27 C
Phnom Penh

ភរិយា​លោក​រ៉ាត់ រត្នមុនី​ផ្តើម​យុទ្ធនាការ​ចែក​ខិត​ប័ណ្ណ​នៅមុខ​ស្ថានទូតរុស្ស៊ី​ទាមទារ ​ឱ្យ​ដោះលែង​ប្តី​របស់​អ្នកស្រី​

ដោយ ឌឹ ខេមបូឌា ដេលី

បទវិភាគ

ភរិយា​និង​ក្រុម​អ្នក​គាំទ្រ​របស់​លោក​រ៉ាត់ រត្នមុនី​ ក្រៅពី​នៅតែ​ទទូច​ឱ្យ​ស្ថានទូត​រុស្ស៊ី​ប្រចាំ​ប្រទេស​កម្ពុជា​អន្តរាគមន៍​ដោះលែង​ប្រធាន​សហជីព​រូប​នេះ​ហើយ​ ពួក​គេក៏​បាន​ធ្វើ​យុទ្ធនាការ​ចែក​ខិតប័ណ្ណ​ដែល​មាន​ទម្រង់​ជា​ញ្ញតិ្ត ​ស្នើឱ្យ​ដោះលែង​លោក​រ៉ាត់ រត្នមុនី​ដែល​កំពុង​ជាប់ឃុំ​ឱ្យ​មាន​សេរីភាព​ឡើង​វិញ។ ​

គណនេយ្យ​ហ្វេសប៊ុក​របស់​អ្នក​ស្រី​ឡុង គីមហ៊ាង​នៅ​ថ្ងៃ​នេះ​បាន​​បង្ហាញ​ពី​សកម្ម​ភាព​ស្រែក​តវ៉ា ​និង​ចែក​ខិតបណ្ណ​ជូន​ពលរដ្ឋ​ធ្វើ​ដំណើរ​នៅ​តាម​ដង​ផ្លូវ​មុខ​ស្ថានទូត​រុស្ស៊ី​ ដោយ​ធ្វើ​យ៉ាង​ណាឱ្យ​រដ្ឋាភិបាល​ប្រទេស​សង្គមនិយ​មួយ​នេះ​អន្តរាគមន៍​ជួយ​ប្តី​របស់​ខ្លួន។​  ​

ក្រៅពី​ចែកខិត​បណ្ណ ​និង​ស្រែក​ទាមទារ​ឱ្យ​រុស្ស៊ី​ជួយ​ប្តី​ខ្លួន ​អ្នក​ស្រី ឡុង ​គឹម ហ៊ាង​ក៏បាន​បង្ហោះ​លិខិត​អន្តរាគមន៍​ដាក់​ទៅ​ស្ថាន​ទូត​មួយ​នេះ​ជា​ថ្មី​ទៀត ​ដោយ​អះអាង​ថា​ ប្តី​របស់​ខ្លួន​គ្មាន​កំហុស​ឡើយ​ និង​ជា​រឿង​អយុត្តិធម៌​សម្រាប់​គ្រួសារ​របស់​គាត់​ផង​ដែរ។​

នេះជា​លើកទី​១០​ហើយ​ដែល​ក្រុម​គ្រួសារ​និង​អ្នក​គាំទ្រ​នាំ​គ្នា​​តវ៉ា​និង​ទាមទារ​ឱ្យ​ស្ថានទូត​រុស្ស៊ី​ធ្វើ​អន្តរាគមន៍​ដោះលែង​លោក​រ៉ាត់ រត្នមុនី​ឱ្យមាន​សេរីភាព​ឡើង​វិញ។​

មេ​ដឹក​នាំ​សហព័ន្ធ​សហជីព​សំណង់​កម្ពុជា​ លោក​រ៉ាត់ រត្នមុនី​ត្រូវ​បាន​សមត្ថ​កិច្ច​ថៃ​ចាប់​ខ្លួន​ និង​បញ្ជូន​មក​កម្ពុជា​តាម​សំណើ​របស់​សមត្ថកិច្ច​កម្ពុជា​កាល​ពី​ថ្ងៃ​ទី​១៣ ​ខែ​ធ្នូ​ឆ្នាំ​មុន​ ពាក់​ព័ន្ធ​នឹង​ការ​ចូលរួម​ផលិត​ភាព​យន្ត​ឯកសារ «ម្ដាយ​ខ្ញុំ​លក់​ខ្ញុំ»​របស់​បណ្តាញ​ទូរ​ទស្សន៍​រុស្ស៊ី​Russia Today​ដែល​និយាយ​អំពី​ខ្សែ​ជីវិត​ពិត​របស់​ស្ត្រី​និង​ម្តាយ​នៅ​កម្ពុជា​មួយ​ចំនួន​បាន​លក់កូន​ស្រី​ដើម្បី​ជីវភាព​រស់​នៅ​របស់​ពួក​គេ៕​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស