28 C
Phnom Penh

នគរ​បាល​ចាប់ខ្លួន​បុរសម្នាក់នៅក្នុង​ខេត្ត​ព្រៃវែង​ពី​បទ​ជីកគាស់​សាក​​សព ហើយ​ប៉ុនប៉ង​​រំលោភ

ដោយ ឌឹ ខេមបូឌា ដេលី

បទវិភាគ

លោក កែវ វុត្ថា មេឃុំ​ព្រៃពោនបាន​មាន​ប្រសាសន៍ថា បុរស​អាយុ​៤៧ឆ្នាំ​ម្នាក់​ត្រូវ​បាន​ចាប់ខ្លួន​កាល​ពី​ម្សិល​មិញ​នៅក្នុង​ស្រុក​​កំពង់​ត្របែក ខេត្ត​ព្រៃវែង​ចំពោះ​ការ​ជីក​គាស់​ ​​និង​​បើក​ក្តារ​មឈូស​សាក​សព​ក្មេងស្រី​ជំទង់​​ម្នាក់ ហើយ​ប៉ុនប៉ង​រំលោភ​សាក​សព​នោះ។

ជន​សង្ស័យ​ឈ្មោះ ជិន ជាន​ បាន​ប្រាប់​នគរ​​​បាល​ថា នៅម៉ោង​១០យប់ គាត់​បាន​ចាប់​ផ្តើម​ជីក​គាស់​ផ្នូរ​សាកសព​ក្មេង​ស្រី​ជំទង់​អាយុ​​​១៧ឆ្នាំ​ដែលបាន​ស្លាប់​កាល​ពី​ថ្ងៃ​ព្រហស្បត​គា​ត់​បាន​ទៅចូល​រួម​ពិ​ធីបុណ្យសព​នៅ​ថ្ងៃបន្ទាប់នោះដែរ។

គាត់និយាយថា គាត់​បាន​បើក​ក្តារ​មឈូស​ ហើយ​បាន​ប៉ះពាល់​រាងកាយ​មុន​ពេល​​ព្យា​យាម​​​រំលោភ​សាកសព។ ប៉ុន្តែដោយ​សារ​មឈូស​តូច​ពេក មិន​អាច​ឲ្យ​ជន​នេះ​រំលោភ​បាន​ ហើយគាត់​​​ក៏​​​​បាន​ដេក​​​លង់លក់​នៅលើ​សាក​សព​នោះ​ទៅ​។

លោក វុត្ថា បាន​មាន​ប្រសាសន៍ថា “អ្នក​ភូមិ​បាន​ឃើញ​ជើង​របស់​  ជិន​ ជាន នៅ​ក្បែរ​ផ្នូរ​ [នៅម៉ោង​ប្រហែ ល​៦ព្រឹក] ហើយ​បាន​ប្រាប់ដល់​ក្រុម​គ្រួសារ​សព”​។

លោក ចាន់ សារិន មេប៉ុស្តិ៍ឃុំ​ព្រៃពោន​បាន​​​​មាន​ប្រ សាសន៍ថា គេ​បាន​រាយការ​ណ៍​ប្រាប់​នគរបាល​ ហើយ​បុរស​ឈ្មោះ ជិន ជាន​ ត្រូវបានចាប់ខ្លួន​តែម្ត​ង។

អំឡុង​ការ​សាកសួរ ជន​សង្ស័យ​មិន​បាន​ប្រាប់ពី​មូលហេតុដែលខ្លួន​សម្រេច​ចិត្តរំលោភ​​​​​​សាកសពឡើយ ហើយ​នគរ​បាល​​​មិន​ដឹង​ថា តើ​ជន​សង្ស័យ​បាន​ស្គាល់​ជន​រង​គ្រោះ​នៅ​ពេល​នាង​នៅរស់​ឬ​យ៉ាង​ណាឡើយ។

លោក វុត្ថា បាន​មាន​ប្រសាសន៍ថា គេ​ដឹង​​ថា ជន​សង្ស័យ​រូបនេះ​ជា​អ្នក​ញៀន​ថ្នាំ ហើយ​​ធ្វើ​សកម្ម​ភាព​ខុស​ប្រក្រតី​ដូច​ជា​រត់​ជុំវិញ​វត្ត​​អារាម​ក្នុង​មូលដ្ឋាន​ទាំង​អាក្រាត​កាយ​ជាដើម។ លោក សារិន ​មាន​ប្រសាសន៍ ថា “យើង​នឹង​​បញ្ជូន​ ជិន​ ជាន ទៅ​អធិការ​ដ្ឋាន​នគរបាល​ស្រុក​ដើម្បី​ធ្វើការ​សាកសួរ​ រួច​បញ្ជូន​ទៅ​តុលាការ​”៕សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស