មន្ទីរសម្រាកព្យាបាលជា សុខលឹម រងការរិះគន់ថា មិនបានព្យាបាលកម្មការិនីដែលបានសន្លប់ដោយលើកឡើងថា ឃើញឈឺញឹកពេក។ មន្ទីរសំរាកព្យាបាលនេះជាដៃគូរបស់បេឡាជាតិរបបសន្តិសុខសង្គម(ប.ស.ស.)។
ហ្វេសប៊ុករបស់សហភាពចលនាកម្មករកម្ពុជា ចុះផ្សាយថា មានករណីកម្មការិនីម្នាក់បម្រើការងារនៅរោងចក្រស្បែកជើងJNTShoeដែលមានទីតាំងស្ថិតនៅតាមបណ្ដោយផ្លូវជាតិលេខ៣ ភូមិអង្គសុគន្ធា ឃុំមហាឫស្សី ស្រុកគងពិសី ខេត្តកំពង់ស្ពឺបានដួលសន្លប់ នៅថ្ងៃទី២០ខែឧសភាហើយត្រូវបានក្រុមហ៊ុនបញ្ជូនទៅមន្ទីរសម្រាកព្យាបាលមួយឈ្មោះជា សុខលឹម។
ប្រភពដដែលបន្តថា នៅពេលមន្ទីរព្យាបាលខាងលើបដិសេធដូចនេះនាងត្រូវ បញ្ជូនបានទៅរោងចក្រវិញនិងសម្រេចបញ្ចូនទៅព្យាបាលនៅមន្ទីរពេទ្យផ្សេងទៀតព្យាបាលជំនួសវិញ។ជុំវិញការចោទប្រកាន់នេះ សារព័ត៌មាន The Cambodia Dailyនៅមិនទាន់អាចមានប្រភពដើម្បីសុំការបំភ្លឺពី មន្ទីរសម្រាកព្យាបាលជា សុខលឹមនៅឡើយទេ នៅថ្ងៃទី២០ខែឧសភា៕