28 C
Phnom Penh

អ្នក​នេសាទ​ និង​អ្នក​ជំនាញ​ខាង​ជលផល​​ថា​ បទល្មើស​នេសាទខុសច្បាប់​នៅ​ក្នុងបឹង​ទន្លេសាបកើន​ឡើង​

ដោយ ឌឹ ខេមបូឌា ដេលី

បទវិភាគ

កាលពី​ម្សិល​មិញប្រជា​នេសាទ​នៅតាម​បឹង​ទន្លេសាប​ និង​អ្នក​ជំនាញ​ខាង​ជលផល​បាន​​​​លើក​ឡើង​ថាបទ​ល្មើស​នេសាទ​ខុស​ច្បាប់​​​​នៅ​ក្នុងបឹង​ទន្លេ​សាប មាន​ការ​កើន​ឡើង​ច្រើន​ ចាប់តាំង​ពីលោក​នាយក​រដ្ឋមន្ត្រី​ ហ៊ុន​ សែន​ បាន​លុបចោល​ឡូ​ត៍នេសាទ​ កាលពី​ខែមីនា​ ហើយ​​​​ជំរុញឲ្យ​អាជ្ញា​ធរ​ចុះបង្ក្រាប​​បទល្មើស​នេសាទ​​​​ទាំង​នោះ​។

លោក​នាយក​រដ្ឋមន្ដ្រីហ៊ុនសែន​ បាន​លុបចោលឡូត៍នេសាទ​នៅទូ​ទាំ​ង​ប្រទេស​កាល​ពី​ឆ្នាំ​មុនដោយ​សង្ឃឹម​ថានឹងធ្វើឲ្យ​ត្រី​ក្នុងបឹង​ទន្លេសាប​ ​កើនឡើង​វិញ ​សម្រាប់​ប្រជានេសាទ ​អាចប្រកបរបរចិញ្ចឹមជីវិត​ហើយ​​​បាន​ចុះ​ហត្ថលេ​ខា​លើ​អនុក្រឹត្យ​លុប​​​ឡូត៍​​​នេសាទ​​​​ទាំង​ស្រុង​នៅ​ខែ​មីនា។

លោកឡុង​ សុចិត្តនាយក​សម្ពន្ធអ្នក​​​នេសាទ​​​​​​​កម្ពុជា​បាន​មាន​ប្រសាសន៍​ថា ​ចាប់​តាំង​ពី​អនុ​​​ក្រឹត្យ​ត្រូវ​បាន​ចុះ​ហត្ថលេខារួចមកបទ​ល្មើស​​នេសាទ​ខុស​ច្បាប់​នៅជុំ​វិញបឹង​ទន្លេសាប ​មាន​​​​​​​ការ​កើន​ឡើង​។

សម្ពន្ធអ្នក​នេសាទ​កម្ពុជា ​របស់​លោកសុចិត្តនិង​ក្រុម​សម្ពន្ធ​សម្រប​សម្រួល​ការ​នេសាទ​ បាន​រៀប​ចំ​សន្និសីទរយៈពេល​ពីរ​ថ្ងៃ​នៅ​ឯ​សកលវិទ្យាល័យ​ភូមិន្ទ​ភ្នំពេញ​ ដែល​នឹង​បញ្ចប់​ក្នុង​ថ្ងៃ​នេះ​ ដើម្បី​ឲ្យមាន​​​ការយក​​​ចិត្តទុកដាក់ចំពោះបញ្ហានេះ​។

លោកសុចិត្តបាន​បន្ដថា“​យើងបាន​ឃើញ​​​​​​បទ​ល្មើស​​នេសាទ​ ខុស​ច្បាប់​​នៅ​ជុំ​វិញ​បឹង​ទន្លេសាបកើន​ឡើង​ទ្វេ​ដង​​ បន្ទាប់​ពី​រដ្ឋា​​​ភិ​​​បាលបាន​​​​លុប​ឡូត៍នេសាទ​។យើង​រៀប​ចំ​សន្និសីទ​នេះ​​​​ដើម្បីសម្តែងការ​ព្រួយ​បារម្ភ​ និង​​​ពិភាក្សា​​​​​​គ្នា​​​រក​ដំណោះ​ស្រាយ​ ដើម្បី​ទប់​ស្កាត់​បទ​​​ល្មើស​​​នេះ”។ លោកសុចិត្តក៏បាន​ចោទ​ប្រកាន់​អាជ្ញាធរ​ថា​ មានការ​ឃុបឃិត​គ្នាជាមួយនឹង​អ្នក​នេសាទ​​​​ខុស​ច្បាប់​។

លោកណៅធួកប្រធាន​រដ្ឋបាល​ជល​​​ផល​ ​​​បាន​ទទួល​ស្គាល់​ថា​ មាន​ការ​រំលោភ​លើ​អនុ​​​ក្រឹត្យមែន​ ប៉ុន្ដែ​បាន​បដិសេធ​នូវ​ការ​អះអាង​របស់​លោក​ សុចិត្តដែល​ថាបទ​ល្មើស​​នេសាទ​​​​ខុស​ច្បាប់​មានការ​កើន​ឡើង​ទ្វេដង​នោះ​។

លោកណៅធួកបាន​មាន​ប្រសាសន៍ថា ​​​​​​​​​​​​   “វាមិនមែន​ជាការពិតនោះ​ទេ​ ពី​ព្រោះ​ខ្ញុំ​បានធ្វើ​ដំណើរ​តាម​កាណូត​ទៅ​រឹប​អូស​ឧបករណ៍​ដែលនេសាទ​ខុស​ច្បាប់​ទាំង​នោះ។បទ​ល្មើ​នេសាទខុស​ច្បាប់​គឺ​វាមិន​មាន​ច្រើន​ដូច​កាលពេល​មានឡូត៍នេសាទ​នោះ​ទេ​។ចាប់​តាំង​ពីខែ​មីនា​មក​ដល់​ឥឡូវ ​យើង​បាន​បង្ក្រាប​បទ​ល្មើស​នេសាទជុំ​វិញ​បឹង​ទន្លេ​សាប​បាន​ជិត​​​១.០០០ករណី​”។

លោកខូយសុខាអភិបាលខេត្ត​ពោធិ៍​​​សាត់ដែល​មាន​ព្រំដែន​ជាប់​បឹង​ទន្លេ​សាប​ បាន​សង្ស័យ​ថាការ​លុបចោលឡូត៍នេសាទ​របស់​រដ្ឋាភិបាល​ បាន​ធ្វើ​ឲ្យ​មានបទល្មើសនេសាទ​ខុស​ច្បាប់​​កើន​ឡើង​ ហើយ​បាន​យល់​ស្រប​ជាមួយ​លោកសុចិត្ត ​ថាមន្ត្រី​មួយចំនួន​កំពុង​តែ​ឃុប​ឃិតគ្នា​ជាមួយ​នឹង​ជន​ល្មើស។

លោកសុខាបាន​បន្ដ​ថា “ មាន​មន្ត្រី​មួយ​ចំនួនឃុប​ឃិត​ជាមួយនឹង​អ្នក​មាន​អំណាច​ ហើយអនុញ្ញាត​ឲ្យ​អ្នក​នេសាទ​ទាំង​នោះ​​​ប្រព្រឹត្តបទល្មើសប៉ុន្ដែ​យើ​ង​កំពុង​តែ​ចាត់​វិធាន​ការ​ដោះស្រាយ​រឿង​នេះ​ ហើយ​នឹង​ចាប់​ខ្លួន​ពួកគេ​”។

លោកអឿនប៊ុនថង​ អាយុ​៥២​ឆ្នាំ ​ជា​អ្នក​នេសាទមក​ពី​ខេត្ត​សៀមរាប​ ដែល​បាន​ចូល​រួម​​​ក្នុង​សន្និសីទនេះបាន​សង្ឃឹម​ថាសន្និសីទ​​​នេះ​នឹង​អាចជួយ​ដោះ​ស្រាយ​បញ្ហា​របស់​ពួក​​​គេ។ លោក​ ប៊ុនថង​ បាន​បន្ដ​ថា “​ខ្ញុំ​សង្ឃឹម​ថាសន្និសីទ​នេះ​នឹង​អាច​ជួយ​រក​ដំណោះ​ស្រាយ​ ដើម្បីទប់​ស្កាត់​បទ​ល្មើស​​នេសាទ​ខុស​ច្បាប់​ ហើយ​យើង​ស្នើ​សុំឲ្យ​រដ្ឋាភិបាល​បង្ក្រាបបទ​ល្មើស​​នេះ”៕

ប្រែ​សម្រួល​ដោយស៊ាស៊ុយឈាង​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស