តុលាការសិង្ហបុរី បដិសេធពាក្យស្នើសុំបើកប្រាក់ដោយបុគ្គលិករបស់ឧកញ៉ា ចេន ហ្ស៊ី ពីធនាគារនៅសិង្ហបុរី

ក្រសួងមហាផ្ទៃ អះអាងថា មហាសេដ្ឋីជនជាតិចិនសញ្ជាតិខ្មែរ លោក ចេន ហ្ស៊ី (Vincent Chen Zhi) ដែលជាប់ពាក់ព័ន្ធនឹងការបោកប្រាស់ទ្រង់ទ្រាយធំ ការលាងលុយ និងឧក្រិដ្ឋកម្មឆ្លងដែនផ្សេងៗរួមជាមួយបក្ខពួកពីរនាក់ទៀត ត្រូវបានសមត្ថកិច្ចកម្ពុជា ចាប់បញ្ជូនខ្លួនទៅប្រទេសចិន ហើយ។

ក្រសួងមហាផ្ទៃ ចេញសេចក្តីប្រកាសព័ត៌មាននៅថ្ងៃទី៧ ខែមករា ឆ្នាំ២០២៦ នេះថា ផ្អែកតាមសំណើអាជ្ញាធរចិន សមត្ថកិច្ចប្រទេសកម្ពុជា បានចាប់ខ្លួនពលរដ្ឋចិន ៣នាក់ មានឈ្មោះ ចេន ហ្ស៊ី (Chen Zhi) ឈ្មោះ ស៊ូ ជី លាង (Xu Ji Liang) និងឈ្មោះ សៅ ជី ហួយ (Shao Ji Hui) ដើម្បីបញ្ជូនទៅសាធារណរដ្ឋប្រជាមានិតចិន វិញ ក្រោមការសហការរវាងសមត្ថកិច្ចនៃប្រទេសទាំងពីរ។

ប្រភពដដែលអះអាងថា ប្រតិបត្តិការនេះបានធ្វើឡើងកាលពីថ្ងៃទី៦ ខែមករា ឆ្នាំ២០២៦ បន្ទាប់ពីសមត្ថកិច្ចកម្ពុជា និងសមត្ថកិច្ចចិន បានសហការគ្នាស៊ើបអង្កេតរួមគ្នាអស់រយៈពេលជាច្រើនខែកន្លងមក។

ក្រសួងមហាផ្ទៃ បញ្ជាក់ថា លោក ចេន ហ្ស៊ី (Chen Zhi) ត្រូវបានព្រះមហាក្សត្រខ្មែរចេញព្រះរាជក្រឹត្យដកសញ្ជាតិខ្មែរតាំងពីអំឡុងខែធ្នូ ឆ្នាំ២០២៥ មកម្ល៉េះ។

ជុំវិញបញ្ហានេះ សារព័ត៌មាន The Standard បានរាយការណ៍នៅថ្ងៃទី៧ មករា នេះថា ស្ថាបនិកក្រុមហ៊ុន ព្រីនស៍ គ្រុប (Prince Group) មហាសេដ្ឋីជនជាតិចិនសញ្ជាតិខ្មែរ លោក ចេន ហ្ស៊ី (Vincent Chen Zhi) នៅថ្ងៃទី៧ ខែមករា ឆ្នាំ២០២៦ នេះ ត្រូវបានសមត្ថកិច្ចចាប់ខ្លួននៅកម្ពុជា និងធ្វើបត្យាប័នបញ្ជូនទៅប្រទេសចិន វិញហើយ ដើម្បីធ្វើការស៊ើបអង្កេត។

ប្រភពដដែល បញ្ជាក់ថា ប្រធានក្រុមហ៊ុន Cambodian Prince Group លោក ចេន ហ្ស៊ី (Vincent Chen Zhi) ត្រូវបាននិរទេសទៅកាន់ប្រទេសចិន បន្ទាប់ពីត្រូវបានចាប់ខ្លួននៅក្នុងប្រទេសកម្ពុជា ចំពេលមានការចោទប្រកាន់អំពីការក្លែងបន្លំ និងការលាងលុយកខ្វក់ទ្រង់ទ្រាយធំក្នុងចំណោមឧក្រិដ្ឋកម្មឆ្លងដែនដែលពាក់ព័ន្ធនឹងទឹកប្រាក់ជាង ១០ពាន់លានដុល្លារអាមេរិក។

កាលពីពាក់កណ្តាលខែតុលា ឆ្នាំ២០២៥ សហរដ្ឋអាមេរិក បានរឹបអូសទឹកប្រាក់ចំនួន ១៥ពាន់លានដុល្លារអាមេរិកជា bitcoin ពាក់ព័ន្ធរូបិយប័ណ្ណគ្រីបតូរបស់ប្រធានក្រុមហ៊ុន Prince Holding Group (Prince Group) លោក ចេន ហ្ស៊ី (Chen Zhi) ទាក់ទិននឹងការក្លែងបន្លំក្នុងអំពើឆបោកតាមអនឡាញ។

ក្រោយការចេញផ្សាយរបស់សារព័ត៌មានអន្តរជាតិពីការចាប់ខ្លួនលោក ចេន ហ្ស៊ី អ្នកនាំពាក្យគណបក្សប្រជាជនកម្ពុជា លោក ជា ធីរិទ្ធិ បានសរសេរលើគណនីហ្វេសប៊ុករបស់ខ្លួនដែលទំនងជាសំដៅដល់ការចាប់ខ្លួនមេឧក្រិដ្ឋជនអនឡាញរូបនេះថា បុគ្គលទាំងឡាយណាដែលប្រព្រឹត្តខុសច្បាប់ ទោះមានមុខនាទីអ្វីក៏ដោយ មិនអាចរួចផុតពីសំណាញ់ច្បាប់បានឡើយ។

លោក ជា ធីរិទ្ធិ ព្រមានថា ជនដែលព្យាយាមភ្ជាប់ឈ្មោះថ្នាក់ដឹកនាំ ជាពិសេសមេដឹកនាំបក្សកាន់អំណាចលោក ហ៊ុន សែន និងនាយករដ្ឋមន្ត្រីខ្មែរ លោក ហ៊ុន ម៉ាណែត ដើម្បីការពារ និងបិទបាំងទង្វើបំពានច្បាប់របស់ខ្លួនដែលបានធ្វើបាបប្រជាពលរដ្ឋ សុទ្ធសឹងតែជាក្រុមគោលដៅដែលបក្សកាន់អំណាចត្រូវបោសសម្អាតចោលទាំងអស់។

កាលពីថ្ងៃទី១៩ ខែមេសា ឆ្នាំ២០២៤ លោក ចេន ហ្ស៊ី (Chen Zhi) ត្រូវបានប្រធានព្រឹទ្ធសភា លោក ហ៊ុន សែន តែងតាំងជាទីប្រឹក្សាផ្ទាល់ខ្លួន បន្ទាប់ពីទទួលបានគោរមងារជាអ្នកឧកញ៉ា កាលពីថ្ងៃទី១០ ខែកក្កដា ឆ្នាំ២០២០ តាមការទូលថ្វាយរបស់លោក ហ៊ុន សែន ទៅព្រះមហាក្សត្រ។

លើសពីនេះ ក្រោយលោក ហ៊ុន ម៉ាណែត ឡើងកាន់អំណាចបន្តពីលោក ហ៊ុន សែន លោក ចេន ហ្ស៊ី ក៏ត្រូវបានតែងតាំងជាទីប្រឹក្សានាយករដ្ឋមន្ត្រីបន្ថែមទៀតផងដែរ។ លោក ចេន ហ្ស៊ី បានបោះទីតាំងក្នុងទឹកដីប្រទេសកម្ពុជា អំឡុងឆ្នាំ២០១០-២០១១។ មុនទៅធ្វើទីប្រឹក្សាលោក ហ៊ុន សែន និងលោក ហ៊ុន ម៉ាណែត លោក ចេន ហ្ស៊ី ធ្វើទីប្រឹក្សាឲ្យលោក ស ខេង និងលោក ស សុខា។

ការវិវឌ្ឍដោយឡែកទាក់ទងនឹងលោក ចេន ហ្ស៊ី តុលាការសិង្ហបុរី បានបដិសេធពាក្យស្នើសុំបើកប្រាក់ជិតកន្លះលានដុល្លារពីធនាគារដែលក្រុមហ៊ុនរបស់ឧកញ៉ា ចេន ហ្ស៊ី ទីប្រឹក្សាលោក ហ៊ុន សែន ដែលបុគ្គលិកឈ្មោះ អ៊ិង ជាអ្នកផ្តើមសុំ។

តាមសារព័ត៌មាន The Straits Times ផ្សាយថ្ងៃទី៧ ខែមករា ស្ត្រីឈ្មោះ ឃែរ៉ិន ចេន ហ្ស៊ីវលិង (Karen Chen Xiuling) អតីតនាយិកានៃសាខាក្រុមហ៊ុន Prince Group នៅប្រទេសសិង្ហបុរី ឈ្មោះក្រុមហ៊ុន DW Capital បានស្នើសុំដកប្រាក់ជាង ៣សែនដុល្លារសម្រាប់បើកប្រាក់ខែ ជិត ៥សែនដុល្លារសម្រាប់បង់ពន្ធដាររដ្ឋដែលជំពាក់ និងជាង ១សែនដុល្លារសម្រាប់ការចំណាយប្រចាំខែទៅថ្ងៃក្រោយ បន្ទាប់ពីការបិទបង្ខាំងប្រាក់ក្នុងធនាគារដោយអាជ្ញាធរអាមេរិកាំង និងអាជ្ញាធរអង់គ្លេស។

ចៅក្រម កុក ស៊្ហូអេន (Kok Shu-en) បញ្ជាក់ប្រាប់អ្នកស្រី អ៊ិង ថា អ្នកស្រីបានលាឈប់ពីតំណែងក្នុងក្រុមហ៊ុននៅខែតុលា ឆ្នាំ២០២៥ ហើយដាក់ពាក្យសុំបើកប្រាក់ក្នុងនាមក្រុមហ៊ុននៅខែវិច្ឆិកា ឆ្នាំ២០២៥។ មូលហេតុពីរផ្សេងទៀតដែលចៅក្រមបដិសេធនោះ គឺក្រុមហ៊ុនអ្នកស្រីធ្លាប់គ្រប់គ្រងជាក្រុមហ៊ុនជាប់ជំពាក់នឹងឧកញ៉ាឆបោក ចេន ហ្ស៊ី ហើយក្រុមហ៊ុនខ្លះមិនទាំងមានទីតាំងក្នុងប្រទេសសិង្ហបុរី ហើយអ្នកស្រី អ៊ិង ក៏មិនរស់នៅក្នុងប្រទេសសិង្ហបុរី ទៀតផង។ ចៅក្រមគិតថា ធនធានស្នើសុំនោះជារបស់ឧកញ៉ា ចេន ហ្ស៊ី។

អាជ្ញាធរអង់គ្លេស រឹបអូសទ្រព្យសម្បត្តិទាក់ទងនឹងក្រុមហ៊ុន Prince Group ចំនួន ១៩កន្លែងនៅក្រុងឡុងដ្រ៍ មានតម្លៃជិត ១៦០លានដុល្លារ នៅក្រុងតៃប៉ិ អាជ្ញាធរតៃវ៉ាន់ រឹបអូសទ្រព្យសម្បត្តិជិត ១៦០លានដុល្លារ និងអាជ្ញាធរហុងកុង រឹបអូសទ្រព្យសម្បត្តិជិត ៤០០លានដុល្លារ មានឈ្មោះក្នុងធនាគារ Maybank។ នៅឯប្រទេសសិង្ហបុរី វិញ អាជ្ញាធររឹបអូសយកបានទ្រព្យសម្បត្តិ ៦កន្លែង កាណូតប្រណីត១ និងរថយន្តប្រណីត ១១គ្រឿង កាលពីដំណាច់ខែតុលា ឆ្នាំ២០២៥៕

តុលាការសិង្ហបុរី បដិសេធពាក្យស្នើសុំបើកប្រាក់ដោយបុគ្គលិករបស់ឧកញ៉ា ចេន ហ្ស៊ី ពីធនាគារនៅសិង្ហបុរី

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

មន្ត្រីរដ្ឋាភិបាលនិងមន្ត្រីបក្សក្រៅរដ្ឋាភិបាលខ្មែរ កើតទុក្ខមិនសុខចិត្តនឹងពាក្យគេហៅ Scambodia

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន