លោក ហេង សិទ្ធី៖ លោក ហ៊ុន តូ លោក យ៉ាន ណារ៉ុង និងលោក ស ថេត ជាប់ពាក់ព័ន្ធប្រតិបត្តិការលាងលុយខ្មៅ

អតីតឧកញ៉ាដែលកំពុងរងនូវបណ្តឹង ទម្លាយថាអ្នកឧកញ៉ា ហ៊ុន តូ និងមេឧក្រិដ្ឋជនរបស់គាត់ឈ្មោះ យ៉ាន ណារ៉ុង កំពុងប្រតិបត្តិការលាងលុយខ្មៅតាមរយៈធនាគារពាណិជ្ជ ហេង ហ៊ី (HENG HE) និងក្រុមហ៊ុន ហ៊ុយ វ័ន (Hui ONE) ខណៈអគ្គស្នងការនគរបាលជាតិ លោក ស ថេត គឺជាអ្នកការពារការដឹកជញ្ជូនលុយទាំងនេះ។

អតីតឧកញ៉ា ហេង សិទ្ធី សរសេរលើគណនីហ្វេសប៊ុករបស់ខ្លួននៅថ្ងៃទី១០ មករា នេះថា ឧកញ៉ា ហ៊ុន តូ គឺជាឧក្រិដ្ឋជនកម្រិតអន្តរជាតិដែលបានប្រព្រឹត្តនៅតាមបណ្ដាប្រទេសនានា ដូចជា អង់គ្លេស អាមេរិក និងអូស្ត្រាលី ជាដើម ខណៈឧក្រិដ្ឋជនម្នាក់ទៀតឈ្មោះ យ៉ាន ណារ៉ុង គឺជាមេធំរបស់លោក ហ៊ុន តូ។

លោក ហេង សិទ្ធី អះអាងថា ពួកគេបានសហការគ្នាជាមួយជនជាតិចិន បើកធនាគារពាណិជ្ជឈ្មោះ ហេង ហ៊ី និងក្រុមហ៊ុន ហ៊ុយ វ័ន ដែលត្រូវគេរកឃើញថាក្រុមហ៊ុននេះបានជាប់ពាក់ព័ន្ធជាមួយនឹងឧក្រិដ្ឋកម្មលាងលុយកខ្វក់ និងរូបិយប័ណ្ណគ្រីបតូ។

អតីតឧកញ៉ារូបនេះលើកឡើងថា ទេសាភិបាលធនាគារជាតិនៃកម្ពុជា អ្នកស្រី ជា សេរី ដែលកាន់តំណែងថ្មីនេះ គឺជាបញ្ញវន្តម្នាក់ដែលមានបញ្ញា និងសមត្ថភាពខ្ពស់ក្នុងការដឹកនាំធនាគារនេះ ប៉ុន្តែមូលហេតុដែលធនាគារជាតិនៃកម្ពុជាអនុញ្ញាតឱ្យធនាគារពាណិជ្ជ ហេង ហ៊ី ប្រតិបត្តិការលាងលុយខ្មៅ គឺដោយសារលោក ហ៊ុន តូ ប្រើឈ្មោះថ្នាក់ដឹកនាំទៅគំរាមកំហែង។

លោក ហេង សិទ្ធី ទម្លាយថា ជុំវិញការប្រតិបត្តិការរបស់ធនាគារនេះ អគ្គស្នងការនគរបាលជាតិលោក ស ថេត គឺជាអ្នកការពារក្នុងការដឹកនាំជញ្ជូនលុយខ្មៅទាំងនេះដោយផ្ទាល់ រួមទាំងចេញមុខការពារក្រុមឧក្រិដ្ឋជនដែលធ្វើការឱ្យធនាគារនេះថែមទៀត ជាថ្នូរនឹងការទទួលបានសំណូកដ៏ច្រើនសន្ធឹកសន្ធាប់ពីលោក ហ៊ុន តូ និងមេឧក្រិដ្ឋជនឈ្មោះ យ៉ាន ណារ៉ុង ជារៀងរាល់ខែ។

អគ្គនាយកក្រុមហ៊ុន Maritime Group រូបនេះបញ្ជាក់ថា ស្របពេលដែលបណ្តាប្រទេសជាច្រើនបានដាក់ទណ្ឌកម្មទៅលើធនាគារ ហេង ហ៊ី និងក្រុមហ៊ុន ហ៊ុយ វ័ន ទៅក្នុងការបោកប្រាស់លើបច្ចេកវិទ្យាគ្រីបតូ ប្រទេសអង់គ្លេស ក៏បានដាក់បញ្ចូលឈ្មោះលោក ហ៊ុន តូ និងលោក គួច ចំរើន ទៅក្នុងបញ្ជីខ្មៅផងដែរ។

ក្មួយប្រុសរបស់លោក ហ៊ុន សែន គឺអ្នកឧកញ៉ា ហ៊ុន តូ និងអ្នកពាក់ព័ន្ធមួយចំនួនទៀត ត្រូវបានលោក ហេង សិទ្ធី ទម្លាយពីទង្វើឧក្រិដ្ឋ និងក្រុមហ៊ុនដែលជាប់ពាក់ព័ន្ធនឹងអំពើឧក្រិដ្ឋរបស់អ្នកឧកញ៉ារូបនេះជាបន្តបន្ទាប់ក្នុងរយៈពេលចុងក្រោយនេះ ប៉ុន្តែគេមិនទាន់ឃើញវិធានការច្បាប់ពីសំណាក់រដ្ឋាភិបាលកម្ពុជាណាមួយក្នុងការស៊ើបអង្កេតលើសមាជិកគ្រួសារហ៊ុនរូបនេះនៅឡើយទេ។

ឯកសារធនាគារពាណិជ្ជ ហេង ហ៊ី មួយចំនួនដែលត្រូវបានអតីតឧកញ៉ា ហេង សិទ្ធី ទម្លាយនៅថ្ងៃទី១០ មករា នេះ បង្ហាញថា អ្នកឧកញ៉ា ហ៊ុន តូ គឺជានាយកគ្រប់គ្រងក្រុមហ៊ុន ហ៊ុយ វ័ន ចំណែកបុរសម្នាក់ទៀតដែលត្រូវលោកអះអាងថាជាឧក្រិដ្ឋជនឈ្មោះ យ៉ាន ណារ៉ុង នោះ គឺជាអគ្គនាយក ខណៈជនជាតិចិនផ្សេងទៀតក៏មានតួនាទីជានាយក និងជាអគ្គនាយកក្នុងក្រុមហ៊ុននេះដូចអ្នកទាំងពីរដែរ។

ចំណែកឯកសារផ្សេងទៀតលាតត្រដាងថា បុរសជនជាតិខ្មែរឈ្មោះ យ៉ាន ណារ៉ុង ជាម្ចាស់ក្រុមហ៊ុនជាច្រើនដែលកំពុងប្រតិបត្តិការនៅក្នុងប្រទេសកម្ពុជាសព្វថ្ងៃនេះ ដូចជា ក្រុមហ៊ុន Advance Economic Zone Co., LTD, ក្រុមហ៊ុន FSGC Security Service (Cambodia) Co., LTD, ក្រុមហ៊ុន Heng HE (Cambodia) Commercial Bank PLC, ក្រុមហ៊ុន Hui One Life Insurance PLC និងក្រុមហ៊ុន Five State Cobacco Co., LTD ជាដើម។

ទាក់ទិននឹងបញ្ហានេះ ធនាគារជាតិនៃកម្ពុជា បានចេញសេចក្តីប្រកាសកាលពីចុងខែធ្នូ ឆ្នាំ២០២៤ ដោយសម្រេចឱ្យអនុវត្តប្រតិបត្តិការពាក់ព័ន្ធនឹងទ្រព្យសកម្មគ្រីបតូ ក្នុងគោលបំណងគ្រប់គ្រងប្រតិបត្តិការ និងអាជីវកម្មពាក់ព័ន្ធនឹងទ្រព្យសកម្មគ្រីបតូ ក្រុម១ ស្របតាមច្បាប់ស្ដីពី គ្រឹះស្ថានធនាគារ និងហិរញ្ញវត្ថុ។

ធនាគារជាតិ បញ្ជាក់ថា ខ្លួនអនុញ្ញាតឱ្យធនាគារពាណិជ្ជ និងគ្រឹះស្ថានផ្ដល់សេវាទូទាត់សងប្រាក់ដែលស្ថិតក្រោមអាណាព្យាបាលរបស់ធនាគារជាតិនៃកម្ពុជា ព្រមទាំងនីតិបុគ្គលផ្សេងទៀត ធ្វើប្រតិបត្តិការពាក់ព័ន្ធនឹងទ្រព្យសកម្មគ្រីបតូ ដោយត្រូវស្នើសុំការអនុញ្ញាត ឬអាជ្ញាបណ្ណជាមុនពីធនាគារជាតិនៃកម្ពុជាផងដែរ។

ជុំវិញបញ្ហានេះ ក្រុមហ៊ុនវិភាគទិន្នន័យប្រតិបត្តិការកុំព្យូទ័រតាមប្រព័ន្ធបច្ចេកវិទ្យា Blockchain ឈ្មោះ «អេលីបទីក» (Elliptic) ដែលមានមូលដ្ឋាននៅទីក្រុងឡុងដ៍ (London) ចក្រភពអង់គ្លេស (UK) រកឃើញថា កម្មវិធីទីផ្សារអនឡាញឈ្មោះ «ហួយ វ័ន ហ្គារេនធី» (Huione Guarantee) បង្កើតឡើងដោយសម្ព័ន្ធក្រុមហ៊ុនចិននៅកម្ពុជាឈ្មោះ «ហួយ វ័ន គ្រុប»។

ក្រុមហ៊ុននេះត្រូវបានរកឃើញថាបានប្រតិបត្តិការអាជីវកម្មទូទាត់ និងប្ដូរប្រាក់ឈ្មោះ «ហួយ វ័ន ផេយ» (Huione Pay) ខណៈលោក ហ៊ុន តូ គឺជានាយកនៃក្រុមហ៊ុន ហួយ វ័ន ផេយ ដែលកំពុងត្រូវបានក្រុមអ្នករកស៊ីឆបោកតាមអនឡាញប្រើប្រាស់យ៉ាងទូលំទូលាយក្នុងតំបន់អាស៊ីអាគ្នេយ៍ រួមទាំងកម្ពុជាផងដែរក្នុងពេលបច្ចុប្បន្ននេះ៕

លោក ហេង សិទ្ធី៖ លោក ហ៊ុន តូ លោក យ៉ាន ណារ៉ុង និងលោក ស ថេត ជាប់ពាក់ព័ន្ធប្រតិបត្តិការលាងលុយខ្មៅ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

មន្ត្រីរដ្ឋាភិបាលនិងមន្ត្រីបក្សក្រៅរដ្ឋាភិបាលខ្មែរ កើតទុក្ខមិនសុខចិត្តនឹងពាក្យគេហៅ Scambodia

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

លោក ហេង សិទ្ធី៖ លោក ហ៊ុន តូ លោក យ៉ាន ណារ៉ុង និង​លោក ស ថេត ជាប់​ពាក់ព័ន្ធ​ប្រតិបត្តិការ​លាង​លុយ​ខ្មៅ

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

លោក ហេង សិទ្ធី៖ លោក ហ៊ុន តូ លោក យ៉ាន ណារ៉ុង និងលោក ស ថេត ជាប់ពាក់ព័ន្ធប្រតិបត្តិការលាងលុយខ្មៅ