អាជ្ញាធរបន្តប្រតិបត្តិការបង្ក្រាបបនឆបោកអនឡាញ ខណៈអ្នកឃ្លាំមើលមន្ទិលថាបង្ក្រាបតែទីតាំង

ទេសរដ្ឋមន្ត្រីទទួលបន្ទុកបង្ក្រាបបនឆបោកអនឡាញ លោក ឆាយ ស៊ីណារិទ្ធិ បានសម្ដែងក្តីសង្ឃឹមថានឹងបំបាត់អស់សកម្មភាពអាជីវកម្មឧក្រិដ្ឋពីប្រទេសមុនខែក្រោយ ឬខែចូលឆ្នាំខ្មែរ ដោយថ្លែងប្រាប់អ្នកកាសែតអំពីលទ្ធផលបង្ក្រាបបាន ៨០% លើទីតាំង ២០០ ក្នុងចំណោមទីតាំង ២៥០ ក្នុងប្រទេស តាំងពីខែកក្កដា ឆ្នាំទៅមិញ។

តាមការផ្សាយក្នុងទីភ្នាក់ងារព័ត៌មាន Associated Press ឲ្យដឹងនៅថ្ងៃទី១២ ខែមីនា នេះ លោកបានបញ្ជាក់ថា ឧក្រិដ្ឋកម្មប្រភេទនេះបានចាប់ផ្តើមឡើងតាំងពីឆ្នាំ២០១២។

ប៉ុន្តែអ្នកជំនាញតាមដាន ស្រាវជ្រាវបញ្ហារកស៊ីឆបោកតាមប្រព័ន្ធអន្តរបណ្ដាញ ឬអ៊ីនធឺណិត ដូចជាលោក Jacob Sims ជាដើម ប្រាប់ថា មកទល់ពេលនេះ គេមិនទាន់មើលឃើញថាការបង្ក្រាបឧក្រិដ្ឋកម្មឆបោក (online scams) នេះ ជ្រាបដល់មេខ្លោងធំៗខាងលើនៅឡើយទេ។

លោកបញ្ជាក់ថា បញ្ហាវានៅត្រង់ថា តើកិច្ចប្រឹងប្រែងនេះដៅទៅលើប្រព័ន្ធដែលបង្កើតឲ្យមានអាជីវកម្មឧក្រិដ្ឋនេះពីដំបូងនោះឬទេ មិនមែនគ្រាន់តែដៅទៅលើអគារទីតាំងឆបោកនោះទេ។

ថ្លែងនៅសាកលវិទ្យាល័យ Harvard សហរដ្ឋអាមេរិក លោកថាការបង្ក្រាបពីមុនៗកន្លងមក តែងតែបន្សល់ទុកសំណាញ់ការពារបណ្ដាញហិរញ្ញវត្ថុនៅដដែលឥតកែប្រែ ដែលបណ្តាលឲ្យអាជីវកម្មឆបោកនេះត្រឡប់មកវិញដូចផ្សិតត្រូវភ្លៀង។

នៅថ្ងៃព្រហស្បតិ៍ដដែលនេះ ព្រឹត្តិបត្រ The Diplomat នៅរដ្ឋធានីវ៉ាស៊ីនតុន បានផ្សាយសេចក្តីរាយការណ៍អំពីវិធីឆបោករៀបរាប់ដោយមន្ត្រីក្រសួងយុត្តិធម៌សហរដ្ឋអាមេរិក ទាក់ទងគ្នារវាងក្រុមឧក្រិដ្ឋជននៅស្រុកខ្មែរ និងពលរដ្ឋអាមេរិកាំងដែលចាញ់បោក ថាការផ្ទេរប្រាក់បញ្ចេញបញ្ចូលពីបណ្ដាញធនាគារមួយទៅធនាគារមួយ មានរូបភាពស្មុគស្មាញបំផុត ដែលមនុស្សសាមញ្ញធម្មតាមើលមិនយល់។

អាជ្ញាធរអាមេរិកាំងកំពុងតាមរកចាប់ខ្លួនមេខ្លោងជនជាតិចិនម្នាក់ឈ្មោះ Daren Li ដែលជាមនុស្សចាំទទួលប្រាក់ផ្ទេរពីគេ ហើយចាំបញ្ចេញទៅធនាគារផ្សេងៗ ហៅថា money mule ឬ smurfer ឬមនុស្សឆ្លាតខូច ដែលបើកគណនីធនាគារសម្បកក្រៅប្រទេស។

ជនរងគ្រោះអាមេរិកាំងម្នាក់ចាញ់បោកឧក្រិដ្ឋជននារីឆបោកម្នាក់ឈ្មោះ Jeanie អស់ជិត ២លានដុល្លារ ជាប្រាក់ស្រមោលហៅថា cryptocurrency តែក្នុងរយៈពេលប្រមាណ ២ខែប៉ុណ្ណោះ។

ភ្នាក់ងារមានសមត្ថកិច្ចអាមេរិកាំង បានតាមដានរកឃើញថា ករណីឆបោកនោះមានខ្សែរយៈតភ្ជាប់មកក្រុមហ៊ុន Huione Group និងឆ្លងកាត់ក្រុមអ្នកសម្រួលផ្ទេរប្រាក់ Huione International Pay នៅរាជធានីភ្នំពេញ ដោយតាមរយៈឈ្មោះក្រុមហ៊ុនរកស៊ីដោះដូរប្រាក់ស្រមោលល្បីៗ រួមមាន Tether, Binance និង OKX។

ក្នុងឆ្នាំ២០២៤ ក្រុមហ៊ុន Huione Group និង Huione International Pay បានផ្ទេរប្រាក់សរុបមានតម្លៃ ៦៣៥លានដុល្លារសហរដ្ឋអាមេរិក ជា cryptocurrency។ ប្រភពភ្នាក់ងារមានសមត្ថកិច្ចស៊ើបការណ៍ដឹងថា Daren Li កាន់លិខិតឆ្លងដែនចិន និង Saint Kitts & Nevis បានគេចខ្លួនទៅនៅភូមិគ្រឹះរបស់ខ្លួននាទីក្រុងឌូបៃ ប្រទេសអារ៉ាប់រួមអេមៀរ៉ាត៕

អាជ្ញាធរបន្តប្រតិបត្តិការបង្ក្រាបបនឆបោកអនឡាញ ខណៈអ្នកឃ្លាំមើលមន្ទិលថាបង្ក្រាបតែទីតាំង

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

មន្ត្រីរដ្ឋាភិបាលនិងមន្ត្រីបក្សក្រៅរដ្ឋាភិបាលខ្មែរ កើតទុក្ខមិនសុខចិត្តនឹងពាក្យគេហៅ Scambodia

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

អាជ្ញាធរ​បន្ត​ប្រតិបត្តិការ​បង្ក្រាប​បន​ឆបោក​អនឡាញ ខណៈ​អ្នក​ឃ្លាំមើល​មន្ទិល​ថា​បង្ក្រាប​តែ​ទីតាំង

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

អាជ្ញាធរបន្តប្រតិបត្តិការបង្ក្រាបបនឆបោកអនឡាញ ខណៈអ្នកឃ្លាំមើលមន្ទិលថាបង្ក្រាបតែទីតាំង