អ្នកឧកញ៉ាដែលពលរដ្ឋចោទថារកស៊ីបោកប្រាស់ ប្រឈមនឹងពលរដ្ឋធ្វើកូដកម្មទាមទារសំណងជាប្រាក់ជាផ្ទះ

ពលរដ្ឋរងគ្រោះក្នុងគម្រោងអចលនទ្រព្យរបស់អ្នកឧកញ៉ា ឡេង ណាវ៉ាត្រា រាប់រយនាក់ ប្ដេជ្ញាធ្វើកូដកម្មនៅមុខបុរី និងតាមប្លង់ (ប្លុក) នីមួយៗ បើឧកញ៉ា ឡេង ណាវ៉ាត្រា នៅតែមិនព្រមចេញមុខមកដោះស្រាយ។

ពលរដ្ឋចាញ់បោកក្រុមហ៊ុនឧកញ៉ា ឡេង ណាវ៉ាត្រា ជាច្រើននាក់ បន្តសរសេរមកកាន់សារព័ត៌មាន The Cambodia Daily នៅថ្ងៃទី១៤ មករា នេះថា នៅថ្ងៃអាទិត្យចុងសប្តាហ៍នេះ ពួកគេនឹងប្រមូលផ្ដុំគ្នានៅមុខបុរីគម្រោងអចលនទ្រព្យឧកញ៉ា ឡេង ណាវ៉ាត្រា ផ្លូវជាតិលេខ ៦A ដើម្បីធ្វើកូដកម្ម ដោយការលើកបដា និងដុតកង់ឡានទាំងនៅមុខបុរី រួមទាំងប្លង់គម្រោងនីមួយៗផងដែរ ដូចជា ប្លុក A ប្លុក B និងប្លុក C ដើម្បីផ្សាយផ្ទាល់ដាក់បណ្ដាញសង្គមដោយមិនរង់ចាំស្តាប់ការដោះសាពីតំណាងក្រុមហ៊ុនទៀតឡើយ។

ប្រភពដដែលអះអាងថា ប្រសិនបើតំណាងបុរីចេញមករារាំង ពួកគេនឹងថតផ្សាយដើម្បីបង្ហាញទៅកាន់ប្រជាពលរដ្ឋឱ្យបានស្គាល់ពីមុខជនបោកប្រាស់ក្នុងគម្រោងអចលនទ្រព្យនេះតែម្តង ព្រោះលុយដែលពួកគេបានយកទៅទិញដីឡូត៍ និងផ្ទះល្វែងក្នុងគម្រោងនេះ គឺជាញើសឈាមដែលពួកគេខំរករាប់ឆ្នាំមកហើយ ប៉ុន្តែបែរជាមកចាញ់បោកគម្រោងអចលនទ្រព្យនៃក្រុមហ៊ុនឧកញ៉ា ឡេង ណាវ៉ាត្រា ទៅវិញ។

ក្រុមពលរដ្ឋរងគ្រោះទាំងនេះបញ្ជាក់ថា ទាំងក្រុមហ៊ុន និងតំណាងបុរី បានចេញមុខសន្យាជាច្រើនលើកច្រើនសាមកហើយ ប៉ុន្តែការសន្យាទាំងនោះគឺជាការសន្យាខ្យល់ សន្យាទទេទាំងអស់ ព្រោះពួកគេក៏បានរង់ចាំអស់រយៈពេលរាប់ឆ្នាំមកហើយដែររហូតដល់ឆ្នាំ២០២៥ នេះ ប៉ុន្តែដីឡូត៍របស់ពួកគេនៅតែមិនទាន់ត្រូវបានចាក់ដីបំពេញ និងផ្ទះក៏មិនទាន់ត្រូវបានសាងសង់តាមការសន្យានាពេលកន្លងមកនោះ។

គម្រោងដីឡូត៍ និងផ្ទះល្វែងផ្លូវជាតិលេខ ៦A របស់ឧកញ៉ា ឡេង ណាវ៉ាត្រា ដែលបានខកខានផ្តល់ដី និងផ្ទះឱ្យអតិថិជន បានបែកធ្លាយតាំងពីអំឡុងឆ្នាំ២០២៣ មក ក្នុងនោះ ភស្តុតាងទិញលក់រវាងក្រុមហ៊ុន និងអតិថិជនជាច្រើន បានបង្ហាញថា ក្រុមហ៊ុនមួយនេះមិនបានអនុវត្តតាមកិច្ចសន្យាទេ ហើយបើគិតតាំងឆ្នាំ២០២៣ មក រហូតដល់ពេលនេះទៀតនោះ គឺមានរយៈពេលប្រមាណជា ៥ឆ្នាំហើយ។

ជាក់ស្តែង កាលពីអំឡុងខែធ្នូ ឆ្នាំ២០២៣ អតិថិជនរងគ្រោះពីការទិញលំនៅឋានក្នុងបុរីឧកញ៉ា ឡេង ណាវ៉ាត្រា លាតត្រដាងថា ក្រុមហ៊ុនអចលនទ្រព្យរបស់ឧកញ៉ានេះបានរំលោភកិច្ចសន្យាទិញលក់ផ្ទះជាមួយខ្លួនជាង ៣ឆ្នាំមកហើយ ដែលភាគីខាងក្រុមហ៊ុនមិនបានសាងសង់ផ្ទះឱ្យខ្លួនដូចមានចែងក្នុងកិច្ចព្រមព្រៀង។

ជុំវិញបញ្ហានេះ តំណាងរាស្ត្រគណបក្សសង្គ្រោះជាតិ លោក អ៊ុំ សំអាន ប្រាប់សារព័ត៌មាន The Cambodia Daily នៅថ្ងៃទី១៤ មករា នេះថា បើឧកញ៉ា ឡេង ណាវ៉ាត្រា មិនឈរឈ្មោះលក់ដីឱ្យគ្រួសារត្រកូលហ៊ុនទេ ម្ល៉េះឧកញ៉ារូបនេះត្រូវបានសមត្ថកិច្ចចាប់ខ្លួនដូចឧកញ៉ាដែលលក់ដីខ្យល់ដទៃទៀតបាត់ទៅហើយ។

តំណាងរាស្ត្រអតីតបក្សប្រឆាំងរូបនេះ អំពាវនាវឱ្យតុលាការរឹបអូសទ្រព្យសម្បត្តិឧកញ៉ា ឡេង ណាវ៉ាត្រា លក់ឡាយឡុងយកលុយទៅសងអតិថិជន ឬចាប់ខ្លួនឧកញ៉ារូបនេះដាក់គុកតែម្តង ដោយសារតែគាត់បានលក់ផ្ទះខ្យល់ឱ្យអតិថិជនរហូតមក ខណៈអតិថិជនរងគ្រោះទាំងនោះស្ទើរតែទាំងអស់ សុទ្ធសឹងតែជាកូនបំណុលធនាគារវ័ណ្ឌកដោយសារតែយកលុយទៅទិញដី និងផ្ទះពីឧកញ៉ារូបនេះ៕

អ្នកឧកញ៉ាដែលពលរដ្ឋចោទថារកស៊ីបោកប្រាស់ ប្រឈមនឹងពលរដ្ឋធ្វើកូដកម្មទាមទារសំណងជាប្រាក់ជាផ្ទះ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

មន្ត្រីរដ្ឋាភិបាលនិងមន្ត្រីបក្សក្រៅរដ្ឋាភិបាលខ្មែរ កើតទុក្ខមិនសុខចិត្តនឹងពាក្យគេហៅ Scambodia

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន