អាជ្ញាធរបង្ក្រាបទីតាំងប្រតិបត្តិការអនឡាញខុសច្បាប់ពីរកន្លែងនៅប៉ោយប៉ែត ឃាត់ខ្លួនជនល្មើស២៣០នាក់

សមត្ថកិច្ចបង្ក្រាបទីតាំងប្រតិបត្តិការអនឡាញខុសច្បាប់ពីរកន្លែងនៅក្រុងប៉ោយប៉ែត ខេត្តបន្ទាយមានជ័យ ដោយរកឃើញជនបរទេស ២៣០នាក់ពាក់ព័ន្ធ ក្នុងនោះពលរដ្ឋថៃ ច្រើនជាងគេ។

អគ្គស្នងការនគរបាលជាតិ ចេញសេចក្តីប្រកាសព័ត៌មាននៅថ្ងៃទី២៤ កុម្ភៈ នេះថា ភ្នាក់ងារសមត្ថកិច្ចបានចុះបង្ក្រាបទីតាំងចំនួន ២កន្លែងក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បន្ទាប់ពីតាមដានអស់រយៈពេលជាង ៣ខែ ហើយជាលទ្ធផល បានរកឃើញជនល្មើសសម្ងំលាក់ខ្លួនលួចលាក់ធ្វើប្រតិបត្តិការអនឡាញខុសច្បាប់ជាង ២០០នាក់ (២៣០នាក់) ក្នុងនោះក៏មានជនជាតិថៃ ចំនួន ១២៣នាក់ផងដែរ។

នគរបាលជាតិកម្ពុជា បញ្ជាក់ថា អាជ្ញាធរខ្មែរនឹងស្នើសុំកិច្ចសហការជាមួយនគរបាលភូមិន្ទថៃ ដើម្បីមានវិធានការបន្ត ក៏ដូចជាសហការដើម្បីកំណត់មុខសញ្ញាមេខ្លោងសំខាន់ដទៃទៀតដើម្បីស្វែងរកការចាប់ខ្លួនជនល្មើសដែលជាមេខ្លោងយកមកអនុវត្តច្បាប់របស់កម្ពុជាឱ្យខាងតែបាន។

សេចក្តីប្រកាសព័ត៌មាននេះធ្វើឡើងស្របពេលដែលប្រទេសកម្ពុជាត្រូវបានគេចាត់ទុកថាជាមជ្ឈមណ្ឌលប្រព្រឹត្តបទល្មើសអនឡាញខុសច្បាប់ក្នុងតំបន់សព្វថ្ងៃនេះ។

អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ លោក សេក សុជាតិ ប្រាប់សារព័ត៌មាន The Cambodia Daily នៅថ្ងៃទី២៤ កុម្ភៈ នេះថា បទល្មើសអនឡាញមានច្រើនទម្រង់ដែលកំពុងធ្វើប្រតិបត្តិការនៅប្រទេសកម្ពុជាសព្វថ្ងៃនេះ ដូច្នេះការបង្ក្រាបបទល្មើសទាំងនេះមិនទាន់គ្រប់គ្រាន់ទេ គឺត្រូវបោសសម្អាតឱ្យអស់តែម្តង។

លោក សេក សុជាតិ លើកឡើងថា បើអាជ្ញាធរមិនអាចលុបបំបាត់បទល្មើសទាំងនេះបានទេ ឥទ្ធិពលអាក្រក់នឹងជះត្រឡប់មកលើរដ្ឋាភិបាលកម្ពុជាវិញប៉ុណ្ណោះ ហើយអ្នកដែលខាតបង់ក៏ជាកម្ពុជាដែរ ខណៈពលរដ្ឋខ្មែរក៏ត្រូវរងគ្រោះដោយសារអំពើខុសច្បាប់ទាំងនេះថែមទៀត។

ប្រភពដដែលបញ្ជាក់ថា ជនល្មើសដែលត្រូវរកឃើញគួរតែត្រូវបានអនុវត្តច្បាប់ធ្ងន់ធ្ងរបំផុត និងគួរតែត្រូវបានហាមប្រាមមិនឱ្យចូលប្រទេសកម្ពុជាផងដែរ ដើម្បីទុកជាការព្រមានដល់ជនល្មើសដទៃទៀត និងដើម្បីធានាថាកម្ពុជាគ្មានបទល្មើសអនឡាញទៅថ្ងៃមុខ។

ទាក់ទិននឹងបញ្ហានេះ ក្រុមអ្នកសង្កេតការណ៍លើកឡើងថា កម្ពុជាមិនអាចលុបបំបាត់បទល្មើសអនឡាញបានទេ ព្រោះបទល្មើសទាំងនេះមិនមែនត្រឹមតែឧក្រិដ្ឋជនធម្មតាជាអ្នកប្រព្រឹត្តទេ គឺមន្ត្រីជាន់ខ្ពស់ក្នុងជួររដ្ឋាភិបាលជាអ្នកនៅពីក្រោយអំពើខុសច្បាប់នេះតែម្តង ខណៈច្បាប់នៅប្រទេសកម្ពុជាក៏មិនដែលអនុវត្តទៅលើពួកគេដែរ។

ជាក់ស្តែង កាលពីអំឡុងខែកញ្ញា ឆ្នាំ២០២៤ ការិយាល័យគ្រប់គ្រងទ្រព្យសកម្មបរទេសនៃក្រសួងហិរញ្ញវត្ថុសហរដ្ឋអាមេរិក បានប្រកាសដាក់ទណ្ឌកម្មបង្កកទ្រព្យសម្បត្តិសមាជិកព្រឹទ្ធសភាបក្សកាន់អំណាច លោក លី យ៉ុងផាត់ និងអាជីវកម្មរបស់លោកមួយចំនួនដែលជាប់ពាក់ព័ន្ធនឹងការជួញដូរមនុស្ស ការលាងលុយកខ្វក់ ការបង្ខំឲ្យធ្វើពលកម្មដោយខុសច្បាប់ និងការបោកប្រាស់តាមបណ្ដាញអ៊ីនធឺណិត ជាដើម៕

អាជ្ញាធរបង្ក្រាបទីតាំងប្រតិបត្តិការអនឡាញខុសច្បាប់ពីរកន្លែងនៅប៉ោយប៉ែត ឃាត់ខ្លួនជនល្មើស២៣០នាក់

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

មន្ត្រីរដ្ឋាភិបាលនិងមន្ត្រីបក្សក្រៅរដ្ឋាភិបាលខ្មែរ កើតទុក្ខមិនសុខចិត្តនឹងពាក្យគេហៅ Scambodia

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន