30 C
Phnom Penh

នគរបាល​ស័ក្តិ​៣​ដែល​សង្ស័យ​លួច​iPad​ត្រូវ​បញ្ជូន​ទៅ​តុលាការ​

ដោយ ឌឹ ខេមបូឌា ដេលី

បទវិភាគ

ស្រប​ពេល​ដែល​មាន​ការ​រិះគន់​និង​ប្រតិកម្ម​ជា​ច្រើន​តាម​បណ្ដាញ​សង្គម​Facebook​ពាក់​ព័ន្ធ​ការ​លួច​iPad​នៅ​ពេល​នេះ ​សមត្ថ​កិច្ច​បាន​សម្រេច​កសាង​សំណុំ​រឿង​មន្ដ្រី​នគរបាល​ពាក់​ស័ក្ដិ​៣​ម្នាក់​ទៅ​កាន់​តុលាការ​ដើម្បី​ចាត់​វិធាន​ការ​តាម​ផ្លូវ​ច្បាប់​តែ​ម្តង។​

សារ​ព័ត៌មាន​ដែល​ស្និទ​នឹង​លោក​ហ៊ុន សែន​បាន​ដក​ស្រង់​សម្តី​លោក​នេត សាវឿន ​អគ្គស្នង​ការ​នគរបាល​ជាតិ​ចុះ​ផ្សាយ​ថា​ លោក​បាន​បញ្ជា​ឲ្យ​សមត្ថ​កិច្ច​ជំនាញ​កសាង​សំណុំ​រឿង​ បញ្ជូន​មន្ដ្រី​នគរបាល​ពាក់​ស័ក្ដិ​៣​នៅ​នាយកដ្ឋាន​ការពារ​ព្រំដែន​ទឹក​ ទៅ​កាន់​តុលាការ​ដើម្បី​បន្ដ​នីតិវិធី​តាម​ផ្លូវ​ច្បាប់​នៅ​ថ្ងៃ​នេះ។​

កាលពី​ល្ងាច​ថ្ងៃ​ទី​៣០​ ខែ​ឧសភា​​ឆ្នាំ​២០១៩​ មន្ដ្រី​នគរ​បាល​ពាក់​ស័ក្ដិ​៣​ មាន​ឈ្មោះ​ហេង ហាប់​អាយុ​២៤​ឆ្នាំ​បម្រើ​ការងារ​នៅ​នាយកដ្ឋាន​ការពារ​ព្រំដែន​ទឹក​និង​ត្រូវ​ជា​កូន​ប្រុស​របស់​ប្រធាន​នាយកដ្ឋាន​នេះ​ទៀត​ ត្រូវ​បាន​សមត្ថ​កិច្ច​អនុញ្ញាត​ឲ្យ​ត្រឡប់​ទៅ​ផ្ទះ​វិញ ​ក្រោយ​ធ្វើ​កិច្ច​សន្យា​ និង​មាន​អ្នក​ធានា​ពាក់ព័ន្ធ​នឹង​ករណី​លួច​iPad​ពី​ក្នុង​ហាង​ផ្ទេរ​លុយ​ វីង​មួយ​កន្លែង​យីហោ​រស្មី​សាមគ្គី​ កាល​ពី​ថ្ងៃ​ទី​៣០​ខែ​ឧសភា​កន្លង​ទៅ។​

ការ​ដោះលែង​មន្រ្តី​នគរបាល​រូប​នេះ​ បាន​នាំឲ្យ​អ្នក​ប្រើ​ប្រាស់​បណ្តាញ​សង្គម​Facebook​និង​មន្រ្តី​រដ្ឋាភិបាល​ជា​ច្រើន​នាំ​គ្នា​រិះគន់​យ៉ាង​ខ្លាំង​ថា​ ការ​ដោះ​លែង​ជន​សង្ស័យ​រូប​នេះ​ដោយ​យក​លេស​ថា​ ច្រឡំ​ដៃ​និង​មាន​សតិ​មិន​ល្អ ​អាច​ប៉ះពាល់​ដល់​កេរ្តិ៍​ឈ្មោះ​នគរបាល​ជាតិ​ទាំងមូល​ ដោយ​សារ​សមត្ថ​កិច្ច​ខកខាន​មិន​បាន​បញ្ជូន​សំណុំ​រឿង​នេះ​ទៅ​កាន់​តុលាការ​ដើម្បី​ជំនុំ​ជម្រះ​ជា​មុន៕​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស