27 C
Phnom Penh

កម្មករ​​នៅ​រោង​ចក្រ​កាត់​ដេរ​​ចំនួន​ពីរ​​កន្លែង​បាន​ដួល​សន្លប់​ដោយ​សារ​ស្រូ​បក្លិន​អាស៊ីត និង​ក្លិន​កាវ

ដោយ ឌឹ ខេមបូឌា ដេលី

បទវិភាគ

យោង​តាម​ក្រុម​មន្ត្រី​មូល​ដ្ឋាន​បានឲ្យ​ដឹង​ថា កម្មករ​រោង​ចក្រ​កាត់ដេរ​ និង​រោង​ចក្រ​​ស្បែក​ជើង​ជាង​១០០នាក់​បាន​ដួល​សន្លប់​​នៅក្នុង​ឧបទ្ទវហេតុ​ពីរ​ដាច់​ដោយ​ឡែក​ពី​គ្នា​កាល​ពី​ម្សិល​មិញ ដែល​នេះ​ជាការដួល​សន្លប់​​លើក​ដំបូង​​​នៅ​​រោង​ចក្រ​នៅ​​ឆ្នាំនេះ។

កម្មករ​​​រោងចក្រ​ជាង​​​១០០​​​នាក់​​​​​​នៅ​​​រោងចក្រ​​​ចំនួន​​​ពីរ​​​កន្លែង​​​បាន​​​ដួល​​​សន្លប់​​​ដោយសារ​​​ស្រូប​​​​​​​​​ក្លិន​​​​​​ទឹក​​​អាស៊ីត​​​​​​ដែល​​​លេច​ចេញ​ពី​អាគុយនិង​​​ក្លិន​​​កាវ​​​ កំពុង​​​​​​សម្រាក​​​ព្យាបាល​​​​​​​​​នៅ​​​មន្ទីរពេទ្យ​​​​​​ កាលពីម្សិលមិញ​​​។​​​ សីុវ  ចាន់​ណា​
កម្មករ​​​រោងចក្រ​ជាង​​​១០០​​​នាក់​​​​​​នៅ​​​រោងចក្រ​​​ចំនួន​​​ពីរ​​​កន្លែង​​​បាន​​​ដួល​​​សន្លប់​​​ដោយសារ​​​ស្រូប​​​​​​​​​ក្លិន​​​​​​ទឹក​​​អាស៊ីត​​​​​​ដែល​​​លេច​ចេញ​ពី​អាគុយនិង​​​ក្លិន​​​កាវ​​​ កំពុង​​​​​​សម្រាក​​​ព្យាបាល​​​​​​​​​នៅ​​​មន្ទីរពេទ្យ​​​​​​ កាលពីម្សិលមិញ​​​។​​​ សីុវ  ចាន់​ណា​

មន្ត្រីស្រុក​ម្នាក់​បាន​ឲ្យ​ដឹង​ថា កម្មករ​រោង​ចក្រ​កាត់ដេរ​៨២នាក់​បាន​ដួល​សន្លប់​នៅ​​រោងចក្រ Crystal Martin នៅក្នុងខេត្ត​កណ្តាល បន្ទាប់ពី​បាន​ស្រូប​ក្លិន​អាសុីត​ដែល​លេច​ចេញ​ពី​អាគុយ​។

លោក​ ខៀវ សុខណាត​ អភិបាល​រង​ស្រុក​ខ្សាច់​កណ្ដាល​បាន​មាន​ប្រសាសន៍​ថា ទឹក​អាសីុត​បាន​ហូរ​ចេញ​ពី​អាគុយ​រថយន្ត​​ស្ទូច​ ដើម្បី​លើក​សម្លៀក​បំពាក់​ចេញ​ពី​ធុង​បោក​សម្លៀក​​​បំពាក់​ដែល​បាន​បណ្ដាល​ឲ្យ​កម្មករ​ជា​ច្រើន​នាក់​ដួល​​សន្លប់​។

លោក​ សុខណាត​ បាន​មាន​ប្រសាសន៍​ថា “យើង​បាន​បញ្ជូន​កម្មករ​មួយ​ចំនួន​ដែល​បាន​ដួល​សន្លប់​នោះ​​ទៅ​​មន្ទីរពេទ្យ​បង្អែក​ស្រុក​ ហើយ​កម្មករ​មួយ​ចំនួន​ទៀត​ត្រូវ​បាន​បញ្ជូន​ទៅ​មណ្ឌល​សុខភាព​​ឃុំ​វិហារ​សួគ៌​”។

លោក​បាន​បន្ថែម​ថា កម្មករ​ពីរ​នាក់​ក្នុង​ចំណោម​កម្មករ​ទាំង​នោះ​ត្រូវ​បាន​បញ្ជូន​​ទៅ​មន្ទីរពេទ្យ​កាល់ម៉ែត​ក្នុង​រាជ​ធានី​ភ្នំពេញ​​ដោយសារ​ស្ថានភាព​របស់​ពួក​គេ​​​ធ្ងន់​ធ្ងរ​។ លោក​បាន​មាន​ប្រសាសន៍​ថា “យើង​បាន​​រក​ឃើញ​មូល​ហេតុ​​ដែល​បាន​បណ្ដាល​ឲ្យ​កម្មករ​ដួល​សន្លប់​ហើយ​ គឺ​ទឹក​អាស៊ីត​មាន​សារធាតុពុល​ ដែល​បានហូរ​ចេញពី​អាគុយ​ ហើយ​បណ្ដាល​ឲ្យ​មាន​ក្លិនស្អុយ​”។

លោក​បាន​បន្ថែម​ថា អ្នកគ្រប់គ្រង​នៅ​រោងចក្រ​ Crystal Martin ​កាន់​កាប់​ដោយ​ជនជាតិ​ចិន​ហុង​កុង​ ដែល​មាន​កម្មក​រ​​បម្រើ​ការ​ងារ​ប្រហែល​៣.១០០​នាក់​ ​​​បាន​អនុញ្ញាត​​ឲ្យ​កម្មក​រ​ទាំង​អស់​ចេញ​ទៅ​ផ្ទះ​​នៅ​ពេល​​​លាង​សម្អាត​កន្លែង​ហៀរ​​ទឹ​ក​អាសីុត​នោះ​​។

នៅក្នុង​ស្រុក​សំរោង​ទង ខេត្ត​កំពង់​ស្ពឺ​ ឯណោះ​វិញ កម្មក​រ២៦​នាក់​នៅ​រោងចក្រ​ស្បែក​ជើង​  Shimano កាន់កាប់​ដោយ​ជន​ជាតិ​ជប៉ុន​បាន​ដួល​សន្លប់​ ដែល​ក្នុង​នោះ​មន្ត្រី​​សហជីព​ម្នាក់​បាន​បន្ទោស​​ទៅ​លើ​ការ​ស្រូប​​​ក្លិន​កាវ​ និង​​ប្រាក់​ឈ្នួល​ទាប​។

អ្នក​ស្រី យ៉ាង​ សុភ័ណ្ឌ​ ប្រធាន​សម្ព័ន្ធ​សហ​ជីព​កម្ពុជា​បាន​មាន​ប្រសាសន៍​ថា បន្ទាប់​ពី​កម្មក​រពីរ​បី​នាក់​បាន​ចាប់​ផ្ដើម​ដួល​សន្លប់​​ កម្មករ​ច្រើន​ទៀត​ក៏​បាន​ដួល​សន្លប់​​ដែរ​។

អ្នកស្រី​បានមាន​ប្រសាសន៍​ថា “យើង​គិត​ថា កម្មករ​ប្រហែល​ជា​ពុល​ដោយសារ​ក្លិន​កាវតែម្ត​ង ពីព្រោះ​រោងចក្រ​នេះ​បាន​ប្រើ​​​កាវ​ថ្មី​ ដើម្បី​បិទ​ស្បែក​ជើង​បន្ទាប់ពី​កាវ​​ចាស់​​បិទ​មិន​ជាប់​”។ អ្នក​ស្រី​បាន​បន្ថែម​ថា “ ខ្ញុំ​គិតថា ប្រាក់​ឈ្នួល​ទាប​ គឺជា​​ហេតុ​ផលទី២ បណ្ដាល​ឲ្យ​មាន​ការ​ដួល​សន្លប់នេះ​ ពីព្រោះ​ប្រាក់​ដែល​ពួក​គេ​​ទទួល​បាន​មិន​គ្រប់​គ្រាន់​​​សម្រាប់​​ចំណាយ​​លើ​​អាហារ​ហូប​ចុក​ឡើយ​ ដូច្នេះ​សុខភាព​របស់​ពួក​គេ​ចុះ​ខ្សោយ​ ហើយ​ពួក​គេ​មិន​អាច​ទប់ទល់​នឹង​​​បរិស្ថាន​ការងារ​មិនល្អ​បាន​ឡើយ​”។

កម្មករ​ដែល​ដួល​សន្លប់​នោះ​ កំពុង​សម្រាក​​ ព្យាបាល​នៅ​មន្ទីរពេទ្យ​បង្អែក​ខេត្ត​។ ថ្លែង​តាម​ទូរស័ព្ទ កម្មកា​រិនី​ ហ៊ុន ចាន់​ធី អាយុ​៣៥​ឆ្នាំ​បាន​និយាយ​ថា គាត​់​បាន​ដួល​សន្លប់​ដោយ​​​សារ​តែ​ក្លិន​កាវ​។ គាត់​បាន​និយាយ​ថា “ខ្ញុំ​បាន​បើក​កំប៉ុង​កាវ ហើយ​វា​មាន​ក្លិន​ស្អុយ​ណាស់​ ដូច្នេះ​ខ្ញុំ​បាន​ទៅ​ក្អួត​នៅ​ក្នុង​បន្ទប់ទឹក​មុន​ពេល​សន្លប់​​បាត់​ស្មារតី”។

គាត់​បាន​និយាយ​ទៀត​ថា“ ខ្ញុំ​បាន​សម្រាក​ព្យាបាល​នៅ​មន្ទីរពេទ្យ​បង្អែក​ខេត្ត ហើយ​សុខភាព​របស់​ខ្ញុំ​​បាន​​ធូរ​ស្រាល​បន្ដិច​ហើយ​ ប៉ុន្តែ​ខ្ញុំ​នៅ​តែ​ឈឺ​ក្បាល​ដដែ​ល​”។ គេ​មិន​អាច​ទាក់ទង​អ្នក​គ្រប់គ្រង​រោង​ចក្រទាំងពីរ​បាន​ទេ​៕ សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស