ប្រធានក្រុមហ៊ុនហួយវ័នគ្រុប ត្រូវបានចាប់បញ្ជូនទៅចិន ពាក់ព័ន្ធបទល្មើសឆបោកតាមអនឡាញ

ប្រធានក្រុមហ៊ុន ហួយវ័ន គ្រុប (Huione Group) ឈ្មោះ លី សុង (LI XIONG) ត្រូវបានសមត្ថកិច្ចកម្ពុជា និងចិន សហការចាប់ខ្លួនបញ្ជូនទៅប្រទេសចិន វិញ ពាក់ព័ន្ធបទល្មើសឆបោកតាមអនឡាញ ខណៈសញ្ជាតិខ្មែររបស់មេឧក្រិដ្ឋជនរូបនេះក៏ត្រូវបានលុបចោលតាមព្រះរាជក្រឹត្យកាលពីថ្ងៃទី៣១ មីនា កន្លងទៅដែរ។

ក្រសួងមហាផ្ទៃកម្ពុជា បានចេញសេចក្តីប្រកាសព័ត៌មានស្ដីពីការចាប់ខ្លួនពលរដ្ឋចិន ឈ្មោះ លី សុង (LI XIONG) កាលពីថ្ងៃទី៣១ ខែមីនា ដែលទើបនឹងត្រូវបានផ្សព្វផ្សាយនៅថ្ងៃទី១ មេសា នេះថា ប្រធានក្រុមហ៊ុន Huione Group ឈ្មោះ លី សុង (LI XIONG) ត្រូវបានចាប់បញ្ជូនទៅកាន់ប្រទេសចិន ដើម្បីបន្តនីតិវិធីតាមច្បាប់ ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា (Online Scam)។

ក្រសួងមហាផ្ទៃ បញ្ជាក់ថា ប្រតិបត្តិការនេះធ្វើឡើងផ្អែកតាមកិច្ចសហប្រតិបត្តិការរួមគ្នារវាងសមត្ថកិច្ចកម្ពុជា និងចិន អស់រយៈពេលជាច្រើនខែមកហើយ។

ការចាប់ខ្លួនមេឧក្រិដ្ឋជនអនឡាញនេះ ធ្វើឡើងបន្ទាប់ពីរដ្ឋាភិបាលកម្ពុជាដាក់ឱសានវាទបោសសម្អាតបទល្មើសអនឡាញឱ្យអស់ត្រឹមខែមេសា ឆ្នាំ២០២៦ នេះ។

ក្រសួងមហាផ្ទៃ បានផ្សព្វផ្សាយចំណាត់ការបង្ក្រាបឧក្រិដ្ឋកម្មតាមអនឡាញកាលពីថ្ងៃទី៥ ខែកុម្ភៈ ឆ្នាំ២០២៦ ថា កម្ពុជាប្ដេជ្ញាបោសសម្អាតបទល្មើសអនឡាញឱ្យអស់ត្រឹមខែមេសា ឆ្នាំ២០២៦ នេះ ដ្បិតកម្ពុជាបានក្លាយជាប្រទេសរងគ្រោះពីបទល្មើសមួយនេះជាយូរមកហើយ។

ជុំវិញបញ្ហានេះ ការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម (UNODC) បង្ហាញរបាយការណ៍របស់ខ្លួនកាលពីពេលកន្លងទៅថា លោក ហ៊ុន តូ ដែលត្រូវជាបងប្អូនជីដូនមួយរបស់លោក ហ៊ុន ម៉ាណែត បានជាប់ពាក់ព័ន្ធយ៉ាងខ្លាំងជាមួយក្រុមហ៊ុន Huione ព្រោះគាត់គឺជាក្រុមប្រឹក្សាភិបាលនៃក្រុមហ៊ុននេះ។

លោក ហ៊ុន តូ ដែលត្រូវជាបងប្អូនជីដូនមួយរបស់លោកនាយករដ្ឋមន្ត្រី ហ៊ុន ម៉ាណែត និងជាក្មួយប្រុសបង្កើតប្រធានគណបក្សកាន់អំណាចលោក ហ៊ុន សែន បានជាប់ឈ្មោះក្នុងអំពើឧក្រិដ្ឋជាច្រើន ទាំងនៅប្រទេសកម្ពុជា និងនៅបរទេស ដូចជាប្រទេសអូស្ត្រាលី ជាដើម។

ជាក់ស្តែង ក្រុមអ្នកស្រាវជ្រាវរូបិយប័ណ្ណគ្រីបតូ Chainalysis កាលពីចុងខែសីហា ឆ្នាំ២០២៤ បានចង្អុលមុខក្រុមហ៊ុន Huione របស់លោក ហ៊ុន តូ ថាបានជាប់ពាក់ព័ន្ធនឹងបទល្មើសឆបោករូបិយប័ណ្ណគ្រីបតូ ព្រមទាំងបានពាក់ព័ន្ធនឹងទីផ្សារឆបោករូបិយប័ណ្ណគ្រីបតូដ៏ខ្មៅងងឹត ក្នុងតម្លៃទឹកប្រាក់រហូតដល់ជាង ៤៩ពាន់លានដុល្លារអាមេរិកតាំងពីឆ្នាំ២០២១ មក។

យ៉ាងណាក៏ដោយ គេមិនដែលឃើញរដ្ឋាភិបាលដែលដឹកនាំដោយត្រកូលហ៊ុន បើកការស៊ើបអង្កេតលើសាច់ញាតិរបស់ខ្លួនម្នាក់នេះឡើយ បើទោះបីជាលោក ហ៊ុន តូ ត្រូវសារព័ត៌មានអន្តរជាតិផ្សាយ និងបង្ហាញភស្តុតាងជាបន្តបន្ទាប់ក៏ដោយ។

ពាក់ព័ន្ធនឹងបញ្ហានេះ អតីតឧកញ៉ា ហេង សិទ្ធី ធ្លាប់បានទម្លាយកាលពីដើមខែមករា ឆ្នាំ២០២៥ ថា អ្នកឧកញ៉ា ហ៊ុន តូ និងមេឧក្រិដ្ឋជនរបស់គាត់ឈ្មោះ យ៉ាន ណារ៉ុង កំពុងប្រតិបត្តិការលាងលុយខ្មៅតាមរយៈធនាគារពាណិជ្ជ ហេង ហ៊ី (HENG HE) និងក្រុមហ៊ុន ហួយវ័ន (Hui ONE) ខណៈអគ្គស្នងការនគរបាលជាតិ លោក ស ថេត គឺជាអ្នកការពារដឹកជញ្ជូនលុយទាំងនេះ។

លោក ហេង សិទ្ធី អះអាងថា ពួកគេបានសហការគ្នាជាមួយជនជាតិចិន បើកធនាគារពាណិជ្ជឈ្មោះ ហេង ហ៊ី និងក្រុមហ៊ុន ហួយវ័ន ដែលត្រូវគេរកឃើញថាក្រុមហ៊ុននេះបានជាប់ពាក់ព័ន្ធជាមួយនឹងឧក្រិដ្ឋកម្មលាងលុយកខ្វក់ និងរូបិយប័ណ្ណគ្រីបតូ។

ឯកសារធនាគារពាណិជ្ជ ហេង ហ៊ី មួយចំនួនដែលត្រូវបានអតីតឧកញ៉ា ហេង សិទ្ធី ទម្លាយកាលពីដើមឆ្នាំ២០២៥ បង្ហាញថា អ្នកឧកញ៉ា ហ៊ុន តូ គឺជានាយកគ្រប់គ្រងក្រុមហ៊ុន ហួយវ័ន ចំណែកបុរសម្នាក់ទៀតដែលត្រូវលោកអះអាងថាជាឧក្រិដ្ឋជនឈ្មោះ យ៉ាន ណារ៉ុង នោះ គឺជាអគ្គនាយក ខណៈជនជាតិចិន ផ្សេងទៀត ក៏មានតួនាទីជានាយក និងជាអគ្គនាយកក្នុងក្រុមហ៊ុននេះដូចអ្នកទាំងពីរដែរ។

ជុំវិញបញ្ហានេះ ក្រុមហ៊ុនវិភាគទិន្នន័យប្រតិបត្តិការកុំព្យូទ័រតាមប្រព័ន្ធបច្ចេកវិទ្យា Blockchain ឈ្មោះ «អេលីបទីក» (Elliptic) ដែលមានមូលដ្ឋាននៅទីក្រុងឡុងដ៍ (London) ចក្រភពអង់គ្លេស (UK) បានរកឃើញថា កម្មវិធីទីផ្សារអនឡាញឈ្មោះ «ហួយវ័ន ហ្គារេនធី» (Huione Guarantee) បង្កើតឡើងដោយសម្ពន្ធក្រុមហ៊ុនចិននៅកម្ពុជាឈ្មោះ «ហួយវ័ន គ្រុប»។

ក្រុមហ៊ុននេះ ត្រូវបានរកឃើញថាបានប្រតិបត្តិការអាជីវកម្មទូទាត់ និងប្តូរប្រាក់ឈ្មោះ «ហួយវ័ន ផេ» (Huione Pay) ខណៈលោក ហ៊ុន តូ គឺជានាយកនៃក្រុមហ៊ុន ហួយវ័ន ផេ ដែលកំពុងត្រូវបានក្រុមអ្នករកស៊ីឆបោកតាមអនឡាញ ប្រើប្រាស់យ៉ាងទូលំទូលាយក្នុងតំបន់អាស៊ីអាគ្នេយ៍ រួមទាំងកម្ពុជាផងដែរ។

កាលពីខែឧសភា ឆ្នាំ២០២៥ ក្រសួងរតនាគារអាមេរិក តាមរយៈបណ្ដាញប្រឆាំងឧក្រិដ្ឋកម្មហិរញ្ញវត្ថុ (FinCEN) បានស្នើឱ្យមានការអនុវត្តច្បាប់លើក្រុមហ៊ុន Huione ដែលជារបស់លោក ហ៊ុន តូ។

បណ្ដាញប្រឆាំងឧក្រិដ្ឋកម្មហិរញ្ញវត្ថុ (FinCEN) បញ្ជាក់ថា ចាប់តាំងពីខែសីហា ឆ្នាំ២០២១ ដល់ខែមករា ឆ្នាំ២០២៥ ក្រុមហ៊ុន ហួយវ័ន គ្រុប និងបណ្ដាញក្រុមហ៊ុនជាបុត្រសម្ពន្ធ បានជួយលាងលុយកខ្វក់ចំនួន ៤ពាន់លានដុល្លារឱ្យក្រុមឧក្រិដ្ឋជន រួមទាំងក្រុមចោរបច្ចេកវិទ្យារបស់កូរ៉េខាងជើង ប្រមាណ ៣៧លានដុល្លារ និង ៣០០លានដុល្លារពីក្រុមឆបោកតាមអ៊ីនធឺណិតផ្សេងទៀតនៅតំបន់អាស៊ីអាគ្នេយ៍៕

ប្រធានក្រុមហ៊ុនហួយវ័នគ្រុប ត្រូវបានចាប់បញ្ជូនទៅចិន ពាក់ព័ន្ធបទល្មើសឆបោកតាមអនឡាញ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

ម្ចាស់ប្រាក់ដាក់លុយក្នុងធនាគារ Huione រងរបួសអំឡុងពេលតវ៉ាស្វែងរកដំណោះស្រាយពីធនាគារជាតិ

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

ប្រធាន​ក្រុមហ៊ុន​ហួយវ័ន​គ្រុប ត្រូវ​បាន​ចាប់​បញ្ជូន​ទៅ​ចិន ពាក់ព័ន្ធ​បទល្មើស​ឆបោក​តាម​អនឡាញ

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

ប្រធានក្រុមហ៊ុនហួយវ័នគ្រុប ត្រូវបានចាប់បញ្ជូនទៅចិន ពាក់ព័ន្ធបទល្មើសឆបោកតាមអនឡាញ