ជនជាតិវៀតណាម ៧២នាក់ត្រូវបានបណ្ដេញចេញពីកម្ពុជា ពាក់ព័ន្ធឆ្លងដែនខុសច្បាប់និងបទល្មើសឆបោកអនឡាញ

អគ្គនាយកដ្ឋានអន្តោប្រវេសន៍ បន្តបណ្តេញជនជាតិវៀតណាម សរុបចំនួន ៧២នាក់ចេញពីកម្ពុជា ក្រោយរកឃើញថាជាប់ពាក់ព័ន្ធលួចឆ្លងដែនខុសច្បាប់ និងបទល្មើសឆបោកតាមប្រព័ន្ធអនឡាញ (Online Scams) នៅកម្ពុជា។

អគ្គនាយកដ្ឋានអន្តោប្រវេសន៍ បានសរសេរនៅលើបណ្ដាញសង្គមរបស់ខ្លួនថា ក្នុងចំណោមជនជាតិវៀតណាម ទាំង ៧២នាក់នោះ គឺមានស្រីចំនួន ២៤នាក់ ដែលទទួលបានពីស្នងការដ្ឋាននគរបាលរាជធានីភ្នំពេញ ខេត្តស្វាយរៀង ខេត្តកណ្តាល ខេត្តព្រៃវែង ខេត្តពោធិ៍សាត់ និងខេត្តត្បូងឃ្មុំ។

ប្រភពដដែលបញ្ជាក់ថា ការអនុវត្តនីតិវិធីបណ្ដេញចេញចំពោះជនជាតិវៀតណាម ទាំងនោះ គឺពាក់ព័ន្ធករណីបំពានប្រកាសស្ដីពីការបណ្ដេញជនបរទេសចេញពីកម្ពុជា អនុវត្តទោសចប់ លួចស្នាក់នៅខុសច្បាប់លើសទិដ្ឋាការកំណត់ លួចឆ្លងដែនខុសច្បាប់ និងលួចស្នាក់នៅធ្វើការខុសច្បាប់ទាក់ទងអំពើឆបោកតាមអនឡាញ (Online Scams)។

អគ្គនាយកដ្ឋានអន្តោប្រវេសន៍ បានបន្ថែមទៀតថា ជនជាតិវៀតណាម សរុបចំនួន ៧២នាក់ ត្រូវបានបណ្ដេញចេញតាមច្រកទ្វារព្រំដែនអន្តរជាតិភ្នំដិន ខេត្តតាកែវ កាលពីថ្ងៃទី១២ ខែសីហា ឆ្នាំ២០២៥ តាមការណែនាំរបស់ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងអគ្គនាយកអន្តោប្រវេសន៍។

កាលពីថ្ងៃទី៨ ខែសីហា ឆ្នាំ២០២៥ កន្លងទៅ សមត្ថកិច្ចកម្ពុជា បានធ្វើការបណ្តេញជនជាតិវៀតណាម ៣៥២នាក់ ចេញពីព្រះរាជាណាចក្រកម្ពុជា តាមប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងផ្លុង ខេត្តត្បូងឃ្មុំ ពាក់ព័ន្ធករណីលួចស្នាក់នៅធ្វើការងារខុសច្បាប់ និងគ្មានលិខិតឆ្លងដែន។

អនុប្រធានគណៈកម្មាធិការជាតិប្រយុទ្ធប្រឆាំងការជួញដូរមនុស្ស លោកស្រី ជូ ប៊ុនអេង បានថ្លែងកន្លងមកថា ការបង្ក្រាបទីតាំងឆបោកអនឡាញមានភាពស្មុគស្មាញច្រើន ព្រោះទីតាំងមួយចំនួនជ្រកក្រោមផ្លាកអាជីវកម្មស្របច្បាប់។ ម្យ៉ាង ជនបរទេសដែលធ្វើដំណើរមកកម្ពុជា មិនបានបញ្ជាក់ពីគោលបំណងច្បាស់លាស់របស់ពួកគេ ដែលជាហេតុធ្វើឱ្យការគ្រប់គ្រងមានភាពលំបាក។

យោងតាមលិខិតក្រសួងមហាផ្ទៃ ចុះថ្ងៃទី១០ ខែកក្កដា ឆ្នាំ២០២០ បង្ហាញថា ជនបរទេសអន្តោប្រវេសន៍នៅទូទាំងប្រទេសកម្ពុជា បានស្នើសុំប្រកាសទទួលស្គាល់ជាជនអន្តោប្រវេសន៍ និងសុំបណ្ណស្នាក់នៅអចិន្ត្រៃយ៍ជាង ៨ម៉ឺន ៩ពាន់នាក់ (៨៩៧៨៦នាក់)។ ក្នុងចំណោមជនបរទេសទាំងជាង ៨ម៉ឺននាក់នេះ គឺស្មើនឹងជាង ២ម៉ឺន ៨ពាន់គ្រួសារ (២៨៩៤៥គ្រួសារ) ដែលមាន ១១សញ្ជាតិ ក្នុងនោះ ជនជាតិវៀតណាម មានចំនួន ៨៩៤៧១នាក់ ខណៈជនបរទេស ១០សញ្ជាតិផ្សេងទៀតដែលទទួលបានបណ្ណស្នាក់នៅមានត្រឹមតែជាង ៣០០នាក់ (៣១៥នាក់) ប៉ុណ្ណោះ៕

ជនជាតិវៀតណាម ៧២នាក់ត្រូវបានបណ្ដេញចេញពីកម្ពុជា ពាក់ព័ន្ធឆ្លងដែនខុសច្បាប់និងបទល្មើសឆបោកអនឡាញ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

មន្ត្រីរដ្ឋាភិបាលនិងមន្ត្រីបក្សក្រៅរដ្ឋាភិបាលខ្មែរ កើតទុក្ខមិនសុខចិត្តនឹងពាក្យគេហៅ Scambodia

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន