រញ្ជួយដីកម្រិត ៨,៨រ៉ិចទ័រនៅភាគបូព៌ាប្រទេសរុស្ស៊ី បង្កឲ្យមានរលកយក្សស៊ូណាមិវាយដល់តំបន់ជាច្រើននៅអាមេរិក

នៅខណៈនេះ ពិភពលោកកំពុងធ្លាក់ក្នុងបាតុភូតធម្មជាតិនៃការរញ្ជួយស្នូលផែនដីក្នុងទំហំ ៨,៨រ៉ិចទ័ពនៅតំបន់ Kamchatka នៃឧបទ្វីបរុស្ស៊ី ដែលវាបានផ្ទុះឡើងកាលពីព្រឹកថ្ងៃពុធ ទី៣០ ខែកក្កដា។

ការរញ្ជួយដីដ៏ខ្លាំងនេះ បានបង្កឱ្យមានការផ្ទុះរលកយក្សស៊ូណាមិ វាយប្រហារតំបន់ឆ្នេរមួយចំនួននៃប្រទេសអាមេរិក និងទ្វីបអាមេរិកខាងត្បូង។

តាមការចុះផ្សាយដោយទីភ្នាក់ងារសារព័ត៌មាន AP រលកយក្សស៊ូណាមិ ដែលបង្កការរញ្ជួយដីនៅភាគបូព៌ានៃប្រទេសរុស្ស៊ី វាយប្រហារដល់រដ្ឋអាមេរិកជាច្រើន មានដូចជា រដ្ឋ Hawaii រដ្ឋ Alaska និងឈូងសមុទ្រអាមេរិកនៅភាគខាងលិច និងតំបន់ប្រជុំ Kurils នៃប្រទេសជប៉ុន កាណាដា និងអូស្ត្រាលី។

រលកយក្សស៊ូណាមិ មានកម្រិតកម្ពស់ដល់ទៅ ៤ម៉ែត្រ។ នៅរដ្ឋ Hawaii សហរដ្ឋអាមេរិក រថយន្តកំពុងកកស្ទះពេញដងផ្លូវ ខណៈប្រជាជនរត់រកទីសុវត្ថិភាព។ នៅភាគខាងជើងនៃប្រទេសជប៉ុន ប្រជាជនរាប់ម៉ឺននាក់កំពុងជម្លៀស។ តំបន់ភាគខាងជើងប្រទេសជប៉ុន មួយនេះ ធ្លាប់រងគ្រោះដោយសាររលកយក្សស៊ូណាមិនៅឆ្នាំ២០១១ ដែលបង្កវិនាសកម្មយ៉ាងធ្ងន់ធ្ងរបំផុត។

ទីភ្នាក់ងារភូគព្ភសាស្ត្រសហរដ្ឋអាមេរិក ឲ្យដឹងថា រញ្ជួយដីនៅតំបន់ Kamchatka នៃឧបទ្វីបរុស្ស៊ី បង្កឱ្យរលកយក្សស៊ូណាមិមានកម្ពស់ពី ៣ម៉ែត្រទៅ ៤ម៉ែត្រ។ អាជ្ញាធរតំបន់ Sakhalin បានចេញសេចក្ដីប្រកាសព័ត៌មានថា ការប្រកាសភាពអាសន្នត្រូវបានធ្វើឡើងនៅភាគខាងជើងទីប្រជុំកោះ Kuril ជាទីដែលបានជួបគ្រោះរញ្ជួយដីកម្រិតធ្ងន់ និងរលកស៊ូណាមិ។

អភិបាលប្រចាំតំបន់ភាគខាងជើងទីប្រជុំកោះ Kuril និយាយថា មនុស្សទាំងអស់នៅទីនោះ ត្រូវបានជម្លៀសទៅកាន់ទីសុវត្ថិភាពទាន់ពេលវេលា គឺមុនមួយម៉ោងនៃការវាយលុកដោយរលកស៊ូណាមិ។

ការព្រមានពីរលកស៊ូណាមិ បង្ខំឱ្យប្រទេសរុស្ស៊ី ជប៉ុន តៃវ៉ាន់ ហ្វីលីពីន ឥណ្ឌូនេស៊ី ចិន កោះហ្កាំនៃតំបន់អាស៊ីប៉ាស៊ីហ្វិក រដ្ឋកាលីហ្វ័រញ៉ា រដ្ឋអាឡាស្កា រដ្ឋអូរីហ្គិន រដ្ឋវ៉ាស៊ីនតោន ប្រទេសតុងហ្គា ប្រទេសកូឡុំប៊ី ម៉ិកស៊ីកូ ប្រទេសប៉េរូ និងប្រទេសអេក្វាឌ័រ ប្រកាសអាសន្ន។

ប្រទេសអេក្វាឌ័រ បានដាក់បទបញ្ជាឱ្យមានការជម្លៀសទុកជាមុនចេញពីឆ្នេរសមុទ្រ ពីកំពង់ផែ និងតំបន់ទំនាប នៅក្នុងប្រជុំកោះ Galapagos បន្ទាប់ពីគ្រោះរញ្ជួយដីកម្រិត ៨,៨រ៉ិចទ័រនេះបានវាយប្រហារនៅឆ្នេរសមុទ្រចេញពីភាគខាងកើតរបស់ប្រទេសរុស្ស៊ី។

អង្គភាពទទួលបន្ទុកតាមដានហានិភ័យរបស់ប្រទេសអេក្វាឌ័រ បានព្រមានអំពីរលកយក្សស៊ូណាមិ ដែលនឹងប៉ះទង្គិចទៅលើតំបន់ Insular នៃប្រជុំកោះ Galapagos។ នៅតំបន់នេះ អាជ្ញាធរតម្រូវឱ្យផ្អាកសកម្មភាពដែនសមុទ្រជាបន្ទាន់។

ទីភ្នាក់ងារតាមដានគ្រោះរញ្ជួយដីក្នុងប្រទេសរុស្ស៊ី និយាយថា ការរញ្ជួយដីកម្រិត ៨,៨រ៉ិចទ័រ គឺជាកម្រិតខ្លាំងក្លាបំផុតមួយ គិតចាប់តាំងពីឆ្នាំ១៩៥២។ ចំណែកប្រទេសប៉េរូ បានព្រមានអំពីរលកយក្សស៊ូណាមិ ខណៈដែលប្រទេសម៉ិកស៊ីកូ បានប្រកាសឲ្យប្រជាជនចៀសវាងការធ្វើដំណើរទៅកាន់ឆ្នេរសមុទ្រប៉ាស៊ីហ្វិក ព្រោះរលកយក្សស៊ូណាមិ បានបង្កពីការរញ្ជួយដីយ៉ាងខ្លាំងនៅឯឆ្នេរភាគបូព៌ានៃប្រទេសរុស្ស៊ី។

នាយកដ្ឋានជលសាស្ត្រ និងនាវាចរណ៍នៃកងទ័ពជើងទឹកប្រទេសប៉េរូ បានចេញសេចក្តីប្រកាសព័ត៌មានធ្វើឡើងបន្ទាប់ពីមានការវិភាគ និងវាយតម្លៃដោយទីភ្នាក់ងារតាមដានរលកយក្សស៊ូណាមិ បានព្រមានពីផលវិបាកនៃការវាយលុកពីរលកយក្សនេះ ដែលអាចប៉ះទង្គិចខ្លាំងទៅលើឆ្នេរសមុទ្ររបស់ប្រទេសប៉េរូ។

ជាមួយគ្នានេះ កងទ័ពជើងទឹកប្រទេសម៉ិកស៊ីកូ ក៏បានព្រមានដែរថា ចរន្តទឹកបុកឡើងខ្លាំង ត្រូវបានព្យាករថាអាចកើតដោយចេញពីឆ្នេរសមុទ្រនៅរដ្ឋ California នៅភាគពាយ័ព្យទៅកាន់រដ្ឋ Chiapas ភាគខាងត្បូងនៃប្រទេសម៉ិកស៊ីកូ៕

រញ្ជួយដីកម្រិត ៨,៨រ៉ិចទ័រនៅភាគបូព៌ាប្រទេសរុស្ស៊ី បង្កឲ្យមានរលកយក្សស៊ូណាមិវាយដល់តំបន់ជាច្រើននៅអាមេរិក

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ទស្សនៈអ្នកវិភាគសេដ្ឋកិច្ច និងភូមិសាស្ត្រនយោបាយ៖ សហព័ន្ធរុស្ស៊ី កំពុងតែដួលរលំទៅហើយ

សាកសពពលករខ្មែរ ២នាក់បន្ថែមទៀតត្រូវបានរកឃើញក្រោមអគារបាក់រលំក្នុងប្រទេសថៃ

លោក ហ៊ុន ម៉ាណែត ជំរុញឱ្យអាជ្ញាធរត្រួតពិនិត្យសំណង់អគារចាស់ៗ ក្រោយពីទទួលចំហាយរញ្ជួយដីកម្រិតទាប

សង្គមស៊ីវិលអំពាវនាវឱ្យរដ្ឋាភិបាលថៃនិងកម្ពុជា ជួយពលកររងគ្រោះដោយការរញ្ជួយដីឱ្យបានឆាប់រហ័ស

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន