សហគមន៍ខ្មែរក្នុងអូស្ត្រាលីគ្រោងនាំគ្នាធ្វើបាតុកម្មប្រឆាំងថ្ងៃ៧មករាខាងមុខ។ ពួកគេចាត់ទុកថា ថ្ងៃ៧មករាគឺជាថ្ងៃកងទ័ពវៀតណាមចូលឈ្លានពានទឹកដីកម្ពុជា។
ក្រុមប្រជាពលរដ្ឋខ្មែរក្នុងប្រទេសអូស្រ្តាលីនឹងកំណត់យកថ្ងៃទី៥ ខែមករាឆ្នាំ២០១៩ជាថ្ងៃធ្វើបាតុកម្មប្រឆាំងថ្ងៃ៧មករា ដែលគណបក្សប្រជាជនកម្ពុជាតែងចាត់ទុកថា ជាថ្ងៃដ៏វិសេសវិសាលក្នុងការរំដោះពលរដ្ឋខ្មែរចេញពីរបបប្រល័យពូជសាសន៍ខ្មែរក្រហម។
តំណាងសហគមន៍ខ្មែរអូស្ត្រាលី លោកជា យូហន បានប្រាប់សារព័តមានSKឲ្យដឹងថា ពលរដ្ឋខ្មែក្នុងរដ្ឋVictoria គ្រោងជួបជុំគ្នានៅទីស្នាក់ការរបស់សមាគមខ្មែរសិនមុននឹងសម្រេចចិត្តដើរហែក្បួនធ្វើបាតុកម្ម។
គណបក្សប្រជាជនកម្ពុជា ដែលជាគណបក្សកាន់អំណាចនៅកម្ពុជានឹងប្រារព្ធខួបលើកទី៤០នៃថ្ងៃ៧មករាក្នុងទីក្រុងភ្នំពេញ៕