អង្គការសហប្រជាជាតិចាត់ទុកកម្ពុជាជាមជ្ឈមណ្ឌលបោកប្រាស់តាមអនឡាញនិងការជួញដូរមនុស្សក្នុងតំបន់អាស៊ី

អង្គការសហប្រជាជាតិ ចាត់ទុកកម្ពុជាជាមជ្ឈមណ្ឌលបោកប្រាស់តាមអនឡាញ ការលាងលុយកខ្វក់ និងការជួញដូរមនុស្ស ក្នុងចំណោមប្រទេសផ្សេងៗទៀតនៅតំបន់អាស៊ីអាគ្នេយ៍។

ការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម (UNODC) បានចេញផ្សាយរបាយការណ៍កាលពីថ្ងៃទី២១ ខែមេសា ឆ្នាំ២០២៥ នេះថា មជ្ឈមណ្ឌលបោកប្រាស់តាមអនឡាញ ការលាងលុយកខ្វក់ និងការជួញដូរមនុស្ស កំពុងកើនឡើងនៅតំបន់អាស៊ីអាគ្នេយ៍ ជាពិសេសនៅប្រទេសហ្វីលីពីន និងនៅតាមតំបន់ព្រំដែនកម្ពុជា ភូមា និងឡាវ។

ប្រភពដដែលអះអាងថា មជ្ឈមណ្ឌលបោកប្រាស់តាមអនឡាញ ការលាងលុយកខ្វក់ និងការជួញដូរមនុស្សទាំងនេះ កំពុងពង្រីកប្រតិបត្តិការរបស់ពួកគេទៅកាន់តំបន់ដែលមានប្រព័ន្ធច្បាប់ទន់ខ្សោយនៅជុំវិញពិភពលោកជាបន្តបន្ទាប់ ដូចជានៅក្នុងទ្វីបអាហ្វ្រិក អាស៊ីខាងត្បូង មជ្ឈិមបូព៌ា និងកោះប៉ាស៊ីហ្វិកមួយចំនួនទៀត។

អង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម អះអាងថា ជារឿយៗ ក្រុមឧក្រិដ្ឋជនបានផ្លាស់ប្ដូរទីតាំងដើម្បីគេចខ្លួនពីការកំណត់គោលដៅរបស់អាជ្ញាធរដោយស្វែងរកទីតាំងថ្មី និងវិធីថ្មីសម្រាប់ប្រតិបត្តិការ ដូចជា ការបោកប្រាស់រូបិយប័ណ្ណអេឡិចត្រូនិក និងបោកប្រាស់ស្នេហាតាមអ៊ីនធឺណិត ជាដើម។

UNODC បញ្ជាក់ថា ការលាងលុយកខ្វក់ ការជួញដូរមនុស្ស និងសេវាកម្មជ្រើសរើសបុគ្គលិកដែលពាក់ព័ន្ធ តែងកើតមានជាហូរហែនៅអឺរ៉ុប អាម៉េរិកខាងជើង និងអាម៉េរិកខាងត្បូង ដែលភាគច្រើនដំណើរការដោយមជ្ឈមណ្ឌលឧក្រិដ្ឋកម្មអាស៊ី ដែលអាចរកចំណូលបានរហូតជិត ៤០ពាន់លានដុល្លារអាមេរិកក្នុងមួយឆ្នាំៗ។

កាលពីអំឡុងខែកញ្ញា ឆ្នាំ២០២៤ ក្រសួងហិរញ្ញវត្ថុសហរដ្ឋអាមេរិក បានប្រកាសដាក់ទណ្ឌកម្មបង្កកទ្រព្យសម្បត្តិសមាជិកព្រឹទ្ធសភាគណបក្សកាន់អំណាច លោក លី យ៉ុងផាត់ និងអាជីវកម្មរបស់លោកមួយចំនួនផងដែរ ក្រោយរកឃើញថាមានជាប់ពាក់ព័ន្ធនឹងការជួញដូរមនុស្ស ការលាងលុយកខ្វក់ ការបង្ខំឲ្យធ្វើពលកម្មដោយខុសច្បាប់ និងការបោកប្រាស់តាមបណ្ដាញអ៊ីនធឺណិត។

ចំណែកនាយកដ្ឋានត្រួតពិនិត្យ និងប្រយុទ្ធប្រឆាំងការជួញដូរមនុស្ស ក៏បានចេញផ្សាយរបាយការណ៍ប្រចាំឆ្នាំរបស់ខ្លួនកាលពីចុងឆ្នាំ២០២៤ ដែរថា អំពើពុករលួយកំពុងបង្កភាពស្មុគស្មាញដែលបណ្តាលឱ្យមានការអនុវត្តច្បាប់មិនត្រឹមត្រូវ ដែលបានរារាំងដល់សកម្មភាពអនុវត្តច្បាប់ប្រកបដោយប្រសិទ្ធភាពប្រឆាំងនឹងឧក្រិដ្ឋកម្មជួញដូរមនុស្ស និងការបោកប្រាស់តាមអ៊ីនធឺណិតរហូតមក។

ទាក់ទិននឹងបញ្ហានេះ កាលពីដើមឆ្នាំ២០២៥ អតីតឧកញ៉ា ហេង សិទ្ធី បានលាតត្រដាងថា មន្ត្រីជាន់ខ្ពស់កម្ពុជាមួយចំនួន ដូចជា អភិបាលខេត្តកណ្តាល លោក គួច ចំរើន និងរដ្ឋមន្ត្រីក្រសួងយុត្តិធម៌ លោក កើត រិទ្ធ រួមទាំងមន្ត្រីអន្តោប្រវេសន៍មួយចំនួនទៀត សុទ្ធតែជាប់ពាក់ព័ន្ធជាមួយក្រុមឧក្រិដ្ឋជនដែលបើកល្បែងអនឡាញខុសច្បាប់ និងការជួញដូរមនុស្សតាមប្រព័ន្ធអនឡាញនៅកម្ពុជា៕

អង្គការសហប្រជាជាតិចាត់ទុកកម្ពុជាជាមជ្ឈមណ្ឌលបោកប្រាស់តាមអនឡាញនិងការជួញដូរមនុស្សក្នុងតំបន់អាស៊ី

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

មន្ត្រីរដ្ឋាភិបាលនិងមន្ត្រីបក្សក្រៅរដ្ឋាភិបាលខ្មែរ កើតទុក្ខមិនសុខចិត្តនឹងពាក្យគេហៅ Scambodia

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន