មន្ត្រីបក្សជំទាស់ថាពន្ធកប់ពពកលើការនាំចេញបន្ទះសូឡាប្រើថាមពលព្រះអាទិត្យជារឿងកំប៉ិកកំប៉ុក

មន្ត្រីជាន់ខ្ពស់ខាងគណបក្សសង្គ្រោះជាតិ លោក ហ៊ីង សុខសាន្ត លើកឡើងថា ការដំឡើងពន្ធលើបន្ទះថាមពលព្រះអាទិត្យ ឬហៅថាសូឡាផាណល (solar panel) ដែលនាំពីប្រទេសកម្ពុជាទៅកាន់សហរដ្ឋអាមេរិក ចំនួនជាង ៣៥០០% (៣៥២១%) គ្រាន់តែជារឿងកំប៉ិកកំប៉ុកប៉ុណ្ណោះ បើមន្ត្រីរដ្ឋាភិបាលយល់ពីកិច្ចព្រមព្រៀង GATT (General Agreement on Trade and Tariffs) នៃអង្គការពាណិជ្ជកម្មពិភពលោកនោះ (World Trade Organization, WTO)។

មន្ត្រីជាន់ខ្ពស់បក្សប្រឆាំង លោក ហ៊ីង សុខសាន្ត សរសេរលើគណនីហ្វេសប៊ុករបស់ខ្លួនកាលពីថ្ងៃទី២៣ ខែមេសា នេះថា បញ្ហាដំឡើងពន្ធលើបន្ទះសូឡានេះ គឺជារឿងផ្ទាល់ឯកជនរបស់ក្រុមហ៊ុនទាំងឡាយណាដែលបានបំពានគោលការណ៍សកលក្នុងវិស័យពាណិជ្ជកម្ម ស្ដីពីការដឹកផលិតផលចាក់ធារលក់បង្ខូចថ្លៃ (Dumping) និងការឧបត្ថម្ភធន (Subsidy) ប៉ុណ្ណោះ ក្នុងពេលដែលប្រទេសកម្ពុជាមិននៅពីក្រោយ ឬចូលរួមចំណែកក្នុងរឿងនេះផងនោះ។

មន្ត្រីបក្សប្រឆាំងរូបនេះលើកឡើងថា ទីតាំងប្រទេសកម្ពុជាបច្ចុប្បន្ន គឺជាឈ្មួញកណ្ដាលដែលត្រូវស្ថិតនៅចន្លោះរវាងអ្នកផលិត គឺចិន និងអ្នកទិញ គឺអាមេរិកាំង។ ក្នុងន័យនេះ បើប្រទេសកម្ពុជាផ្ដាច់ខ្លួនទៅនៅខាងអ្នកផលិត គឺចិន នោះអាមេរិកាំងដែលជាអ្នកទិញក៏នឹងឈប់ទិញអីវ៉ាន់ផលិតនៅប្រទេសកម្ពុជាដែរ។

ផ្ទុយទៅវិញ បើប្រទេសកម្ពុជាផ្ដាច់ខ្លួននៅខាងអ្នកទិញ គឺសហរដ្ឋអាមេរិក នោះអ្នកផលិត គឺចិន ក៏នឹងបញ្ឈប់ផ្តល់ទំនិញឱ្យកម្ពុជាដែរ ដូច្នេះលទ្ធផលអ្នករងគ្រោះពិតប្រាកដ គឺកម្ពុជាខ្លួនឯងដែលត្រូវបាត់បង់ប្រាក់ចំណូលសម្រាប់ជាតិ ព្រោះកម្ពុជាភ្ជាប់ខ្លួនទៅជាមួយភាគីណាក៏នឹងមានផលអាក្រក់សម្រាប់ខ្លួនដែរ។

លោក ហ៊ីង សុខសាន្ត បញ្ជាក់ថា ប្រទេសកម្ពុជាអាចចៀសផុតពីបញ្ហាទាំងនេះបានដោយប្រកាន់ខ្ជាប់នូវគោលការណ៍យកផលប្រយោជន៍ជាតិជាធំ គឺមិនធ្វើអាក្រក់ដាក់អ្នកផលិត និងធ្វើល្អដាក់អ្នកទិញ នោះខ្មែរនៅតែអាចបន្តទទួលបានទំនិញពីអ្នកផលិត និងអាចបន្តលក់ទៅឱ្យអ្នកទិញបានដូចមុនដដែល។

កាលថ្ងៃទី២១ ខែមេសា សហរដ្ឋអាមេរិកសម្រេចដំឡើងពន្ធនាំចូលបន្ទះសូឡាប្រើថាមពលព្រះអាទិត្យពីប្រទេសកម្ពុជា រហូតដល់ ៣៥២១% ចាប់ពីខែមិថុនា ឆ្នាំ២០២៥ តទៅ ក្នុងបំណងប្រឆាំងនឹងការឧបត្ថម្ភធនពីរដ្ឋការចិន និងលក់បង្ខូចតម្លៃពីក្រុមហ៊ុននាំចូលផ្ទាំងសូឡាពីប្រទេសកម្ពុជា ក្នុងនោះប្រទេសថៃ ម៉ាឡេស៊ី និងវៀតណាម ក៏ត្រូវជាប់ពន្ធនាំចូលបន្ទះសូឡានេះដែរ។

ទោះជាយ៉ាងណាក៏ដោយ ក្រសួងពាណិជ្ជកម្មកម្ពុជា បានចេញសេចក្តីប្រកាសព័ត៌មានកាលពីថ្ងៃទី២២ មេសា នេះថា ករណីស៊ើបអង្កេតប្រឆាំងនឹងការលក់បង្ខូចថ្លៃ និងការឧបត្ថម្ភធននេះ គឺជានីតិវិធីដោយផ្អែកលើបណ្តឹងរបស់ក្រុមហ៊ុនផលិតបន្ទះសូឡាក្នុងសហរដ្ឋអាមេរិក ដែលព្រួយបារម្ភចំពោះការប្រកួតប្រជែងតម្លៃនៃបន្ទះសូឡានាំចូលទៅកាន់ទីផ្សារអាមេរិកាំងតែប៉ុណ្ណោះ។

ត្រង់ចំណុចនេះ គេចាត់ទុកជាការរកស៊ីជំនួញគៃបន្លំ មិនស្មោះត្រង់ មិនស្មើភាពគ្នា។

ក្រសួងពាណិជ្ជកម្ម បញ្ជាក់ថា ករណីនេះ ក្រសួងបានធ្វើការសម្របសម្រួលជាមួយវិស័យឯកជនដែលពាក់ព័ន្ធ និងស្ថាប័នរដ្ឋ ដើម្បីចូលរួមបំភ្លឺលើចំណុចនៃការចោទប្រកាន់ទាំងនេះរួចរាល់ហើយ ហើយការដំឡើងពន្ធនាំចូលបន្ទះសូឡានេះ ក៏មិនពាក់ព័ន្ធនឹងការអនុវត្តពន្ធគយ ៤៩% ដែលសហរដ្ឋអាមេរិកបានប្រកាសកាលពីដើមខែមេសា នោះដែរ។

ចាប់តាំងពីដើមខែមេសា មក ប្រទេសកម្ពុជាប្រឈមនឹងឧបសគ្គជាបន្តបន្ទាប់ជុំវិញការកំណត់ពន្ធគយលើទំនិញនាំទៅកាន់ទីផ្សារសហរដ្ឋអាមេរិក ទាំងរដ្ឋាភិបាល និងក្រុមហ៊ុនឯកជន។ ឧទាហរណ៍ជាក់ស្តែង កាលពីថ្ងៃទី២ ខែមេសា ឆ្នាំ២០២៥ សហរដ្ឋអាមេរិក បានកំណត់ពន្ធលើទំនិញនាំចូលពីប្រទេសកម្ពុជា ៤៩% សម្រាប់ការនាំទៅកាន់ទីផ្សារសហរដ្ឋអាមេរិក។

គួរកត់សម្គាល់ថា៖ តាមស្ថិតិពីអគ្គនាយកដ្ឋានពន្ធដារ គយ និងរដ្ឋាករ បន្ទះប្រើថាមពលព្រះអាទិត្យហៅតាមភាសាអង់គ្លេសថា Solar panel នាំចេញពីប្រទេសកម្ពុជា ទៅលក់នៅទីផ្សារសហរដ្ឋអាមេរិកក្នុងឆ្នាំ២០២៣ មានទឹកប្រាក់ ២ពាន់លានដុល្លារ ហើយនៅឆ្នាំ២០២៤ មានទឹកប្រាក់ ៨៣០លានដុល្លារ។ ក្រុមហ៊ុនផលិតបន្ទះថាមពលព្រះអាទិត្យភាគច្រើនជាក្រុមហ៊ុនចិន មានដូចជា ក្រុមហ៊ុន Jintek Photovoltaic Technology, Hounen Solar, ISC Cambodia and Solar Long PV-Tech ជាដើម៕

មន្ត្រីបក្សជំទាស់ថាពន្ធកប់ពពកលើការនាំចេញបន្ទះសូឡាប្រើថាមពលព្រះអាទិត្យជារឿងកំប៉ិកកំប៉ុក

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

តម្លៃប្រេងឥន្ធនៈនៅកម្ពុជា បានធ្លាក់ចុះនៅថ្ងៃទី១០ ខែមេសា មុនពិធីបុណ្យចូលឆ្នាំថ្មី

ប្រេងឥន្ធនៈឡើងថ្លៃជារឿងធម្មជាតិ រដ្ឋមិនដឹងដោះស្រាយដូចម្តេច ថាគ្មានលួចរត់ពន្ធ

ស្ថានភាពសេដ្ឋកិច្ចប្រទេសកម្ពុជា បន្ទាប់ពីមានចម្បាំងនឹងថៃ និងសង្គ្រាមនៅមជ្ឈិមបូព៌ា

តម្លៃប្រេងម៉ាស៊ូតឡើងដល់ ៧១០០រៀលក្នុង១លីត្រ ខណៈហ្គាស៍ឡើងដល់ ៣២០០រៀលចាប់ពីថ្ងៃទី២៦ មីនា

ប្រេងសាំងនៅកម្ពុជាធ្លាក់ថ្លៃ ១០០រៀល ខណៈរដ្ឋទម្លាក់ពន្ធគយមកនៅត្រឹមសូន្យភាគរយ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន