តុលាការខេត្តរតនគិរីសម្រេចឱ្យលោក មាជ សុវណ្ណារ៉ា បង្ហាញខ្លួននៅចំពោះមុខសមត្ថកិច្ចរាល់ពីរខែម្តង

តុលាការខេត្តរតនគិរី ចេញដីកាសម្រេចដាក់ប្រធានគណបក្សជំនាន់ថ្មី លោក មាជ សុវណ្ណារ៉ា ឲ្យស្ថិតនៅក្រោមការត្រួតពិនិត្យតាមផ្លូវតុលាការចាប់ពីពេលនេះតទៅ និងត្រូវបង្ហាញខ្លួននៅស្នងការដ្ឋាននគរបាលខេត្តបាត់ដំបង រៀងរាល់ ២ខែម្តងជាកំហិត។

ប្រធានគណបក្សជំនាន់ថ្មី លោក មាជ សុវណ្ណារ៉ា ប្រាប់សារព័ត៌មាន The Cambodia Daily នៅថ្ងៃទី៧ តុលា នេះថា សាលាដំបូងខេត្តរតនគិរី បានចេញដីកាសម្រេចដាក់រូបលោកជាជនត្រូវចោទឲ្យនៅក្រោមការត្រួតពិនិត្យតាមផ្លូវតុលាការចាប់ពីពេលនេះតទៅ រហូតដល់បញ្ចប់នីតិវិធីតុលាការ។

លោក មាជ សុវណ្ណារ៉ា អះអាងថា តុលាការបានហាមឃាត់លោកមិនឲ្យធ្វើសកម្មភាពនានា ដូចជា អំពើញុះញង់ឲ្យមានការរើសអើង ឬប្រព្រឹត្តឲ្យមានការរើសអើងតាមគ្រប់រូបភាព និងមធ្យោបាយណាដែលអំពើប្រព្រឹត្តទាំងនោះបណ្តាលឲ្យប៉ះពាល់ដល់របៀបរៀបរយសង្គម និងសណ្ដាប់ធ្នាប់សាធារណៈ ព្រមទាំងបង្កឲ្យមានភាពវឹកវរធ្ងន់ធ្ងរដល់សន្តិសុខឡើយ។

លោកបញ្ជាក់ថា តុលាការក៏បានហាមឃាត់មិនឱ្យលោកផ្លាស់ប្ដូរទីលំនៅឋានដោយគ្មានការអនុញ្ញាតពីចៅក្រមស៊ើបសួរ និងត្រូវចូលទៅបង្ហាញខ្លួនតាមកាលកំណត់នៅស្នងការដ្ឋាននគរបាលខេត្តបាត់ដំបង ២ខែម្តងរៀងរាល់ដើមខែ ព្រមទាំងត្រូវឆ្លើយតបនឹងដីកាកោះហៅពីគ្រប់បុគ្គលដែលចាត់តាំងដោយចៅក្រមស៊ើបសួរជាកំហិត។

ការអះអាងនេះ ធ្វើឡើងបន្ទាប់ពីលោក មាជ សុវណ្ណារ៉ា ចូលខ្លួនឆ្លើយបំភ្លឺនៅសាលាដំបូងខេត្តរតនគិរី ជុំវិញការចោទប្រកាន់ពីបទ ញុះញង់ឱ្យមានការរើសអើង នៅថ្ងៃចន្ទដើមសប្តាហ៍នេះ។

នៅថ្ងៃទី៧ ខែតុលា ឆ្នាំ២០២៤ នេះ តុលាការខេត្តរតនគិរី បានកោះហៅប្រធានគណបក្សជំនាន់ថ្មី លោក មាជ សុវណ្ណារ៉ា ឱ្យចូលខ្លួនឆ្លើយបំភ្លឺជុំវិញការធ្វើអត្ថាធិប្បាយរបស់លោកក្នុងបណ្ដាញសង្គម ពាក់ព័ន្ធនឹងខេត្តក្នុងតំបន់ត្រីកោណអភិវឌ្ឍន៍ (CLV) កាលពីអំឡុងខែសីហា ឆ្នាំ២០២៣ កន្លងទៅ ដែលត្រូវបានផ្សព្វផ្សាយលើបណ្ដាញសង្គមហ្វេសប៊ុកសាជាថ្មីកាលពីអំឡុងខែសីហា ឆ្នាំ២០២៤ នេះ៕

តុលាការខេត្តរតនគិរីសម្រេចឱ្យលោក មាជ សុវណ្ណារ៉ា បង្ហាញខ្លួននៅចំពោះមុខសមត្ថកិច្ចរាល់ពីរខែម្តង

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ម្តាយភិក្ខុដែលត្រូវចាប់ផ្សឹកដោយសាររិះគន់រដ្ឋាភិបាល អង្វររដ្ឋអំណាចដោះលែងកូនឱ្យមានសេរីភាព

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន