លោក ដូណាល់ ត្រាំ ថានឹងជួបមេបក្សប្រឆាំងវេណេហ្ស៊ុយអេឡា ខណៈឯទីក្រុងការ៉ាកាស ដោះលែងអ្នកទោស

ប្រធានាធិបតីសហរដ្ឋអាមេរិក លោក ដូណាល់ ត្រាំ បានបញ្ជាក់ថា មេដឹកនាំគណបក្សប្រឆាំងវេណេហ្ស៊ុយអេឡា អ្នកស្រី Maria Corina Machado នឹងមកទីក្រុងវ៉ាស៊ីនតោន នាសប្តាហ៍ក្រោយ។ នេះបើយោងតាមការចេញផ្សាយដោយបណ្ដាញផ្សាយព័ត៌មាន Bloomberg ចុះផ្សាយនៅថ្ងៃសុក្រ ទី៩ ខែមករា ឆ្នាំ២០២៦។

ក្នុងបទសម្ភាសន៍ជាមួយទូរទស្សន៍ Fox News លោក ត្រាំ បាននិយាយថា អ្នកស្រី Machado នឹងមកជួបលោកនៅទីក្រុងវ៉ាស៊ីនតោន ដែលជាការលើកដំបូងបន្ទាប់ពីការវាយប្រហារពីសហរដ្ឋអាមេរិកលើប្រទេសរបស់អ្នកស្រី ឈានដល់ចាប់ខ្លួនលោក នីកូឡាស ម៉ាឌូរ៉ូ នាំខ្លួនយកទៅកាត់ទោសនៅទីក្រុងញូវយ៉ក ក្រោមបទចោទជនផ្ដាច់ការវេណេហ្ស៊ុយអេឡា រូបនេះជាមេខ្លោងឧក្រិដ្ឋកម្មគ្រឿងញៀន និងអង្គការភេរវកម្មបរទេស។

អ្នកស្រី Machado និយាយថា ចាប់តាំងពីខែតុលា ឆ្នាំ២០២៥ មក អ្នកស្រីមិនបាននិយាយទៅកាន់មន្ត្រីសេតវិមានណាម្នាក់ និងលោក ត្រាំ ផ្ទាល់នោះទេ តែអ្នកស្រីអបអរសាទរជាខ្លាំងដែលកងទ័ពសហរដ្ឋអាមេរិកវាយឆ្មក់ចូលចាប់ខ្លួនលោក ម៉ាឌូរ៉ូ បានដោយជោគជ័យ ក្រោមការបញ្ជារបស់លោក ត្រាំ។ អ្នកស្រីអរគុណលោក ត្រាំ ដោយចាត់ទុកជាការរំដោះប្រទេសវេណេហ្ស៊ុយអេឡា ចេញពីរបបផ្ដាច់ការរបស់លោក ម៉ាឌូរ៉ូ។

ទោះជាយ៉ាងនេះក្តី របបលោក ម៉ាឌូរ៉ូ មិនបានដួលរលំនោះទេ ដែលនៅខណៈនេះ អនុប្រធានាធិបតីលោក ម៉ាឌូរ៉ូ គឺអ្នកស្រី Delcy Rodriguez ត្រូវបានចៅក្រមតុលាការកំពូលប្រទេសនេះតែងតាំងជាប្រធានាធិបតីស្ដីទីជំនួសលោក ម៉ាឌូរ៉ូ ដែលកំពុងឃុំខ្លួនជាមួយនឹងភរិយារបស់គាត់នៅក្នុងពន្ធនាគារមួយនៅទីក្រុងញូវយ៉ក។ ទាំងលោក ម៉ាឌូរ៉ូ ទាំងភរិយា ត្រូវរង់ចាំជំនុំជម្រះក្ដីនៅថ្ងៃទី១៧ ខែមីនា ឆ្នាំ២០២៦ ពាក់ព័ន្ធការចោទពីក្រសួងយុត្តិធម៌សហរដ្ឋអាមេរិក ថា លោកនិងភរិយារបស់លោកជាមេខ្លោងជួញដូរគ្រឿងញៀនចូលសហរដ្ឋអាមេរិកនោះ ហើយថាលោក ម៉ាឌូរ៉ូ ផ្ទាល់ជាមេបណ្ដាញគ្រឿងញៀន និងជាមេអង្គការភេរវកម្មបរទេស។

លោក ត្រាំ បានថ្លែងក្នុងពេលកំពុងសហការជាមួយនឹងប្រធានាធិបតីស្ដីទីនៃរបបលោក ម៉ាឌូរ៉ូ គឺ Delcy Rodriguez ដោយព្រមានថា បើ Delcy Rodriguez មិនព្រមសហការជាមួយសហរដ្ឋអាមេរិកគឺរបបសេសសល់ពីលោក ម៉ាឌូរ៉ូ នឹងប្រឈមមុខនឹងការវាយប្រហារម្ដងទៀត ហើយចង់មិនចង់ ប្រធានាធិបតីស្ដីទី Delcy Rodriguez នឹងជួបវាសនាអាក្រក់ជាងលោក ម៉ាឌូរ៉ូ ទៅទៀត។

លោក ដូណាល់ ត្រាំ បានហៅរដ្ឋាភិបាលរបស់អ្នកស្រី Delcy Rodriguez ជារដ្ឋាភិបាលបណ្ដោះអាសន្ន ប៉ុន្តែអ្នកស្រី Machado ចង់ឱ្យលោក ត្រាំ ជួយដំឡើងរដ្ឋាភិបាលថ្មីរបស់លោក Edmundo González ដែលជាបេក្ខជនឈ្នះឆ្នោតនៅក្នុងការបោះឆ្នោតប្រធានាធិបតីនៅថ្ងៃទី២៨ ខែកក្កដា ឆ្នាំ២០២៤។ លោក Edmundo González ជាជំនួយការរបស់អ្នកស្រី Machado មកពីបក្សប្រជាជនរួបរួម។

នៅពេលជាមួយគ្នានេះ រដ្ឋាភិបាលបណ្ដោះអាសន្នរបស់អ្នកស្រី Delcy Rodriguez កំពុងចាប់ផ្ដើមដោះលែងអ្នកទោសនយោបាយល្បីៗដែលជាសម្ពន្ធភាពនឹងអ្នកស្រី Machado និងអ្នកទោសជាជនបរទេស។ ក្នុងចំណោមអ្នកទោសត្រូវបានដោះលែងឱ្យមានសេរីភាពឡើងវិញ មានលោក Enrique Márquez អតីតបេក្ខជនប្រធានាធិបតី និងលោកអតីតសមាជិកសភា Biagio Pilieri មកពីបក្សប្រឆាំងមួយផ្សេងទៀត។

គេមិនដឹងថាអ្នកទោសមនសិការចំនួនប៉ុន្មាននាក់នោះទេត្រូវបានដោះលែងឱ្យមានសេរីភាពឡើងវិញ ប៉ុន្តែយោងតាមក្រុមអង្គការសិទ្ធិមនុស្សមួយនៃប្រទេសវេណេហ្ស៊ុយអេឡា Foro Penal ប៉ាន់ប្រមាណថា អ្នកទោសនយោបាយជាង ៨០០ បានកំពុងជាប់ឃុំនៅក្រោមរបបលោក ម៉ាឌូរ៉ូ។

ទោះជាយ៉ាងណាក្ដី អ្នកស្រី Machado ប្រកាសសាទរការដោះលែងអ្នកទោស។ អ្នកស្រីនិយាយថា អយុត្តិធម៌មិនត្រូវមានក្នុងសង្គមវេណេហ្ស៊ុយអេឡា នោះទេ។ របបអយុត្តិធម៌គ្មានអមតៈឡើយ។ អ្នកស្រី Corina Machado មិនទទួលស្គាល់អ្នកស្រី Delcy Rodriguez ជាប្រធានាធិបតីវេណេហ្ស៊ុយអេឡា នោះទេ។ អ្នកស្រីបានស្នើឱ្យលោក ត្រាំ ទទួលស្គាល់បេក្ខជនតំណែងប្រធានាធិបតីពីបក្សប្រជាជនរួបរួម គឺលោក Edmundo González Urrutia អ្នកការទូតជើងចាស់ដែលឈ្នះការបោះឆ្នោតលើលោក ម៉ាឌូរ៉ូ ជាប្រធានាធិបតី។ លោក González Urrutia ជាដៃស្ដាំអ្នកស្រី Machado ខណៈអ្នកស្រីជាមេបក្សប្រឆាំងនៃបក្សប្រជាជនរួបរួម។

តាមអ្នកស្រីមេបក្សប្រឆាំងដ៏មានឥទ្ធិពលនេះ ប្រជាជនវេណេហ្ស៊ុយអេឡា គឺជាអ្នកឈ្នះការបោះឆ្នោតយ៉ាងគគ្រឹកគគ្រេងនៅក្នុងការបោះឆ្នោតប្រធានាធិបតីកាលពីឆ្នាំ២០២៤ ហើយនៅក្នុងការបោះឆ្នោតពេលនោះប្រកបដោយសេរី និងយុត្តិធម៌ បក្សប្រជាជនរួបរួម ត្រូវបានរកឃើញថាបានឈ្នះជាង ៩០% នៃសន្លឹកឆ្នោត តែត្រូវបានលោក ម៉ាឌូរ៉ូ ប្លន់ជ័យជម្នះពីប្រជាជនវេណេហ្ស៊ុយអេឡា៕

លោក ដូណាល់ ត្រាំ ថានឹងជួបមេបក្សប្រឆាំងវេណេហ្ស៊ុយអេឡា ខណៈឯទីក្រុងការ៉ាកាស ដោះលែងអ្នកទោស

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មេបញ្ជាការកងទ័ពអាមេរិកបង្ហាញផែនការថ្មីបើកប្រតិបត្តិការវាយប្រហារអ៊ីរ៉ង់លើកទីពីរ

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

ច្រកសមុទ្រហ័រមូស នៅតែមិនទាន់មានសេរីភាពធ្វើនាវាចរណ៍សម្រាប់កប៉ាល់ដឹកប្រេងពីមជ្ឈិមបូព៌ា

អ៊ីរ៉ង់បញ្ជូនសំណើបញ្ឈប់ការឡោមព័ទ្ធច្រកសមុទ្រហ័រមូស និងបញ្ចប់សង្គ្រាមទៅកាន់សហរដ្ឋអាមេរិក

លោក ដូណាល់ ត្រាំ ព្រមានពីរលកនៃការវាយប្រហារថ្មី ប្រសិនបើកិច្ចព្រមព្រៀងជាមួយអ៊ីរ៉ង់បរាជ័យ

លោក ត្រាំ ជឿថាការចរចាអាចមានវិញនៅ ៣ថ្ងៃទៀត តែអ៊ីរ៉ង់ថាទាល់តែអាមេរិកបើកផ្លូវសមុទ្រឡើងវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

លោក ដូណាល់ ត្រាំ ថា​នឹង​ជួប​មេ​បក្ស​ប្រឆាំង​វេណេហ្ស៊ុយអេឡា ខណៈ​ឯ​ទីក្រុង​ការ៉ាកាស ដោះលែង​អ្នកទោស

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

លោក ដូណាល់ ត្រាំ ថានឹងជួបមេបក្សប្រឆាំងវេណេហ្ស៊ុយអេឡា ខណៈឯទីក្រុងការ៉ាកាស ដោះលែងអ្នកទោស