 និងអ្នករងរបួស ១៧នាក់ (ស្រី ១០នាក់) ដោយសាររថយន្តធ្លាក់ពីផ្លូវនៅលើភ្នំគូលែន ស្ថិតក្នុងស្រុកស្វាយលើ ខេត្តសៀមរាប នៅរសៀលថ្ងៃទី២៧ ខែវិច្ឆិកា ឆ្នាំ២០២៣ ក្រោយពីពលរដ្ឋត្រឡប់មកពីបុណ្យកឋិននៅលើភ្នំគូលែន។){kind=link}
យ៉ាងហោចណាស់ក៏មានមនុស្សចំនួន ៦នាក់ស្លាប់ (ស្រី ២នាក់) និងអ្នករងរបួស ១៧នាក់ (ស្រី ១០នាក់) ដោយសាររថយន្តធ្លាក់ពីផ្លូវនៅលើភ្នំគូលែន ស្ថិតក្នុងស្រុកស្វាយលើ ខេត្តសៀមរាប នៅរសៀលថ្ងៃទី២៧ ខែវិច្ឆិកា ឆ្នាំ២០២៣ ក្រោយពីពលរដ្ឋត្រឡប់មកពីបុណ្យកឋិននៅលើភ្នំគូលែន។
អធិការស្រុកស្វាយលើ លោក យឹប យ៉ុងឈាង បានឲ្យដឹងថា នៅវេលាម៉ោងជាង ៤រសៀលថ្ងៃទី២៧ ខែវិច្ឆិកា មានរថយន្តរបស់ក្រុមឆៃយ៉ាំដែលមកពីបុណ្យកឋិននៅវត្តលើភ្នំគូលែន បានធ្លាក់ចេញពីផ្លូវដែលមានចំណោតខ្លាំង បណ្តាលឲ្យមានមនុស្សស្លាប់ចំនួន ៦នាក់ និងរបួសជាង ១០នាក់។
ប្រភពដដែលបញ្ជាក់ថា មនុស្សចំនួន ៦នាក់បានស្លាប់ (មានស្រីចំនួន ០២នាក់ និងប្រុស ០៤នាក់) និងរងរបួសធ្ងន់ស្រាលចំនួន ១៧នាក់ (ស្រី ១០នាក់ ប្រុស ៧នាក់) ដោយសាររថយន្តធ្លាក់ពីផ្លូវនៅលើភ្នំគូលែន។ មូលហេតុដែលនាំឲ្យមានករណីគ្រោះថ្នាក់ចរាចរណ៍រថយន្តធ្លាក់ពីលើភ្នំគូលែន គឺដោយសាររថយន្តដឹកលើសចំណុះ និងខុសបច្ចេកទេស។
លោក យឹប យ៉ុងឈាង បានបន្ថែមថា រថយន្តដឹកមនុស្ស ២៥នាក់ ក្រោយកើតហេតុ កម្លាំងនគរបាលបានទៅជួយអន្តរាគមន៍ភ្លាមៗ និងបញ្ជូនអ្នករបួសទៅកាន់មន្ទីរពេទ្យផងដែរ៕