លោក ស៊ុន ចាន់ថុល៖ កម្ពុជាចុះបញ្ជីវិនិយោគជិត ៣០០គម្រោង កើនឡើងជាង ១០០គម្រោងក្នុងរយៈពេល ៥ខែឆ្នាំ២០២៥

ក្រុមប្រឹក្សាអភិវឌ្ឍន៍កម្ពុជា បង្ហាញថារយៈពេល ៥ខែក្នុងឆ្នាំ២០២៥ នេះ ការចុះបញ្ជីវិនិយោគមានចំនួនជិត ៣០០គម្រោង (២៩០គម្រោង) កើនឡើងជាង ១០០គម្រោង (១៣៧គម្រោង) ស្មើនឹង ៩០% បើធៀបនឹងឆ្នាំ២០២៤ ខណៈគម្រោងវិនិយោគចិន មានចំនួនជាង ៦០% (៦២,២៧%)។

អនុប្រធានក្រុមប្រឹក្សាអភិវឌ្ឍន៍កម្ពុជា លោក ស៊ុន ចាន់ថុល បង្ហាញរបាយការណ៍វិនិយោគលើទំព័រហ្វេសប៊ុករបស់ខ្លួននៅថ្ងៃទី១០ មិថុនា នេះថា គិតចាប់ពីខែមករា ដល់ខែឧសភា ឆ្នាំ២០២៥ នេះ ការចុះបញ្ជីគម្រោងវិនិយោគមានចំនួនជាង ២០០គម្រោងក្រោមទុនជាង ៤ពាន់លានដុល្លារអាមេរិក (៤,២ពាន់លានដុល្លារ) ដែលអាចបង្កើតការងារជាង ២០០ពាន់កន្លែង។

ប្រភពដដែល លើកឡើងថា ប្រភពទុនវិនិយោគឈានមុខគេមានប្រទេសចំនួន ១០ រួមមាន ចិន ជាង ៦០% (៦២,២៧%) កម្ពុជាខ្លួនឯង ជាង ២០% (២៣,២៨%) ខណៈសហរដ្ឋអាមេរិក នៅក្រោមគេ គឺមានទុនវិនិយោគត្រឹមតែ ០,១៥% ប៉ុណ្ណោះ។

ក្រុមប្រឹក្សាអភិវឌ្ឍន៍កម្ពុជា បញ្ជាក់ថា ក្នុងខែឧសភា កន្លងទៅនេះ ៥៩គម្រោងវិនិយោគដែលមានទំហំទុនជាង ៨០០លានដុល្លារអាមេរិក (៨១៦លានដុល្លារ) ត្រូវបានអនុម័ត ដែលនឹងជួយបង្កើតការងារប្រមាណ ៤៤ពាន់កន្លែង ខណៈវិស័យដែលវិនិយោគច្រើនបំផុត គឺវិស័យឧស្សាហកម្មដែលមានទំហំទុនជាង ៥០០លានដុល្លារអាមេរិក (៥៧៩លានដុល្លារ)។

ក្នុងចំណោមប្រទេសទាំង ១០ ដែលជាប់ក្នុងតារាងទុនវិនិយោគឈានមុខនៅកម្ពុជា រួមមាន ចិន សិង្ហបុរី កោះ British Virgin វៀតណាម អង់គ្លេស កោះ Cayman កោះ Samoa សាធារណរដ្ឋកូរ៉េ និងសហរដ្ឋអាមេរិក ខណៈប្រទេសជប៉ុន ដែលលោក ហ៊ុន ម៉ាណែត អំពាវនាវឱ្យទៅវិនិយោគនៅកម្ពុជា កាលពីពេលថ្មីៗនេះ មិនជាប់ក្នុងតារាងនៃប្រទេសទាំង ១០ នេះទេ។

ជុំវិញបញ្ហានេះ មន្ត្រីជាន់ខ្ពស់គណបក្សសង្គ្រោះជាតិ លោក ហ៊ីង សុខសាន្ត ធ្លាប់លើកឡើងក្នុងកម្មវិធី Idea Talk នៃសារព័ត៌មាន The Cambodia Daily កាលពីពេលថ្មីៗនេះថា ស្ថិតក្នុងបរិបទដែលកម្ពុជាកំពុងប្រឈមនឹងការកំណត់ពន្ធខ្ពស់ពីសហរដ្ឋអាមេរិកក្នុងពេលនេះ ទោះមានគម្រោងវិនិយោគច្រើនប៉ុនណា ក៏មិនទាន់មានភាពប្រាកដប្រជា ១០០% ដែរ។

ចំណែកអ្នកគ្រប់គ្រងកម្មវិធីការងារនៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) លោក ឃុន ថារ៉ូ បានលើកឡើងកាលពីពេលថ្មីៗនេះថា បញ្ហាអំពើពុករលួយ បញ្ហាឆបោក និងឧក្រិដ្ឋកម្មផ្សេងៗដែលមជ្ឈដ្ឋានអន្តរជាតិបង្ហាញរបាយការណ៍ថាកំពុងកើតមាននៅកម្ពុជា គឺជាឧបសគ្គដ៏ធំសម្រាប់ទាក់ទាញការវិនិយោគរបស់រដ្ឋាភិបាល៕

លោក ស៊ុន ចាន់ថុល៖ កម្ពុជាចុះបញ្ជីវិនិយោគជិត ៣០០គម្រោង កើនឡើងជាង ១០០គម្រោងក្នុងរយៈពេល ៥ខែឆ្នាំ២០២៥

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

តម្លៃប្រេងឥន្ធនៈនៅកម្ពុជា បានធ្លាក់ចុះនៅថ្ងៃទី១០ ខែមេសា មុនពិធីបុណ្យចូលឆ្នាំថ្មី

ប្រេងឥន្ធនៈឡើងថ្លៃជារឿងធម្មជាតិ រដ្ឋមិនដឹងដោះស្រាយដូចម្តេច ថាគ្មានលួចរត់ពន្ធ

ស្ថានភាពសេដ្ឋកិច្ចប្រទេសកម្ពុជា បន្ទាប់ពីមានចម្បាំងនឹងថៃ និងសង្គ្រាមនៅមជ្ឈិមបូព៌ា

តម្លៃប្រេងម៉ាស៊ូតឡើងដល់ ៧១០០រៀលក្នុង១លីត្រ ខណៈហ្គាស៍ឡើងដល់ ៣២០០រៀលចាប់ពីថ្ងៃទី២៦ មីនា

ប្រេងសាំងនៅកម្ពុជាធ្លាក់ថ្លៃ ១០០រៀល ខណៈរដ្ឋទម្លាក់ពន្ធគយមកនៅត្រឹមសូន្យភាគរយ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន