លោក សម រង្ស៊ី ថារបបក្រុងភ្នំពេញនឹងប្រឈមឧបសគ្គកាន់តែខ្លាំង ក្រោយពីរដ្ឋមន្ត្រីការបរទេសថ្មីអាមេរិកចូលកាន់តំណែង

អតីតមេដឹកនាំបក្សប្រឆាំង លោក សម រង្ស៊ី លើកឡើងថា របបក្រុងភ្នំពេញនឹងត្រូវប្រឈមឧបសគ្គកាន់តែខ្លាំងជាមួយអាមេរិក ក្រោយពេលលោក ម៉ាកូ រ៉ូប៊ីអូ (Marco Rubio) ត្រូវបានតែងតាំងជារដ្ឋមន្ត្រីការបរទេសថ្មីរបស់សហរដ្ឋអាមេរិក ក្នុងរដ្ឋបាលរបស់ប្រធានាធិបតីអាមេរិកលោក ដូណាល់ ត្រាំ (Donald Trump)។

លោក សម រង្ស៊ី បានសរសេរនៅលើទំព័រហ្វេសប៊ុករបស់ខ្លួនកាលពីថ្ងៃទី២២ មករា នេះថា លោក ម៉ាកូ រ៉ូប៊ីអូ គឺជាអ្នកគាំទ្រក្នុងការដាក់ទណ្ឌកម្មលើក្រុមបក្សពួករបស់មេដឹកនាំបក្សកាន់អំណាចលោក ហ៊ុន សែន រហូតមក ព្រោះរដ្ឋមន្ត្រីការបរទេសអាមេរិករូបនេះ គឺជាអ្នកដែលគាំទ្រសិទ្ធិមនុស្សនៅកម្ពុជា ហើយក៏មានការយល់ដឹងស៊ីជម្រៅខ្លាំងអំពីបញ្ហាក្នុងប្រទេសកម្ពុជាដែរ ក្រោមល្បិចកលដឹកនាំរបស់លោក ហ៊ុន សែន កន្លងមក។

មេដឹកនាំបក្សប្រឆាំងរូបនេះបញ្ជាក់ថា លោក ម៉ាកូ រ៉ូប៊ីអូ (Marco Rubio) ធ្លាប់ចូលរួមគាំទ្រដាក់សេចក្តីព្រាងច្បាប់ S.២៣៣១ ជាមួយសមាជិកព្រឹទ្ធសភាអាមេរិក លោក អិត ម៉ាកឃី (Ed Markey) និងលោក ឌីក ឌូប៊ីន (Dick Durbin) ទៅកាន់ព្រឹទ្ធសភាអាមេរិកផងដែរ។

លោកគូសបញ្ជាក់ថា សេចក្តីព្រាងច្បាប់នេះគឺមានគោលបំណងលើកកម្ពស់ការបោះឆ្នោតដោយសេរី និងយុត្តិធម៌ លើកតម្កើងលទ្ធិប្រជាធិបតេយ្យ សេរីភាពនយោបាយ និងសិទ្ធិមនុស្សនៅកម្ពុជា។

កាលពីថ្ងៃទី២១ ខែមករា ឆ្នាំ២០២៥ ព្រឹទ្ធសភាសហរដ្ឋអាមេរិក បានអនុម័តតែងតាំងលោក ម៉ាកូ រ៉ូប៊ីអូ (Marco Rubio) ជារដ្ឋមន្ត្រីក្រសួងការបរទេសថ្មីរបស់សហរដ្ឋអាមេរិក ដែលទទួលបានការយល់ព្រមជាឯកច្ឆន្ទដោយសំឡេង ៩៩ ហើយការអនុម័តនេះក៏ត្រូវបានធ្វើឡើងភ្លាមៗបន្ទាប់ពីប្រធានាធិបតីអាមេរិក លោក ដូណាល់ ត្រាំ (Donald Trump) បានស្បថចូលកាន់តំណែងឡើងវិញក្នុងអាណត្តិថ្មីនេះដែរ។

លោក ម៉ាកូ រ៉ូប៊ីអូ (Marco Rubio) ត្រូវគេស្គាល់ថាជាសមាជព្រឹទ្ធសភាមកពីរដ្ឋហ្លរីដា (Florida) របស់គណបក្សសាធារណរដ្ឋ ដែលធ្លាប់ចុះហត្ថលេខាស្នើច្បាប់ដាក់ទណ្ឌកម្មលើមន្ត្រីរដ្ឋាភិបាលកម្ពុជា ដើម្បីទាមទារឱ្យស្ដារសិទ្ធិមនុស្ស និងប្រជាធិបតេយ្យចំនួន ៣លើករួចមកហើយ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន