អ្នកឃ្លាំមើលរំឭកពលរដ្ឋខ្មែរនៅក្រៅស្រុកត្រូវប្រុងប្រយ័ត្នក្នុងការទាក់ទងជាមួយក្រុមមន្ត្រីនិងឧកញ៉ាខ្មែរ

អ្នកសង្កេតការណ៍និយាយថា ពលរដ្ឋខ្មែរនៅក្រៅស្រុកត្រូវតែប្រុងប្រយ័ត្នក្នុងការទាក់ទងជាមួយក្រុមមន្ត្រីរដ្ឋាភិបាល និងក្រុមឧកញ៉ាខ្មែរដែលមានជំនាញឆបោកអាជីព ដើម្បីចៀសវាងនាំឲ្យមានបញ្ហាដល់ខ្លួនឯង និងក្រុមគ្រួសារ។

ប្រធានក្រុមប្រឹក្សាឃ្លាំមើលកម្ពុជា និងជាអនុប្រធានវេទិកាពលរដ្ឋ លោក ម៉ែន ណាត បានសរសេរលើគណនីហ្វេសប៊ុករបស់ខ្លួននៅថ្ងៃទី១២ វិច្ឆិកា នេះថា ជនឆបោកឈ្មោះ ឡាច សំរោង បានតាំងខ្លួនជាមន្ត្រីធំនៅស្រុកខ្មែរ និងធ្លាប់មកដល់ប្រទេសន័រវែស ដើម្បីអូសទាញពលរដ្ឋខ្មែរខ្លះដែលរស់នៅក្នុងប្រទេសន័រវែស នេះ ឱ្យទៅជួបជាមួយមន្ត្រីជាន់ខ្ពស់របស់លោក ហ៊ុន សែន កាលពី ២ឆ្នាំកន្លងទៅ។

លោក ម៉ែន ណាត លើកឡើងថា ចំណែកជនឆបោកឈ្មោះ ដួង តារា ក៏បានតាំងខ្លួនជាមនុស្សជំនិតរបស់លោក ហ៊ុន សែន និងធ្លាប់មានគម្រោងមកប្រទេសន័រវែស ដើម្បីទាក់ទាញពលរដ្ឋខ្មែរឱ្យទៅជួបជាមួយមន្ត្រីជាន់ខ្ពស់រដ្ឋាភិបាលរបស់លោក ហ៊ុន សែន និងលោក ហ៊ុន ម៉ាណែត ដែរ ប៉ុន្តែមិនទាន់បានសម្រេច ក៏ត្រូវបែកធ្លាយរឿងឆបោក និងត្រូវបានឃាត់ខ្លួនទៅវិញ។

អនុប្រធានវេទិកាពលរដ្ឋរូបនេះអះអាងថា កន្លងទៅ លោកធ្លាប់បានប្រាប់មនុស្សមួយចំនួនដែលធ្លាប់រាប់អានជាមួយលោកក្តី និងជាសមាជិកសហគមន៍ខ្មែរនៅប្រទេសន័រវែស ក្តី ថាកុំឲ្យពាក់ព័ន្ធជាមួយបុគ្គលឈ្មោះ ឡាច សំរោង ឬ ដួង តារា ឲ្យសោះ ពីព្រោះពួកគេជាជនឆបោកអាជីពក្នុងកម្រិតរដ្ឋាភិបាលភ្នំពេញប៉ុណ្ណោះ មិនមែនជាមនុស្សដែលគួរឱ្យទុកចិត្តនោះទេ។

លោក ម៉ែន ណាត បញ្ជាក់ថា សារដាស់តឿននេះគឺជាការរំឭកជូនដល់ពលរដ្ឋខ្មែរទាំងអស់ឱ្យមានការប្រុងប្រយ័ត្នក្នុងការទាក់ទង ឬរាប់អានជាមួយក្រុមឧកញ៉ា និងមន្ត្រីគ្រាក់ៗខ្លះដែលមានជំនាញឆបោកអាជីពក្នុងកម្រិតរដ្ឋាភិបាលក្រុងភ្នំពេញ ដើម្បីចៀសវាងនាំរឿងស៊យដល់ខ្លួន និងក្រុមគ្រួសារទៅថ្ងៃក្រោយ។

កាលពីថ្ងៃទី៥ ខែវិច្ឆិកា ឆ្នាំ២០២៤ សាលាដំបូងរាជធានីភ្នំពេញបានសម្រេចឃុំខ្លួនលោក លី សាម៉េត ពីបទឆបោកតាមមាត្រា៣៧៧ និង៣៧៨ នៃក្រមព្រហ្មទណ្ឌ បន្ទាប់ពីលោក ហ៊ុន សែន បានបញ្ជាឱ្យចាប់ខ្លួនកាលពីថ្ងៃទី៧ ខែតុលា ឆ្នាំ២០២៤ កន្លងទៅ។

បន្ទាប់ពីអំពើឆបោករបស់លោក លី សាម៉េត ត្រូវបានបែកធ្លាយ ជំនួយការផ្ទាល់របស់លោក ហ៊ុន សែន គឺលោក ដួង តារា ក៏ត្រូវបានសមត្ថកិច្ចចាប់ខ្លួនដែរកាលពីថ្ងៃទី១០ ខែតុលា ឆ្នាំ២០២៤ ដោយសាររកឃើញថាបានជាប់ពាក់ព័ន្ធនឹងអំពើឆបោកជាមួយលោក លី សាម៉េត។

ទោះជាយ៉ាងណាក៏ដោយ លោក ហ៊ុន សែន នៅមិនទាន់បញ្ជាឲ្យបើកការស៊ើបអង្កេតចាប់ខ្លួនឧកញ៉ា ឡេង ណាវ៉ាត្រា ដែលកំពុងរងការចោទប្រកាន់ពីពលរដ្ឋ អតិថិជន និងបុគ្គលិករបស់លោកថាបានបោកប្រាស់ពួកគេតាមរយៈការលក់ផ្ទះខ្យល់នោះទេ៕

អ្នកឃ្លាំមើលរំឭកពលរដ្ឋខ្មែរនៅក្រៅស្រុកត្រូវប្រុងប្រយ័ត្នក្នុងការទាក់ទងជាមួយក្រុមមន្ត្រីនិងឧកញ៉ាខ្មែរ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន