ក្រុមសង្គមស៊ីវិលអន្តរជាតិរកឃើញថា សេរីភាពនៃអង្គការសង្គមស៊ីវិលនៅកម្ពុជាកំពុងរងការបង្ក្រាបពីរដ្ឋាភិបាល ក្រោយពីការចោទប្រកាន់ និងការប្រើប្រាស់ច្បាប់ប្រឆាំងអង្គការក្រៅរដ្ឋាភិបាល និងប្រព័ន្ធផ្សព្វផ្សាយឯករាជ្យ។
របាយការណ៍របស់អង្គការសម្ព័ន្ធភាពសង្គមស៊ីវិលសកល (CIVICUS)ដែលបានផ្តល់ចំណាត់ថ្នាក់ដល់សេរីភាពសង្គមស៊ីវិលក្នុងប្រទេសចំនួន១៩៥ក្នុងពិភពលោក បានវាយតំលៃប្រទេសកម្ពុជាថា ចាប់តាំងពីការបោះឆ្នោតឆ្នាំ២០១៨មក ការធ្វើសកម្មភាពរបស់ក្រុមអង្គការក្រៅរដ្ឋាភិបាលនៅកម្ពុជាតែងទទួលរងការធ្វើទុក្ខបុកម្នេញ និងការរារាំង ដែលធ្វើឲ្យសេរីភាពរបស់ពួកគេមានការរួមចង្អៀត។
របាយការណ៍ដដែលឲ្យដឹងថាច្បាប់ប្រឆាំងអំពើពុករលួយ ច្បាប់ប្រមូលពន្ធដារ ការបិទប្រព័ន្ធផ្សព្វផ្សាយឯករាជ្យ និងការគំរាមកំហែងជាការរឹតត្បិតសកម្មភាពរបស់សង្គមស៊ីវិល៕