26 C
Phnom Penh

សាលា​ឧទ្ធរណ៍​បើក​សវនា​ការ​​​សម្រេច​លើ​សំណើសុំ​នៅ​ក្រៅ​ឃុំ​របស់​ព្រះ​សង្ឃដែល​ត្រូវ​​​បាន​ចាប់​ផ្សឹក

ដោយ ឌឹ ខេមបូឌា ដេលី

បទវិភាគ

កាល​ពី​ម្សិល​មិញ សាលា​ឧទ្ធរណ៍​បាន​បើក​សវនាការ​សម្រេច​លើ​សំណើ​​​សុំ​នៅ​ក្រៅ​ឃុំ​សម្រាប់​​​ព្រះ​សង្ឃ​ពីរ​អង្គ​ដែល​ត្រូវ​បាន​ចាប់​ផ្សឹក និង​ចោទ​​ប្រកាន់​ពី​បទ​​ចូល​រួម​ក្នុង​សមាគម​ទុច្ច​រិត ក្រោយ​​ពី​​ត្រូវចាប់​ខ្លួន​កាល​ពី​ខែ​មុន ខណៈពេល​​ព្រះ​តេជ​គុណ​ទាំង​ពីរ​កំពុង​​យួរ​​បាវ​​ទង់​ជាតិទៅ​កាន់​​កន្លែង​​ហែ​ក្បួន​តវ៉ា​​មួយ​តាម​ការ​គ្រោង​ទុក។

​នគរ​បាល​បាន​ចាប់​ខ្លួន​​ព្រះ​តេជ​គុណ សាង កុសល ព្រះ​ជន្ម​១៩​វស្សា ​និង​ព្រះ​តេជ​គុណ​ ឃិត វណ្ណៈ ​ព្រះ​ជន្ម​២៦​វស្សា​​កាល​ពី​​ថ្ងៃ​ទី​១២ ខែ​វិច្ឆិកា ខណៈ​ពេល​​ព្រះ​អង្គ​​ទាំង​ពីរ​បាន​ចូល​ទៅ​ជិត​ចំណុច​ចាប់ផ្តើម​​ហែល​ក្បួន​តវ៉ា​ ដោយ​អះអាង​ថា ​ទង់​ជាតិ​ទាំង​នោះ​បង្ក​គ្រោះ​ថ្នាក់​ពីព្រោះ​វា​ចង​ភ្ជាប់​នឹង​ដំបងឈើ។

​ព្រះ​តេជ​គុណ​ទាំង​ពីរ​​ត្រូវ​​​​បាន​ចោទ​ប្រកាន់​​ពី​បទ​​ចូល​រួម​​ក្នុង​សមា​គម​​ទុច្ច​រិត​​មួយ ​ប៉ុន្តែ​អាជ្ញាធរ​​បាន​បដិសេធ​មិន​​​បញ្ជាក់​អត្ត​សញ្ញា​ណ​សមាគម​នេះ​ទេ។

អន្ទិតទាំងពីរ​បាន​អះអាង​ថា ខ្លួន​​គ្មាន​កំហុស​ទេ​នៅពេល​ចាក​ចេញ​ពី​សវនាការ​បិទ​ទ្វារកាល​ពី​ម្សិល​មិញ ហើយ​លោក​ស្រី សំ សុគន្ធា មេធាវី​របស់​អ្នក​ទាំង​ពីរ​បាន​មាន​ប្រ​សាសន៍​ថា លោក​ស្រី​បាន​ជំរុញ​​ឲ្យ​​តុលាការ​ដោះ​លែង​អ្នក​ទាំង​ពីរ​ឲ្យ​នៅ​ក្រៅ​ឃុំ។​

លោក​ស្រី​បាន​មាន​ប្រសាសន៍​ថា “ពួកគាត់​ជា​អន្ទិត​ស្មោះ​ត្រង់​ដែល​​ខិត​ខំ​សិក្សា​រៀនសូត្រ ហើយ​ពួក​គាត់​មិន​​បាន​ធ្វើ​អ្វី​ខុស​ទេ”។

​ទាំង​លោក​ស្រី សំ សុគន្ធា និង​ព្រះ​រាជ​អាជ្ញា​ ទិត្យ​ សុធី ​បាន​លើក​ឡើង​ថា តុលាការ​នឹង​ប្រកាស​​សេច​ក្តី​សម្រេច​របស់​ខ្លួន​​នៅ​ថ្ងៃទី​៩ ខែមករា។ អំឡុង​​សវនាការ មនុស្ស​ប្រហែល​១០០​នាក់​​​រួម​ទាំង​​ព្រះ​សង្ឃ​ប្រហែល​២០​អង្គ​ផង ​បាន​ធ្វើ​ការ​តវ៉ា​នៅ​ខាង​មុខ​​តុលាការ​ដើម្បី​​ទាម​ទារ​ឲ្យ​​ដោះលែង​អ្នក​ទាំង​ពីរ៕ សុខុម​​​​​​​​​​​

 

© 2023, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស