រដ្ឋការលោក ចូ បៃដិន ទទួលស្គាល់មេបក្សប្រឆាំងនិរទេសខ្លួនជាប្រធានាធិបតីឈ្នះឆ្នោតនៅវេណេហ្ស៊ុយអេឡា

រដ្ឋការលោក ចូ បៃដិន ប្រធានាធិបតីសហរដ្ឋអាមេរិក ប្រកាសទទួលស្គាល់បេក្ខជនបក្សប្រឆាំងលោក Edmundo Gonzalez Urrutia ជាប្រធានាធិបតីជាប់ឆ្នោតនៃប្រទេសវេណេហ្ស៊ុយអេឡា។

ការប្រកាសរបស់ទីក្រុងវ៉ាស៊ីនតោន ធ្វើឡើងរយៈពេល ៤ខែបន្ទាប់ពីប្រទេសវេណេហ្ស៊ុយអេឡា បានបោះឆ្នោតភ្លូកទឹកភ្លូកដីជ្រើសរើសប្រធានាធិបតីកាលពីថ្ងៃទី២៨ កក្កដា ដែលលោក Nicolas Maduro បានប្រកាសខ្លួនឯងជាអ្នកឈ្នះនៅក្នុងការបោះឆ្នោតនេះ ប៉ុន្តែបានរងការចោទប្រកាន់ថាមានការលួចបន្លំការបោះឆ្នោត។ នេះបើតាមការចេញផ្សាយដោយបណ្ដាញផ្សាយព័ត៌មាន DW នៃប្រទេសអាល្លឺម៉ង់ នៅថ្ងៃទី២០ ខែវិច្ឆិកា នេះ។

រដ្ឋមន្ត្រីការបរទេសអាមេរិក លោក Antony Blinken បាននិយាយក្នុងសេចក្តីថ្លែងការណ៍ថា ព្រោះតែប្រជាជនត្រូវការលទ្ធិប្រជាធិបតេយ្យ និងទាមទារឱ្យមានការគោរពចំពោះឆន្ទៈរបស់ម្ចាស់សន្លឹកឆ្នោត ទើបប្រជាជនវេណេហ្ស៊ុយអេឡា បានសម្រេចជាក់លាក់ជ្រើសរើសលោក Gonzalez Urrutia ជាប្រធានាធិបតី ដែលប្រជាជនមិនបានបោះឆ្នោតជ្រើសរើសលោក Maduro នោះទេ។

កន្លងមក ប្រធានាធិបតីសហរដ្ឋអាមេរិក លោក ចូ បៃដិន ក៏ធ្លាប់និយាយថា លោក Gonzalez Urrutia គឺជាអ្នកទទួលជ័យជម្នះក្នុងការបោះឆ្នោតប្រធានាធិបតីវេណេហ្ស៊ុយអេឡា។

រដ្ឋមន្ត្រីការបរទេសវេណេហ្ស៊ុយអេឡា លោក Yvan Gil បានប្រតិកម្មចំពោះសេចក្តីថ្លែងការណ៍របស់លោក Blinken។

លោក Gonzalez Urrutia បានរត់ភៀសខ្លួនទៅកាន់ប្រទេសអេស្ប៉ាញ គឺភ្លាមៗក្រោយពីលោក Maduro បញ្ជាឱ្យតុលាការចេញដីកាចាប់ខ្លួនពីបទដឹកនាំការបះបោរប្រឆាំងរដ្ឋាភិបាលមួយស្របច្បាប់។

យោងតាមក្រុមអ្នកសង្កេតការណ៍បោះឆ្នោតឯករាជ្យ លោក Gonzalez Urrutia បានសំឡេងឆ្នោត ៦៧% នៃចំនួនសន្លឹកឆ្នោតជាង ៧លានសន្លឹក តែលោក Maduro បាន ៣០% នៃសន្លឹកឆ្នោតជាង ៣លានសន្លឹក។

តែបើតាមក្រុមប្រឹក្សាជាតិបោះឆ្នោតប្រទេសវេណេហ្ស៊ុយអេឡា វិញ លោក Gonzalez Urrutia បានសំឡេងឆ្នោតជាង ៤៣% នៃសន្លឹកឆ្នោតជាង ៥លានសន្លឹក។ ចំណែកលោក Maduro បានជាង ៥១% នៃសន្លឹកឆ្នោតជាង ៦លានសន្លឹក។

ក្នុងស្ថានភាពដូចនេះ នាំឱ្យប្រជាជនចេញតវ៉ាពាសពេញប្រទេសប្រឆាំងជ័យជម្នះរបស់លោក Maduro ដោយចោទថាលោក Maduro បានគាបសង្កត់ស្ថាប័នបោះឆ្នោតឱ្យប្រកាសតាមតួលេខដែលលោកបានកំណត់ ហើយនាំឱ្យលោកជាអ្នកឈ្នះឆ្នោតអាណត្តិថ្មីទី៣។

នៅក្នុងការតវ៉ាដែលរងការបាញ់បង្ក្រាបពីសំណាក់ប៉ូលិស និងយោធា បណ្ដាលមនុស្សស្លាប់ ២៨នាក់ រងរបួស ២០០នាក់ និងចាប់ខ្លួន ២៤០០នាក់ ក្នុងនោះក៏មានការចាប់ខ្លួនមន្ត្រីជាន់ខ្ពស់បក្សប្រឆាំងផងដែរ។

មេដឹកនាំបក្សប្រឆាំងដ៏មានប្រជាប្រិយ អ្នកស្រី Maria Corina Machado បានកំពុងលាក់ខ្លួននៅក្នុងស្ថានទូតរបស់ពួកបស្ចិមប្រទេសនៅទីក្រុងការ៉ាកាស រដ្ឋធានីនៃប្រទេសវេណេហ្ស៊ុយអេឡា។

អ្នកស្រី Machado ជាប្រធានរបស់លោក Gonzalez Urrutia។

មិនមែនមានតែសហរដ្ឋអាមេរិកទេដែលមិនទទួលស្គាល់ជ័យជម្នះរបស់លោក Maduro គឺសហភាពអឺរ៉ុប និងសម្ព័ន្ធភាពនៃប្រទេសអាមេរិកឡាទីន ក៏មិនទទួលស្គាល់ផងដែរ រហូតដល់ប្រទេសទាំងនោះដាក់ទណ្ឌកម្មលើលោក Maduro និងមន្ត្រីរដ្ឋាភិបាលរបស់លោកទៀតផង។

ចំពោះសហរដ្ឋអាមេរិក តាមរយៈក្រសួងរតនាគារ បានដាក់ទណ្ឌកម្មលើក្រុមគ្រួសារលោក Maduro និងមន្ត្រីជាន់ខ្ពស់របស់លោក ដែលយ៉ាងតិចណាស់ជាង ៦០នាក់។ ការដាក់ទណ្ឌកម្មនេះ គឺជាការបិទដំណោះស្រាយការទូត ដែលមានន័យថា ទ្រព្យសម្បត្តិគ្រួសារលោក Maduro ត្រូវបង្កក និងរឹបអូស បើមាននៅលើទឹកដីសហរដ្ឋអាមេរិក ឬទ្រព្យសម្បត្តិនៅប្រទេសក៏ដោយ ដែលជាប់ពាក់ព័ន្ធបុគ្គលទាំង ៦០រូបនោះ អាចនឹងបង្កក បើប្រទេសនោះយល់ព្រមតាមសំណើរបស់សហរដ្ឋអាមេរិក។

មិនតែប៉ុណ្ណោះចំពោះលោក Maduro គឺជាបុគ្គលម្នាក់គត់ក្នុងមុខសញ្ញាដែលប៉ូលិស FBI សហរដ្ឋអាមេរិក ត្រូវស្វែងរកចាប់ខ្លួនឱ្យតែជនផ្ដាច់ការម្នាក់នេះចាកចេញពីប្រទេស ទៅប្រទេសណាដែលអាចជួយឃាត់ខ្លួនតាមសំណើរបស់ក្រសួងយុត្តិធម៌អាមេរិក។

ក្រសួងយុត្តិធម៌សហរដ្ឋអាមេរិក បានចោទលោក Maduro ជាថ្មីម្ដងទៀតពីបទឧក្រិដ្ឋកម្មគ្រឿងញៀន ក្រោយពីមេបណ្ដាញគ្រឿងញៀនក្នុងតំបន់អាមេរិកឡាទីនដែលត្រូវប៉ូលិសប្រឆាំងគ្រឿងញៀន DEA សហរដ្ឋអាមេរិកចាប់ខ្លួនបាន និងសួរចម្លើយ។ តាមក្រសួងយុត្តិធម៌សហរដ្ឋអាមេរិក លោក Maduro គឺជាមេខ្លោងនៅពីក្រោយបណ្ដាញរត់ពន្ធគ្រឿងញៀនដ៏ធំនៅក្នុងតំបន់ និងចូលទៅដែនដីសហរដ្ឋអាមេរិក។

នៅក្រោមរដ្ឋអំណាចរបស់លោក Maduro ប្រជាជនវេណេហ្ស៊ុយអេឡា ជិត ៨លាននាក់បានរត់ចោលប្រទេស ខណៈមេបក្សប្រឆាំងជាច្រើនសិបនាក់ត្រូវបានចាប់ខ្លួនកាត់ទោសពីបទក្បត់ជាតិ និងការប្រឆាំងរដ្ឋាភិបាលនៃប្រទេសអាមេរិកខាងត្បូងមួយនេះ។

លោក Maduro ដែលធ្លាប់ទៅចូលរួមមហាសន្និបាតអង្គការសហប្រជាជាតិ ធ្វើឡើងនៅក្នុងខែកញ្ញា ជារៀងរាល់ឆ្នាំ តែនៅឆ្នាំ២០២៤ នេះ ជនផ្ដាច់ការវេណេហ្ស៊ុយអេឡារូបនេះមិនបានទៅចូលរួមនោះទេ ព្រោះ FBI ប៉ូលិសសហព័ន្ធសហរដ្ឋអាមេរិកបានកំណត់មុខសញ្ញាចាប់ខ្លួនរួចទៅហើយ៕

រដ្ឋការលោក ចូ បៃដិន ទទួលស្គាល់មេបក្សប្រឆាំងនិរទេសខ្លួនជាប្រធានាធិបតីឈ្នះឆ្នោតនៅវេណេហ្ស៊ុយអេឡា

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

វេណេហ្ស៊ុយអេឡា ប្រកាសស្នើច្បាប់លើកលែងទោសអ្នកទោសនយោបាយគ្រប់និន្នាការទាំងអស់

កូនប្រុសតែម្នាក់របស់លោក ម៉ាឌូរ៉ូ ត្រូវបានអាមេរិកចោទប្រកាន់ថាជាមេបណ្ដាញឧក្រិដ្ឋកម្មគ្រឿងញៀន

លោក ដូណាល់ ត្រាំ ថានឹងជួបមេបក្សប្រឆាំងវេណេហ្ស៊ុយអេឡា ខណៈឯទីក្រុងការ៉ាកាស ដោះលែងអ្នកទោស

មេបក្សប្រឆាំងនៃប្រទេសវេណេហ្ស៊ុយអេឡា សច្ចាថាត្រឡប់ទៅស្រុកវិញ ខណៈលោក ម៉ាឌូរ៉ូ ឡើងសវនាការនៅក្រុងញូវយ៉ក

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន