កម្ពុជាបណ្ដេញជនបរទេសជិត ១ពាន់នាក់ដែលភាគច្រើនពាក់ព័ន្ធករណីឆបោកតាមប្រព័ន្ធអនឡាញ

អគ្គនាយកដ្ឋានអន្តោប្រវេសន៍ ឱ្យដឹងថា រយៈពេល ៥ថ្ងៃដើមខែមេសា ឆ្នាំ២០២៦ នេះ ប្រទេសកម្ពុជា បានបណ្តេញជនបរទេសចេញពីទឹកដីរបស់ខ្លួនជាង ១ពាន់នាក់ មានជិត ៣០សញ្ជាតិ ដែលពាក់ព័ន្ធនឹងការធ្វើការងារខុសច្បាប់ ជាពិសេសពាក់ព័ន្ធនឹងករណីឆបោកតាមប្រព័ន្ធអនឡាញ (Online Scams)។

តាមសេចក្តីប្រកាសព័ត៌មាន នៅថ្ងៃទី៧ មេសា នេះថា ចាប់ពីថ្ងៃទី១ ដល់ថ្ងៃទី៥ ខែមេសា ឆ្នាំ២០២៦ អគ្គនាយកនៃអគ្គនាយកដ្ឋានអន្តោប្រវេសន៍ លោក សុខ វាសនា បានចេញបទបញ្ជាឱ្យនាយកដ្ឋានស៊ើបអង្កេត និងអនុវត្តនីតិវិធី បន្តធ្វើការបណ្ដេញចេញជនបរទេសចេញពីប្រទេសកម្ពុជា ជាង ១ពាន់នាក់ (១០៨៤នាក់) ដែលមាន ២៧សញ្ជាតិ។ ភាគច្រើននៃជនល្មើស គឺពាក់ព័ន្ធករណីលួចឆ្លងដែន បន្លំឯកសារក្លែងក្លាយ ស្នាក់នៅគ្មានលិខិតឆ្លងដែន ចាប់ជំរិតទារប្រាក់ ប្រើប្រាស់ទិដ្ឋាការក្លែងក្លាយ (QR Code ក្លែងក្លាយ) ឆបោកតាមប្រព័ន្ធអនឡាញ និងធ្វើការងារខុសច្បាប់ ក្នុងនោះគ្រាន់តែជនជាតិចិន ជិត ៥០០នាក់ (៤៨០នាក់) ឯណោះ ដែលពាក់ព័ន្ធករណីឆបោកតាមប្រព័ន្ធអនឡាញ (Online Scams)។

ជនបរទេសដែលត្រូវបានបណ្ដេញចេញ រួមមាន ជនជាតិអ៊ូហ្គាន់ដា ប៉ាគីស្ថាន រវ៉ាន់ដា កេនយ៉ា នេប៉ាល់ ឥណ្ឌូនេស៊ី ហ្គាណា ហ្វីលីពីន កាមេរ៉ូន ចិន ឥណ្ឌា រុស្ស៊ី អង់គ្លេស ចិនតៃវ៉ាន់ នីហ្សេរីយ៉ា បង់ក្លាដេស ម៉ាឡេស៊ី ឡាវ អាមេរិក អ៊ូបេគីស្ថាន ជប៉ុន អេត្យូពី កូរ៉េ មីយ៉ាន់ម៉ា ប៊ូរុនឌី ស៊ូដង់ និងសារ៉ាលីអូន ផងដែរ។

យ៉ាងណាក៏ដោយ អង្គការលើកលែងទោសអន្តរជាតិ (Amnesty International) កាលពីថ្ងៃទី២ ខែមេសា ឆ្នាំ២០២៦ បានចេញរបាយការណ៍ស៊ើបអង្កេតរបស់ខ្លួនថា មានអគារកាស៊ីណូនៅកម្ពុជា ជាង ១០កន្លែង បានជាប់ទាក់ទងនឹងការឆបោកតាមប្រព័ន្ធអនឡាញ ការជួញដូរមនុស្ស និងការធ្វើទារុណកម្ម។

ពាក់ព័ន្ធនឹងបញ្ហានេះ គណៈកម្មការគ្រប់គ្រងល្បែងស៊ីសងពាណិជ្ជកម្ម កាលពីថ្ងៃទី៥ ខែមេសា បានដកហូតអាជ្ញាបណ្ណកាស៊ីណូ ហ្កាន់ ដាវ (GANG DAO) ដែលស្ថិតក្នុងភូមិ៤ សង្កាត់លេខ៤ ក្រុងព្រះសីហនុ ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams) រួមទាំងឃាត់ខ្លួនជនសង្ស័យជាង ១០០នាក់ (១០៨នាក់) ថែមទៀត ក្នុងនោះ គឺជនជាតិចិន ១០៥នាក់ និងជនជាតិមីយ៉ាន់ម៉ា ឬភូមា ៣នាក់ផងដែរ។

កាលពីថ្ងៃទី៣ ខែមេសា ឆ្នាំ២០២៦ គណៈកម្មការដដែលនេះក៏បានលុបអាជ្ញាបណ្ណកាស៊ីណូឈ្មោះ សៀងហៃ រីហ្សត ផងដែរ ដែលស្ថិតនៅឃុំសំរោង ស្រុកចន្ទ្រា ខេត្តស្វាយរៀង ក្រោយកម្លាំងសមត្ថកិច្ចរកឃើញសកម្មភាពពាក់ព័ន្ធនឹងអំពើឆបោកតាមប្រព័ន្ធបច្ចេកវិទ្យា៕

កម្ពុជាបណ្ដេញជនបរទេសជិត ១ពាន់នាក់ដែលភាគច្រើនពាក់ព័ន្ធករណីឆបោកតាមប្រព័ន្ធអនឡាញ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

មន្ត្រីរដ្ឋាភិបាលនិងមន្ត្រីបក្សក្រៅរដ្ឋាភិបាលខ្មែរ កើតទុក្ខមិនសុខចិត្តនឹងពាក្យគេហៅ Scambodia

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

កម្ពុជា​បណ្ដេញ​ជនបរទេស​ជិត ១​ពាន់​នាក់​ដែល​ភាគច្រើន​ពាក់ព័ន្ធ​ករណី​ឆបោក​តាម​ប្រព័ន្ធ​អនឡាញ

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

កម្ពុជាបណ្ដេញជនបរទេសជិត ១ពាន់នាក់ដែលភាគច្រើនពាក់ព័ន្ធករណីឆបោកតាមប្រព័ន្ធអនឡាញ