ជំនួបថ្នាក់រដ្ឋមន្ត្រីដើម្បីដោះស្រាយសង្គ្រាមបង្កឡើងដោយរុស្ស៊ី ត្រូវបានព្យួរ បន្ទាប់ពីអ៊ុយក្រែនបដិសេធលក្ខខណ្ឌដែនដីគ្រីមៀរ

ជំនួបថ្នាក់រដ្ឋមន្ត្រីការបរទេសដែលមកពីសហរដ្ឋអាមេរិក អ៊ុយក្រែន អង់គ្លេស បារាំង និងអាល្លឺម៉ង់ ដែលរំពឹងថានឹងធ្វើឡើងនៅក្នុងទីក្រុងឡុងដ៍ ប្រទេសអង់គ្លេស នៅថ្ងៃទី២៣ មេសា នេះ ត្រូវបានព្យួរភ្លាមៗ ដោយសារតែខ្វះសំឡេងសមភាគី ឬ consensus បន្ទាប់ពីរដ្ឋមន្ត្រីការបរទេសអាមេរិក លោក Marco Rubio បានសម្រេចមិនទៅចូលរួមប្រជុំ។

នេះបើយោងតាមអ្នកនាំពាក្យវិមានក្រឹមឡាំង លោក Dmitry Peskov ហើយត្រូវបានចុះផ្សាយដោយសារព័ត៌មាន Kyiv Independent នៃប្រទេសអ៊ុយក្រែន នៅថ្ងៃទី២៣ ខែមេសា។

ការព្យួរជំនួបរបស់អ្នកការទូតអឺរ៉ុប និងអាមេរិក ធ្វើឡើងចំពេលមានរឿងពីរកើតនៅថ្ងៃតែមួយ គឺទីមួយ លោក វូឡូឌីមៀ ហ្សេឡេនស្គី បានប្រកាសទាត់ចោលលក្ខខណ្ឌបង្ខំអ៊ុយក្រែន ឱ្យទទួលស្គាល់ដែនដីគ្រីមៀរ ជារបស់រុស្ស៊ី ស្របច្បាប់ ដែលស្នើឡើងដោយលោក ដូណាល់ ត្រាំ ប្រធានាធិបតីអាមេរិក និងទីពីរ ចំពេលដែលប្រេសិតពិសេសរបស់លោក ត្រាំ គឺលោក Steve Witkoff ដែលអ៊ុយក្រែន មិនសូវទុកចិត្តក្នុងឋានៈជាអ្នកសម្របសម្រួលអព្យាក្រឹត្យ ត្រូវចេញដំណើរទៅជួបលោក វ៉្លាឌីមៀ ពូទីន នៅក្នុងទីក្រុងមូស្គូ ម្ដងទៀតក្នុងសប្ដាហ៍នេះ។

តាមប្រភពព័ត៌មាន Kyiv Independent ជំនួបការទូតរបស់រដ្ឋមន្ត្រីការបរទេសអឺរ៉ុប ត្រូវគេរំពឹងថានឹងរកបានមតិរួមគ្នាមួយជុំវិញដំណោះស្រាយដើម្បីបញ្ចប់សង្គ្រាមរុស្ស៊ី និងអ៊ុយក្រែន ក្រោមផែនការសន្តិភាពរបស់រដ្ឋការលោក ដូណាល់ ត្រាំ ប៉ុន្តែជំនួបនេះត្រូវបានលើកពេល ព្រោះតែលោករដ្ឋមន្ត្រីការបរទេសសហរដ្ឋអាមេរិក Marco Rubio ប្រកាសមិនចូលរួមប្រជុំ បើទោះជាសហរដ្ឋអាមេរិកមានប្រេសិតម្នាក់ គឺឧត្ដមសេនីយ៍ចូលនិវត្តន៍ Keith Kellogg ត្រូវមកចូលរួមតំណាងក៏ដោយ។

បើតាមបណ្ដាញផ្សាយព័ត៌មានអង់គ្លេស LBC UK ឲ្យដឹងថា វាមិនមានអ្វីជាសំខាន់នោះទេចំពោះអវត្តមានរបស់លោក Marco Rubio ព្រោះមានតំណាងមកចូលរួមជំនួស ប៉ុន្តែមានរឿងធំតែមួយគត់ដែលធ្វើឱ្យជំនួបនេះត្រូវលើកពេល គឺអាចមកពីលោក ហ្សេឡេនស្គី ទាត់ចោលលក្ខខណ្ឌបង្ខំអ៊ុយក្រែន ឱ្យទទួលស្គាល់ដែនដីគ្រីមៀរ ជារបស់រុស្ស៊ី ស្របច្បាប់ដែលស្នើឡើងដោយលោក ដូណាល់ ត្រាំ។

លោក ហ្សេឡេនស្គី បញ្ជាក់ក្នុងសេចក្ដីថ្លែងការណ៍របស់លោកថា៖ «តាមស្មារតីនៃរដ្ឋធម្មនុញ្ញប្រទេសអ៊ុយក្រែន បើទោះបីជាលោកមានឋានៈជាប្រធានាធិបតី តែលោកមិនអាចរំលោភរដ្ឋធម្មនុញ្ញបានឡើយ។»

លោកបញ្ជាក់ថា រដ្ឋធម្មនុញ្ញបានចែងច្បាស់ណាស់ គឺមិនអនុញ្ញាតឱ្យបុគ្គលណាមួយ ទោះមានឋានៈអ្វីក៏ដោយ មិនអាចកាត់ច្រៀកទឹកដីរបស់ប្រជាជនអ៊ុយក្រែន ទៅឱ្យប្រទេសណាមួយបានឡើយ។

លោក ហ្សេឡេនស្គី បានប្រាប់អ្នកសារព័ត៌មានថា រូបលោកគ្មានបុព្វសិទ្ធិកាត់ទឹកដីឱ្យអ្នកឈ្លានពានទេ។

គ្រាន់តែលោក ហ្សេឡេនស្គី ប្រកាសទាត់ចោលសំណើរបស់លោក ត្រាំ ក៏ស្រាប់តែធ្វើឱ្យស្ថានភាពទៅរកជំនួបថ្នាក់រដ្ឋមន្ត្រីការបរទេសអឺរ៉ុប និងអាមេរិក ធ្លាក់ក្នុងភាពមិនច្បាស់លាស់ គឺគ្មានទំនុកចិត្តក្នុងកិច្ចសន្ទនាគ្នា។ ណាមួយមានរឿងមួយទៀតកើតឡើង ដោយសារតែមានការបញ្ចេញព័ត៌មានថា ផែនការសន្តិភាពរបស់លោក ត្រាំ បានកំណត់រួចហើយថាត្រូវតែទទួលស្គាល់តំបន់ទាំងឡាយណាដែលកងទ័ពរុស្ស៊ី ដណ្ដើមកាន់កាប់បានចាត់ជាដែនដីរបស់រុស្ស៊ី។ ដែនដីដែលកងទ័ពរុស្ស៊ី កំពុងកាន់កាប់ក្នុងសមរភូមិ មានដូចជា ខេត្ត Luhansk, ខេត្តDonetsk, តំបន់ Kherson, និង Zaporizhzhia។ តំបន់ទាំង ៤ នេះហើយដែលកាលពីចុងឆ្នាំ២០២២ សភារុស្ស៊ី បានអនុម័តចាត់ទុកជាដែនដីរបស់រុស្ស៊ី។

ចំណែកលក្ខខណ្ឌមួយទៀតដែលលោក ត្រាំ បង្ខំឱ្យអ៊ុយក្រែន ទម្លាក់ចោលការសុំចូលសមាជិក NATO ក៏ជារឿងចម្រូងចម្រាសផងដែរ។

តាមអ្នកនាំពាក្យវិមានក្រឹមឡាំង លោក Dmitry Peskov មិនគួរជំនួបនេះត្រូវលើកពេលនោះទេ ដែលលោកថាទីក្រុងមូស្គូ ទុកចិត្តថា តាមរយៈជំនួបនេះ នឹងធ្វើឱ្យមានពន្លឺទៅរកការចរចាមួយមានភាពប្រាកដប្រជា។

យ៉ាងណាក៏ដោយ បើតាមអ្នកនាំពាក្យវិមានក្រឹមឡាំង ក្រុងមូស្គូ នៅតែមានទំនុកចិត្តទៅលើរដ្ឋការរបស់លោក ត្រាំ ជាអ្នកត្រួសត្រាយផ្លូវសម្រាប់ការចរចា។ ជាមួយគ្នានេះ បើយោងតាមសារព័ត៌មាន Financial Times លោកប្រធានាធិបតីរុស្ស៊ី វ្ល៉ាឌីមៀ ពូទីន បានលើកឡើងពីបំណងបញ្ឈប់ការឈ្លានពានរបស់រុស្ស៊ី ប្រឆាំងនឹងអ៊ុយក្រែន នៅតាមបណ្ដោយខ្សែបន្ទាត់សមរភូមិសព្វថ្ងៃ ដែលលោកថា គឺជាផ្នែកមួយនៃកិច្ចប្រឹងប្រែងដើម្បីឈានដល់កិច្ចព្រមព្រៀងសន្តិភាពជាមួយលោក ដូណាល់ ត្រាំ។

បើតាម Financial Times លោក ពូទីន បានលើកឡើងពីបំណងបែបនេះអំឡុងពេលជួបជាមួយបេសកជនពិសេសរបស់អាមេរិក គឺលោក Steve Witkoff ក្នុងទីក្រុង St Petersburg កាលពីដើមខែមេសា នេះ។

Financial Times បានបញ្ចេញព័ត៌មានថា អាមេរិកអាចនឹងយល់ព្រមតាមសំណើធំៗរបស់លោក ពូទីន ក្នុងនោះរួមមានដូចជា ការទទួលស្គាល់អធិបតេយ្យភាពរបស់រុស្ស៊ី លើតំបន់គ្រីមៀរ ដែលក្រុងមូស្គូ ចាប់យកបានពីអ៊ុយក្រែន កាលពីឆ្នាំ២០១៤ ព្រមទាំងរារាំងមិនឱ្យអ៊ុយក្រែន ចូលជាសមាជិក NATO។

ចំពោះសំណុំរឿងដែនដីគ្រីមៀរ នេះ ទាំងអ៊ុយក្រែន និងប្រទេសជាសម្ព័ន្ធមិត្តក្នុងតំបន់អឺរ៉ុប បានទាមទារឱ្យមានការស្ដារឡើងវិញទាំងស្រុងនូវព្រំដែនរបស់អ៊ុយក្រែន នៅមុនឆ្នាំ២០១៤ គឺឱ្យស្របនឹងសន្ធិសញ្ញាឆ្នាំ១៩៩១ ដែលត្រូវបានទទួលស្គាល់ខ្សែបន្ទាត់ព្រំដែនអន្តរជាតិរវាងប្រទេសទាំងពីរ ក្រោយពីរុស្ស៊ី និងអ៊ុយក្រែន បានបែងចែកខ្សែបន្ទាត់កំណត់ព្រំប្រទល់ប្រទេស បន្ទាប់ពីការដួលរលំរបបកុម្មុយនីស្តសហភាពសូវៀត នៅក្នុងឆ្នាំ១៩៩១៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ផែនការសន្តិភាព ២០ចំណុចថ្មីមិនតម្រូវឱ្យអ៊ុយក្រែន បោះបង់តំបន់ដុនបាស និងមិនហាមចូលសមាជិកណាតូ

ប្រជាជនអ៊ុយក្រែនភាគច្រើនទាត់ចោលការទាមទារឱ្យអ៊ុយក្រែន កាត់ទឹកដីដូរយកសន្តិភាព

រុស្ស៊ី ព្រមានថាបទឈប់បាញ់អាចធ្វើទៅបាន លុះត្រាតែអ៊ុយក្រែន ដកទ័ពចេញពីតំបន់ដុនបាសទាំងមូល

លោក ពូទីន ទៅឥណ្ឌា ស្នើសុំបន្តជួយទិញប្រេង ចំណែកឯលោក ម៉ាក្រុង ទៅចិន ស្នើដាក់សម្ពាធលើរុស្ស៊ី

លោក ពូទីន សច្ចាវាយយកតំបន់ពីររបស់អ៊ុយក្រែន ខណៈលោកចេញទៅជួបនាយករដ្ឋមន្ត្រីឥណ្ឌា

លោក ពូទីន ព្រមាននឹងកម្ទេចអឺរ៉ុបយ៉ាងធ្ងន់ធ្ងរបំផុត បើសិនហ៊ានចាប់ផ្ដើមវាយប្រហាររុស្ស៊ីមុន

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន