27 C
Phnom Penh

សហ​ភាពអឺរ៉ុប ​​ចាំ​សង្កេត​មើល​អាស៊ាន​ ដោះ​​ស្រាយ​​បញ្ហា​នានា​​ នៅ​ក្នុង​តំបន់

ដោយ ឌឹ ខេមបូឌា ដេលី

បទវិភាគ

​ខណៈពេល​​អឺរ៉ុបបន្ត​រក​វិធី​ដោះ​ស្រាយ​​​វិ​​បត្តិ​ បំណុលរបស់ខ្លួន​​អូស​បន្លាយ​អស់​រយៈពេល​ពីរ​ឆ្នាំ​នោះ ​នៅ​​ក្នុង​​កិច្ច​ប្រ​ជុំ​កំពូល​ពាណិ​ជ្ជ​កម្ម​អាស៊ាន-សហ​ភាព​អឺរ៉ុប​ ​​ក្នុង​រាជ​ធានី​ភ្នំ​ពេញកាល​ពី​ម្សិល​មិញលោកការ៉េលដេ ​ហ្គុច (Karel de Gucht) ឧត្តម​ស្នង​ការ​ទទួល​បន្ទុក​ពាណិជ្ជ​កម្ម​​របស់​សហ​ភាព​អឺរ៉ុប ​​​បាន​ព្យា​យាម​យក​អនាគត​របស់​អាស៊ី​អា​គ្នេយ៍​ធ្វើ​ជា​ចំណុច​សំខាន់​សម្រាប់​ដោះ​ស្រាយ​វិបត្តិ​របស់​ខ្លួន ​​​និង​បាន​ជំរុញ​ឲ្យ​​វិនិ​យោគិន​​​អឺរ៉ុប​ ទទួល​ផល​​ប្រ​យោជន៍​​ពី​​អត្រា​កំណើន​ខ្ពស់​​នៅ​ក្នុង​តំបន់នេះ។

សហ​ភាព​អឺរ៉ុប​​ បាន​ក្លាយ​ជា​​វិនិ​យោ​គិន​​ធំ​បំផុត​រួច​ទៅ​ហើយ ​​និង​ជា​ដៃ​គូ​​ពាណិជ្ជ​កម្ម​ធំ​បំផុតទី​ពីរ​ជា​មួយ​ប្រទេស​​នានា​នៅ​ក្នុង​អាស៊ាន ប​ន្ទាប់​ពី​ប្រទេស​ចិន។ ប៉ុន្តែ​​ក្រុមអ្នកបង្កើត​​គោល​នយោ​បាយ​ក្នុង​ទីក្រុងព្រុចសែល ចាត់​ទុក​បណ្តា​ប្រទេស​​រីក​​​ចម្រើន​លឿន​​​នៅ​អាស៊ី​អាគ្នេយ៍​ថា ជាចំណុច​​សំខាន់​​សម្រាប់​ធ្វើ​ឲ្យ​អឺ​រ៉ុប ​​ងើប​ផុត​ពី​វិបត្តិ​នេះ។

លោក ការ៉េល ដេ ហ្គុច ​បាន​ប្រាប់​ក្រុម​វិនិយោន​គិន​ និង​មន្ត្រី​រដ្ឋា​ភិបាល​មក​ពី​បណ្តា​ប្រទេស​អាស៊ាន និង​សហ​ភាព​អឺរ៉ុប​ ដែល​បាន​ចូល​រួម​យ៉ាង​ច្រើន​កក​កុញ​​ក្នុង​សាល​សន្និសីទ​មួយ​នៅសណ្ឋា​គារ​សូហ្វីតែល ​​​ថា“ នៅអឺ​រ៉ុប ​យើង​ដឹង​​​ថា ​​ក្នុង​ពេល​អ​នាគត​កំ​ណើន​សេដ្ឋ​កិច្ច​៩០​ភាគ​រយ​ក្នុង​ពិភព​លោក​ នឹង​​កើត​​មាន​ឡើង​នៅ​​​ក្រៅ​ព្រំ​ដែន​របស់​​យើង​។ មួយ​ភាគ​​ធំ​នៃកំណើន​នោះ នឹង​កើត​មាន​​ឡើង​នៅ​​ក្នុង​​តំបន់​អាស៊ាន។ដោយ​​ចាត់​ទុក​បញ្ហា​នេះ ​ថា​ជា​ការ​គំរាម​កំហែង​នោះ យើង​ជា​ពល​រដ្ឋ​អឺ​រ៉ុប ​ចាត់​ទុក​តួ​លេខ​កំណើន​គួរ​ឲ្យ​ភ្ញាក់​ផ្អើល​​នៅ​​អាស៊ី​​នេះ ថាជា​ផ្នែក​​នៃ​​​​ដំណោះ​ស្រាយ​ចំពោះវិបត្តិ​សេដ្ឋ​កិច្ច​របស់​យើង”។

​សញ្ញាមួយ​ក្នុង​ចំណោម​សញ្ញា​ដែល​បង្ហាញ​​ឲ្យ​ឃើញ​ច្បាស់បំផុតអំពី​​ការ​​ចាប់​អារម្ម​ណ៍​កាន់​តែខ្លាំង​ឡើង​របស់​អឺរ៉ុប នៅ​ក្នុង​តំបន់​នេះ​ គឺ​ប្រ​ហែល​​ជា​សេច​ក្តី​សម្រេច​​របស់​ខ្លួន​​​កាល​ពី​ឆ្នាំ​មុន ​ដើម្បី​បង្កើន​វត្ត​មាន​​របស់​ខ្លួន​ក្នុង​ប្រទេស​កម្ពុជា ​​ឲ្យ​ទៅ​ជាបេសក​កម្ម​ការ​ទូត​ពេញ​លេញ។

លោក ការ៉េលដេ ​ហ្គុច ​​បាន​មាន​ប្រ​សា​ស​ន៍​ថា “ ការ​ផ្លាស់​ប្តូរ​នោះ ​គឺ​ជា​ការទទួល​ស្គាល់​ថា  អឺរ៉ុប ​​មាន​ទំ​នាក់​ទំនង​​​ជា​​មួយ​​ប្រទេស​កម្ពុជា ​រឹង​មាំប៉ុណ្ណា​។ប៉ុន្តែ​វាក៏​ប្រ​ហែល​ជា​សញ្ញា​មួយ​​​​បង្ហាញ​ឲ្យ​ឃើញ​ដែរថា តំបន់​អាស៊ី​អាគ្នេយ៍​មាន​សារៈសំ​ខាន់​ប៉ុណ្ណា​​នៅ​ក្នុង​ទីក្រុង​ព្រុច​សែល ​និង​​រដ្ឋ​ធានី​​នៃ​​ប្រទេស​ផ្សេងៗ​ទៀតនៅ​អឺរ៉ុប”។

​ដោយ​គាំទ្រ​​​សម្តី​របស់លោកការ៉េលដេ ​ហ្គុច ​លោកស៊ូរិន​ ​​ពិត​ស៊ូវ៉ាន់ ​អគ្គ​លេ​ខាធិ​ការ​អាស៊ាន ​​​បាន​មាន​ប្រ​សាសន៍​ថា ​អាស៊ាន​ចង់​ឲ្យ​មាន​​ការ​និយោគ​ទុន​បន្ថែម​ទៀត​​មក​ពី​អឺរ៉ុប។ទោះ​ជាយ៉ាង​ណា​ លោក​​ក៏​បាន​​​ឆ្លៀត​យក​​ឱ​កាស​នេះ​បង្ហាញ​ថា​ តំបន់​​អាស៊ាន​មាន​ទំនុក​ចិត្ត​ប៉ុណ្ណា​​។ លោក​​បាន​មាន​​​ប្រ​សាសន៍​​សំដៅ​ដល់​វិ​បត្តិ​ហិរញ្ញ​វត្ថុ​អាស៊ាន​ថា ​​”កាល​ពី​ឆ្នាំ​​១៩៩៧​​​​ សហ​ភាព​អឺរ៉ុប ​​បាន​​ប្រាប់​យើង​ឲ្យ​រៀប​ចំ​ផ្ទះ​ឲ្យ​​មាន​សណ្តាប់​ធ្នាប់”។

លោកស៊ូរិន​ ​​ពិត​ស៊ូវ៉ាន់ ​​​បាន​មាន​ប្រ​សាស​ន៍​ថា “ ពេល​នេះ​ យើង​សូម​អំពាវ​នាវ​​ឲ្យ​អឺរ៉ុប ​​រៀប​ចំ​ផ្ទះ​របស់​​ខ្លួន​ឲ្យ​មាន​​សណ្តាប់​ធ្នាប់វិញ​”

ហើយ​អ្នក​ចូល​រួម​ក៏​បាន​ទះ​ដៃឡើង។ ​លោកស៊ូរិនបាន​បន្ត​បង្ហាញ​​ថា​ អឺរ៉ុប​ មាន​សារៈសំខាន់ប៉ុណ្ណា​ចំពោះ​សេដ្ឋ​កិច្ច​នៅ​​អាស៊ាន​ និង​បាន​គូស​បញ្ជាក់​​ថាការ​​វិ​និយោគ​ផ្ទាល់​របស់​បរទេស​មក​ពី​​ប្រទេស​​នានា​នៅ​អឺរ៉ុប ​​ចូល​មក​អាស៊ាន ​បាន​​​ឈាន​ដល់​១៧​ពាន់​លាន​ដុល្លារ​ហើយឬ​ប្រ​ហែល​២៤​ភាគ​រយ​នៃ​វិនិយោគទុន​សរុប​​​ក្នុង​ឆ្នាំ​២០១០។

ខណ:​ពេល​​ទំនាក់​ទំនង​រវាង​​តំបន់​ទាំង​ពីរ​​កាន់តែ​រឹង​មាំ  ហើយ​ការ​នាំ​ចេញ​សម្លៀក​បំពាក់ពី​ប្រទេស​កម្ពុជាទៅ​កាន់​​សហ​ភាព​អឺរ៉ុប​​ បាន​កើន​ឡើង​៦០​ភាគ​រយ​ដល់​ទៅ​ជាង​​១​ពាន់​លាន​ដុល្លារ​កាល​ពី​ឆ្នាំ​មុន​នោះ​ ​ក្រុម​ហ៊ុន​នានា​នៅ​អឺរ៉ុប ​កំពុង​តែ​ជួប​បញ្ហា​លំបាក​ជាច្រើន​​ ពេល​ធ្វើ​​ពាណិជ្ជ​កម្ម​នៅ​​ក្នុង​ប្រទេស​កម្ពុជា។

វិនិ​យោគិន​ចូល​រួម​ក្នុង​សន្និសីទ​កាល​ពី​ម្សិល​មិញ​​នេះ​បាន​លើក​ឡើង​ថា ការ​ទាក់​ទាញ​បណ្តា​ក្រុម​ហ៊ុន​អឺរ៉ុប ​ឲ្យ​មក​កាន់​តំបន់​នេះ ជា​ពិសេស​ចំពោះបណ្តា​ប្រទេស​​មាន​ការ​អភិវឌ្ឍ​​តិចតួច​ដូច​ជា​​ ប្រទេស​កម្ពុជា ​​ភូមានិងលាវនោះនៅ​តែ​មាន​ការ​លំ​បាក​ ​​ដោយ​​សារនៅ​​តែ​​មាន​​បញ្ហាអំពើ​ពុក​រលួយ ​ច្បាប់​ធូររលុង​ និង​ហេដ្ឋា​រច​នាសម្ព័ន្ធ​មិន​ល្អ​។​ក្រុម​ហ៊ុន​​​​អឺរ៉ុប ​ដែល​មិន​ធ្លាប់​រក​ស៊ី​​ពីមុន​នៅ​​ក្នុង​​បណ្តា​ប្រទេសនៅ​អាស៊ី​អាគ្នេយ៍ ​ក៏​​ត្រូវ​ធ្វើ​​ការ​សិក្សា​ស៊ីជម្រៅ​ផង​ដែរ​​។

លោកជីនពើរ៉េ ​ម៉េហ្វ្រូត (Jean Pierre Meyfroodt) ​នាយក​ប្រ​តិ​បត្តិ​​ក្រុម​ហ៊ុន ​Flanders Concrete ​ជា​ក្រុម​ហ៊ុន​​សំណង់​​​របស់​បែល​ហ្ស៊ិក​ធ្វើ​ប្រតិ​បត្តិ​ការ​​​នៅ​​ទូទាំង​តំបន់​នេះ​ ​បាន​មាន​ប្រ​សាស​ន៍​ថា”​យើង​ធ្វើ​សកម្ម​ភាព​​អស់​រយ:​ពេល​៣០​ឆ្នាំ​មក​ហើយ​នៅ​អាស៊ី។ប្រ​សិន​បើ​អស់​លោក​មក​​​កាន់​ទី​នេះ​ ហើយ​នេះ​ជា​​លើក​ដំបូង​​ ដែល​អស់​លោក​​ឈាន​ជើង​​​មក​​កាន់​ទី​ផ្សារ​នេះ​នោះ អស់​លោក​​នឹង​​មិន​ទទួល

​​បាន​ជោគ​ជ័យ​ឡើយ”។

ថ្លែង​នៅ​ខាង​ក្រៅកិច្ច​​ប្រ​ជុំ​កំពូល​នេះលោក ​មេ៉ហ្វ្រូត ​បា​​​ន​មាន​ប្រ​​សាសន៍​ថា ​​ការ​ធ្វើ​ឲ្យ​ធនា​គារ​​​នៅ​អឺរ៉ុប ​មាន​ទំនុក​​ចិត្ត​ក្នុង​​ការ​ឲ្យ​​ប្រាក់​​ខ្ចី​ដល់​​ក្រុម​ហ៊ុន​នានា ​ដែល​មាន​បំណង​វិនិ​យោគ​នៅ​​បរទេសនោះ​ កំពុង​​តែ​ជួប​ការ​លំបាក​ខ្លាំង​នៅ​ឡើយ។

លោក​បាន​មាន​ប្រ​សាសន៍​ថា “ ប្រាក់​ទាំង​អស់​​ដែល​​យើង​បាន​​វិនិ​យោគ​នៅ​ទី​នេះ ​​បាន​ពីម្ចាស់​ភាគ​ហ៊ុន​​​របស់​​​យើង​ផ្ទាល់​។ខ្ញុំ​មាន​ការ​ជឿ​ជាក់​ថា ​មាន​មនុស្ស​ជា​ច្រើន​​ចង់​វិនិយោគ​នៅ​អាស៊ីប៉ុន្តែ​ពួក​គេ​មិន​ទាន់​​មាន​ប្រាក់​ទេ”។ ​ភាព​​ខុស​​ប្លែក​គ្នា​នៃវប្ប​ធម៌ក៏​ជា​ឧបសគ្គ​​បន្ថែម​ទៀត​ដល់​​អ្នក​ចូល​មក​រក​ស៊ីថ្មីៗដែរ។

លោក ​ក្លូស ​លែនហេស័រ (Klaus Land-haeusser) ​ជា​នាយក​​ប្រ​ចាំ​តំបន់​របស់​ក្រុម​ហ៊ុន Bosch ​​បា​ន​​លើកឡើង​ថា “ ​នៅ​ក្នុង​ប្រទេស​អាល្លឺម៉ង់ ​​វា​​ជា​រឿង​​ធម្មតា​​​​ទេ​ ​ក្នុង​ការ​ចាប់​ផ្តើម​​កិច្ច​ប្រ​ជុំ​​និង​​ផ្តើម​និយាយ​អំពី​ប្រ​ធាន​បទ​ភ្លាមៗ”។លោក​បាន​មាន​ប្រសាសន៍​ថា “ នៅ​ទី​នេះ​ ក្នុង​តំបន់​អាស៊ាន ​​សុទ្ធ​តែ​មាន​ការជ​ជែក​​គ្នា​​​​ពី​នេះ​ពី​នោះ​ប្រ​ហែល​កន្លះ​ម៉ោង​សិន​​ ​ដូចជានិយាយ​​អំ​ពី​​ក្រុម​គ្រួសារ ​​អំពី​អាកា​ស​ធាតុ​​ អំពី​វប្បធម៌​ និង​ចាប់​ផ្តើម​​​សន្សឹមៗ។​​កា​រធ្វើ​ដូច្នេះគឺ​ជា​​ការ​លំបាក​ខ្លាំង​ណាស់​សម្រាប់​ពល​រដ្ឋ​អឺរ៉ុប​ជា​ច្រើន​ ព្រោះ​អ្នក​​មិន​និយាយ​ឲ្យ​ចំៗ​​ចំណុច​ភ្លាម​ៗ​​ដូច​នៅ​ក្នុង​ប្រទេស​អាល្លឺម៉ង់ ​ឬ​ក្នុង​ប្រទេស​ផ្សេងៗ​ទៀត​នៅអឺរ៉ុបនោះទេ”។

ឲ្យ​ចំៗ​​ចំណុច​ភ្លាម​ៗ​​ដូច​នៅ​ក្នុង​ប្រទេស​អាល្លឺ​ម៉ង់ ​ឬ​ក្នុង​ប្រទេស​ផ្សេងៗ​ទៀត​នៅអឺរ៉ុបនោះទេ”។ លោកបាន​មាន​​ប្រ​សាសន៍​ទៀត​ថា “ វាពិត ​ជា​​​លំបាក​ណាស់​សម្រាប់​ពល​រដ្ឋ​​អឺរ៉ុប ​​យល់​ដឹង​ពី​ភាព​ខុស​គ្នា​នៃ​ការ​ធ្វើ​ពាណិជ្ជ​កម្ម​នៅ​ទី​នេះ​។មាន​ការ​អនុវត្ត​ខុស​​គ្នា​នៅ​​​អឺរ៉ុប ​​ប៉ុន្តែ​មិន​ខុស​គ្នា​​ខ្លាំង​ដូច​នៅ​​​អាស៊ាន​នោះទេ”។

លោក​ អេរីក ​មូសេត (Eric Mousset) ប្រ​ធាន​សភា​ពាណិជ្ជ​កម្ម​បារាំង-កម្ពុជា ​ក៏​​​បាន​យល់​ឃើញ​​ដូច្នេះ​​ដែរ។លោក​បាន​មាន​ប្រ​​សា​សន៍​ថា “ ការ​ធ្វើ​ពាណិជ្ជ​ក​ម្ម​នៅ​អឺរ៉ុប ​ផ្អែក​ខ្លាំង​ទៅលើ​ច្បាប់​ រី​ឯ​នៅ​ទី​នេះ​វិញ​​ អ្វីៗ​ផ្អែក​លើ​បណ្តាញ​ដែល​គួរ​ឲ្យ​ទុក​ចិត្ត ​និង​មានការ​អនុវត្ត​​បែប​នេះ​​រាប់​សត​វត្សរ៍​មក​ហើយ”។

​កាល​ពី​ឆ្នាំ​មុន ​ក្រុម​ហ៊ុន Bosch ​បា​ន​បើក​ការិយា​ល័យ​មួយ​ នៅ​ក្នុង​ប្រទេស​កម្ពុជាហើយ​​​ថ្មីៗ​នេះ​ បាន​​សាង​សង់​រោង​ចក្រ​មួយ​ក្នុង​ប្រទេស​វៀតណាម។ ប៉ុន្តែ​នៅ​មាន​ការ​សង្ស័យ​នៅ​ឡើយ​​នៅ​ក្នុង​អឺរ៉ុប​ អំពី​ថា តើ​ប្រទេស​​​មាន​​ការ​អភិវឌ្ឍ​តិច​តួច​​នៅ​ក្នុង​តំបន់​នេះ បាន​ត្រៀម​ខ្លួន​​​ចាំ​ទទួល​​​ស្វាគមន៍​​​វិនិ​យោ​គិន​ធំៗ​រួចហើយ​ឬ​​នៅ។

លោក ​រ៉ាមេសកូដាម៉ាល (Ramesh Koddamal) ជាសមាជិក​​​មួយ​រូប​នៃ​ក្រុម​ប្រឹក្សា​​ពាណិជ្ជ​កម្ម​អាស៊ាន​ បាន​ថ្លែង​ថា ​លោក​ទទួល​បាន​ការ​សាក​​សួរ​​ពី​ក្រុម​ហ៊ុន​នានា​នៅអឺរ៉ុប ដែល​បាន​សួរ​សំណួរ​​ថា តើ​ហេដ្ឋា​រចនា​សម្ព័ន្ធ​និង​នីតិរដ្ឋ​ក្នុង​ប្រទេស​ក្រីក្រ​ជាង​គេ​នៃ​​តំបន់​នេះ​​ មាន​​គ្រប់​គ្រាន់​ហើយ​ឬនៅ។

លោក​បាន​មាន​​ប្រ​សាសន៍​ថា “ ​នៅ​ពេល​ដែល​​អ្នក​សំឡឹង​​មើល​កន្លែង​​​ដូច​ជា​ប្រទេស​កម្ពុជា ​និង​ប្រទេស​វៀត​ណាម​​ជាដើម​នោះវា​ជា​ទី​ផ្សារ​​​​​ទើប​​​លេច​ឡើង​ថ្មី។​ការ​លំ​បាក​នៅ​តែ​មាន​នៅ​ឡើយ​​។ទី​ផ្សារ​ទាំងនេះ​មិន​ទាន់​ចាស់​ទុំ​នៅ​ឡើយ​ទេ។ ​ក្នុង​ប្រទេសម៉ាឡេស៊ីសិង្ហ​បុរីនិង​ថៃ ​វា​ចាស់ទុំ​ទៅ​ហើយ”។ទោះ​ជា​យ៉ាង​ណា ​មាន​សញ្ញា​​បង្ហាញ​ថាគំនិត​ដែល​យល់​ឃើញ​ថា ​អាស៊ាន​ជា​​​គោល​ដៅ​វិនិ​យោគ​មួ​យ​នោះ កំពុង​តែ​ចាប់​ផ្តើម​មាន​ការ​ជឿ​ជាក់​​ខ្លះៗ​​ហើយ​។

លោកជែសុន ​ស៊ីម​សុន ​មក​​ពី​ក្រុម​ហ៊ុន Arup ជា​ក្រុម​ហ៊ុន​​ពិគ្រោះ​យោ​បល់​និង​វិស្វ​កម្ម​​អន្តរ​ជាតិ​ ដែល​​កំពុង​​សាង​សាង់​អគារ​ VattanacTower ជា​គម្រោង​សង់​អគារ​ខ្ពស់​កប់​ពពក​មួយ​ក្នុង​រាជ​ធានី​ភ្នំពេញ​​ ​បាន​មាន​ប្រ​សាសន៍​ថា “ ទោះ​បី​ជា​​ការិយា​ល័យ​កណ្តាល​រប​ស់​យើង​ស្ថិត​នៅ​ក្នុង​ទី​ក្រុង​ឡុងដ៍ ​ក្តី ក៏​យើង​​កំពុង​មាន​បំណង​​​​ចង់​ពង្រីក​ការ​រក​ស៊ី​បន្ថែម​ទៀត​​នៅ​​​អាស៊ាន​​ដែរ​”។លោក ស៊ីមសុន ​​បាន​មាន​ប្រ​សាសន៍​ថា “យើង​មាន​ការិយា​ល័យ​​​​​ក្នុង​ទី​ក្រុង​ហូជីមិញនិង​នៅ​ប្រទេស​ថៃហើយ​យើង​កំពុង​តែ​ព្យាយាម​ផលិត​ផលិត​ផល​ក្នុង​តំបន់”៕

ប្រែ​សម្រួល​ដោយ​ តែមសុខុម

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស