​​​លោក​​​ក្នុង​​​ការ​​​រក​​​ឲ្យ​​​ឃើញ"។ កម្លាំង​​​កង​​​​​​រាជ​​​អាវុធ​​​ហត្ថ​​​​​​ដែល​​​ឈរ​​​ជើង​​​នៅ​​​ខាង​​​ក្រៅ​​​ការដ្ឋាន​​​ជីក​​​ដី​​​នោះ​​​...

​ខណៈ​​​ដែល​​​គណបក្ស​​​ប្រ​​​ជា​​​ជន​​​កម្ពុជា​ជ្រៀត​​​​ចូល​​​​​​​​​​​​ ឯគណបក្ស​​​​សង្គ្រោះ​​​ជាតិ​​​​​​​មាន​​​​ជម្រើស​​​​តិច​​​តួច​​​​

លោក​​​នាយក​​​រដ្ឋ​​​មន្ត្រី​​​ ហ៊ុន សែន​​​ មិន​​​ដែល​​​​​​ពឹង​​​ផ្អែក​​​លើ​​​ការ​​​គាំទ្រ​​​ប្រជា​​​ប្រិយភាព​​​ដ៏​​​លើស​​​លុប​​​ ដើម្បី​​​រក្សា​​​ក្តោប​​​ក្តាប់​​​អំណាច​​​របស់​​​លោកទេ​​​ តែ​​​ផ្ទុយ​​​ទៅ​​​វិញ​​​​​​​​​ផ្អែក​​​ទៅ​​​លើ​​​​​​ឯកភាពគ្នា​​​​​​ស្អិត​​​ល្មួត​​​របស់​​​គណបក្ស​​​​​​កាន់​​​អំណាច​​​របស់​​​លោក​​​​​​នៅ​​​ឯ​​​ការ​​​បោះ​​​ឆ្នោត​​​ ក្នុង​​​ពេល​​​ដែល​​​​​​គូ​​​ប្រឆាំង​​​ផ្នែក​​​នយោ​​​បាយ​​​របស់​​​លោក​​​បែក​​​ខ្ញែកឈ្លោះ​​​ប្រកែក​​​គ្នា​​​​​​និង​​​​​​​​​ទទួល​​​បរាជ័យ។ ទទួល​​​សន្លឹក​​​ឆ្នោត​​​បាន​​​ជាង​​​ពាក់​​​កណ្តាល​​​នៃ​​​សន្លឹក​​​ឆ្នោត​​​ទាំង​​​អស់​​​ជាលើក​​​ដំបូង​​​និង​​​តែ​​​ម្តង​​​គត់​​​​​​ក្នុង​​​ឆ្នាំ​​​២០០៨​​​ នៅពេល​​​ដែល​​​គណបក្ស​​​ប្រជាជន​​​កម្ពុជា​​​មាន​​​ជ័យជម្នះ​​​​​​លើ​​​គណ​បក្ស​​​ប្រឆាំង​​​ដោយ​​​សារ​​​តែ​​​មាន​​​ការ​​​បែក​​​បាក់​​​គ្នា​​​នោះ លោក​​​ ហ៊ុន សែន ឆក់​​​យក​​​ភាព​​​ទន់​​​ខ្សោយ​​​ផ្នែក​​​ការ​​​បោះ​​​ឆ្នោត​​​យ៉ាង​​​ងាយ​​​ស្រួល​​​ ដោយដឹក​​​នាំ​​​គណបក្ស​​​ដែល​​​មាន​​​វិន័យ​​​បំផុត​​​​​​នេះ។ ដូច្នេះ ​​​នៅពេល​​​ដែល​​​តំណាង​​​រាស្ត្រ​​​ពីរ​​​រូប​​​មក​​​ពី​​​គណបក្សសង្គ្រោះជាតិ​​​ ជាក្រុមរួបរួម​​​គណ​បក្ស​​​ប្រឆាំង​​​ពុំធ្លាប់មាន​​​ពីមុន​​​​​​ ដែល​​​រហូត​​​មកដល់​​​ពេល​​​នេះ​​​ស៊ាំ​​​នឹង​​​ការបែក​​​បាក់គ្នា​​​ទៅ​​​ហើយនោះ​​​ ត្រូវ​​​មនុស្ស​​​​​​មួយ​​​ក្រុម​​​វាយ​​​ដំច្រំធាក់​​​កាលពី​​​ខែមុន​​​ គឺ​​​ប៉ុន្មាន​​​ថ្ងៃ​​​ប៉ុណ្ណោះ​​​​​​មុននឹង​​​អនុប្រធាន​​​គណបក្ស​​​សង្គ្រោះ​​​ជាតិ​​​គឺ​​​លោក កឹម សុខា ត្រូវ​​​បាន​​​ដក​​​ចេញពី​​​តំណែង​​​អនុប្រធាន​​​​សភា​​​​​​គឺថាសំណួរទាក់ទិន​​​ទៅនឹង​​​មូលហេតុ​​​ចង្អុល​​​តម្រង់​​​ទៅ​​​ទិស​​​មួយ​​។ កញ្ញា កឹម មនោវិទ្យា អនុ​​​ប្រធាន​​​កិច្ច​​​ការ​​​សាធារណៈ​​​​​​គណបក្ស​​​សង្គ្រោះជាតិ​​​ ដែល​​​ជា​​​កូន​​​ស្រីរបស់​​​លោក សុខា បាន​​​និយាយ​​​អំពី​​​ការ​​​ដក​​​​​​ឪពុក​​​នាង​​​ចេញពី​​​តំណែង​​​ និងការ​​​វាយ​​​ដំ​​​​​​នៅ​​​ក្នុង​​​កិច្ច​​​សម្ភាស​​​ជាមួយ​​​សារព័ត៌មាន​​​ The Diplomat ថា "វិធានការ​​​នេះ​​​មាន​​​បំណង​​​បំបែក​​​​គណបក្ស​​​ប្រឆាំង ​​​ក៏​​​ដូច​​​ជា​​​​​​បំបាក់​​​ស្មារតី​​​់អ្នកគាំទ្រ​​​របស់​​​យើង"។ កញ្ញា មនោវិទ្យា បាន​​​និយាយថា "ប៉ុន្តែ ស្រេច​​​តែលើ​​​យើង​​​ គឺគណបក្ស​​​ប្រឆាំង​​​ ថាតើ​​​យើង​​​បណ្តោយ​​​ឲ្យ​​​កលល្បិច​​​ទាំងនេះ​​​មាន​​​ប្រសិទ្ធភាព​​​ឬអត់​​​ ហើយ​​​រហូត​​​មក​​​ដល់​​​ពេល​​​នេះ​​​យើង​​​មិន​​​បណ្តោយ​​​ឲ្យ​​​មាន​​​ប្រសិទ្ធភាព​​​ទេ។ នៅក្នុងគណបក្ស​​​យើង​​​ នៅតែ​​​មាន​​​ឯកភាព​​​គ្នា​​​រឹងមាំ​​"។ ទស្សនៈបែបនេះ​​​មិនមែន​​​មាន​​​កំណត់​​​ចំពោះ​​​​​​តែ​​​គណបក្ស​​​​​​សង្គ្រោះ​​​ជាតិ​​​ទេ ដោយ​​​ផ្នែក​​​ស៊ើប​ការណ៍​​​​របស់​​​សារព័ត៌មាន​​​ The Economist សន្និដ្ឋាន​​​ថា ហេតុការណ៍​​​ទាំង​​​ពីរ​​​គឺជា​​​ការ​​​សាកល្បង​​​ថាតើ​​​គណបក្ស​​​រួបរួម​​​គ្នា​​​​​​ដល់​​​កម្រិត​​​ណា​​​នៅខាង​​​ក្រោយ​​​ភាព​​​ស្ងប់​​​ស្ងៀម​​​ដែល​​​មេដឹកនាំ​​​គណបក្ស​​​ប្រឆាំង​​​គឺ​​​លោក សម រង្ស៊ី បាន​​​អះអាង​​​ថា នឹង​​​រក្សា​​​ឲ្យ​​​បាន​​​ស្ថិត​​​ក្រោម​​​វប្បធម៌​​​សន្ទនា​​។ ផ្នែកស៊ើប​​​អង្កេត​​​របស់​​​សារព័ត៌មាន​​​នេះ​​​​​​បាន​​​និយាយ​​​នៅ​​​ក្នុង​​​របាយការណ៍​​​កាលពី​​​ចុង​​​ខែ​មុន​​​ថា "គួរ​​​ឲ្យកត់សម្គាល់​​​ថា ប្រធាន​​​គណបក្ស​​​សង្គ្រោះជាតិ​​​​​​គឺ​​​ លោក សម រង្ស៊ី ដែល​​​បាន​​​ព្យាយាម​​​រក្សា​​​ទំនាក់ទំនង​​​ជាមួយ​​​... លោក ហ៊ុន សែន យ៉ាង​​​កក់ក្តៅ​​​ គឺ​​​មិនមែន​​​ជាគោល​ដៅទេ។ ការសំដៅ​​​លើ​​​ កឹម សុខា បង្ហាញ​​​ការ​​​​​​ព្រ​​​លយ​​​ពាក្យ​​​​​​ទាក់​​​ទិន​​​នឹង​​​​​​យុទ្ធសាស្ត្រ​​​ជោគ​ជ័យ​​​កាលពី​​​មុនៗ​​​​​​របស់​​​គណ​​​បក្ស​​​​​​ប្រជាជន​​​កម្ពុជា​​​ក្នុងការ​​​បំបែក​​​គណ​​​បក្ស​​​ប្រឆាំង"។ របាយ​​​ការណ៍​​​នេះ​​​​​​បន្តថា "កិច្ច​​​ប្រឹង​​​ប្រែង​​​របស់​​​គណបក្ស​​​ប្រជាជន​​​កម្ពុជា​​​ក្នុងកា​រ​ជ្រើស​រើស​​​​សមាជិក​​​របស់​​​គណបក្សសង្គ្រោះ​​​ជាតិ​​​ ដែល​​​ងាយ​​​ស្រួល​​​បញ្ចុះ​​​បញ្ចូល​​​ដូចជា​​​លោក​ សម រង្ស៊ី អាច​​​បង្ខំ​​​​​​សមាជិក​​​គណបក្ស​​​ប្រឆាំង​​​ប្រកាន់​​​ខ្សែ​​​តឹងឲ្យ​​​​​​បែក​​​ចេញពី​​​គណបក្ស​​​។​ តាមពិត​​​ ប្រតិកម្ម​​​ពី​​​​​​សមាជិក​​​នៃ​​​គណបក្ស​​​សង្គ្រោះជាតិ​​​ទៅនឹង​​​ការ​​​វាយ​​​ដំច្រំធាក់​​​អាចជួយ​​​ឲ្យ​​​គណបក្ស​​​ប្រជាជន​​​កម្ពុជា​​​រកឃើញ​​​អត្តសញ្ញាណ​​​យ៉ាងងាយ​​​ចំពោះ​​​អ្នករិះគន់​​​ដ៏ខ្លាំង​​​ក្លា​​​របស់​​​ខ្លួន​​​"។ លោក កែម ឡី អ្នកអត្ថាធិប្បាយ​​​នយោបាយ​​​ និង​​​ជាស្ថាបនិក​​​នៃ​​​ក្រុម​​​​​​​​​ខ្មែរ​​​ដើម្បី​​​ខ្មែរ​​​ បាន​​​និយាយថា ការ​​​ប្រឹងប្រែង​​​ដើម្បី​​​ធ្វើ​​​​​ឲ្យ​​​​​​ជ្រួល​​​ច្រាល​​​ដល់អ្នក​​​មាន​​​មន្ទិល​​​សង្ស័យ​​​ទៅលើ​​​វប្បធម៌​​​​សន្ទនា​​​នៅក្នុង​​​គណបក្ស​​​សង្គ្រោះជាតិ​​​ និង​​​​​​​​​ការ​​​បង្ក​​​ឲ្យ​​​មាន​​​មន្ទិល​​​ទៅលើ​​​លោក​​​ សម រង្ស៊ី ត្រូវ​​​គេ​​​រំពឹង​​​​​​ថា នឹង​​​កើត​​​មានឡើង​​​។ លោក ឡី បានមាន​​​ប្រសាសន៍​​​ថា "វាមិនមែនជា​​​យុទ្ធសាស្ត្រ​​​ថ្មី​​​របស់​​​គណបក្ស​​​ប្រជាជន​​​កម្ពុជាទេ​​​។ គណបក្ស​​​ប្រជាជន​​​កម្ពុជា​​​ប្រើ​​​យុទ្ធសាស្ត្រ​​​បំបែក​​​ ដើម្បី​​​ឈ្នះឆ្នោត​​​ ហើយ​​​ឥឡូវ​​​នេះ​​​គណបក្ស​​​ប្រជាជន​​​កម្ពុជា​​​ពិបាក​​​នឹងទាញយក​​​​​ប្រជាប្រិយភាព​​​របស់​​​ខ្លួន​​​មកវិញ ហើយ​​​ដូច្នេះគេ​​​ងាក​​​ទៅ​​​រក​​​យុទ្ធសាស្ត្រ​​​បែបនេះ​​​"។ លោក ឡី បាន​​​មាន​​​ប្រសាសន៍ថា "ពេល​​​ខ្ញុំ​​​ចុះ​​​ទៅ​​​សហគមន៍​​​មូលដ្ឋាន​​​ ឥឡូវនេះ​​​ពិបាក​​​នឹង​​​​​​រក​​​អ្នក​​​គាំទ្រ​​​គណបក្ស​​​ប្រជាជន​​​កម្ពុជា​​​។ សូម្បីតែ​​​នគរបាល​​​ កងរាជអាវុធហត្ថ​​​ មនុស្ស​​​នៅ​ក្នុង​​​សហគមន៍​​​ ពួកគេ​​​មិន​​​គាំទ្រ​​​គេទេ​​។ ដួច្នេះ គេមាន​​​តែ​​​មធ្យោបាយ​​​មួយ​​​ប៉ុណ្ណោះ​​​"។ ការដឹង​​​អំពី​​​ក្តីសង្ឃឹម​​​របស់​​​គណបក្ស​​​ប្រជាជន​​​កម្ពុជា​​​ក្នុងការ​​​បំបែក​​​គណបក្ស​​​សង្គ្រោះ​ជាតិ បាន​​​គ្រប​​​ដណ្តប់​​​ទៅ​​​លើ​​​សុន្ទរកថា​​​របស់​​​លោក រង្ស៊ី និង​​​លោក សុខា ចាប់តាំង​​​ពី​​​ការ​​​បោះឆ្នោត​​​ឆ្នាំ​​​២០១៣​​​មកម្លេ៉ះ​​​ នៅពេល​​​ដែល​​​គណបក្ស​​​ប្រឆាំង​​​រួបរួម​​​គ្នា​​​គឺ​​​ធ្វើ​​​ឲ្យកើន​​​សំឡេង​​​​ឆ្នោត​​​ទ្វេ​​​ដង​​​នៅក្នុង​​​សភា​​​ជាតិ​​​ ហើយ​​​ខ្វះ​​​តែ​​​ប្រាំពីរ​​កៅអី​​​ទៀត​​​ប៉ុណ្ណោះ​​​នឹង​​​ទទួល​​​បាន​​​ជ័យ​​​ជម្នះ​​​ក្នុង​​​ការ​​​បោះឆ្នោត​​​។ ប៉ុន្តែ ការ​​​យល់ដឹង​​​​​​បែប​​​នេះ​​​គួបផ្សំនឹង​​​ការ​​​ពេញចិត្ត​​​ស្មើគ្នា​​​ទៅលើ​​​សារៈសំខាន់​​​នៃ​​​ការ​​​រក្សា​​​ភាព​​​ស្ងប់​​​ស្ងាត់​​​ផ្នែក​​​នយោបាយ​​​រហូត​​​ដល់​​​មាន​​​ការ​​​បោះឆ្នោត​​​បន្ទាប់​​​មក​​​ទៀត​​​ ក្នុង​​​ពេល​​​ដែល​​​គណបក្ស​​​ប្រជាជន​​​កម្ពុជា​​​​​​ដែល​​​គ្រប់​​​គ្រង​​​កម្លាំង​​​នគរបាល​​​ យោធា និង​​​តុលាការ​​​ អាចកម្ទេច​​​គណបក្ស​​​សង្គ្រោះ​​​ជាតិ​​​បាន​​​ ប្រសិនបើ​​​ខ្លួន​​​មិន​​​រក្សា​​​ទំនាក់ទំនង​​​គួរសម​​​ទេនោះ​​​។ លោក រង្ស៊ី និង​​​លោក សុខា បាន​​​វិលត្រឡប់​​​មក​​​កាន់​​​ប្រទេស​​​កម្ពុជាវិញ​​​ជាមួយ​​​គ្នា​​​កាលពី​​​សប្តាហ៍​​​មុន បន្ទាប់ពី​​​មាន​​​ការដក​​​​​​លោក សុខា ចេញពី​​​តំណែង និង​​​ការវាយ​​​ដំ​​​ច្រំធាក់​​​ទៅ​​​លើ​​​តំណាង​​​រាស្ត្រ​​​គណបក្ស​​​សង្គ្រោះជាតិ​​​ ហើយ​​​បាន​​​អះអាង​​​សាជាថ្មីថា ពួកគេ​​​គ្មាន​​​ជម្រើស​​​​ណាមួយ​​​ ក្រៅតែពី​​​បន្ត​​​ធ្វើការ​​​យ៉ាង​​​ស្ងាត់ស្ងៀម​​​ជាមួយ​​​អ្នកវាយប្រហារ​​​របស់​​​គណបក្ស​​​នេះទេ​​​។ លោក រង្ស៊ី បាន​​​និយាយ​​​ជាមួយ​​​អ្នក​​​ព័ត៌មាន​​​មួយ​​​សប្តាហ៍​​​បន្ទាប់​​​ពី​​​ចោទ​​​ប្រកាន់​​​លោក​ ហ៊ុន សែន ថា រៀបចំ​​​ឲ្យមាន​​​ការ​​​វាយ​​​តប់​​​តំណាង​​​រាស្ត្រ​​​របស់លោក​​​ថា "យើង​​​មក​​​ទីនេះ​​​ដើម្បី​​​រក្សា​​​និងពង្រឹង​​​វប្បធម៌​​​សន្ទនា​​​ ពីព្រោះ​​​យើង​​​ជឿថា គ្មាន​​​ជម្រើស​​​អ្វី​​​ក្រៅតែ​​​ពី​​​​​​ការ​​​ជជែក​​​គ្នា​​​​​​​​​ក្នុង​​​ស្មារតី​​​គោរព​​​​​​គ្នា​​​ទៅ​​​វិញ​​​ទៅ​​​មក​​​។ ជាសា​​​រមួយ​​​ដែល​​​លោក រង្ស៊ី បាន​​​បញ្ជាក់​​​ជាថ្មីនៅក្នុង​​​កិច្ច​​​សម្ភាស​​​មួយ​​​នៅ​​​ថ្ងៃ​​​បន្ទាប់មក​​​ ក្នុងពេល​​​ដែលទទួល​​​ស្គាល់ថា ប្រសិនបើ​​​ការ​​​អះអាង​​​របស់​​​លោកដែល​​​ថា​ លោក​ ហ៊ុន​ សែន បាន​​​បញ្ជា​​​ទៅ​​​លើ​​​ការ​​​វាយ​​​ដំ​​​នោះ​​​គឺ​​​ពិត​​​ប្រាកដ​​​នោះ​​​ វាផ្ទុយ​​​គ្នា​​​ទៅ​​​នឹង​​​គំនិត​​​ដែល​ថា​ វប្បធម៌​​​សន្ទនា​​​ឥឡូវនេះ​​​កើត​​​ឡើង​​​នៅ​​​ក្នុង​​​នយោបាយ​​​កម្ពុជា​​​។ លោក រង្ស៊ី បាន​​​មាន​​​ប្រសាសន៍​​​ថា "ប៉ុន្តែ អ្នក​​​មិន​​​អាច​​​សួរ​​​សំណួរ​​​ទៅ​​​លើ​​​រឿង​​​ទាំងមូល​​​បាន​​​ទេ​​​ ពីព្រោះមាន​​​កត្តា​​​ខ្លះ​​​បង្កើត​​​ឲ្យ​​​មាន​​​បញ្ហា​​​ ហើយ​​​ធ្វើ​​​ឲ្យ​​​ខូច​​​ដំណើរ​​​ការ​​​។ អ្វីដែល​​​មាន​​​បញ្ហា​​​​នៅ​​​ទីនេះ​​​មិន​​​អាច​​​មាន​​​អារម្មណ៍​​​ជ្រួលច្រាល​​ ហើយ​​​ទម្លាក់​​​ចោល​​​វប្បធម៌​​​សន្ទនា​​​បាន​​​​​​ទេ​​​។ គ្មាន​​​ជម្រើស​​​ណា​​​ជំនួស​​​វិធី​​​នេះទេ"។ ថាតើ​​​លោក​​​ ហ៊ុន សែន មាន​​​ផែនការ​​​ក្នុង​​​ការ​​​វាយ​​​តប់ និង​​​ការ​​​ដក​​​លោក សុខា​​​ ចេញពី​​​តំណែង​​​​ដើម្បី​​​ធ្វើ​​​ឲ្យ​​​មាន​​​ការ​​​ប្រេះឆានៅក្នុង​​​គណបក្ស​​​សង្គ្រោះជាតិ​​​​​​ឬ​​​យ៉ាង​​​ណា​​​នោះ​​​ មេដឹក​នាំ​​​គណបក្ស​​​ប្រឆាំង​​​រូបនេះ​​​បាន​​​បង្វែរ​​​មិន​​​ឆ្លើយ​​​សំណួរ​​​។ លោក រង្ស៊ី បាន​​​មាន​​​ប្រសាសន៍ថា "វា​​​អាច​​​ទៅរួច​​​ ប៉ុន្តែ ខ្ញុំ​​​នឹង​​​មិន​​​ជាប់​​​​​​​​​ក្នុង​​​​​ចំណុច​​​នេះ​​​ទេ​​​។ យើង​​​ត្រូវ​​​តែ​​​ខំព្យាយាម​​​ប្រឈម​​​នឹង​​​​​​ការ​​​បង្ក​​​រឿង​​​រ៉ាវ​​​ដែល​​​កើត​​​ឡើងមួយ​​​ចំនួន​​​ ហើយ​​​យើង​​​ត្រូវ​​​នៅ​​​ស្ងៀម​​​ស្ងាត់​​​ ហើយ​​​បន្ត​​​អនុវត្តយុទ្ធសាស្ត្រ​​​យូរអង្វែង​​​របស់​​​យើង​​​"។ កាលពី​​​ម្សិលមិញ លោក សុខ ឥសាន អ្នកនាំពាក្យ​​​គណបក្ស​​​ប្រជាជន​​​កម្ពុជា​​​ បាន​​​​​​បដិសេធ​​​​​​​ថា គណបក្ស​​​កាន់​​​អំណាច​​​ដែល​​​បាន​​​ច្រាន​​​ចោល​​​ការអះអាង​​​ថា ខ្លួន​​​បាន​​​រៀបចំ​​​ឲ្យ​​​មាន​​​ការ​​​វាយ​​​ដំច្រំធាក់​​​តំណាង​​​រាស្ត្រ​​​ពីររូប​​​ មិនដែល​​​មាន​​​យុទ្ធសាស្ត្រ​​​បំបែក​​​បំបាក់​​​គណ​បក្ស​​​ប្រឆាំង​​​នោះទេ​​ ដោយ​​​ពន្យល់​​​ថា លោក សុខា ត្រូវ​​​ដក​​​ចេញពី​​​តំណែង​​​អនុប្រធាន​​​សភា​​​​ ដោយសារ​​​តែ​​​ការ​​​ប្រព្រឹត្ត​​​ខុស​​​របស់​​​លោកតែ​​​ប៉ុណ្ណោះ​​​។ អ្នកនំាពាក្យ​​​គណបក្ស​​​ប្រជាជន​​​កម្ពុជា​​​រូបនេះ​​​ បាន​​​មាន​​​ប្រសាសន៍​​​ថា "កឹម សុខា ប្រើ​​​តួនាទី​​​​ជា​​​អនុប្រធាន​​​ទី១​​សភា​​​ខុស​​​ ពីព្រោះ​​​គាត់​​​ធ្វើ​​​ការ​​​ក្នុង​​​អង្គ​​​នីតិបញ្ញត្តិ​​​ ប៉ុន្តែ ចង់​​​ញុះញង់​​ប្រជាពលរដ្ឋ​​​ឲ្យ​​​ផ្តួល​​​រំលំ​​​នាយក​​​រដ្ឋមន្ត្រី​​​ នោះ​​​មិន​​​ត្រឹម​​​ត្រូវ​​​ទេ​​​"។ លោក ឥសាន បាន​​​មាន​​​ប្រសាសន៍​​​បន្ថែម​​​ថា "គណបក្ស​​​ប្រជាជន​​​កម្ពុជា​​​តែងតែ​​​ណែនាំ​​​មន្ត្រី​​​របស់​​​ខ្លួន​​​ឲ្យ​​​ធ្វើ​​​ល្អ​​​ដើម្បី​​​ឈ្នះ​​​ឆ្នោត​​ ហើយ​​​មិន​​​មែន​​​ឈ្នះ​​​ឆ្នោត​​​តាម​​​រយៈ​​​​​​ការ​​​បំបែក​​​បំបាក់​​​​គណបក្សដទៃ​​​ទេ​​​។  បែក​​​ឬ​​​មិន​​​បែក​​​ជាបញ្ហា​​​របស់​​​គណបក្ស​​​សង្គ្រោះ​​​ជាតិ​​​។ ប្រវត្តិនៃ​​​ការ​​​បែកបាក់ រយៈពេល​​​​​​២០​​​ឆ្នាំ​​​បន្ទាប់ពី​​​ការ​​​បោះឆ្នោត​​​ដឹកនាំ​​​ដោយ​​​អង្គការ​​​សហប្រជាជាតិ​​​នាឆ្នាំ​​​១៩៩៣​​​ គណបក្ស​​​សង្គ្រោះជាតិ​​​ជាលើកដំបូង​​​ បាន​​​រួបរួម​​​សមាសភាព​​​គណបក្ស​​​ប្រឆាំង​​​របស់​​​ប្រទេស​​​កម្ពុជា​​​មាន​​​ដូចជា​​​លោក រង្ស៊ី និង​​​លោក សុខា ដែល​​​កាលពី​​​ប៉ុន្មាន​​​ទសវត្សរ៍​​​កន្លង​​​មកនេះ​​​ បាន​​​បែក​​​ខ្ញែក​​​ទៅជា​​​ភាគី​​​ដែល​​​មិនទុក​​​ចិត្តគ្នា​​​។ ការ​​​ច្របាច់​​​បញ្ចូល​​​គណបក្ស​​​ សម រង្ស៊ី និង​​​គណបក្ស​​​សិទ្ធិមនុស្ស​​​របស់​​​លោក សុខា ទៅជា​​​គណ​​​បក្ស​​​សង្គ្រោះ​​​ជាតិ​​​នៅខែកក្កដា ឆ្នាំ​​​២០១២​​​ បាន​​​ធ្វើ​​​ឡើង​​​រយៈ​​​ពេល​​​មួយ​​​ឆ្នាំ​​​ក្រោយពី​​​មាន​​​ការ​​​ប៉ុនប៉ង​​​រួម​​​បញ្ចូល​​​គ្នា​​​ត្រូវ​​​រាំងស្ទះ​​​នៅពេល​​​មាន​​​ការ​​​បែកធ្លាយ​​​សំឡេង​​​ខ្សែ​​​​​​អាត់​​​ការ​​​សន្ទនា​​​តាម​​​ទូរស័ព្ទ​​​រវាង​​​លោក ហ៊ុន សែន និង​​​លោក សុខា។ នៅក្នុង​​​សំឡេង​​​ខ្សែ​​​​​​អាត់​​​ គេអាច​​​ឮ​​​លោក សុខា ឆ្លើយ​​​តប​​​ថា "បាទ" នៅពេល​​​លោក​​​ ហ៊ុន ​សែន បញ្ជាក់​​​ថា លោក​​​ប៉ុនប៉ង​​​លួច​​​មន្ត្រី​​​និង​​​អ្នកគាំទ្រ​​​ពី​​​គណបក្ស​​​លោក រង្ស៊ី។ ត្រឡប់​​​ទៅកាន់​​​ការ​​​បោះឆ្នោត​​​ជាតិ​​​នាឆ្នាំ​​​១៩៩៨​​​វិញ​​​ គណបក្ស​​​លោក រង្ស៊ី និង​​​គណបក្ស​​​ហ្វុ៊នស៊ិនប៉ិច​​​របស់​​​ព្រះអង្គម្ចាស់​​​ នរោត្តម​​​ រណឫទ្ធិ ក៏នឹង​​​ឈ្នះ​​​សន្លឹក​​​ឆ្នោត​​​សរុប​​​របស់​​​គណបក្ស​​​ប្រជាជន​​​កម្ពុជា​​​យ៉ាង​​​ងាយ​​​ស្រួល​​​ ប្រសិនបើ​​​​​​គណបក្ស​​​ទាំងពីរ​​​រួមដៃគ្នា​​​។ ក្នុង​​​សៀវភៅ​​​ចេញផ្សាយ​​​នាឆ្នាំ​​​២០០១​​​របស់លោក​​​ ដែល​​​មាន​​​ចំណង​​​ជើង​​​ថា "អន្តរកាល​​​នយោបាយ​​​នៅ​​​កម្ពុជា​​​" លោក ដេវិធ រ៉ូបឺត បាន​​​កត់​​​សម្គាល់​​​ថា ផ្ទុយ​​​ទៅ​​​វិញ គណបក្ស​​​ទាំង​ពី​​​របាន​​​បំបែក​​​សន្លឹកឆ្នោត​​​តទល់នឹង​​​គណបក្ស​​​ប្រជាជន​​​កម្ពុជា​​​ត្រឹម​​​ពាក់​​​កណ្តាល​​​ផ្លូវ​​​ដែល​​​បណ្តោយ​​​ឲ្យ​​​លោក ហ៊ុន សែន មាន​​​ភាព​​​ស្រប​​​ច្បាប់​​​ទៅលើ​​​លទ្ធផល​​​នៃការ​​​ប្រយុទ្ធ​​​ប្រដាប់​​​អាវុធ​​​នាឆ្នាំ​​​១៩៩៧​​​នៅក្រុង​​​ភ្នំពេញ​​​ ដែល​​​ទម្លាក់​​​ព្រះអង្គម្ចាស់​​​ រណឫទ្ធិ​​​ ចេញពី​​​តំណែង​​​។ លោក រ៉ូបឺត បាន​​​សរសេរថា "ហ៊ុន សែន មិន​​​អនុវត្ត​​​​​​ស្នៀត​​​បំបែក​​​ហើយ​​​គ្រប់គ្រងទេ​​​ តែ​គណ​​​បក្ស​​​ប្រឆាំង​​​បាន​​​ធ្វើ​​​ដូច្នោះ។ ក្រឡេក​​​មើល​​​​​​លទ្ធផល​​​បោះឆ្នោត​​​ ប្រសិន​​​បើ​​​ រង្ស៊ី ​និង ​រណឫទ្ធិ រួបរួម​​​គ្នា​​​គេ​​​នឹង​​​ទទួល​​​បាន​​​សន្លឹក​​​ឆ្នោត​​​ភាគ​​​ច្រើន ហើយ​​​លទ្ធផល​​​នឹង​​​ខុសគ្នា​​​យ៉ាង​​​ខ្លាំង​​​"។ ដោយ​​​គណបក្ស​​​ប្រជាជន​​​កម្ពុជា​​​យល់ព្រម​​​បោះឆ្នោត​​​ដោយ​​​សេរី​​​នៅឆ្នាំ​​​២០១៨​​​ ទន្ទឹម​​​នឹង​នោះ​​​ក៏ធ្វើ​​​កំណែទម្រង់​​​ ហើយ​​​ក៏​​​គំរាម​​​ថា​​​សង្គ្រាម​​​នឹង​​​កើត​​​ឡើង​​​​​​​​​ ចំណែកឯ​​​គណបក្ស​​​សង្គ្រោះ​​​ជាតិ​​​វិញ​​​ ទំនងជា​​​ទទួល​​​ស្គាល់​​​បញ្ហា​​​ដែលផ្អែក​​​ទៅ​​​លើ​​​ថា​​​តើ​​​គណបក្ស​​​ប្រឆាំង​​​នេះ​​​អាច​​​នៅ​​​រួបរួមគ្នា​​​រហូត​​​ដល់មាន​​​ការ​​​បោះឆ្នោត​​​បន្ទាប់ទៀត​​​ឬយ៉ាង​​​ណា​​​ទេ។ តម្លៃ​​​ដែលផ្អែក​​​លើ​​​ឯកភាព​​​គ្នា​​​នៅក្នុង​​​ជួរ​​​គណបក្ស​​​សង្គ្រោះជាតិ​​​ តាម​​​ពិតទៅ​​​មាន​​​ភាព​​​រឹង​​​មាំ​​​ ដែលខ្លួន​​​មាន​​​ជំនឿថា អ្វីៗដែល​​​ខ្លួន​​​ធ្វើ​​​ដើម្បី​​​ឈ្នះ​​​ការ​​​បោះឆ្នោត​​​ឃុំសង្កាត់​​​នាឆ្នាំ​​​២០១៧​​​​ និង​​​ការ​​​បោះ​​​ឆ្នោត​​​​​​ជាតិ​​​នាឆ្នាំ​​​២០១៨​​​ គឺ​​​នៅមាន​​​​​​ដដែល​​​។ លោក រង្ស៊ី បាន​​​មាន​​​ប្រសាសន៍​​​កាលពី​​​យប់​​​ថ្ងៃព្រហស្បតិ៍​​​មុន​​​នឹង​​​​​​ធ្វើ​​​ដំណើរ​​​តាម​​​យន្ត​​​ហោះ​​​​​ចាក​​​ចេញ​​​ពី​​​កម្ពុជា​​​​​​ម្តង​​​ទៀត​​​ថា "អ្វីៗគឺផ្តោត​​​ទៅលើ​​​ដំណើរការ​​​បោះ​​​ឆ្នោត​​​។​ ក្តី​សង្ឃឹម​​​​តែមួយ​​​គត់​​​សម្រាប់​​​កម្ពុជា​​​គឺ​​​រៀប​​​ចំ​​​ការ​​​បោះឆ្នោត​​​គួរឲ្យ​​​ជឿទុក​​​ចិត្តបាន​​​”៕​​​ រើន​​​ (រាយ​​​ការណ៍​​​បន្ថែម​​​ដោយ​​​ ម៉ិច ដារ៉ា)    

លោក ហ៊ុន សែន ថា តំណាង​រាស្ត្រ​​​​​​គណបក្ស​សង្គ្រោះ​ជាតិ ​ជេរ​ប្រមាថ​​​​​​លើ​ទាហាន​ដែល​វាយ​​ពួកលោក​

អ្នក​នាំពាក្យ​​និយាយ​​ថា 'បើ​ជាខ្ញុំ​វិញ ម៉្លេះប្រើ​កំាភ្លើង​​​​​'​ ស្វាគមន៍​តំណាង​រាស្ត្រ​​​បាត់​ទៅ​ហើយ​ លោក​នាយក​រដ្ឋមន្ត្រី​ ហ៊ុន​ សែន ​មាន​ប្រសាសន៍​​កាលពី​ម្សិលមិញ​ថា ទាហាន​ដែល​បាន​​​វាយ​តំណាង​រាស្ត្រ​គណបក្ស​សង្គ្រោះ​​​​​ជាតិ ពីរ​រូប​យ៉ាង​សាហាវ​​កាលពី​សប្ដាហ៍​មុន គ្រាន់​តែ​​​​បញ្ចេញ​​ប្រតិកម្ម​​តប​ទៅ​​នឹង​​ពាក្យ​ជេរ​ប្រមាថ​​​​​​​មាក់​ងាយ​​ពូជសាសន៍​​ប៉ុណ្ណោះ 

ក្រុម​មនុស្ស​ហិង្សា​​វាយដំ​តំណាង​​​​​​​​រាស្ត្រ​គណបក្ស​​សង្គ្រោះ​ជាតិ​​​​​​​​ឲ្យ​រង​របួស​ធ្ងន់​​អំឡុង​​​​​​ពេល​បាតុកម្ម​

​កាល​ពី​ម្សិល​មិញ តំណាង​រាស្ត្រ​គណបក្ស​ប្រឆាំង​ពីរ​រូប​គឺ​លោក ញ៉យ ចំរើន និង​លោក គង់ សភា បាន​រង​របួស​ជា​ទម្ងន់​ បន្ទាប់ពី​​​ក្រុម​មនុស្ស​​​ហិង្សា​នៅ​​ក្នុង​​បាតុកម្ម​​មួយ​ដឹក​នាំ​ដោយ​​​​ក្រុម​យុវជន​ដែល​គាំទ្រ​គណបក្ស​ប្រជាជន​កម្ពុជា បាន​ទាញ​​​ពួក​លោក​ចេញ​ពី​រថយន្ត ហើយ​​​​វាយ​​​ដំ​ពួក​លោក​នៅ​ខាង​មុខ​រដ្ឋសភា។ ​នៅ​ពេល​​រដ្ឋសភា​បើក​សម័យ​ប្រជុំ​ពេញ​អង្គ​នា​ពេល​ព្រឹក ​បាតុករ​រាប់​រយ​នាក់​​​បាន​​បង្ហាញ​​​​វត្តមាន​នៅ​ខាង​មុខ​​វិមាន​រដ្ឋសភា​​​ដើម្បី​ទាម​ទារ​​​​ឲ្យ​លោក កឹម សុខា​ អនុប្រធាន​គណបក្ស​សង្គ្រោះ​​​​​ជាតិ ​ចុះ​ចេញពី​តំណែង​អនុប្រធាន​រដ្ឋសភា​។ ដោយ​​ស្រែក​បន្ទរ​ថា "​ កឹម សុខា ចុះ​ចេញ​ទៅ" ​ដែល​យក​​លំនាំ​តាម​ការ​ស្រែក​​បន្ទរ​ដែល​​​​គណបក្ស​សង្គ្រោះ​ជាតិ​ ធ្លាប់​បាន​ប្រើ​ប្រាស់​​ក្នុង​​យុទ្ធនាការ​របស់​ខ្លួន​ដើម្បី​ទាម​ទារ​​ឲ្យ​លោក​នាយក​រដ្ឋមន្ត្រី ហ៊ុន សែន ចុះ​ចេញពី​អំណាច​ក្រោយ​ការ​បោះ​ឆ្នោត​ឆ្នាំ​២០១៣​នោះ បាតុករ​ទាំង​នេះ​​​​​បាន​រក្សា​​ភាព​អហិង្សា​​​​ភាគ​ច្រើន​នៃ​វេលា​ព្រឹក​នេះ។ ​ទោះ​ជា​យ៉ាង​ណា នៅ​ពេល​​ក្រុម​តំណាង​រាស្ត្រ​គណបក្ស​សង្គ្រោះ​ជាតិ ​ចាប់​ផ្ដើម​​​ចាក​ចេញ​ពី​រដ្ឋសភា​អំឡុង​ពេល​​ប្រហែល​ពាក់​កណ្ដាល​ថ្ងៃ​ត្រង់​​ ក្រុម​បាតុករ​​បាន​​សំដៅ​ទៅ​រក​រថយន្ត​​របស់​លោក...

Latest news