មន្ត្រីជាន់ខ្ពស់អតីតគណបក្សសង្គ្រោះជាតិបន្ទោសមន្ត្រីបក្សប្រឆាំងថាខ្វល់ខ្វាយតែរឿងមនុស្សស្លាប់

មន្ត្រីជាន់ខ្ពស់គណបក្សសង្គ្រោះជាតិ បន្ទោសមន្ត្រីបក្សប្រឆាំង និងអ្នកស្រឡាញ់ប្រជាធិបតេយ្យថា កុំគ្រាន់តែនាំគ្នាធ្វើបុណ្យរំលឹកឱ្យតែមនុស្សស្លាប់ ព្រោះថាមនុស្សដែលនៅរស់ក៏កំពុងត្រូវបានគេធ្វើទារុណដោយការឃុំខ្លួន និងបាត់បង់សិទ្ធិសេរីភាពដែរ។

អតីតនាយកខុទ្ទកាល័យប្រធានគណបក្សសង្គ្រោះជាតិ លោក មុត ចន្ថា សរសេរលើគណនីហ្វេសប៊ុករបស់លោកកាលពីថ្ងៃពុធថា ទាំងមន្ត្រីបក្សប្រឆាំង ទាំងអ្នកស្នេហាប្រជាធិបតេយ្យ គួរនាំគ្នាទាមទារយុត្តិធម៌ និងសេរីភាពឱ្យមនុស្សដែលនៅរស់ដែលកំពុងតែត្រូវបានគេគាបសង្កត់បំបាត់សិទ្ធិសេរីភាពសព្វថ្ងៃនេះដើម្បីយុត្តិធម៌សង្គមសម្រាប់មនុស្សគ្រប់រូបទៅថ្ងៃមុខ។

លោកថា កុំរង់ចាំទាល់តែពួកគេស្លាប់ ទើបនាំគ្នាទៅអុជធូបដើម្បីសម្ដែងភាពសោកស្តាយនោះ គឺវាយឺតពេលទៅហើយ ព្រោះក្នុងនាមជាអ្នកប្រជាធិបតេយ្យ គួរតែខិតខំការពារ និងជួយគាំពារដល់គុណតម្លៃយុត្តិធម៌ និងសេរីភាពរបស់មនុស្សរស់។

លោក មុត ចន្ថា លើកឡើងថា លោកក៏ធ្លាប់ស្តាប់ឮអតីតសហការីប្រធានគណបក្សសង្គ្រោះជាតិ លោក កឹម សុខា អះអាងជាហូរហែដែរថា ប្រសិនបើពួកគេនៅស្ងៀមមិនធ្វើអីសោះ គឺមិនអាចទាមទាររកយុត្តិធម៌ និងសេរីភាពបានទេ ដូច្នេះមានតែបង្កើតបក្សនយោបាយប៉ុណ្ណោះ។

លោកថា ចាប់តាំងពីអ្នកទាំងនោះបង្កើតបក្សនយោបាយមក ពួកគេមិនដែលហ៊ានចេញមុខទាមទារយុត្តិធម៌សម្រាប់ជនរងគ្រោះដែលកំពុងត្រូវបានគេបំបិទសិទ្ធិសេរីភាពទាំងអយុត្តិធម៌ឡើយ ចំណែកអ្នកខ្លះទៀតក៏មិនដែលហ៊ាននិយាយអំពីការរំលោភបំពាន និងការបំបិទសិទ្ធិសេរីភាពដែរ ចំណែកគណបក្សដែលពួកគេបង្កើតមក គ្រាន់តែជាគ្រឿងលម្អដើម្បីលាភសក្ការៈផងក៏មិនដឹង។

ប្រធានគណបក្សសង្គ្រោះជាតិ លោក កឹម សុខា ត្រូវបានសាលាដំបូងរាជធានីភ្នំពេញ កាត់ទោសឃុំខ្លួនក្នុងផ្ទះរយៈពេល ២៧ឆ្នាំ ពីបទ «ត្រូវរ៉ូវគ្នាជាមួយរដ្ឋបរទេសដើម្បីផ្តួលរំលំរដ្ឋាភិបាលកម្ពុជា» និងហាមឃាត់មិនឱ្យជួបអ្នកណាទាំងអស់ ក្រៅពីសាច់ញាតិ រួមទាំងដកហូតសិទ្ធិនយោបាយមួយជីវិតផងដែរកាលពីឆ្នាំ២០២៣ កន្លងទៅ។

ទោះជាបែបនេះក្តី កញ្ញា កឹម មនោវិទ្យា កូនស្រីរបស់លោក កឹម សុខា ធ្លាប់បានលើកឡើងកាលពីពេលកន្លងទៅថា ជាតិខ្មែរមួយនគរនៅតែត្រូវការលោក កឹម សុខា ឱ្យបន្តក្រាញននៀលបន្តទៀត ទោះបីជាលោក និងក្រុមគ្រួសារកំពុងទទួលនូវផលមហាអវិជ្ជមានពីកាលៈទេសៈដ៏អាក្រក់នេះក៏ដោយ៕

មន្ត្រីជាន់ខ្ពស់អតីតគណបក្សសង្គ្រោះជាតិបន្ទោសមន្ត្រីបក្សប្រឆាំងថាខ្វល់ខ្វាយតែរឿងមនុស្សស្លាប់

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រះរាជអាជ្ញាសាលារាជធានីភ្នំពេញ យល់ព្រមឲ្យលោក កឹម សុខា ជួបមុខម្ដាយដែលកំពុងឈឺធ្ងន់រយៈពេល១ម៉ោង

បណ្តាអង្គទូតបរទេសខកចិត្តចំពោះសេចក្តីសម្រេចរបស់សាលាឧទ្ធរណ៍លើសំណុំរឿងលោក កឹម សុខា

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន