អភិបាលរាជធានីដែលគេសង្ស័យជាប់ជំពាក់រឿងឃាតកម្មឆ្លងដែន ប្រាប់គ្រូឱ្យពន្យល់សិស្សអំពីសន្តិភាពរបស់លោក ហ៊ុន សែន

អភិបាលរាជធានីភ្នំពេញ លោក ឃួង ស្រេង ស្នើឱ្យលោកគ្រូអ្នកគ្រូនៅតាមគ្រឹះស្ថានសិក្សាទាំងអស់ ត្រូវពន្យល់សិស្សានុសិស្សឱ្យបានយល់ពីតម្លៃសន្តិភាពដែលលោក ហ៊ុន សែន ប្រធានព្រឹទ្ធសភារកបានមកដោយលំបាក ដើម្បីឱ្យពួកគេចូលរួមរក្សាសន្តិភាពនេះឲ្យបានគង់វង្ស។

ថ្លែងកាលពីថ្ងៃទី១៤ ខែមករា ឆ្នាំ២០២៥ ក្នុងឱកាសបិទសន្និបាតបូកសរុបវាយតម្លៃលទ្ធផលការងារអប់រំ យុវជន និងកីឡារាជធានីភ្នំពេញ ឆ្នាំសិក្សា២០២៣-២០២៤ និងទិសដៅការងារឆ្នាំសិក្សា២០២៤-២០២៥ នៅមន្ទីរអប់រំ យុវជន និងកីឡារាជធានីភ្នំពេញ ដោយមានការចូលរួមពីលោកគ្រូអ្នកគ្រូជាង ៥០០នាក់ លោក ឃួង ស្រេង ថ្លែងថា គ្រឹះស្ថានសិក្សាជាឆ្អឹងខ្នងដ៏រឹងមាំនៃប្រទេសជាតិដែលជាកន្លែងបណ្តុះបណ្តាលធនធានមនុស្សដើម្បីកសាងប្រទេស។

ប្រភពដដែលអះអាងថា លោកស្នើឱ្យលោកគ្រូអ្នកគ្រូនៅតាមគ្រឹះស្ថានសិក្សាទាំងអស់ ត្រូវពន្យល់សិស្សានុសិស្សឱ្យបានយល់ពីតម្លៃសន្តិភាពដែលលោក ហ៊ុន សែន រកបានមកដោយលំបាក ដើម្បីឱ្យពួកគាត់បានចូលរួមរក្សាសន្តិភាពនេះឱ្យបានគង់វង្ស។

លោក ឃួង ស្រេង ក៏បានជំរុញឱ្យលោកគ្រូអ្នកគ្រូចូលរួមជាមួយអាជ្ញាធរខណ្ឌទាំង១៤ ក្នុងការទប់ស្កាត់ក្មេងទំនើងនៅតាមសាលារៀន ការចូលរួមចលនាប្រឡងប្រណាំង ការរៀបចំសម្អាតអនាម័យបរិស្ថាននៅតាមសាលារៀនអនុវត្តឱ្យបានល្អផងដែរ។

កាលពីថ្ងៃទី៣០ ខែមីនា ឆ្នាំ២០២២ លោក ម៉ៅ ធនិន្ទ អភិបាលខេត្តកំពត ដែលល្បីឈ្មោះនៅលើបណ្ដាញសង្គមហ្វេសប៊ុកតាមរយៈវេទិកាដោះស្រាយជម្លោះតូចតាចដល់ពលរដ្ឋ និងជាក្មួយប្រសារបស់បុរសខ្លាំងខ្មែរ បង្គាប់ឲ្យនាយកសាលាទាំងអស់នៅក្នុងខេត្តកំពត ត្រូវទិញរូបថតលោក ហ៊ុន សែន ដាក់បំពាក់នៅតាមសាលារៀន ដើម្បីបង្ហាញការដឹងគុណសន្តិភាពចំពោះការរំដោះទឹកដីកម្ពុជាឲ្យរួចផុតពីរបបប្រល័យពូជសាសន៍កន្លងមក។

ប្រធានអង្គការប្រជាធិបតេយ្យខ្មែរដែលមានមូលដ្ឋានក្នុងរដ្ឋវិចតូរីយ៉ា ប្រទេសអូស្ត្រាលី លោក ស៊ឹង សែនករុណា ប្រាប់សារព័ត៌មាន The Cambodia Daily នៅថ្ងៃទី១៤ មករា នេះថា ការណែនាំនេះជាការជ្រៀតជ្រែកការងារក្នុងក្រសួងអប់រំជាតិ ខណៈការបញ្ជ្រាបគុណតម្លៃរបស់ថ្នាក់ដឹកនាំ វាជាកាតព្វកិច្ចរបស់រដ្ឋាភិបាល និងក្រសួងសាមីដែលជាអ្នកធ្វើការងារនេះ។

លោកបន្តថា ការសម្រេចរបស់អភិបាលក្រុងភ្នំពេញរូបនេះជាការបង្ខិតបង្ខំ និងមិនបានគោរពដល់ព្រះមហាក្សត្រ។ ប្រទេសមានសេ្ដច ត្រូវតែគោរពស្ដេច មិនមែនអរគុណសន្តិភាពដែលមានតែនៅលើបបូរមាត់នោះទេ។

អ្នកសង្កេតការណ៍ឯទៀតធ្លាប់និយាយថា៖ កិច្ចប្រឹងប្រែងរក្សាការពារសន្តិភាពសព្វថ្ងៃនេះ គឺមកពីរបបគ្រប់គ្រងបច្ចុប្បន្នខ្លាចប្រជាពលរដ្ឋបះបោរធ្វើឲ្យដួលរលំ ពីព្រោះលោក ហ៊ុន សែន ធ្លាប់ពោលប្រាប់ជនបរទេសលេងអុកជាមួយគ្នាថា លោកខ្លាចតែប្រជាជនខ្មែរមួយប៉ុណ្ណោះ។ ដូច្នេះ សន្តិភាពជាការទុកឱកាស ជាអំណោយផលឲ្យគ្រួសារ បក្ខពួកលោក ហ៊ុន សែន បន្តក្តោបក្តាប់អំណាច ធនធានធម្មជាតិ សេដ្ឋកិច្ចជាតិតទៅមុខ ហើយវិធីរក្សាអំណាច គឺមានតែការកម្ចាត់ចោលក្រុមរិះគន់ជំទាស់ប៉ុណ្ណោះ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន