លោក អ៊ុំ សំអាន ថាលោក ហ៊ុន សែន កំពុងថ្ពិនភ្នែកពលរដ្ឋពីការដកខ្លួនពីគម្រោងអភិវឌ្ឍន៍ត្រីកោណ

តំណាងរាស្ត្រគណបក្សសង្គ្រោះជាតិ អះអាងថា មេដឹកនាំបក្សកាន់អំណាច លោក ហ៊ុន សែន ប្រកាសដកគម្រោងអភិវឌ្ឍន៍ត្រីកោណ (CLV) ធ្វើឡើងតែលើបបូរមាត់តែប៉ុណ្ណោះ ព្រោះគម្រោងអភិវឌ្ឍន៍ទាំងអស់ក្រោមឆត្រ CLV គឺនៅតែបន្តរក្សាទុកដូចមុនដដែល។

មន្ត្រីជាន់ខ្ពស់បក្សប្រឆាំង លោក អ៊ុំ សំអាន សរសេរលើទំព័រហ្វេសប៊ុករបស់ខ្លួននៅថ្ងៃទី១៤ តុលា នេះថា ក្នុងអត្ថបទចុះផ្សាយរបស់សារព័ត៌មានវៀតណាម (Vietnam+) បានស្រង់សម្ដីអ្នកនាំពាក្យរដ្ឋាភិបាលកម្ពុជា លោក ប៉ែន បូណា ដែលបានអះអាងយ៉ាងច្បាស់ថា កម្ពុជានឹងមិននិយាយអំពីគម្រោងអភិវឌ្ឍន៍ត្រីកោណបន្តទៀតទេ បន្ទាប់ពីបានដកខ្លួនចេញពីគម្រោងនេះ។

លោក ប៉ែន បូណា បញ្ជាក់ថា ទោះបីជាយ៉ាងណាក៏ដោយ អ្វីៗគឺនៅតែដដែលទាំងអស់។

លោក អ៊ុំ សំអាន អះអាងថា ការបញ្ជាក់របស់លោក ប៉ែន បូណា បែបនេះ គឺមានន័យគ្រប់គ្រាន់ថា គម្រោងអភិវឌ្ឍន៍ត្រីកោណ (CLV) ត្រូវបានប្រកាសដកតែឈ្មោះប៉ុណ្ណោះ តែការពិត អ្វីៗគ្រប់បែបយ៉ាង គឺនៅដូចមុនដដែល ព្រោះថាភស្តុតាងជាក់ស្តែងក៏បានបង្ហាញយ៉ាងច្បាស់ដែរថា រហូតមកដល់ពេលនេះ រដ្ឋាភិបាលកម្ពុជាក៏នៅមិនទាន់ប្រកាសលុបចោលគម្រោងនានាជាមួយវៀតណាម ដែរ។

នាយករដ្ឋមន្ត្រីវៀតណាម លោក Nguyen Xuan Phuc នាយករដ្ឋមន្ត្រីកម្ពុជា លោក ហ៊ុន សែន និងនាយករដ្ឋមន្ត្រីឡាវ លោក Thongloun Sisoulith ក្នុងកិច្ចប្រជុំលើកទី៩ នៃគម្រោងតំបន់អភិវឌ្ឍន៍ត្រីកោណ (CLV)។ (រូបឯកសារ)

មន្ត្រីបក្សប្រឆាំងរូបនេះបញ្ជាក់ថា ដើម្បីឱ្យពលរដ្ឋខ្មែរជឿជាក់ថាគម្រោងនេះត្រូវបានលុបចោលពិតប្រាកដ រដ្ឋាភិបាលត្រូវតែដកហូតដីសម្បទានសេដ្ឋកិច្ចពីយោធាវៀតណាម និងក្រុមហ៊ុនវៀតណាម ជាង ២៤ម៉ឺនហិកតាក្នុងតំបន់ត្រីកោណអភិវឌ្ឍន៍នោះត្រឡប់មកវិញទាំងអស់។

ជាងនេះទៀត រដ្ឋាភិបាលត្រូវតែបណ្តេញជនអន្តោប្រវេសន៍វៀតណាមខុសច្បាប់ដែលកំពុងរស់នៅ និងធ្វើជាកម្មកររាប់សិបម៉ឺននាក់លើដីសម្បទានសេដ្ឋកិច្ចទាំងជាង ២៤ម៉ឺនហិកតាក្នុងតំបន់ត្រីកោណនោះ ព្រមទាំងដោះលែងអ្នកជាប់ឃុំដោយសារការរិះគន់គម្រោង CLV ទាំងជាង ៦០នាក់ និងអ្នកទោសមនសិការទាំងអស់ថែមទៀត។

លោក អ៊ុំ សំអាន អំពាវនាវឱ្យពលរដ្ឋខ្មែរបន្តធ្វើបាតុកម្មទូទាំងពិភពលោកឱ្យកាន់តែច្រើនថែមទៀត ដើម្បីទាមទារឱ្យរដ្ឋាភិបាលលុបចោលគម្រោងអភិវឌ្ឍន៍ទាំងអស់ជាស្ថាពរ ដែលមិនមែនត្រឹមតែជាការប្រកាសលុបតែលើបបូរមាត់របស់លោក ហ៊ុន សែន នោះទេ។

សារព័ត៌មានវៀតណាម (Vietnam+) បានស្រង់សម្ដីអ្នកនាំពាក្យរដ្ឋាភិបាលកម្ពុជា លោក ប៉ែន បូណា ដែលបានអះអាងកាលពីពេលថ្មីៗនេះថា កម្ពុជានឹងមិននិយាយអំពីគម្រោងអភិវឌ្ឍន៍ត្រីកោណបន្តទៀតទេ បន្ទាប់ពីបានដកខ្លួនចេញពីគម្រោងនេះ។

លោក ប៉ែន បូណា អះអាងថា ទោះបីជាយ៉ាងណាក៏ដោយ អ្វីៗគឺនៅតែដដែលទាំងអស់។ លោកថា កម្ពុជា និងប្រទេសជិតខាងអាចសហការក្នុងក្របខ័ណ្ឌអាស៊ានជាមួយនឹងឋានៈរបស់ខ្លួនជាសមាជិកនៃប្លុកនេះ ដោយមិនមានបញ្ហាអ្វីទាំងអស់។

កាលពីថ្ងៃទី២០ ខែកញ្ញា ឆ្នាំ២០២៤ លោក ហ៊ុន សែន បានប្រកាសលុបចោលគម្រោងអភិវឌ្ឍន៍ត្រីកោណជាមួយឡាវ និងវៀតណាម ប៉ុន្តែរហូតដល់ពេលនេះ គេមិនទាន់ឃើញលោក ហ៊ុន សែន បញ្ចេញលិខិតផ្លូវការណាមួយដើម្បីឱ្យភាគីឡាវ និងវៀតណាម ចុះហត្ថលេខាបញ្ចប់គម្រោងនេះជាផ្លូវការនៅឡើយទេ៕

លោក អ៊ុំ សំអាន ថាលោក ហ៊ុន សែន កំពុងថ្ពិនភ្នែកពលរដ្ឋពីការដកខ្លួនពីគម្រោងអភិវឌ្ឍន៍ត្រីកោណ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

លោក អ៊ុំ សំអាន ថា​លោក ហ៊ុន សែន កំពុង​ថ្ពិន​ភ្នែក​ពលរដ្ឋ​ពី​ការ​ដក​ខ្លួន​ពី​គម្រោង​អភិវឌ្ឍន៍​ត្រីកោណ

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

លោក អ៊ុំ សំអាន ថាលោក ហ៊ុន សែន កំពុងថ្ពិនភ្នែកពលរដ្ឋពីការដកខ្លួនពីគម្រោងអភិវឌ្ឍន៍ត្រីកោណ