អ្នកឃ្លាំមើលផ្តល់យោបល់ឱ្យរដ្ឋាភិបាលបង្កើតឃ្លាំងស្តុកថាមពលផ្ទាល់ខ្លួន ដើម្បីធានាសន្តិសុខថាមពល

អ្នកតាមដានភូមិសាស្ត្រនយោបាយនៅតំបន់អាស៊ី-ប៉ាស៊ីហ្វិក លោក សេង វណ្ណលី ផ្តល់យោបល់ឱ្យរដ្ឋាភិបាលកម្ពុជា បង្កើតឃ្លាំងស្តុកប្រេងយុទ្ធសាស្ត្រផ្ទាល់ខ្លួន ក្នុងពេលដែលភាពផុយស្រួយនៃសន្តិសុខថាមពលរដ្ឋរបស់កម្ពុជា កំពុងប្រឈមជុំវិញសង្គ្រាមដែលបានផ្ទុះឡើងនៅមជ្ឈិមបូព៌ានាពេលនេះ។

លោក សេង វណ្ណលី បានសរសេរនៅលើគណនីហ្វេសប៊ុករបស់លោកកាលពីយប់ថ្ងៃទី២ ខែមីនា នេះថា ដើម្បីរក្សាតម្លៃថាមពលឱ្យស្ថិតនៅតម្លៃសមរម្យ រដ្ឋាភិបាលគួរធ្វើកំណែទម្រង់សំខាន់ៗមួយចំនួន រួមមាន ក្រសួងរ៉ែ និងថាមពល គួរតែលុបចោលនីតិវិធីស្មុគស្មាញ និងពន្ធ ដែលរារាំងដល់ការប្រើថាមពលពន្លឺព្រះអាទិត្យ ដើម្បីឱ្យទីផ្សារអគ្គិសនីកាន់តែមានភាពបត់បែន។

ជាងនេះទៅទៀត រដ្ឋាភិបាលគួរតែបង្កើតឃ្លាំងស្តុកប្រេងយុទ្ធសាស្ត្រផ្ទាល់ខ្លួន ជាជាងពឹងផ្អែកលើក្រុមហ៊ុនឯកជនតែម្យ៉ាង ព្រោះក្រុមហ៊ុនឯកជនអាចស្តុកទុកប្រេងប្រើប្រាស់បានត្រឹមតែ ១៥ថ្ងៃទៅ ២០ថ្ងៃប៉ុណ្ណោះ។ លើសពីនេះទៅទៀត លោកថារដ្ឋាភិបាលក៏គួរតែពិនិត្យឡើងវិញនូវតម្លៃអគ្គិសនីឱ្យស្របតាមតម្លៃបច្ចេកវិទ្យាថ្មីៗដែលអាចធ្វើឱ្យតម្លៃកាន់តែទាបផងដែរ។

លោកបញ្ជាក់ថា សង្គ្រាមលើអ៊ីរ៉ង់ ជាមួយសហរដ្ឋអាមេរិក និងអ៊ីស្រាអែល នាពេលនេះ គឺជាការដាស់តឿនរដ្ឋាភិបាលកម្ពុជាឱ្យពង្រឹងឯករាជភាពផ្នែកថាមពល តាមរយៈការគ្រប់គ្រងទុនបម្រុងប្រេង និងពង្រីកការប្រើប្រាស់ថាមពលកកើតឡើងវិញឱ្យបានខ្លាំងក្លាបំផុតចាប់ពីពេលនេះតទៅថ្ងៃមុខ។

ទីភ្នាក់ងារសារព័ត៌មាន រ៉យទ័រ (Reuters) បានរាយការណ៍កាលពីថ្ងៃទី២៨ ខែកុម្ភៈ ថា សហរដ្ឋអាមេរិក និងអ៊ីស្រាអែល វាយប្រហារទៅលើប្រទេសអ៊ីរ៉ង់ ខណៈអ៊ីរ៉ង់ក៏បានបើកការវាយប្រហារលើប្រទេសចំនួន ៨ ក្នុងតំបន់ដែលមានទីតាំងយោធាអាមេរិកវិញដែរ ដូចជា បារ៉ែន អ៊ីរ៉ាក់ ហ្សកដានី គុយវ៉ែត អូម៉ង់ កាតារ អារ៉ាប៊ីសាអ៊ូឌីត និងសហភាពអារ៉ាប់អេមីរ៉ាត ដែលធ្វើឱ្យប៉ះពាល់ទៅដល់ច្រកដឹកជញ្ជូនប្រេងទៅកាន់ពិភពលោកយ៉ាងធ្ងន់ធ្ងរក្នុងពេលនេះ។

ច្រកសមុទ្រហ័រមូស (Hormuz) គឺជាផ្លូវនាំចេញចូលប្រេងដ៏សំខាន់បំផុតរបស់ពិភពលោក ដែលតភ្ជាប់បណ្ដាប្រទេសផលិតប្រេងធំៗបំផុតនៅតំបន់ឈូងសមុទ្រ រួមមាន អារ៉ាប៊ីសាអ៊ូឌីត អ៊ីរ៉ង់ អ៊ីរ៉ាក់ និងអារ៉ាប់រួម ទៅកាន់ឈូងសមុទ្រអូម៉ង់ (Gulf of Oman) និងសមុទ្រអារ៉ាប់។

ទីភ្នាក់ងារសារព័ត៌មាន CAN បានរាយការណ៍នៅថ្ងៃទី៣ មីនា នេះថា ទីប្រឹក្សាជាន់ខ្ពស់របស់អគ្គមេបញ្ជាការកងឆ្មាំបដិវត្តន៍អ៊ីរ៉ង់ លោក Ebrahim Jabari បានអះអាងកាលពីថ្ងៃចន្ទ ទី២ ខែមីនា ថា ច្រកសមុទ្រ Hormuz ត្រូវបានបិទហើយ ខណៈអ៊ីរ៉ង់ ក៏នឹងបាញ់ប្រហារទៅលើនាវាទាំងឡាយណាដែលព្យាយាមឆ្លងកាត់ច្រកមួយនេះដែរ។

ជុំវិញបញ្ហានេះ អ្នកជំនាញលើកឡើងថា ច្រកសមុទ្រហ័រមូស (Hormuz) គឺជាផ្លូវទឹកតែមួយគត់ដែលតភ្ជាប់រវាង «ឃ្លាំងប្រេងមហាសាល» នៅមជ្ឈិមបូព៌ា ទៅកាន់ទីផ្សារពិភពលោក ដែលក្នុងនោះ ២០% នៃប្រេងឆៅ និង ២៥% នៃឧស្ម័ន LNG ត្រូវបាននាំចេញសម្រាប់មនុស្សប្រើប្រាស់ប្រចាំថ្ងៃ។

ចំណែកតំបន់អាស៊ីអាគ្នេយ៍ បានពឹងផ្អែកលើច្រកនេះខ្លាំងបំផុត ព្រោះប្រេងជាង ៨០% ដែលចេញពីច្រកនេះ ត្រូវដឹកជញ្ជូនមកផ្គត់ផ្គង់រោងចក្រ និងយានយន្តនៅអាស៊ីទាំងអស់ ដូចជា ចិន ឥណ្ឌា ជប៉ុន កូរ៉េ និងតៃវ៉ាន់ ជាដើម។

សារព័ត៌មាន The Cambodia Daily មិនទាន់អាចទាក់ទងអ្នកនាំពាក្យរាជរដ្ឋាភិបាលកម្ពុជា លោក ប៉ែន បូណា សុំការពន្យល់ពីបញ្ហានេះបាននៅឡើយទេរហូតមកដល់ម៉ោងផ្សាយនេះ៕

អ្នកឃ្លាំមើលផ្តល់យោបល់ឱ្យរដ្ឋាភិបាលបង្កើតឃ្លាំងស្តុកថាមពលផ្ទាល់ខ្លួន ដើម្បីធានាសន្តិសុខថាមពល

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ប្រធានាធិបតីសហរដ្ឋអាមេរិក អះអាងថាអ៊ីរ៉ង់ប្រាប់ថាទីក្រុងតេហេរ៉ង់ នឹងដួលរលំឆាប់ៗ

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

តើពលរដ្ឋខ្មែរគួរខឹងអ្នកហៅស្រុកទេសខ្លួនថា Scambodia ឬអ្នកដែលអនុញ្ញាតឱ្យឧក្រិដ្ឋកម្មនេះរីកដូចផ្សិតនៅកម្ពុជា?

តម្លៃប្រេងឥន្ធនៈនៅកម្ពុជា បានធ្លាក់ចុះនៅថ្ងៃទី១០ ខែមេសា មុនពិធីបុណ្យចូលឆ្នាំថ្មី

ប្រេងឥន្ធនៈឡើងថ្លៃជារឿងធម្មជាតិ រដ្ឋមិនដឹងដោះស្រាយដូចម្តេច ថាគ្មានលួចរត់ពន្ធ

ស្ថានភាពសេដ្ឋកិច្ចប្រទេសកម្ពុជា បន្ទាប់ពីមានចម្បាំងនឹងថៃ និងសង្គ្រាមនៅមជ្ឈិមបូព៌ា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន