លោក អ៊ុំ សំអាន ថាបើលោក ហ៊ុន សែន ហែកឋិនទៅកម្ពុជាក្រោមព្រោះមនសិការជាតិ នោះត្រូវតែដកខ្លួនចេញពី CLV ដោយពិតប្រាកដ

តំណាងរាស្ត្រគណបក្សសង្គ្រោះជាតិ លើកឡើងថា បើមេដឹកនាំបក្សកាន់អំណាចមានសុឆន្ទៈដង្ហែអង្គកឋិនទៅទឹកដីកម្ពុជាក្រោមដោយសុទ្ធចិត្ត និងស្នេហាជាតិ លោក ហ៊ុន សែន ត្រូវតែដកខេត្តខ្មែរទាំង ៤ ចេញពីគម្រោងត្រីកោណអភិវឌ្ឍន៍ (CLV) ដោយពិតប្រាកដ និងដកហូតគម្រោងអភិវឌ្ឍន៍នានាក្រោមឆត្រ CLV ទាំងអស់ផងដែរ។

មន្ត្រីជាន់ខ្ពស់បក្សប្រឆាំង លោក អ៊ុំ សំអាន បានសរសេរនៅលើទំព័រហ្វេសប៊ុករបស់ខ្លួននៅថ្ងៃទី២១ តុលា នេះថា ការដង្ហែអង្គកឋិនរបស់លោក ហ៊ុន សែន ទៅកាន់ទឹកដីកម្ពុជាក្រោមនៅពេលខាងមុខនេះ គ្រាន់តែជាល្បិចនយោបាយប្រជាភិថុតិដើម្បីបង្វែរសភាពការណ៍ពីតំបន់ត្រីកោណអភិវឌ្ឍន៍ (CLV) តែប៉ុណ្ណោះ។

លោកបន្តថា ផ្ទុយទៅវិញ បើការដង្ហែអង្គកឋិននេះក្នុងស្មារតីខ្មែរតែមួយដូចលោក ហ៊ុន សែន បានអះអាងមែន គាត់ត្រូវតែប្រកាសដកកម្ពុជាចេញពីគម្រោងត្រីកោណអភិវឌ្ឍន៍ និងដកហូតគម្រោងអភិវឌ្ឍន៍ទាំងអស់ក្រោមឆត្រ CLV ជាស្ថាពរទាំងអស់ ដូចជា ដីសម្បទានសេដ្ឋកិច្ចដែលរដ្ឋបានប្រគល់ឱ្យយោធាវៀតណាម និងក្រុមហ៊ុនវៀតណាម ជាង ២៤ម៉ឺនហិកតា ជាដើម។ ជាងនេះទៀត ក៏ត្រូវបញ្ជូនជនអន្តោប្រវេសន៍វៀតណាម ដែលកំពុងធ្វើការ និងរស់នៅលើដីសម្បទានសេដ្ឋកិច្ចនោះចេញពីកម្ពុជាផងដែរ។

លោក អ៊ុំ សំអាន លើកឡើងថា ក្រៅពីនេះ នាយករដ្ឋមន្ត្រីកម្ពុជា លោក ហ៊ុន ម៉ាណែត ក៏ត្រូវចេញលិខិតជាផ្លូវការទៅមេដឹកនាំវៀតណាម ឱ្យដោះលែងសកម្មជនខ្មែរក្រោមដែលកំពុងជាប់គុកទាំងជាង ១០នាក់នោះដែរ។

ជាងនេះទៀត លោក ហ៊ុន ម៉ាណែត ក៏ត្រូវផ្តាំផ្ញើឱ្យមេដឹកនាំវៀតណាម គោរពសិទ្ធិពលរដ្ឋខ្មែរក្រោម និងប្រពៃណីសាសនា ព្រមទាំងឈប់ធ្វើទុក្ខបុកម្នេញចំពោះសកម្មជនខ្មែរក្រោមដូចមេដឹកនាំវៀតណាម ដែលតែងតែផ្តាំផ្ញើឱ្យមេដឹកនាំខ្មែរមើលការខុសត្រូវ និងផ្តល់ភាពស្របច្បាប់ដល់ជនជាតិវៀតណាម ដែលកំពុងរស់នៅកម្ពុជាដូច្នោះដែរ។ បន្ថែមពីនេះ ក៏ត្រូវដោះលែងអ្នកជាប់ឃុំឃាំងដែលរិះគន់គម្រោង CLV ជាង ៦០នាក់ និងអ្នកទោសមនសិការទាំងអស់ឱ្យមានសេរីភាពឡើងវិញថែមទៀត។

ការអះអាងនេះ ធ្វើឡើងបន្ទាប់ពីមេដឹកនាំបក្សកាន់អំណាច លោក ហ៊ុន សែន ប្រកាសដង្ហែអង្គកឋិនទានទៅកាន់ទឹកដីកម្ពុជាក្រោមកាលពីពេលថ្មីៗនេះ ស្របពេលពលរដ្ឋខ្មែរគ្រប់ទីកន្លែងទាមទារឱ្យរដ្ឋាភិបាលកម្ពុជាដកខ្លួនចេញពីគម្រោងត្រីកោណអភិវឌ្ឍន៍ជាមួយឡាវ និងវៀតណាម ជាបន្តបន្ទាប់នោះ។

កាលពីដើមខែតុលា ឆ្នាំ២០២៤ លោក ហ៊ុន សែន បានប្រកាសដង្ហែកឋិនទានមួយទៅកាន់ទឹកដីកម្ពុជាក្រោម ដែលមានឈ្មោះថា អង្គកឋិនទានមហាសាមគ្គីគ្រួសារខ្មែរ ក្នុងនោះលោក ហ៊ុន សែន បញ្ជាក់ថាខ្មែរលើ ខ្មែរកណ្តាល ខ្មែរក្រោម នៅតែជាខ្មែរតែមួយ៕

លោក អ៊ុំ សំអាន ថាបើលោក ហ៊ុន សែន ហែកឋិនទៅកម្ពុជាក្រោមព្រោះមនសិការជាតិ នោះត្រូវតែដកខ្លួនចេញពី CLV ដោយពិតប្រាកដ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន