អ្នកស្រាវជ្រាវផ្នែកច្បាប់បកស្រាយអំពីការកាត់ទោសមេអង្គរក្សអតីតនាយករដ្ឋមន្ត្រីខ្មែរក្នុងតុលាការបារាំង

អ្នកសិក្សាស្រាវជ្រាវផ្នែកច្បាប់ លើកឡើងថា សវនាការលើករណីគប់គ្រាប់បែកដែលដឹកនាំដោយមេអង្គរក្សអតីតនាយករដ្ឋមន្ត្រីខ្មែរ លោក ហ៊ុន សែន មានលោក ហ៊ុយ ពិសិដ្ឋ និងលោក ហ៊ីង ប៊ុនហៀង បង្ហាញអំពីឧក្រិដ្ឋកម្មនយោបាយដែលបង្កឡើងដោយរដ្ឋអំណាច។

អ្នកសិក្សាផ្នែកច្បាប់ លោក វ៉ន ចាន់ឡូត សរសេរលើគណនីហ្វេសប៊ុករបស់ខ្លួនកាលពីថ្ងៃទី២០ មីនា ថា សវនាការនេះឆ្លុះបញ្ចាំងឱ្យឃើញថា ការពិតនិងយុត្តិធម៌តែងតែឈ្នះអំពើអយុត្តិធម៌ គ្រាន់តែចំណាយពេលយូរប៉ុណ្ណោះ ហើយអ្នកកាន់អំណាចនៅប្រទេសកម្ពុជាដែលប្រព្រឹត្តបទល្មើស នឹងត្រូវបានកាត់ទោសដោយតុលាការអន្តរជាតិ ទោះបីជាមិនត្រូវបានកាត់ទោសដោយតុលាការព្រហ្មទណ្ឌអន្តរជាតិ International Criminal Court (ICC) ក៏ដោយ។

បន្ថែមលើនេះទៀត សវនាការនេះក៏បង្ហាញដែរថា តុលាការបារាំង កំពុងបង្រៀនប្រទេសកម្ពុជាអំពីអំណាចតុលាការដែលជាអំណាចឯករាជ្យ និងមិននៅក្រោមឥទ្ធិពលនយោបាយនោះ។

លោក វ៉ន ចាន់ឡូត រៀបរាប់ថា ជុំវិញព្រឹត្តិការណ៍ភេរវកម្មរៀបចំដោយរដ្ឋអំណាច (state-organized terrorist act) នាថ្ងៃទី៣០ ខែមីនា ឆ្នាំ១៩៩៧ ដែលបង្កឡើងដោយក្រុមខាងនាយករដ្ឋមន្ត្រីទី២ គឺលោក ហ៊ុន សែន បានសម្លាប់មនុស្សយ៉ាងតិច ១៦នាក់ និងជាង ១៥០នាក់រងរបួស ក្នុងនោះមានជនជាតិអាមេរិកាំងឈ្មោះ Ron Abney ក៏បានរងរបួសធ្ងន់ក្នុងព្រឹត្តិការណ៍នោះដែរ។

លោកបន្តថា ដោយសារជនជាតិអាមេរិកាំងរងរបួសក្នុងអំពើភេរវកម្មនេះហើយ ទើបជំរុញឱ្យ FBI ដែលដឹកនាំដោយលោក Thomas Nicoletti បើកការស៊ើបអង្កេតលើករណីនេះ ប៉ុន្តែក្រុម FBI នេះបានចាកចេញពីកម្ពុជាយ៉ាងតក់ក្រហល់ ហើយការចាកចេញទាំងមិនទាន់បានបញ្ចប់ការស៊ើបអង្កេតរួចរាល់ផង ទំនងជាសកម្មភាពពួកគេនឹងប៉ះពាល់ធ្ងន់ធ្ងរដល់ការរុករកការពិតលើក្រុមរបស់លោក ហ៊ុន សែន។

ឯកអគ្គរដ្ឋទូតអាមេរិកាំងប្រចាំប្រទេសកម្ពុជាគ្រានោះ លោក Kenneth Quinn ជួយបំភ័យអំពីការគំរាមពីកងកម្លាំងប្រដាប់អាវុធខាងលោក ហ៊ុន សែន ដល់ភ្នាក់ងារស៊ើបអង្កេត FBI រហូតនៅមិនបាន។

អ្នកឃ្លាំមើលសង្គមរូបនេះលើកឡើងថា ក្រោយពីអំពើភេរវកម្មនោះរយៈពេល ២០ឆ្នាំ គឺនៅថ្ងៃទី១០ខែកុម្ភៈ ឆ្នាំ២០១៧ តុលាការប្រទេសបារាំង បានកោះហៅលោក ហ៊ុន សែន ឱ្យចូលទៅបំភ្លឺដែរ ប៉ុន្តែត្រូវដកដីកានោះវិញ ដោយសាររដ្ឋាភិបាលបារាំង រារាំង ព្រោះកាលណោះលោក ហ៊ុន សែន នៅមានអំណាចក្នុងនាមជាប្រមុខរដ្ឋាភិបាល។

តុលាការបារាំង បានបើកសវនាការជំនុំជម្រះករណីគប់គ្រាប់បែកនៅមុខរដ្ឋសភាដែលបានសម្លាប់មនុស្ស ១៦នាក់ និងរបួស ១៥០នាក់ នៅថ្ងៃទី៣០ ខែមីនា ឆ្នាំ១៩៩៧ ក្នុងសប្តាហ៍នោះរយៈពេល ៣ថ្ងៃ គឺចាប់ពីថ្ងៃទី១៩ រហូតដល់ថ្ងៃទី២១ ខែមីនា ទៅតាមពាក្យបណ្ដឹងពីអតីតមេដឹកនាំបក្សប្រឆាំង លោក សម រង្ស៊ី។

សវនាការកាលពីថ្ងៃទី១៩ ខែមីនា គឺមានវត្តមានដើមបណ្ដឹង គឺលោក សម រង្ស៊ី និងភរិយារបស់លោក គឺអ្នកស្រី ជូឡុង សូមួរ៉ា ខណៈចុងចោទគឺលោក ហ៊ីង ប៊ុនហៀង និងលោក ហ៊ុយ ពិសិដ្ឋ មិនមានវត្តមានក្នុងសវនាការនេះទេ ហើយក៏មិនមានវត្តមានមេធាវីការពារក្តីពួកគេក្នុងសវនាការនេះដែរ។

ទោះយ៉ាងណាក៏ដោយ ទីភ្នាក់ងារព័ត៌មានបារាំង AFP បានចុះផ្សាយមុនពេលសវនាការនេះថា លោក ហ៊ីង ប៊ុនហៀង បានបដិសេធថាលោកមិនជាប់ពាក់ព័ន្ធនឹងព្រឹត្តិការណ៍គប់គ្រាប់បែកថ្ងៃទី៣០ ខែមីនា ឆ្នាំ១៩៩៧ នោះទេ ហើយលោកក៏មិនដែលបានទទួលដីកាចាប់ខ្លួនពីតុលាការបារាំង ឬទទួលដំណឹងពីតុលាការបារាំង ដែលទាមទារឲ្យលោកត្រូវមានមេធាវីការពារខ្លួននៅក្នុងសវនាការនេះដែរ។

មានពលរដ្ឋខ្មែរខ្លះធ្វើអត្ថាធិប្បាយថា បើទោះជាមានមេធាវី ក៏មេទ័ពអង្គរក្សមិនហ៊ានទៅបង្ហាញមុខការពារកេរ្តិ៍ឈ្មោះរបស់ខ្លួនដែរ៕

អ្នកស្រាវជ្រាវផ្នែកច្បាប់បកស្រាយអំពីការកាត់ទោសមេអង្គរក្សអតីតនាយករដ្ឋមន្ត្រីខ្មែរក្នុងតុលាការបារាំង

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

គណបក្សកម្លាំងជាតិសន្យានឹងស្វែងរកយុត្តិធម៌ជូនលោក ជា វិជ្ជា និងជនរងគ្រោះដទៃទៀតពេលខ្លួនដឹកនាំប្រទេស

អ្នកឃ្លាំមើលថាការប្រទានព្រះរាជដំណាក់ពីរឱ្យលោក ហ៊ុន ម៉ាណែត គឺដើម្បីការពារនូវមរតកនិងស្នាដៃព្រះមហាក្សត្រ

ករណីទារុណកម្មលើនិស្សិតជនជាតិកូរ៉េខាងត្បូងដល់ស្លាប់ក្នុងការចាប់បង្ខាំងនៅស្រុកខ្មែរ ផ្អើលនៅកូរ៉េ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន