លោក សម រង្ស៊ី ប្រកាសឱ្យពលរដ្ឋខ្មែរជុំវិញពិភពលោកត្រៀមខ្លួនផ្លាស់ប្ដូរកម្ពុជាតាមយុទ្ធសាស្ត្រផ្ការីក

អតីតមេដឹកនាំបក្សប្រឆាំង លោក សម រង្ស៊ី ប្រកាសឱ្យពលរដ្ឋខ្មែរ ទាំងក្នុងស្រុក និងពលរដ្ឋខ្មែរដែលរស់នៅជុំវិញពិភពលោក ត្រៀមខ្លួនសម្រាប់ការផ្លាស់ប្ដូរមួយនៅកម្ពុជាក្រោមយុទ្ធសាស្ត្រផ្ការីក ដែលលោកបានប្រកាសនាពេលកន្លងមក។

អតីតប្រធានគណបក្សសង្គ្រោះជាតិ លោក សម រង្ស៊ី សរសេរលើទំព័រហ្វេសប៊ុករបស់ខ្លួននៅថ្ងៃទី១២ ធ្នូ នេះ ដោយអំពាវនាវឱ្យពលរដ្ឋខ្មែរគ្រប់មជ្ឈដ្ឋាន ទាំងក្នុងស្រុក និងក្រៅស្រុក និយាយប្រាប់តៗគ្នាទៅកាន់ក្រុមគ្រួសារ និងមិត្តភក្ដិរបស់ពួកគេថា ត្រូវនាំគ្នាត្រៀមខ្លួនដើម្បីទៅបេះផ្ការីកទាំងអស់គ្នា។

លោកថា រដ្ឋាភិបាលថ្មីដែលត្រូវបង្កើតឡើងសម្រាប់ជំនួសរដ្ឋាភិបាលចាស់ដែលបានដួលរលំដោយយុទ្ធសាស្ត្រផ្ការីកនេះ នឹងត្រូវតែកំណត់អាណត្តិនាយករដ្ឋមន្ត្រីផងដែរ។

លោក សម រង្ស៊ី លើកឡើងថា ក្នុងពេលនេះ សម្ពាធដ៏ធំមួយដែលកំពុងសង្កត់លើលោក ហ៊ុន សែន គឺរដ្ឋាភិបាលកូនដែលដឹកនាំដោយលោក ហ៊ុន ម៉ាណែត កំពុងជួបវិបត្តិហិរញ្ញវត្ថុធ្ងន់ធ្ងរ។ លោកថា ស្របពេលជាមួយគ្នានេះ មហាអំណាចកុម្មុយនីស្តចិន ក៏លែងគាំទ្ររបបដឹកនាំរបស់គាត់ទៀតដែរ ព្រោះចិន ដឹងថារបបនេះនឹងដួលរលំដូចនៅប្រទេសស៊ីរី នៅថ្ងៃណាមួយ។

អតីតមេបក្សប្រឆាំងរូបនេះអះអាងថា សេដ្ឋកិច្ចចិន កំពុងតែធ្លាក់ចុះ ដូច្នេះពួកគេគ្មានលុយជួយរបបដឹកនាំត្រកូលហ៊ុនទៀតទេ ខណៈប្រទេសបស្ចិមលោក ក៏មិនគាំទ្ររបបដឹកនាំផ្ដាច់ការមួយនេះដែរ។ ជាងនេះទៀត កងទ័ព និងពលរដ្ឋខ្មែរក៏ធុញទ្រាន់នឹងរបបដឹកនាំត្រកូលហ៊ុនដូចពលរដ្ឋនៃប្រទេសស៊ីរី ធុញទ្រាន់នឹងរបបដឹកនាំរបស់លោក អាសាដ ដែរ ខណៈក្រុមប្រឆាំងក៏កំពុងតែផុសផុលធ្វើចលនាប្រឆាំងនឹងរបបដឹកនាំរបស់គ្រួសារហ៊ុនថែមទៀត។

លោក សម រង្ស៊ី បញ្ជាក់ថា ក្នុងពេលនេះ លោក ហ៊ុន សែន ក៏កំពុងរងសម្ពាធពីសមាជិកគណបក្សប្រជាជនកម្ពុជា និងប្រជាពលរដ្ឋខ្មែរ រួមទាំងសហគមន៍អន្តរជាតិដែរ ខណៈមេទ័ព និងកងទ័ពជាច្រើនដែលស្រឡាញ់ជាតិ និងមាតុភូមិ មិនចង់រស់ក្រោមរបបដឹកនាំត្រកូលហ៊ុនទៀតទេ។

កាលពីអំឡុងខែសីហា ឆ្នាំ២០២៤ របបដឹកនាំផ្ដាច់ការនៅបង់ក្លាដេស ត្រូវបានដួលរលំក្រោមការតវ៉ារបស់ពលរដ្ឋ ខណៈនាយករដ្ឋមន្ត្រីនៃប្រទេសនេះ គឺអ្នកស្រី ហ្សេក ហាស៊ីណា (Sheikh Hasina) ត្រូវរត់គេចខ្លួនចាកចេញពីប្រទេសភ្លាមៗ។

ចំណែកមេដឹកនាំរបបសឹកនៅប្រទេសភូមា លោក មីន អ៊ុងឡាំង (Min Aung Hlaing) ក៏ត្រូវរដ្ឋអាជ្ញានៃតុលាការឧក្រិដ្ឋកម្មអន្តរជាតិ (ICC) ដាក់សំណើទៅចៅក្រមនៃតុលាការនេះ ឱ្យចេញដីកាចាប់ខ្លួនផងដែរកាលពីចុងខែវិច្ឆិកា កន្លងទៅ ដោយចោទប្រកាន់ពីបទឧក្រិដ្ឋកម្មប្រឆាំងមនុស្សជាតិចំពោះការបណ្តេញចេញ និងការធ្វើទុក្ខបុកម្នេញលើជាតិសាសន៍រ៉ូហ៊ីងយ៉ា៕

លោក សម រង្ស៊ី ប្រកាសឱ្យពលរដ្ឋខ្មែរជុំវិញពិភពលោកត្រៀមខ្លួនផ្លាស់ប្ដូរកម្ពុជាតាមយុទ្ធសាស្ត្រផ្ការីក

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

បណ្តាអង្គទូតបរទេសខកចិត្តចំពោះសេចក្តីសម្រេចរបស់សាលាឧទ្ធរណ៍លើសំណុំរឿងលោក កឹម សុខា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន