29 C
Phnom Penh

បុរសវ័យក្មេងចំនួនបីនាក់​បាន​ស្លាប់​ក្នុង​ហេតុ​ការ​ណ៍បុក​គ្នា​ជាមួយ​រថយន្ត​ក្រុងក្នុងខេត្តកំពង់ស្ពឺ​

ដោយ ឌឹ ខេមបូឌា ដេលី

បទវិភាគ

នគរបាល​​និយាយ​ថា​ បុរស​វ័យ​ក្មេង​​បីនាក់​ត្រូវ​បាន​សម្លាប់​កាល​ពី​ម្សិល​មិញ ​​បន្ទាប់​​​ពី​ម៉ូតូ​របស់​ខ្លួន​បាន​បុកជាមួយ​រថយន្តក្រុង​​មួយ​គ្រឿង​ក្នុង​ខេត្តកំពង់ស្ពឺ​ខណៈ​ពួក​​​គេ​កំពុង​ធ្វើដំណើរ​​ទៅ​ចូល​រួម​​ពិធី​​អាពាហ៍​​​ពិពាហ៍​មួយ​។

លោក​ សួស​ អូន​ ប្រធាន​នគរបាល​ចរា​​​ចរ​​ស្រុកភ្នំស្រួច ​ខេត្ត​កំពង់​ស្ពឺ ​បាន​មាន​ប្រសា​​​ស​​​ន៍​ថា​ រថយន្តក្រុង​មួយ​គ្រឿង​របស់​​ក្រុម​ហ៊ុន​GST Express Bus ​បើក​បរ​ពី​ភ្នំពេញ​ទៅ​កាន់​ខេត្ត​​​ព្រះសីហនុ​​ និង​ផ្ទុក​អ្នក​ដំណើរ​ចំនួន​២៨​នាក់​​​ដោយ​មាន​ទាំង​ខ្មែរ​​និង​ជនបរទេសនោះ ​បានបុកគ្នាជា​មួយ​​​ម៉ូតូ​នោះ​នៅលើ​ផ្លូវ​ជាតិ​លេខ​៤​ក្នុង​ឃំុ​មហាសាំង​ ស្រុក​ភ្នំ​​ស្រួច ​នៅ​​​ម៉ោងប្រហែល​១០​និង​១០នាទី​​ព្រឹក​។

លោក​ សួស ​អូន​ បាន​មាន​ប្រសាសន៍​ថាឈ្មោះ ​វុន​ វុធ​ អាយុ​២២ឆ្នាំ​និង​​បងប្អូន​បង្កើត​ពីរ​នាក់​ឈ្មោះ ​ចេងហីុម ​អាយុ​២២ឆ្នាំ​និង​​​ឈ្មោះ​ ចេង​ ចាន់​ អាយុ​១៩ឆ្នាំ​ មក​ពី​ឃុំ​ព្រៃ​​​រំដួល ​ក្នុង​ស្រុក​ភ្នំស្រួច​ផងដែរ ​កំពុង​​ធ្វើ​ដំណើរ​​​ទៅ​ចូល​រួម​ពិធី​អាពាហ៍ពិពាហ៍​​មួយ​ ស្រាប់​តែ​នៅ​ពេល​នោះ​​ពួក​គេ​បាន​បុកគ្នា​ជាមួយ​រថយន្តក្រុង​នេះតែ​ម្តងហើយ​អ្នក​ជិះ​ម៉ូ​តូ​ទាំង​បី​នាក់​បានស្លាប់​​​ភ្លាមៗតែម្តង​​។លោក​បាន​បន្ថែម​ថា ​ឧប្បត្តិហេតុ​គ្រោះថ្នាក់​ចរាចរណ៍​នេះ​នៅ​មិន​ទាន់​ច្បាស់​​ថា ​តើ​ភាគី​ណា​ជាអ្នក​​បង្ក​​ឲ្យមាន​​​​គ្រោះថ្នាក់​ចរាចរណ៍​នេះ​​ទេ ​ប៉ុន្តែ​លោកសង្ស័យថា ​មូ៉តូជា​អ្នក​​ខុស​ដោយសារតែ​ព្យាយាម​វា៉​រថយន្តមួយ​គ្រឿង​ទៀត​។

លោក​បាន​មាន​​ប្រសាសន៍ថា“យើង​មិន​ទាន់​ដឹង​​ថា​ នរណា​ជាអ្នក​បុក​នរណា​នោះ​ទេ”។ ​លោក​បន្ថែម​ថា ​រថយន្ត​ក្រុង​នោះ​បាន​បន្ត​ដំណើរ​ចម្ងាយ​ប្រហែល​២០០ម៉ែត្រ​បន្ទាប់​​​​ពី​បុកគ្នា​ជាមួយ​​ម៉ូតូ​នេះ​ហើយ។

លោក​បាន​មាន​ប្រសាសន៍​ទៀតថា“អ្នក​បើក​រថយន្ត​ក្រុង​នោះ​បាន​ឈប់​រថយន្ត​ ហើយ​​​បន្ទាប់​មក​បាន​រត់គេច​ខ្លួន ​ទុក​​​ចោល​អ្នក​ដំណើរ​ទាំង​២៨​នាក់​នៅ​លើ​រថយន្តនោះ។ ​​​មិន​មាន​នរណា​ម្នាក់​រង​របួស​ឡើយ​នៅ​លើ​រថយន្ត​​​នេះ​ ហើយ​ក្រុម​ហ៊ុន​បាន​បញ្ជូន​រថយន្តក្រុង​មួយ​គ្រឿង​ទៀត​ដើម្បី​ដឹក​អ្នក​ដំណើរ​ទាំង​នោះ​ទៅ​កាន់​ក្រុង​ព្រះសីហនុ”។

លោក​ ច្រាំង ​គ្រុយ​​ ដែល​ជា​ម្ចាស់ភាគ​​​ហ៊ុន​​​នៃ​ក្រុម​ហ៊ុន GST​​ Express បាន​និយាយ​ថា​ការបុក​គ្នានេះ​គឺជាកំហុស​របស់​អ្នក​បើកបរ​ម៉ូតូ​។​លោក​បាន​និយាយ​ទៀត​ថា”វាមិន​មែន​ជា​កំហុស​អ្នក​បើក​បរ​របស់​ខ្ញុំ​ទេ ​ពីព្រោះ​គាត់​បាន​ព្យាយាម​គេច​ពី​ម៉ូតូ​នោះ​។​រថយន្តក្រុង​ជាជន​រង​គ្រោះ។ ​យើង​មិន​ដែល​មាន​គ្រោះ​ថ្នាក់​ចរាចរ​ណ៍​ទេ ​លើក​លែង​តែ​គ្រោះ​ថ្នាក់​ដែល​យើង​មិន​អាច​ទាយ​ទុក​មុន​បាន”។ លោក​បន្ថែម​ថា​ អ្នក​បើក​បរ​រថយន្ត​ក្រុង​ឈ្មោះ​ ផូ​ សារី​ អាយុ​៤៧ឆ្នាំ​នឹង​នៅ​តែ​បន្ត​បើក​បរ​ឲ្យ​ក្រុមហ៊ុនដដែល​៕

រាយការណ៍​បន្ថែម​ដោយ​ Simon Lewis

ប្រែសម្រួលដោយ​ អូន​ ភាព​​​​​​​

 

 

 

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស