នាយករដ្ឋមន្ត្រីអង់គ្លេសព្រមានអំពីផលវិបាកធ្ងន់ធ្ងរ បើលោក ពូទីន រំលោភកិច្ចព្រមព្រៀងសន្តិភាព

នាយករដ្ឋមន្ត្រីអង់គ្លេស លោក Keir Starmer ព្រមានថាមេដឹកនាំរុស្ស៊ី លោក វ្ល៉ាឌីមៀ ពូទីន នឹងបំពានកិច្ចព្រមព្រៀងសន្តិភាពសម្រាប់ប្រទេសអ៊ុយក្រែន ប្រសិនបើអ៊ុយក្រែន មិនត្រូវបានជួយការពារឲ្យរឹងមាំ តែលោកព្រមានថា ក្រុងមូស្គូ នឹងរងវិបាកធ្ងន់ធ្ងរ។

លោក Keir Starmer ព្រមានដូចនេះនៅក្នុងបទសម្ភាសន៍ជាមួយបណ្ដាញផ្សាយព័ត៌មាននៃសាជីវកម្មព័ត៌មានអង់គ្លេស BBC ដែលត្រូវបានបណ្ដាញផ្សាយព័ត៌មាន The Guardian បានចុះផ្សាយបន្តនៅថ្ងៃទី២១ មីនា នេះ។

លោកនាយករដ្ឋមន្ត្រីអង់គ្លេស បានលើកឡើងថា កិច្ចព្រមព្រៀងណាមួយស្ដីពីសន្តិភាព និងបទឈប់បាញ់រវាងរុស្ស៊ី និងអ៊ុយក្រែន ត្រូវតែមានរយៈពេលយូរ និងរឹងមាំ តែលោកថាវាអាស្រ័យលើការរៀបចំសន្តិសុខនៅនឹងកន្លែងឱ្យបានរឹងមាំ ដែលបង្ហាញថាប្រទេសរុស្ស៊ី មិនអាចបំពានសន្តិភាពបានឡើយ តែបើលោក ពូទីន បំពាន គឺក្រុងមូស្គូ នឹងរងផលវិបាកធ្ងន់ធ្ងរ។

កាលពីថ្ងៃទី២០ មីនា លោកនាយករដ្ឋមន្ត្រីអង់គ្លេស Keir Starmer បានបើកកិច្ចប្រជុំជាមួយនឹងមន្ត្រីជាន់ខ្ពស់មកពី ៣១ប្រទេស។ ក្រោយពីកិច្ចប្រជុំនេះ លោក Keir Starmer បានប្រកាសពីការបញ្ជូនទ័ពអឺរ៉ុប ទៅអ៊ុយក្រែន ដែលលោកថាមិនមែនជាទ័ពរក្សាសន្តិភាពនោះទេ គឺទ័ពរក្សាសន្តិសុខសម្រាប់អ៊ុយក្រែន គេហៅថាកម្លាំងពហុជាតិសម្រាប់អ៊ុយក្រែន (Multinational Forces for Ukraine) ឬ MFU។

ចក្រភពអង់គ្លេស និងបារាំង កំពុងបង្កើតផែនការដាក់ពង្រាយកងទ័ពពី ២០០០០នាក់ទៅ ៣០០០០នាក់ទៅកាន់ប្រទេសអ៊ុយក្រែន ដើម្បីអនុវត្តកិច្ចព្រមព្រៀងសន្តិភាពនាពេលខាងមុខ បើទោះជាមិនមានការចូលរួមពីកងទ័ពសហរដ្ឋអាមេរិកក្ដី។

កិច្ចប្រជុំជាមួយនឹងមន្ត្រីជាន់ខ្ពស់ ៣១ប្រទេស បានឈានដល់ការបង្កើតក្រុមចម្រុះឆន្ទៈដើម្បីពង្រឹងដែនសន្តិសុខប្រទេសអ៊ុយក្រែន ដោយធានាថា កិច្ចព្រមព្រៀងសន្តិភាពមិនត្រូវបានរំលោភឡើយ។

ជាមួយគ្នានេះ នាយករដ្ឋមន្ត្រីចក្រភពអង់គ្លេស Keir Starmer បានដាក់បទបញ្ជាទៅកាន់កងទ័ពអង់គ្លេសទាំងឡាយណាដែលត្រូវបំពេញតួនាទីទៅកាន់ប្រទេសអ៊ុយក្រែន ក្នុងក្របខ័ណ្ឌនៃកងរក្សាសន្តិសុខសម្រាប់ប្រទេសអ៊ុយក្រែន ឱ្យចូលបន្ទាយជាបន្ទាន់។

បើតាមការចុះផ្សាយរបស់សារព័ត៌មាន The Guardian នាយករដ្ឋមន្ត្រីអង់គ្លេសរូបនេះបានចេញបទបញ្ជាកាលពីសប្ដាហ៍មុន គឺមុនលោកត្រូវជួបមន្ត្រីជាន់ខ្ពស់មកពីជាង ៣០ប្រទេសនៅថ្ងៃទី២០ មីនា នេះ។

លោក Keir Starmer បានប្រកាសឱ្យទ័ពអង់គ្លេសដែលបម្រុងទៅកាន់ប្រទេសអ៊ុយក្រែន ក្នុងក្របខ័ណ្ឌកងរក្សាសន្តិសុខត្រូវត្រៀមលក្ខណៈទាំងភស្តុភារផ្សេងៗដែលត្រៀមដឹកទៅប្រទេសអ៊ុយក្រែន។

លោក Keir Starmer ទំនងនឹងឆាប់បញ្ជូនកងទ័ពអង់គ្លេស ទៅកាន់ប្រទេសអ៊ុយក្រែន ឱ្យឆាប់បំផុត គឺភ្លាមៗនៅពេលអ៊ុយក្រែន និងរុស្ស៊ី ឈានដល់ដំណាក់កាលនៃការអនុវត្តបទឈប់បាញ់។

បើយោងតាមលោកនាយករដ្ឋមន្ត្រីចក្រភពអង់គ្លេសរូបនេះ ក្រុមចម្រុះសុឆន្ទៈដែលត្រូវបញ្ជូនទ័ពរក្សាសន្តិសុខទៅកាន់អ៊ុយក្រែន នោះ គឺជំហានដំបូងមានទ័ពពី ២ម៉ឺនទៅ ៣ម៉ឺននាក់ ហើយអង្គភាពទ័ពពិសេសនេះក៏មានទ័ពជើងអាកាស និងជើងទឹកផងដែរ។ ពួកគេត្រូវដាក់ពង្រាយរហូតដល់លម្ហសមុទ្រខ្មៅ។

កាលពីសប្ដាហ៍មុន ប្រធានាធិបតីបារាំង លោក ម៉ាក្រុង បាននិយាយថា ការបញ្ជូនទ័ពអឺរ៉ុបដែលមានទ័ពបារាំង ផងដែរទៅអ៊ុយក្រែន បើទោះជារុស្ស៊ី ជំទាស់ ក៏គ្មានប្រសិទ្ធភាពដែរ ព្រោះក្រុងមូស្គូ គ្មានសិទ្ធិបង្គាប់បញ្ជាលើអឺរ៉ុបឡើយ។ លោក ម៉ាក្រុង ថាវាជាសេចក្ដីសម្រេចរបស់ប្រទេសអ៊ុយក្រែន។

ទាំងលោក ម៉ាក្រុង ប្រធានាធិបតីបារាំង និងលោក Keir Starmer នាយករដ្ឋមន្ត្រីអង់គ្លេស គឺជាមេគំនិតនៃការបង្កើតក្រុមចម្រុះសុឆន្ទៈដែលមានជាង ៣០ប្រទេស ក្នុងនោះមានទាំងប្រទេសអូស្ត្រាលី ញូវហ្សេឡេន និងប្រទេសកាណាដា។ ចំណែកប្រទេសកូរ៉េខាងត្បូង ជប៉ុន ក៏រំពឹងថានឹងចូលរួមផងដែរ។ ក្នុងក្រុមចម្រុះនេះ ប្រទេសខ្លះបើទោះជាមិនបញ្ជូនទ័ពទៅអ៊ុយក្រែន ក៏ពួកគេអាចបញ្ជូនភស្តុភារទៅចូលរួម ដើម្បីជួយពង្រឹងសន្តិសុខនៃប្រទេសអ៊ុយក្រែន បានផងដែរ៕

នាយករដ្ឋមន្ត្រីអង់គ្លេសព្រមានអំពីផលវិបាកធ្ងន់ធ្ងរ បើលោក ពូទីន រំលោភកិច្ចព្រមព្រៀងសន្តិភាព

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ផែនការសន្តិភាព ២០ចំណុចថ្មីមិនតម្រូវឱ្យអ៊ុយក្រែន បោះបង់តំបន់ដុនបាស និងមិនហាមចូលសមាជិកណាតូ

ប្រជាជនអ៊ុយក្រែនភាគច្រើនទាត់ចោលការទាមទារឱ្យអ៊ុយក្រែន កាត់ទឹកដីដូរយកសន្តិភាព

រុស្ស៊ី ព្រមានថាបទឈប់បាញ់អាចធ្វើទៅបាន លុះត្រាតែអ៊ុយក្រែន ដកទ័ពចេញពីតំបន់ដុនបាសទាំងមូល

លោក ពូទីន ទៅឥណ្ឌា ស្នើសុំបន្តជួយទិញប្រេង ចំណែកឯលោក ម៉ាក្រុង ទៅចិន ស្នើដាក់សម្ពាធលើរុស្ស៊ី

លោក ពូទីន សច្ចាវាយយកតំបន់ពីររបស់អ៊ុយក្រែន ខណៈលោកចេញទៅជួបនាយករដ្ឋមន្ត្រីឥណ្ឌា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

នាយករដ្ឋមន្ត្រី​អង់គ្លេស​ព្រមាន​អំពី​ផលវិបាក​ធ្ងន់ធ្ងរ បើ​លោក ពូទីន រំលោភ​កិច្ចព្រមព្រៀង​សន្តិភាព

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

នាយករដ្ឋមន្ត្រីអង់គ្លេសព្រមានអំពីផលវិបាកធ្ងន់ធ្ងរ បើលោក ពូទីន រំលោភកិច្ចព្រមព្រៀងសន្តិភាព