អ្នកឃ្លាំមើល៖ បង្កើតគណៈកម្មការបង្ក្រាបបណ្ដាញឆបោកតាមអ៊ីនធឺណិតគ្មានន័យ បើច្បាប់មានស្តង់ដាពីរ

អ្នកឃ្លាំមើលលើកឡើងថា បើនាយករដ្ឋមន្ត្រី ហ៊ុន ម៉ាណែត មិនអាចអនុវត្តច្បាប់លើសមាជិកព្រឹទ្ធសភា លោក លី យ៉ុងផាត់ ជុំវិញការប្រព្រឹត្តបទល្មើសតាមប្រព័ន្ធបច្ចេកវិទ្យាបានទេ ការបង្កើតគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ONLINE SCAMS) នៅពេលនេះ ក៏គ្មានន័យអ្វីដែរ។

ប្រធានក្រុមប្រឹក្សាឃ្លាំមើលកម្ពុជា លោក ម៉ែន ណាត ប្រាប់សារព័ត៌មាន The Cambodia Daily នៅថ្ងៃទី២៥ កុម្ភៈ នេះថា បើគណៈកម្មការនេះមិនអាចអនុវត្តច្បាប់លើលោក លី យ៉ុងផាត់ ដែលត្រូវបានរកឃើញក្នុងការជាប់ពាក់ព័ន្ធនឹងការប្រព្រឹត្តល្មើសអនឡាញបានទេ នោះមានន័យថា ការបង្កើតគណៈកម្មការនេះមានន័យត្រឹមតែដើម្បីកុហកប្រជាពលរដ្ឋក្នុងចេតនាបិទបាំងទង្វើអាក្រក់របស់ខ្លួនប៉ុណ្ណោះ។

លោក ម៉ែន ណាត លើកឡើងថា ការរកឃើញមន្ត្រីរដ្ឋាភិបាលជាខ្នងបង្អែក ឬមេឧក្រិដ្ឋជនក្នុងបទល្មើសអនឡាញ រួមទាំងបទល្មើសផ្សេងៗរបស់លោក លី យ៉ុងផាត់ កន្លងមក ជាភស្តុតាងដ៏ពិតប្រាកដមួយបង្ហាញថា ការឆបោកតាមប្រព័ន្ធបច្ចេកវិទ្យាកំពុងត្រូវបានប្រព្រឹត្តយ៉ាងអនាធិបតេយ្យទាំងក្នុងជួរមន្ត្រីរដ្ឋាភិបាលខ្មែរ និងក្នុងចំណោមឧក្រិដ្ឋជន។

ប្រភពដដែលបញ្ជាក់ថា ក្នុងតំណែងជាប្រធាននៃគណៈកម្មការ លោក ហ៊ុន ម៉ាណែត នៅពេលនេះនឹងបង្ហាញកាន់តែច្បាស់ទៅកាន់ពលរដ្ឋពីកម្សោយនៃការដឹកនាំបង្ក្រាបអំពើឆបោកតាមប្រព័ន្ធបច្ចេកវិទ្យារបស់គាត់ទៅវិញទេ បើមន្ត្រីខ្លួនឯងគាត់មិនទាំងអាចចាប់យកទៅផ្ដន្ទាទោសបានផងនោះ។

លោក ម៉ែន ណាត គូសបញ្ជាក់ថា បើរាជរដ្ឋាភិបាលបដិសេធសេចក្តីរាយការណ៍សហរដ្ឋអាមេរិកចំពោះអំពើឧក្រិដ្ឋរបស់លោក លី យ៉ុងផាត់ លោក ហ៊ុន ម៉ាណែត គួរតែបើកការស៊ើបអង្កេតដើម្បីបញ្ជាក់ទៅកាន់សហរដ្ឋអាមេរិកវិញចំពោះសេចក្តីរាយការណ៍ដែលខ្លួនបដិសេធនោះ។

កាលពីថ្ងៃទី២០ ខែកុម្ភៈ ឆ្នាំ២០២៥ នាយករដ្ឋមន្ត្រីកម្ពុជា លោក ហ៊ុន ម៉ាណែត បានចេញសេចក្តីសម្រេចស្ដីពីការបង្កើតគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ONLINE SCAMS) ដែលទើបនឹងត្រូវបានផ្សព្វផ្សាយកាលពីថ្ងៃទី២៤ កុម្ភៈ នេះ ក្រោមហេតុផលថា តាមតម្រូវការចាំបាច់របស់រាជរដ្ឋាភិបាល។

សេចក្តីសម្រេចនេះមាន ២២ប្រការ ដែលបានចែងពីសមាសភាព ភារកិច្ច និងការបង្កើតអង្គភាពពិសេស ជាដើម ក្នុងនោះ លោក ហ៊ុន ម៉ាណែត គឺប្រធានដឹកនាំ លោក នេត សាវឿន ជាអនុប្រធាន លោក ប្រាក់ សុខុន ជាអនុប្រធាន ខណៈលោក ស សុខា លោក ទៀ សីហា លោក កើត រិទ្ធ និងលោក ឱម យ៉ិនទៀង ជាដើម សុទ្ធសឹងតែជាអនុប្រធាននៃគណៈកម្មការនេះដែរ។

ការបង្កើតគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ONLINE SCAMS) នេះ ធ្វើឡើងស្របពេលដែលប្រទេសកម្ពុជាត្រូវបានរកឃើញថាជាជម្រកដ៏មានសុវត្ថិភាពសម្រាប់ក្រុមឧក្រិដ្ឋជនដែលធ្វើប្រតិបត្តិការឆបោកតាមអនឡាញសព្វថ្ងៃនេះ ខណៈមន្ត្រីជាន់ខ្ពស់ក្នុងជួររដ្ឋាភិបាលក៏ត្រូវបានរកឃើញថាបានជាប់ពាក់ព័ន្ធក្នុងអំពើឧក្រិដ្ឋនេះដែរ។

ភស្តុតាងជាក់ស្តែង កាលពីពាក់កណ្តាលខែកញ្ញា ឆ្នាំ២០២៤ ក្រសួងហិរញ្ញវត្ថុសហរដ្ឋអាមេរិក The U.S. Department of the Treasury’s Office of Foreign Assets Control (OFAC) បានចេញសេចក្តីប្រកាសព័ត៌មានថា ក្រុមហ៊ុនរបស់លោក លី យ៉ុងផាត់ ជាច្រើនបានជាប់ពាក់ព័ន្ធនឹងការជួញដូរមនុស្ស ការបង្ខំឲ្យធ្វើពលកម្មដោយខុសច្បាប់ និងការបោកប្រាស់តាមអនឡាញ រួមទាំងការលាងលុយកខ្វក់។

គួរកត់សម្គាល់ថា៖ តាមប្រភពផ្ទៃក្នុងឲ្យដឹងថា កាស៊ីណូជាងពាក់កណ្តាលបង់ថ្លៃអាជ្ញាបណ្ណ ២៣លានដុល្លារ ហើយបង់ប្រចាំខែ ៣លានដុល្លារក្នុងមួយខែ ហើយអតីតមេប៉ូលិស លោក ហុក ឡង់ឌី ជាអ្នកប្រមូលជាហូរហែមក។ ដល់លោក ហុក ឡង់ឌី ស្លាប់ទៅ លោក ហ៊ុន សែន លូកដៃធ្វើខ្លួនឯងនៅប៉ោយប៉ែត។

នៅតាមព្រំដែនខ្មែរ-ថៃ រាជរដ្ឋាភិបាលបានផ្តល់អាជ្ញាបណ្ណឲ្យបើកបនល្បែងកាស៊ីណូចំនួន ៤០ ដោយយកថ្លៃអាជ្ញាបណ្ណកាស៊ីណូមួយចំនួន ៥០លានបាត ឬជិត ១លាន ៦សែនដុល្លារសហរដ្ឋអាមេរិក ហើយបង់ប្រចាំខែក្នុងមួយខែចំនួនជិត ១សែន ៦ម៉ឺនដុល្លារថែមទៀត។

ពីមុន ក្រុមលោក ស ខេង ចង់គ្រប់គ្រងផ្ទាល់ ប៉ុន្តែប្រជែងមិនឈ្នះក្រុមលោក ហ៊ុន សែន។ កាស៊ីណូណាហ្គាវើលដ៍ ចងសម្ព័ន្ធមេត្រីនឹងកងកម្លាំងការពារប្រាសាទព្រះវិហារ និងប្រាសាទតាមាន់ ដែលមានន័យថា ជួយឧបត្ថម្ភអង្គភាពនានាប្រចាំការនៅទីនោះ៕

អ្នកឃ្លាំមើល៖ បង្កើតគណៈកម្មការបង្ក្រាបបណ្ដាញឆបោកតាមអ៊ីនធឺណិតគ្មានន័យ បើច្បាប់មានស្តង់ដាពីរ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

នាយករដ្ឋមន្រ្តីខ្មែរ សម្ពោធថ្នល់ជាតិលេខ៧ ប្រើថវិកាចិន ក្នុងគម្រោង ខ្សែក្រវាត់និងផ្លូវ

ពលរដ្ឋថៃជិត ៣០០០នាក់ ចូលទស្សនាប្រាសាទតាក្របី និងភ្នំ៣៥០ មុនការបិទជាបណ្តោះអាសន្ន

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន