កូរ៉េខាងត្បូងប្រកាសធ្វើមាតុភូមិនិវត្តន៍ពលរដ្ឋខ្លួន ៦៣នាក់ដែលជាប់ឃុំនៅកម្ពុជា ទៅប្រទេសកំណើតវិញ

ទីភ្នាក់ងារប៉ូលិសជាតិកូរ៉េខាងត្បូង KPNA ប្រកាសវិធានការបន្ទាន់កាលពីថ្ងៃទី១៤ ខែតុលា ឆ្នាំ២០២៥ ថា ខ្លួននឹងធ្វើមាតុភូមិនិវត្តន៍ពលរដ្ឋកូរ៉េ ចំនួន ៦៣នាក់ដែលកំពុងជាប់ឃុំនៅកម្ពុជា ឱ្យអស់ក្នុងរយៈពេល ១ខែ ដើម្បីការពារពលរដ្ឋកូរ៉េ ក្រោយពីទទួលបានដីការបស់ប៉ូលិសអន្តរជាតិអាំងទែរប៉ូល (Interpol)។

យោងតាមប្រព័ន្ធផ្សព្វផ្សាយកូរ៉េខាងត្បូង The Chosun Daily បានឲ្យដឹងថា ទីភ្នាក់ងារប៉ូលិសជាតិកូរ៉េខាងត្បូង KPNA កំពុងឆ្លើយតបទៅនឹងការកើនឡើងនៃសកម្មភាពឧក្រិដ្ឋកម្មដែលផ្ដោតលើជនជាតិកូរ៉េខាងត្បូង តាមរយៈការបោកប្រាស់ផ្តល់ការងារក្លែងក្លាយនៅលើប្រព័ន្ធផ្សព្វផ្សាយសង្គម និងកម្មវិធីដូចជា Telegram តាមរយៈការសន្យាទទួលបានការងារនៅក្រៅប្រទេសជាមួយនឹងប្រាក់ខែខ្ពស់ តែពួកគេត្រូវបានទាញទម្លាក់ជាជនរងគ្រោះឲ្យចូលក្នុងឧក្រិដ្ឋកម្មឆបោកតាមប្រព័ន្ធអនឡាញ។

ទីប្រឹក្សាសន្តិសុខជាតិកូរ៉េខាងត្បូង បានប្រាប់អ្នកកាសែតថា មានពលរដ្ឋកូរ៉េខាងត្បូង យ៉ាងហោចណាស់ចំនួន ១ពាន់នាក់ដែលគេជឿថាកំពុងបម្រើការងារអនឡាញខុសច្បាប់នៅក្នុងប្រទេសកម្ពុជា។

កាលពីថ្ងៃទី១៤ ខែតុលា ក្រសួងការបរទេសកូរ៉េខាងត្បូង បានថ្លែងថា មានជនជាតិកូរ៉េ ចំនួន ៨០នាក់ ដែលត្រូវបានសន្មតជាជនរងគ្រោះក្នុងឧក្រិដ្ឋកម្មឆបោកតាមប្រព័ន្ធអនឡាញ កំពុងបាត់ខ្លួននៅក្នុងប្រទេសកម្ពុជា។

រដ្ឋាភិបាលកូរ៉េខាងត្បូង និងកម្ពុជា បានព្រមព្រៀងគ្នាបង្កើតក្រុមការងាររួមមួយដើម្បីស៊ើបអង្កេតដោះស្រាយឧក្រិដ្ឋកម្មឆបោកតាមប្រព័ន្ធអនឡាញនេះ។

ក្រសួងមហាផ្ទៃកម្ពុជា កាលពីថ្ងៃអង្គារ បានចេញសេចក្តីប្រកាសព័ត៌មានស្ដីពីលទ្ធផលនៃការស៊ើបអង្កេតករណីឃាតកម្មលើនិស្សិតជនជាតិកូរ៉េខាងត្បូង ស្របពេលដែលតុលាការខេត្តកំពត បានសម្រេចចោទប្រកាន់ជនសង្ស័យ ៣នាក់ពីបទឃាតកម្មដោយអំពើឃោរឃៅ និងឆបោកតាមប្រព័ន្ធបច្ចេកវិទ្យា ដើម្បីស្វែងរកយុត្តិធម៌ជូនជនរងគ្រោះរួចហើយ។

ក្រសួងមហាផ្ទៃ ក៏បានណែនាំឲ្យអគ្គស្នងការនគរបាលជាតិ កោះហៅតំណាងស្ថានទូតកូរ៉េខាងត្បូង ប្រចាំកម្ពុជា ឲ្យមកស្តាប់ការពន្យល់ផ្ទាល់ស្ដីពីបច្ចុប្បន្នភាពនៃរបាយការណ៍ក្នុងរឿងឃាតកម្មនេះ។

កាលពីថ្ងៃទី១១ ខែតុលា ឆ្នាំ២០២៥ ទីភ្នាក់ងារព័ត៌មានកូរ៉េខាងត្បូង YONHAP NEWS AGENCY បានរាយការណ៍ថា ប្រធានាធិបតីកូរ៉េខាងត្បូង លោក លី ចែម្យុង (Lee Jae Myung) បានបញ្ជាឱ្យក្រសួងការបរទេសកូរ៉េ ចាត់វិធានការការទូតគ្រប់សព្វបែបយ៉ាងឆ្លើយតបចំពោះឧក្រិដ្ឋកម្មដែលកើតឡើងជាបន្តបន្ទាប់ក្នុងប្រទេសកម្ពុជា លើពលរដ្ឋកូរ៉េ កន្លងមក។

ពាក់ព័ន្ធនឹងបញ្ហានេះ សភាអាមេរិក កាលពីថ្ងៃចន្ទដើមសប្ដាហ៍នេះ ក៏បានចេញសេចក្តីស្នើជាច្បាប់លេខ H.R 5490 ដើម្បីបង្កើតក្រុមការងារចំពោះកិច្ចអន្តរក្រសួងមួយ បំណងបំបែកបណ្ដាញឧក្រិដ្ឋកម្មអន្តរជាតិឱ្យសាបសូន្យ ដែលកំពុងធ្វើប្រតិបត្តិការឆបោកតាមប្រព័ន្ធអនឡាញយ៉ាងទូលំទូលាយនៅប្រទេសកម្ពុជា ដែលបានធ្វើសកម្មភាពឆបោកពលរដ្ឋអាមេរិកាំងកន្លងមក៕

កូរ៉េខាងត្បូងប្រកាសធ្វើមាតុភូមិនិវត្តន៍ពលរដ្ឋខ្លួន ៦៣នាក់ដែលជាប់ឃុំនៅកម្ពុជា ទៅប្រទេសកំណើតវិញ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

មន្ត្រីរដ្ឋាភិបាលនិងមន្ត្រីបក្សក្រៅរដ្ឋាភិបាលខ្មែរ កើតទុក្ខមិនសុខចិត្តនឹងពាក្យគេហៅ Scambodia

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន