32 C
Phnom Penh

នគរបាលនិ​យាយ​ថា ​ជន​សង្ស័យផលិតថ្នាំ​ញៀន ដែលត្រូវបា​ន​ចាប់ខ្លួន នឹង​ត្រូវ​ចោទប្រកាន់

ដោយ ឌឹ ខេមបូឌា ដេលី

បទវិភាគ

នគរបា​​លបា​ន​និយា​យ​កា​ល​ពី​ម្សិល​មិញ​ថា បន្ទាប់ពី​​នគរបា​ល​បានសួ​រចម្លើយ​​អស់​រយៈ​ពេល​ពី​រ​ថ្ងៃរួចមក ជនសង្ស័យចំ​នួន​១១​នាក់​ ដែ​ល​ត្រូវ​បា​ន​ចាប់​ខ្លួន​ អំឡុង​​ការ​​ឆ្មក់​ចូ​ល​​ជាបន្តបន្ទាប់​ នៅក្នុ​ង​រាជ​ធា​នីភ្នំ​ពេញ ​នៅ​សប្តាហ៍​នេះនឹង​ត្រូវ​បញ្ជូនទៅតុលាការ​នៅ​ថ្ងៃ​នេះ ដើម្បីចោទ​ប្រកាន់ពី​បទ​ផលិត​គ្រឿងញៀ​ន​​ខុ​ស​ច្បាប់​។

នគរបា​ល​បា​​ន​ចាត់ទុកកា​រ​ឆ្មក់​ចូល ​​កា​ល​ពី​ថ្ងៃ​​អង្គារ និង​ថ្ងៃ​ពុធ ថាជា​កា​រ​ឆ្មក់​​ចាប់​គ្រឿងញៀន​ដ៏​ធំបំ​ផុត​មិនធ្លាប់​មា​ន​ពី​មុន​មក​ក្នុង​រាជ​ធា​នីភ្នំពេញ​។ ទី​កន្លែង​ផលិត​ថ្នាំ​ញៀន​ចំ​នួ​នប្រាំបីកន្លែង​ រាប់​ទាំ​ងកន្លែ​ង​ពិ​សោធ​ន៍​គ្រឿង​ញៀន និង​ហា​ង​លក់​គ្រឿងអលង្ការមួ​យកន្លែង​ផង​ដែរ ត្រូវ​បា​ន​​សមត្ថកិច្ចឆែក​ឆេរ​នៅទូ​ទាំ​ង​​ខណ្ឌ​បួន ដោយ​រឹប​អូស​បា​​ន​សារ​ធា​តុ​គីមី​មួយ​ចំនួនធំ​ ដែលគេរក្សា​ទុក​សម្រាប់​ផលិត​ថ្នាំញៀន​អុិច​ស្តា​ស៊ី និង​មេតំ​ហ្វេតាមីន​។

លោក អីុវ ធា​រិទ្ធិ នា​យ​រង​នគរបា​ល​ប្រ​ឆាំង​​គ្រឿង​ញៀន​រាជ​ធានីភ្នំេពញ​ បា​ន​មា​ន​ប្រ​សា​សន៍ថាបុរស​​ចំ​នួ​ន​ប្រាំ​ពី​រ​នាក់​ និង​ស្ត្រី​បួ​ន​នាក់​ រួ​មទាំង​ជន​ជាតិ​វៀត​ណាម​ប្រាំ​នាក់​ កំ​ពុ​ងឃុំ​ខ្លួន​​នៅ​ឡើយ។

​លោក​បា​ន​បន្ថែម​ថា នគរ​បា​ល​អាច​ឃុំ​ខ្លួន​ពួកគេ​បណ្តោះអាសន្ន​បាន​ត្រឹម​តែ៤៨​ម៉ោង​​ប៉ុណ្ណោះ​ ដូច្នេះ​ជន​សង្ស័យនឹ​ង​ត្រូវ​បញ្ជូន​ទៅ​ឲ្យតុលាការ​ចោទ​ប្រកាន់​នៅ​ព្រឹក​នេះ​។ ​លោក​បា​ន​បន្ថែម​ទៀតថា  កា​ល​ពី​ល្ងាច​ម្សិល​មិញ​ “ពួកគេ​​ជាប់សង្ស័យ​ពី​បទ​ផលិត​គ្រឿង​​ញៀ​ន​ ដោ​យប្រើ​សារធាតុ​គីមី​។ ពេល​​នេះ យើង​កំ​ពុ​ង​បញ្ជូនកំណត់ហេតុសាកសួរហើយយើង​នឹង​បញ្ជូនខ្លួន​ពួកគេ​ទៅ​តុលា​ការ​​នៅ​​ថ្ងៃស្អែក”។

លោក ឡេ ហ្សន់ ជាន (Lai Xuan Chien) អន​ុប្រធាន​ទទួល​បន្ទុក​បេសកកម្ម​ប្រចាំនៅ​ស្ថាន​ទូ​ត​វៀត​ណាម​ក្នុ​ង​រាជ​ធានីភ្នំ​ពេញបា​ន​បញ្ចាក់​ថា ស្ថាន​ទូត​បា​ន​ទទួលព័ត៌មា​ន​អំ​ពី​ហេតុ​​កា​រណ៍នេះហើយ​កំពុ​ង​តែដោះ​ស្រាយ​រឿ​ង​នេះ​។លោក​បា​ន​មា​ន​ប្រ​សាសន៍​ថា “ យើង​បា​ន​បញ្ជូន​រឿង​នេះ​ទៅ​ផ្នែក​កុង​ស៊ុល​របស់​យើង​”។លោកបា​ន​​បង្វែ​រ​សំ​ណួ​រ​ទៅ​​ប្រធា​ន​ផ្នែក​កុង​ស៊ុល​វិញគឺលោកត្រាន់​ បា​ន​ មិញ (Tran Ban Minh) ដែ​ល​មិន​អា​ច​ទាក់ទ​ង​បា​ន​។

កា​លពី​ថ្ងៃ​ពុធ ​នគរបា​​ល​បា​ន​និយា​យ​ថា ​ពួកគេ​​កំ​ពុងតែ​សហកា​រ​ស៊ើប​អង្កេត​ករណី​​នេះ​រួមគ្នាជាមួ​យ​នគរបា​ល​ប្រឆំាង​គ្រឿង​ញៀនមក​ពី​ប្រទេ​ស​អូ​ស្ត្រាលី។

លោកធា​រិទ្ធិបា​នថ្លែង​​ថា ​នគរ​បា​ល​បា​​ន​រក​ឃើញ​​សារធាតុ​គីមី​​សរុប​​ចំនួន​២០មុខ​ផ្សេងៗ​គ្នា អំ​ឡុងកា​រ​ឆ្មក់​ចូ​ល​ រួម​ទាំង​ប្រេង​ម្រះ​ព្រៅ​ជា​ង​៤.០០០លីត្រ​ ដែ​ល​អាច​ផលិតជា​គ្រឿង​ញៀន​អិុចស្តាស៊ី រួម​ជាមួ​យឧបករណ៍​​សម្រាប​់​ផលិត​គ្រឿង​ញៀ​ន​ផ្សេង​ទៀត​។ ប្រេង​ម្រះ​ព្រៅ​ បានមកពីការចម្រាញ់​ចេញពី​ដើម​ម្រះ​ព្រៅ​ ដែ​ល​គេ​ឃើញ​មា​ន​នៅ​តាមជួរ​ភ្នំ​ក្រវាញ​នៅក្នុ​ង​ប្រទេ​ស​កម្ពុជា​ភាគ​និរតី​។ ក្រុម​អភិរក្សព្រៃ​ឈើ ​​ដែល​ធ្វើ​កា​រ​នៅក្នុង​តំ​បន់​ព្រៃ​កា​រពារ​ទាំ​ងនោះ បាន​លើក​ឡើង​ថា សកម្មភាពចម្រាញ់យក​ប្រេង​នៅក្នុង​តំ​បន់​នេះ ត្រូវ​បា​ន​លុប​បំ​បាត់​អស់​ខ្លះបើទោះជា​ នៅមា​នខ្លះតាម​​តំ​បន់ព្រៃ​ដទៃ​​ទៀតមិន​ត្រូវ​បា​នល្បាត​​ទៀង​ទាត់​ក៏​ដោ​យ។

លោកហ្គ្រាហា​មស (Graham Shaw) មន្ត្រី​​ផ្នែក​ប​ច្ចេក​ទេ​ស​អំ​ពីការ​ប្រើ​ប្រាស់គ្រឿង​ញៀន​ក្នុង​ប្រទេ​ស​កម្ពុជាប្រចាំ​នៅ​អង្គកា​រសុ​ខភាព​ពិភព​លោក ​​ថ្លែង​ថា ប្រសិ​នបើថ្នាំ​ញៀន​អុិចស្តាស៊ី ត្រូវបា​នផលិតចេញ​ពី​ប្រេង​​ម្រះ​ព្រៅ ក្នុង​កន្លែង​ពិ​សោធន៍​ក្នុង​រាជ​ធានី​ភ្នំពេញ​នោះ វា​ប្រហែ​ជា​លើក​ដំបូ​ង​ហើយ​​សម្រាប់​កម្ពុជា​ ដែល​ជា​ទូទៅត្រូ​វ​បាន​​នាំ​ចេញទៅកែ​ច្នៃនៅប្រទេស​វៀតណា​ម។

លោកបន្ថែម​ថា “ផ្អែ​កលើ​គ្រឿងញៀន​​ដែ​ល​ទំ​នងជា​​ត្រូ​វ​បា​ន​​ប្រើ​​ក្នុង​ប្រទេ​ស​កម្ពុជា​ ថ្នាំ​ញៀន​​អុិច​ស្តា​ស៊ីមិន​សូវ​ជា​ពេញ​និយម​ទេ​ ដូច្នេះ​​តាមការ​​សន្មតរបស់​ខ្ញុំ​គឺថា ប្រេង​ម្រះ​ព្រៅ​នេះគឺ​សម្រាប់​តែនាំ​ចេញ”។ ក៏​ប៉ុន្តែ នគរបា​ល​ក៏បា​ន​រកឃើញ​សារធាតុ​ផ្សំជាថ្នាំ​ញៀន​អំ​ហ្វេតាមីន​ និង​អាស៊ីត​ផង​ដែរ​ ដែ​ល​ត្រូវ​បា​ន​​ប្រើ​សម្រាប់​ផលិត​ថ្នាំ​ញៀនប្រភេទមេតំ​ហ្វេតាមីន។ លោក ហ្គ្រាហា​ម ស បា​ន​​ថ្លែង​ថា “ ជន​សង្ស័យ​អា​​ចធ្វើសកម្មភាពផ្សំដែរ​។ក្រុម​នេះ​អា​ច​ផលិត​ថ្នាំ​ញៀន​មេតំ​ហ្វេតាមីន​នៅក្នុង​ប្រទេ​សកម្ពុជា​”។ ថ្នាំ​ញៀន​មេតំហ្វេតាមីន ជាទូទៅ​ត្រូវបា​ន​គេ​ចាត់​ទុ​ក​ថា ជាថ្នាំ​ញៀ​ន​ដ៏​ពេញ​និយម​បំ​ផុត​នៅ​ក្នុង​ប្រទេ​ស​កម្ពុជា​៕

ប្រែ​សម្រួលដោ​យ ចេវប៊ុននី ​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស