ហេតុអ្វីកម្ពុជានៅតែក្រ ខណៈខ្លួនអាចផលិតដុំមាសបានរហូត ១០០គីឡូក្រាមក្នុងមួយសប្តាហ៍?

ចលនាមាតាធម្មជាតិ (Mother Nature) លើកឡើងថា រដ្ឋាភិបាលកម្ពុជាមានមោទនភាពក្នុងការផលិតរ៉ែមាសដ៏ច្រើនសន្ធឹកសន្ធាប់ ប៉ុន្តែហេតុអ្វីកម្ពុជានៅតែជាប្រទេសដែលក្រីក្រ និងត្រូវខ្ចីលុយពីបរទេស ២,៦ពាន់លានដុល្លារអាមេរិកបន្ថែមលើបំណុលចាស់ទៀតសម្រាប់ឆ្នាំ២០២៥ នេះ។

ចលនាមាតាធម្មជាតិ សរសេរលើទំព័រហ្វេសប៊ុករបស់ខ្លួនកាលពីថ្ងៃទី១៩ កុម្ភៈ នេះថា មានការសាទរជាច្រើនពីសំណាក់រដ្ឋាភិបាលត្រកូលហ៊ុនទាក់ទងនឹងអណ្ដូងរ៉ែមាសនៅខេត្តមណ្ឌលគិរី ប៉ុន្តែខ្លួនក៏មានសំណួរជាច្រើនដែរដែលចង់សួរទៅក្រសួងរ៉ែ និងថាមពល និងក្រសួងពាក់ព័ន្ធផ្សេងទៀតពីការជីកយករ៉ែមាសទាំងនោះ។

ប្រភពដដែលលើកជាសំណួរថា តើរដ្ឋាភិបាលទទួលបានថវិកាសរុបប៉ុន្មានពីការដេញថ្លៃគម្រោងអូរខ្វាវរបស់ក្រុមហ៊ុន Renaissance Minerals (Cambodia) Limited ក្នុងអាជីវកម្មរ៉ែមាសនៅក្នុងតំបន់អូរខ្វាវ ស្រុកកែវសីមា ខេត្តមណ្ឌលគិរី នោះ? ហើយថាតើការដេញថ្លៃនេះមានតម្លាភាព និងគណនេយ្យភាពដែរឬទេ?

ចលនាមាតាធម្មជាតិ សួរបញ្ជាក់បន្ថែមថា តើរដ្ឋប្រមូលពន្ធបានប៉ុន្មានក្នុង ១ឆ្នាំ ក្រៅតែពីថ្លៃសួយសារចំនួន ១៤,៤លានដុល្លារអាមេរិកពីគម្រោងរ៉ែមាសនេះ? ហើយថាតើថវិកាដែលបានមកពីការដេញថ្លៃគម្រោងការបង់សួយសារ និងពន្ធផ្សេងៗ បានចូលរួមយ៉ាងដូចម្ដេចក្នុងការអភិវឌ្ឍជាតិ និងការដោះស្រាយបញ្ហាសេដ្ឋកិច្ចជូនប្រជាពលរដ្ឋ?

ក្នុងរយៈពេលប៉ុន្មានថ្ងៃចុងក្រោយនេះ សារព័ត៌មានក្នុងស្រុកបានចុះផ្សាយអំពីដំណើរការនៃការជីកយករ៉ែមាសនៅតំបន់អូរខ្វាវ ខេត្តមណ្ឌលគិរី ជាបន្តបន្ទាប់ ទាក់ទងនឹងដំណើរការនៃប្រតិបត្តិការរុករករ៉ែមាស និងដំណើរការនៃការដឹកនាំជញ្ជូនរ៉ែមាសតាមរយៈរថយន្តខ្នាតយក្ស ជាដើម។

ជុំវិញបញ្ហានេះ របាយការណ៍រដ្ឋាភិបាលបង្ហាញថា កម្ពុជាបានផ្តល់សិទ្ធិដល់ក្រុមហ៊ុនធ្វើអាជីវកម្មរ៉ែមាសសរុបមានចំនួន ១១ក្រុមហ៊ុន ដែលកំពុងប្រតិបត្តិការនៅក្នុងខេត្តចំនួន ៦ រួមមាន៖

ក្រុមហ៊ុន រ៉ឺនេសង់ មីនើរ៉ល (ខេមបូឌា) លីមីធីត
ក្រុមហ៊ុន ស៊ីនសាន អ៊ិនដាសស្ទៀល (ខេមបូឌា)
ក្រុមហ៊ុន ដែលខុម (កម្ពុជា) ភីធីស៊ី អិលធីឌី
ក្រុមហ៊ុន រង់ ឈីង អ៊ីនដាសស្ទៀល អ៊ិនវេសមេន (ខេមបូឌា) ខូអិលធីឌី
ក្រុមហ៊ុន សឹង យន្ត គ័ង យិក ខូអិលធីឌី
ក្រុមហ៊ុន ជាំងស៊ា ម៉ាញនីង អេនើជី ឌីវេឡុបម៉ិន ឯ.ក
ក្រុមហ៊ុន ភូ យ៉ាង (ខេមបូឌា)
ក្រុមហ៊ុន ខេមបូឌាន ខេ៨៨ អ៊ុនដាសស្ត្រី ឯ.ក
ក្រុមហ៊ុន អូរៀនថល វីសដឹម ខនសាល់ធីង សឺវីស (ខេមបូឌា) អ៊ិនវេសម៉ិន ឯ.ក
ក្រុមហ៊ុន មេអូហ្គោល (ខេមបូឌា) អិលធីឌី
និងក្រុមហ៊ុន ទ្រីផូឌី ប្រស្ទើ ប្រតិបត្តិម៉ាញនីង (ខេមបូឌា)។

របាយការណ៍ដដែលបញ្ជាក់ថា ក្នុងចំណោមគម្រោងទាំង ១១ នេះ មាន ៧គម្រោងកំពុងធ្វើប្រតិបត្តិការទាញយករ៉ែមាសតាំងឆ្នាំ២០២១ មក និង ៤គម្រោងទៀតស្ថិតក្នុងដំណាក់កាលអភិវឌ្ឍ ហើយគិតត្រឹមចុងឆ្នាំ២០២៤ កន្លងទៅ កម្ពុជាទទួលបានសួយសាររ៉ែមាសសរុបប្រមាណ ៣០លានដុល្លារអាមេរិកដែលត្រូវបានប្រមូលចូលរដ្ឋ។

កាលពីដើមខែកុម្ភៈ ឆ្នាំ២០២២ មេដឹកនាំបក្សកាន់អំណាច លោក ហ៊ុន សែន អះអាងថា ក្នុងមួយសប្ដាហ៍ កម្ពុជាផលិតមាសបានចន្លោះពី ៨០ ទៅ ១០០គីឡូក្រាម និងកាន់តែច្រើនទៅៗ ចំណែកខេត្តមណ្ឌលគិរី អាចផលិតបានដុំមាសបានទម្ងន់ចន្លោះពី ២០គីឡូក្រាមដល់ ៣០គីឡូក្រាម និងជាង ១០គីឡូក្រាម ដែលត្រូវដឹកយកទៅចម្រាញ់ទៅជាមាសទឹក១០ នៅប្រទេសអូស្ត្រាលី។

បើផ្អែកតាមការអះអាងរបស់លោក ហ៊ុន សែន កាលពីឆ្នាំ២០២២ ដែលថាកម្ពុជាអាចផលិតមាសបានចន្លោះពី ៨០ ទៅ ១០០គីឡូក្រាមក្នុង ១សប្តាហ៍ នោះកម្ពុជាទំនងជាអាចផលិតដុំមាសបានប្រមាណជា ១ម៉ឺនគីឡូក្រាម ឬស្មើនឹងប្រមាណជា ១០តោនហើយមកដល់ពេលនេះ៕

ហេតុអ្វីកម្ពុជានៅតែក្រ ខណៈខ្លួនអាចផលិតដុំមាសបានរហូត ១០០គីឡូក្រាមក្នុងមួយសប្តាហ៍?

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

បណ្តាអង្គទូតបរទេសខកចិត្តចំពោះសេចក្តីសម្រេចរបស់សាលាឧទ្ធរណ៍លើសំណុំរឿងលោក កឹម សុខា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

ហេតុ​អ្វី​កម្ពុជា​នៅតែ​ក្រ ខណៈ​ខ្លួន​អាច​ផលិត​ដុំ​មាស​បាន​រហូត ១០០​គីឡូក្រាម​ក្នុង​មួយ​សប្តាហ៍?

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

ហេតុអ្វីកម្ពុជានៅតែក្រ ខណៈខ្លួនអាចផលិតដុំមាសបានរហូត ១០០គីឡូក្រាមក្នុងមួយសប្តាហ៍?