អ្នកឃ្លាំមើលថាលោក ហ៊ុន សែន ប្រឌិតរឿងដ្រូនប៉ុនប៉ងធ្វើឃាតលើរូបលោកដើម្បីទម្លាក់កំហុសឱ្យក្រុមប្រឆាំង

អ្នកឃ្លាំមើលសង្គមចាត់ទុកការទម្លាយរឿងបង្ហោះដ្រូន (យន្តហោះគ្មានមនុស្សបើក) ដែលប៉ុនប៉ងធ្វើឃាតមេដឹកនាំបក្សកាន់អំណាច លោក ហ៊ុន សែន គឺជាល្បិចកលដែលគាត់ប្រើដើម្បីទម្លាក់កំហុសលើក្រុមប្រឆាំងប៉ុណ្ណោះ។

ប្រធានក្រុមប្រឹក្សាឃ្លាំមើលកម្ពុជា លោក ម៉ែន ណាត ប្រាប់សារព័ត៌មាន The Cambodia Daily នៅថ្ងៃទី១២ កុម្ភៈ នេះថា ក្រុមគ្រួសារលោក ហ៊ុន សែន មានអំណាចផ្ដាច់មុខពេញមួយប្រទេសសព្វថ្ងៃនេះ ដូច្នេះកុំថាឡើយដ្រូនដែលមានគំនិតប៉ុនប៉ងលើអាយុជីវិតក្រុមគ្រួសាររបស់គាត់អាចហោះចូលដល់ក្រុងតាខ្មៅ នោះ សូម្បីហោះត្រឹមព្រំដែនក៏មិនអាចហោះបានផង។

លោក ម៉ែន ណាត លើកឡើងថា តាមទម្លាប់របស់លោក ហ៊ុន សែន គឺគាត់ខ្លួនឯងទេជាអ្នកប្រឌិតព្រឹត្តិការណ៍នេះឡើង ដើម្បីទម្លាក់កំហុសក្នុងចេតនាកម្ទេចអ្នកដទៃរហូតមក ដូចជាព្រឹត្តិការណ៍រដ្ឋប្រហារបង្ហូរឈាមថ្ងៃទី៥ ទី៦ ខែកក្កដា ឆ្នាំ១៩៩៧ និងព្រឹត្តិការណ៍បង្ក្រាបបាតុកម្មកាលពីដើមខែកញ្ញា ឆ្នាំ១៩៩៨ រួមទាំងហេតុការណ៍ដែលគាត់អះអាងថាមានគ្រាប់រ៉ុក្កែត (បេ-៤០) វាយប្រហារលើរថយន្តរបស់គាត់នៅក្នុងខេត្តសៀមរាប នៅចុងខែកញ្ញា ឆ្នាំ១៩៩៨ ជាដើម។

ប្រភពខាងលើបញ្ជាក់ថា ទង្វើរបស់លោក ហ៊ុន សែន ដែលចេះតែរៀបចំល្បិចកលដើម្បីទម្លាក់កំហុស និងកម្ចាត់អ្នកដទៃបែបនេះ គឺជាអំពើទុច្ចរិតនៅក្នុងនយោបាយរបស់ប្រទេសកម្ពុជាដែលគួរឱ្យស្អប់ខ្ពើម។

ក្នុងពិធីសម្ពោធអគារសិក្សានៅវត្តព្រះឥន្ទសាមគ្គីធម៌ ស្រុកអង្គស្នួល ខេត្តកណ្តាល កាលពីថ្ងៃទី១១ ខែកុម្ភៈ ឆ្នាំ២០២៥ មេដឹកនាំបក្សកាន់អំណាច លោក ហ៊ុន សែន លើកឡើងថា អ្នកដែលបញ្ជូនដ្រូនចូលក្រុងតាខ្មៅ កាលពីប៉ុន្មានសប្តាហ៍កន្លងទៅនេះ ត្រូវតែចងចាំឱ្យច្បាស់ ហើយការបាត់ខ្លួនមនុស្សម្នាក់ដែលនៅខេត្តតាកែវ អំឡុងពេលនោះ ក៏ដោយសាររូបគេបានគាំទ្រផែនការបញ្ជូនដ្រូននេះដែរ។

លោក ហ៊ុន សែន ចាត់ទុកថាការបញ្ជូនដ្រូនបែបនេះ គឺជាអំពើភេរវកម្ម ព្រោះសកម្មភាពបញ្ជូនដ្រូននេះ គឺជាការប៉ុនប៉ងសម្លាប់រូបលោក ក្នុងនោះ លោកបានផ្តាំទៅជនបរទេសទាំងអស់ មិនត្រូវគាំទ្រអំពើភេរវកម្មនេះដែរ ហើយការបាត់ខ្លួនមនុស្សខ្លះនៅមូលដ្ឋាន គឺដោយសារពួកគេបានជាប់ពាក់ព័ន្ធនឹងផែនការភេរវកម្មតែម្តង។

ជុំវិញបញ្ហានេះ មន្ត្រីជាន់ខ្ពស់ក្នុងជួររដ្ឋាភិបាលម្នាក់ទម្លាយប្រាប់សារព័ត៌មាន The Cambodia Daily ក្នុងលក្ខខណ្ឌមិនបញ្ចេញឈ្មោះនៅថ្ងៃទី១២ កុម្ភៈ នេះថា លោក ហ៊ុន សែន តែងតែបង្កើតល្បិចកលបែបនេះនៅពេលដែលគាត់មានបំណងចង់កម្ទេចក្រុមណាមួយ ដែលគាត់មិនអាចអនុវត្តច្បាប់ដោយសារតែគាត់រកកំហុសអ្នកទាំងនោះមិនឃើញ៕

អ្នកឃ្លាំមើលថាលោក ហ៊ុន សែន ប្រឌិតរឿងដ្រូនប៉ុនប៉ងធ្វើឃាតលើរូបលោកដើម្បីទម្លាក់កំហុសឱ្យក្រុមប្រឆាំង

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន