សហរដ្ឋអាមេរិកសរសើររាជរដ្ឋាភិបាលកម្ពុជារឿងចាប់បញ្ជូនឧក្រិដ្ឋជនអាមេរិកាំងម្នាក់ទៅតុលាការអាមេរិក

សហរដ្ឋអាមេរិក សរសើរប្រទេសកម្ពុជា ថាជាដៃគូល្អប្រកបដោយវិជ្ជាជីវៈចំពោះកិច្ចសហការក្នុងការចាប់ខ្លួនឧក្រិដ្ឋជនគេចច្បាប់ ដែលពាក់ព័ន្ធបទឧក្រិដ្ឋមួយចំនួន បន្ទាប់ពីប្រទេសទាំងពីរបានសហការគ្នាចាប់បញ្ជូនខ្លួនឧក្រិដ្ឋជនជាជនជាតិអាមេរិកម្នាក់ដែលមិនបញ្ចេញឈ្មោះ ទៅកាន់សហរដ្ឋអាមេរិកវិញដោយជោគជ័យ។

តាមរយៈការផ្សាយក្នុងទំព័រហ្វេសប៊ុកស្ថានទូតនៅថ្ងៃទី៩ កុម្ភៈ នេះ ភ្នាក់ងារមានសមត្ថកិច្ចពិសេសពីសេវាសន្តិសុខការទូត (DSS) នៃការិយាល័យស៊ើបអង្កេតឧក្រិដ្ឋកម្មក្រៅប្រទេស (OCI) ប្រចាំស្ថានទូតអាមេរិកាំងនៅប្រទេសកម្ពុជា បានធ្វើសហប្រតិបត្តិការនាំខ្លួនឧក្រិដ្ឋជនជាជនជាតិអាមេរិកាំងម្នាក់ដែលត្រូវបានស្វែងរកចាប់ខ្លួននៅសហរដ្ឋអាមេរិក ពាក់ព័ន្ធនឹងបទល្មើសឧក្រិដ្ឋមួយចំនួន ដូចជា កាន់កាប់អាវុធខុសច្បាប់ និងបទល្មើសឧក្រិដ្ឋមួយចំនួនទៀត រួមទាំងពាក់ព័ន្ធនឹងគ្រឿងញៀនផងដែរ។

ស្ថានទូតសហរដ្ឋអាមេរិក បញ្ជាក់ថា ភ្នាក់ងារពិសេសមកពីសេវាសន្តិសុខការទូត បានរកឃើញទីតាំងស្នាក់នៅបុគ្គលនោះ និងបានធ្វើការជាមួយអាជ្ញាធរខ្មែរ ដើម្បីសម្របសម្រួលការចាប់ខ្លួន និងនិរទេសចេញពីប្រទេសកម្ពុជា ខណៈពិរុទ្ធជនដែលត្រូវបានចាប់ខ្លួននោះ ត្រូវបានបញ្ជូនទៅសហរដ្ឋអាមេរិកវិញដោយជោគជ័យ ក្រោមការគ្រប់គ្រងនៃភ្នាក់ងារតម្រួតតុលាការពិសេស ហៅថា U.S. Marshals Service Deputies ដែលមានភារកិច្ចនាំខ្លួនឧក្រិដ្ឋជនរត់គេចច្បាប់។

ក្រសួងមហាផ្ទៃ បានផ្សព្វផ្សាយចំណាត់ការបង្ក្រាបឧក្រិដ្ឋកម្មតាមអនឡាញ កាលពីថ្ងៃទី៥ ខែកុម្ភៈឆ្នាំ២០២៦ នេះថា កម្ពុជាប្ដេជ្ញាបោសសម្អាតបទល្មើសអនឡាញឱ្យអស់ត្រឹមខែមេសា ឆ្នាំ២០២៦ ខាងមុខនេះ ព្រោះកម្ពុជាបានក្លាយជាប្រទេសរងគ្រោះពីបទល្មើសមួយនេះជាយូរមកហើយ។

ជុំវិញបញ្ហានេះ អគ្គនាយកដ្ឋានអន្តោប្រវេសន៍បានចេញផ្សាយសេចក្តីរាយការណ៍របស់ខ្លួននៅថ្ងៃទី៩ កុម្ភៈ នេះថា កាលពីថ្ងៃទី៨ ខែកុម្ភៈ ឆ្នាំ២០២៦ អគ្គនាយកអន្តោប្រវេសន៍បានបណ្តេញជនជាតិចិន ជាង ៣០០នាក់ (៣១២នាក់) ពាក់ព័ន្ធករណីឆបោកតាមប្រព័ន្ធអនឡាញ (Online Scams) ឱ្យចាកចេញពីប្រទេសកម្ពុជា។

របាយការណ៍ដដែល បង្ហាញថា ចាប់តាំងពីថ្ងៃទី១ ខែកុម្ភៈ ឆ្នាំ២០២៦ មក កម្ពុជាបានបណ្តេញឧក្រិដ្ឋជនពាក់ព័ន្ធករណីឆបោកតាមប្រព័ន្ធអនឡាញជាង ៤ពាន់នាក់ហើយ (៤០១៥នាក់) ក្នុងនោះ នៅថ្ងៃទី៦ ខែកុម្ភៈ ឆ្នាំ២០២៦ ក៏មានជនជាតិអាមេរិកផងដែរ ដែលត្រូវបានបណ្តេញចេញពាក់ព័ន្ធករណីលួចឆ្លងដែន ស្នាក់នៅធ្វើការងារខុសច្បាប់នៅក្នុងប្រទេសកម្ពុជា។

គេមិនទាន់សន្មតឲ្យច្បាស់ទេថា តើអាជ្ញាធរមានសមត្ថកិច្ចនៃរាជរដ្ឋាភិបាលកម្ពុជា មានឆន្ទៈពិតប្រាកដបោសសំអាតអំពើឧក្រិដ្ឋទាំងនេះឲ្យអស់មែន ឬក៏ត្រឹមតែមួយរយៈដែលមានសម្ពាធពីរដ្ឋាភិបាលបរទេស ជាពិសេសសហរដ្ឋអាមេរិក៕

សហរដ្ឋអាមេរិកសរសើររាជរដ្ឋាភិបាលកម្ពុជារឿងចាប់បញ្ជូនឧក្រិដ្ឋជនអាមេរិកាំងម្នាក់ទៅតុលាការអាមេរិក

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

អាជ្ញាធរមានសមត្ថកិច្ចខ្មែរ និងកូរ៉េខាងត្បូង ធ្វើសហប្រតិបត្តិការកម្ចាត់បទល្មើសឆបោកតាមអនឡាញ

ការិយាល័យរដ្ឋអាជ្ញានៅរដ្ឋធានីវ៉ាស៊ីនតុន ប្រកាសដាក់ទណ្ឌកម្មឧកញ៉ាក្នុងគណបក្សប្រជាជនកម្ពុជា

អំពើឆបោកអនឡាញកំពុងបំប្លែងខ្លួនទៅតាមតំបន់សេដ្ឋកិច្ចពិសេស រោងចក្រ សណ្ឋាគារ បុរីផ្ទះជួលនិងអគារកំពុងសង់

អ្នកឃ្លាំមើលថាអាមេរិកដាក់ទណ្ឌកម្មលើឧកញ៉ា កុក អាន ជាសញ្ញាអាសន្នដល់កម្ពុជា

អាមេរិកប្រកាសផ្តល់ប្រាក់រង្វាន់ ៤លានដុល្លារសម្រាប់ការផ្តល់ព័ត៌មានឧក្រិដ្ឋជនចិនឈ្មោះ Daren Li

មន្ត្រីរដ្ឋាភិបាលនិងមន្ត្រីបក្សក្រៅរដ្ឋាភិបាលខ្មែរ កើតទុក្ខមិនសុខចិត្តនឹងពាក្យគេហៅ Scambodia

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន