មន្ត្រីក្រសួងបរិស្ថានម្នាក់ធ្វើអត្តឃាតដោយលោតពីលើអគារ មិនដឹងពីមូលហេតុអ្វីឲ្យពិតប្រាកដនោះឡើយ នៅថ្ងៃទី១០ខែមិថុនានេះ។
អ្នកនាំពាក្យនៃក្រសួងបរិស្ថានលោកនេត្រភក្ត្រាឲ្យសារព័ត៌មានក្នុងស្រុកដឹងថា មន្រ្តីដែលធ្វើអត្តឃាតនេះបម្រើការងារនៅនាយកដ្ឋានវាយតម្លៃការប៉ះពាល់បរិស្ថាននៃក្រសួងបរិស្ថានឈ្មោះ អោម សេងហួរ អាយុប្រហែលជាង៣០ឆ្នាំ។
ទោះជាយ៉ាងណាក៏ដោយ អ្នកនាំពាក្យរូបនេះនៅមិនទាន់ប្រាប់ពីមូលហេតុនៃធ្វើអត្តឃាតនេះនៅឡើយទេ។ លោកថា ពេលនេះក្រុមមន្ត្រីនគរបាលជំនាញដោយសហការជាមួយមន្ត្រីក្រសួងបរិស្ថានកំពុងធ្វើកោសល្យវិច័យលើសាកសព។
ចំណែកមនុស្សដែលស្នឹទ្ធិនឹងមន្រ្តីដែលធ្វើអត្តឃាតរូបនោះឲ្យដឹងថា លោកអោម សេងហួរមានជំងឺប្រចាំកាយ។
ទោះជាយ៉ាងណាក៏ដោយ លោកនេត ភក្រ្តាចាត់ទុកថា មរណភាពនេះ ជាការបាត់បង់ធនធានមនុស្សមួយរូបព្រោះមន្រ្តីរូបនេះមានសមត្ថភាព និងមានចរិតស្លូតបូត៕