27 C
Phnom Penh

ក្រុម​ហ៊ុន​ទូរស័ព្ទ​របស់​វៀតណាម​នៅ​កម្ពុជា​ទាញ​ផល​ចំណេញ​ដ៏​ច្រើន​សន្ធឹក​សន្ធាប់​ពី​ពលរដ្ឋ​ខ្មែរ​

ដោយ ឌឹ ខេមបូឌា ដេលី

បទវិភាគ

ក្រុមហ៊ុន​ទូរស័ព្ទ​យួន​ដែល​​ផ្តល់​សេវា​ក្នុង​ស្រុក​ខ្មែរ​បាន​ផល​ចំណេញ​ជា​ច្រើន​ពាន់​លាន​ដុល្លារ​ចាប់​តាំង​ពីផ្តើម​ធ្វើ​អាជីវកម្ម​រយៈ​ពេល​១០​ឆ្នាំ​កន្លង​មក​នេះ។​

ប្រភព​ព័ត៌មាន​វៀតណាម​ ឲ្យ​ដឹង​ពី​ក្រុង​ហាណូយ​នៅ​ថ្ងៃទី​​២១​កុម្ភៈ​កន្លង​ទៅ​នេះ​ថា​ ផល​ចំណេញ​ពី​សេវា​ទូរស័ព្ទ​នៅ​ស្រុក​ខ្មែរ​ពី​ឆ្នាំ​២០០៩​ក្រុមហ៊ុន​Metfone ​ដែល​ជា​សាខា​នៃ​ក្រុមហ៊ុន​ធំ​ឈ្មោះ​វៀតតែល​មាន​ទឹក​ប្រាក់​២​ពាន់​២​រយ​លាន​ដុល្លារ​ដណ្តើម​ទីផ្សារ​បាន​៤៨% ​បង់​ពន្ធ​ឲ្យ​រដ្ឋាភិបាល​ខ្មែរ​៥​រយ​លាន​ដុល្លារ។ ​ ក្រុម​ហ៊ុន​ Metfone ​និង​វៀតតែល​រក​ចំណេញ​បាន​លើស​ដើម​ទុន​ដល់​ទៅ​៦​ដង។​

តាម​ការ​អះអាង​ពី​ប្រធាន​ស្តីទី​ក្រុមហ៊ុន​វៀតតែល ​លោក​ឡេ ដាងយុង ក្រុម​ហ៊ុន​Metfone​ជាក្រុម​ហ៊ុន​យួន​ទី​១​ដែល​ចូល​ទី​ផ្សារ​ក្នុង​ប្រទេស​នៅ​កម្ពុជា។​ ក្នុង​ពិធី​អបអរ​សាទរ​ការ​រក​ស៊ី​បាន​ផល​ចំណេញ​នេះ ​លោក​​ទៀ បាញ់ ​រដ្ឋមន្រ្តី​ក្រសួង​ការពារ​ជាតិ​ពោល​ថា​ លោក​សង្ឃឹម​ថា ​ក្រុមហ៊ុន​Metfone ​នឹង​នៅ​តែ​ជា​និមិត្ត​រូប​នៃ​កិច្ច​សហ​ប្រតិបត្តិ​ការ​មិត្ត​ភាព​រវាង​វៀតណាម​និង​កម្ពុជា។​

ក្រុមហ៊ុន​ទូរស័ព្ទ​Metfone​ជា​ក្រុមហ៊ុន​យោធា​យួន​ ផ្តល់​សេវា​មាន​តម្លៃ​ថោក​ជាង​ក្រុម​ហ៊ុន​ដទៃ​មក​ពី​មាន​រដ្ឋ​ឧបត្ថម្ភ​ទុន​សម្រាប់​ខាត។​ ដោយ​សារ​មិត្ត​ភាព​ខ្មែរ-យួន​ក្រុមហ៊ុន​Metfone​ទទួល​បាន​កិច្ច​សន្យា​ពី​កង​យោធពល​ខេមរ​ភូមិន្ទ​ទាំង​ស្រុង​រួមទាំង​ប្រជា​ពលរដ្ឋ​ខ្មែរ​ក្រីក្រ​ដែល​គ្មាន​លទ្ធភាព​ទិញ​សេវា​ក្រុម​ហ៊ុន​ទូរស័ព្ទ​ផ្សេង។ ​ក្នុង​ទសវត្ស​២០០០​ក្រុមហ៊ុន​វៀតតែល​ទិញ​ឧបករណ៍​បច្ចេក​វិជ្ជា​ពី​ប្រទេស​អង់គ្លេស​សម្រាប់​ប្រើ​តាម​បណ្តាញ​ស្ថានីយ៍​ទូរស័ព្ទ​ចល័ត​ដើម្បី​ចាប់​ឬ​ថត​សម្លេង​យក​ការណ៍​សម្ងាត់​ពី​ក្រុម​ប្រឆាំង​នៅ​បរទេស​ដែល​ហៅ​មក​ក្នុង​ស្រុក​ខ្មែរ៕

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស