លោកហ៊ុន សែនប្រកាសថា រដ្ឋាភិបាលរបស់លោកនឹងធ្វើកំណែទម្រង់ផ្ទៃក្នុងរបស់កងកម្លាំងសមត្ថកិច្ចដើម្បីពង្រឹងគុណធម៌។ ការប្រកាសរបស់លោកហ៊ុន សែនធ្វើឡើងនៅក្នុងពិធីចែកសញ្ញាប័ត្រដល់គរុសិស្សក្នុងទីក្រុងភ្នំពេញកាលពីព្រឹកមិញ។
លោកនាយករដ្ឋមន្រ្តីអះអាងថា ករណីមន្ត្រីកងរាជអាវុធហត្ថប្រើអាវុធគំរាមដៃគូជម្លោះនិងមន្ត្រីនគរបាលដែលបានបាញ់ពលរដ្ឋនៅខេត្តព្រៃវែងរហូតដល់ស្លាប់នោះគឺជាសញ្ញាមួយដែលអាចបញ្ជាក់បានថា ដល់ពេលដែលរដ្ឋាភិបាលត្រូវធ្វើកំណែទម្រង់ស្ថាប័នកងកម្លាំងប្រដាប់អាវុធហើយ។
ជាងនេះទៅទៀត លោកហ៊ុន សែនក៏បានជំរុញឲ្យក្រសួងអប់រំបង្កើនការបង្រៀនអំពីគុណធម៌ដល់យុវជនជំនាន់ក្រោយដើម្បីបង្វែទិសដៅរបស់ពួកគេឲ្យគិតអំពីការកសាងខ្លួនក្នុងអំពើល្អ។
ក្រុមសង្គមស៊ីវិលក្នុងស្រុកបាននាំគ្នាសាទរការប្រកាសរបស់លោកហ៊ុន សែន៕