ស្ថានទូតកម្ពុជាប្រចាំប្រទេសថៃ អំពាវនាវឱ្យពលរដ្ឋខ្មែរប្រុងប្រយ័ត្នចំពោះទឹកជំនន់

ស្ថានទូតកម្ពុជាប្រចាំប្រទេសថៃ អំពាវនាវឱ្យពលរដ្ឋខ្មែរដែលកំពុងរស់នៅ និងធ្វើការនៅប្រទេសថៃ បង្កើនការប្រុងប្រយ័ត្នចំពោះទឹកជំនន់ដែលអាចកើតឡើងនៅតំបន់មួយចំនួននៅក្នុងប្រទេសថៃ ពិសេសទន្លេចៅផាយ៉ា ក្នុងក្រុងបាងកក។

តាមរយៈសេចក្ដីជូនដំណឹងចុះថ្ងៃទី៨ ខែតុលា ស្ថានទូតកម្ពុជាប្រចាំនៅថៃ បញ្ជាក់ថា ខ្លួនបានតាមដានបញ្ហាទឹកជំនន់ ខណៈអាជ្ញាធរថៃ ប្រកាសឱ្យអ្នករស់នៅតំបន់ក្បែរប្រភពទឹក ពិសេសទន្លេចៅផាយ៉ា ក្នុងក្រុងបាងកក បង្កើនការប្រុងប្រយ័ត្នខ្ពស់។

ប្រភពដដែលបានអះអាងថា អាជ្ញាធរថៃ បានណែនាំឱ្យរៀបចំទុកដាក់របស់របរប្រើប្រាស់ដាក់នៅទីកន្លែងខ្ពស់ និងមានសុវត្ថិភាព ដោយសារតែកម្រិតទឹកទន្លេចៅផាយ៉ា នឹងកាន់តែឡើងខ្ពស់។

ស្ថានទូតកម្ពុជាថា ពលរដ្ឋកម្ពុជាដែលកំពុងស្នាក់នៅ និងធ្វើការនៅក្នុងប្រទេសថៃ ជាពិសេសនៅតាមតំបន់ប្រកាសអាសន្ន សូមបង្កើនការប្រុងប្រយ័ត្នខ្ពស់ និងបន្តយកចិត្តទុកដាក់តាមដានស្ថានការណ៍ ព្រមទាំងអនុវត្តតាមការណែនាំរបស់អាជ្ញាធរថៃ។

ស្ថានទូតខ្មែរឱ្យពលរដ្ឋទាក់ទងទៅកាន់លេខទូរសព្ទ ០៩២ ៨០៥០ ៥៦១ ស្វែងរកអន្តរាគមន៍ក្នុងករណីទទួលរងផលប៉ះពាល់ ឬទទួលបានព័ត៌មានអំពីពលរដ្ឋកម្ពុជាដែលរងផលប៉ះពាល់។

អាជ្ញាធរថៃ ប្រកាសឱ្យតំបន់ចំនួន១៦ នៅថៃ ពិសេសក្បែរទន្លេចៅផាយ៉ា ក្នុងទីក្រុងបាងកក បង្កើនការប្រុងប្រយ័ត្នខ្ពស់ ខណៈអាជ្ញាធរប្រទេសនេះព្យាករថា ចាប់ពីថ្ងៃទី១៣-២៣ ខែតុលា ទឹកទន្លេចៅផាយ៉ា នឹងបន្តកើនឡើង។

គិតចាប់តាំងពីខែកញ្ញា ដល់ថ្ងៃទី៨ តុលា នេះ ខាងស្ថានទូតកម្ពុជាពុំទាន់ទទួលបានព័ត៌មានពលរដ្ឋកម្ពុជារងគ្រោះ ឬមានបញ្ហាដោយសារគ្រោះទឹកជំនន់ឡើយ។ យ៉ាងណាក៏ដោយ ស្ថានទូតនៅតែបន្តយកចិត្តទុកដាក់ពីបញ្ហានេះ និងធ្វើការឱ្យជិតស្និទ្ធជាមួយក្រសួង-ស្ថាប័នពាក់ព័ន្ធនានា ដើម្បីធានាពីសុវត្ថិភាពពលរដ្ឋខ្មែរ។

បើតាមតួលេខរបស់មជ្ឈមណ្ឌលសង់ត្រាល់ ពលករខ្មែរកំពុងធ្វើការនៅក្រៅប្រទេសមានចំនួនប្រហែល ២លាន ២សែននាក់ ប៉ុន្តែបើតាមរបាយការណ៍ក្រសួងការងារ លើកឡើងកាលពីឆ្នាំ២០២៣ ថាមានចំនួន ១លាន ៣សែននាក់ធ្វើការនៅប្រទេសថៃ កូរ៉េខាងត្បូង ជប៉ុន ម៉ាឡេស៊ី ហុងកុង សិង្ហបុរី និងប្រទេសមួយចំនួនទៀត៕

ស្ថានទូតកម្ពុជាប្រចាំប្រទេសថៃ អំពាវនាវឱ្យពលរដ្ឋខ្មែរប្រុងប្រយ័ត្នចំពោះទឹកជំនន់

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្ត្រីជាន់ខ្ពស់នៃក្រសួងការងារ ស្នើឱ្យលោក ហ៊ុន ម៉ាណែត ស៊ើបអង្កេតអំពើពុករលួយរបស់លោក ហេង សួរ

ទឹកស្ទឹងពោធិ៍សាត់ ជន់ឡើងៗឥតស្រកដល់កម្រិតប្រកាសអាសន្នឱ្យពលរដ្ឋបង្កើនការប្រុងប្រយ័ត្នជាទីបំផុត

អ្នកឃ្លាំមើល៖ ពលករខ្មែរដែលត្រឡប់មកវិញទាំង ៩សែននាក់ អាចនឹងប្រឈមវិបត្តិសេដ្ឋកិច្ចគ្រួសារធ្ងន់ធ្ងរ

ពលរដ្ឋខ្មែរជិត ១ពាន់នាក់ ត្រូវអាជ្ញាធរថៃ ចាប់បញ្ជូនមកកម្ពុជាវិញក្រោយពីឆ្លងដែនខុសច្បាប់

រដ្ឋាភិបាលកម្ពុជាសម្រេចឧបត្ថម្ភប្រាក់ និងបង្រៀនជំនាញដល់ពលករខ្មែរដែលត្រឡប់ពីប្រទេសថៃឡង់ដ៍

នាយករដ្ឋមន្ត្រី ហ៊ុន ម៉ាណែត បញ្ជាឱ្យរដ្ឋបាលខេត្តជាប់ព្រំដែនយកចិត្តទុកដាក់ជនភៀសសឹកខ្មែរ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

ស្ថានទូត​កម្ពុជា​ប្រចាំ​ប្រទេស​ថៃ អំពាវនាវ​ឱ្យ​ពលរដ្ឋ​ខ្មែរ​ប្រុងប្រយ័ត្ន​ចំពោះ​ទឹកជំនន់

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

ស្ថានទូតកម្ពុជាប្រចាំប្រទេសថៃ អំពាវនាវឱ្យពលរដ្ឋខ្មែរប្រុងប្រយ័ត្នចំពោះទឹកជំនន់