រដ្ឋាភិបាលបារាំង រំលឹកពីតម្លៃកិច្ចព្រមព្រៀងសន្តិភាពទីក្រុងប៉ារីស ខណៈលោក ហ៊ុន សែន លើកសរសេរពីនយោបាយឈ្នះឈ្នះ

រដ្ឋាភិបាលបារាំង បញ្ជាក់ថា គោលការណ៍ទាំងឡាយដែលបានចែងនៅក្នុងកិច្ចព្រមព្រៀងសន្តិភាពទីក្រុងប៉ារីសឆ្នាំ១៩៩១ និងបញ្ចូលទៅក្នុងរដ្ឋធម្មនុញ្ញនៃប្រទេសកម្ពុជា នៅតែជាតម្លៃសំខាន់សម្រាប់ការអភិវឌ្ឍប្រកបដោយស្ថិរភាព ចីរភាព ការគោរពសិទ្ធិ និងសេរីភាពជាមូលដ្ឋានដដែល។

ស្ថានទូតបារាំងប្រចាំនៅកម្ពុជា បានសរសេរលើទំព័រហ្វេសប៊ុកផ្លូវការរបស់ខ្លួននៅថ្ងៃទី២៣ តុលា នេះថា កាលពី ៣៤ឆ្នាំមុន កិច្ចព្រមព្រៀងសន្តិភាពទីក្រុងប៉ារីស ត្រូវបានចុះហត្ថលេខាបង្កើតឡើងដើម្បីបិទបញ្ចប់ជម្លោះដែលកើតមានជាច្រើនឆ្នាំនៅកម្ពុជា និងបានបើកផ្លូវទៅកាន់ការវិលត្រឡប់មកវិញនៃសន្តិភាព និងការកសាងប្រទេសកម្ពុជា ឡើងវិញ។

ស្ថានទូតដដែលនេះ អះអាងថា ប្រទេសបារាំង ដែលបានធ្វើជាសហប្រធានក្នុងការនាំទៅដល់ការចុះហត្ថលេខាលើកិច្ចព្រមព្រៀងនេះ នៅតែប្រកាន់ខ្ជាប់យ៉ាងពេញលេញចំពោះមរតកនៃគោលការណ៍នានាក្នុងកិច្ចព្រមព្រៀងទីក្រុងប៉ារីស ដែលបានចែងក្នុងរដ្ឋធម្មនុញ្ញនៃប្រទេសកម្ពុជាសព្វថ្ងៃនេះ។

កិច្ចព្រមព្រៀងសន្តិភាពទីក្រុងប៉ារីសឆ្នាំ១៩៩១ (Paris Peace Accords) គឺជាកិច្ចព្រមព្រៀងស្ដីពីដំណោះស្រាយនយោបាយដើម្បីបញ្ចប់ជម្លោះនៅកម្ពុជា ក្នុងគោលបំណងឈានទៅរកការបង្រួបបង្រួមជាតិ ការគោរពសិទ្ធិមនុស្ស ការធានាឯករាជភាព ការពារបូរណភាពទឹកដី និងការការពារអធិបតេយ្យជាតិរបស់កម្ពុជា។

កិច្ចព្រមព្រៀងនេះ មានកិច្ចព្រមព្រៀងពីរ និងសេចក្តីថ្លែងការណ៍មួយ ក្នុងនោះ កិច្ចព្រមព្រៀងទី១ គឺស្តីអំពីការដោះស្រាយជម្លោះនៅកម្ពុជា ខណៈកិច្ចព្រមព្រៀងទី២ គឺស្តីអំពីការគោរពឯករាជ្យ អធិបតេយ្យ បូរណភាពទឹកដី និងអព្យាក្រឹត្យរបស់កម្ពុជា ដោយឡែកសេចក្តីថ្លែងការណ៍ គឺស្តីអំពីការកសាងកម្ពុជា ឡើងវិញ។

ជុំវិញបញ្ហានេះ ប្រធានព្រឹទ្ធសភាកម្ពុជា លោក ហ៊ុន សែន សរសេរលើទំព័រហ្វេសប៊ុករបស់ខ្លួនជុំវិញខួបលើកទី៣៤ នៃកិច្ចព្រមព្រៀងសន្តិភាពទីក្រុងប៉ារីស នៅថ្ងៃទី២៣ តុលា នេះថា ទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសង្គ្រាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ គឺ ប៉ុល ពត។

លោក ហ៊ុន សែន បញ្ជាក់ថា រហូតដល់ចុងឆ្នាំ១៩៩៨ ក្រោយលេចចេញនូវនយោបាយឈ្នះឈ្នះរបស់លោក ទើបសង្គ្រាមស៊ីវិលនៅកម្ពុជា ត្រូវបានបញ្ចប់ទាំងស្រុង ដែលពលរដ្ឋខ្មែរទូទាំងប្រទេសបានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃនេះ។

ប៉ុន្តែក្រុមអ្នកសង្កេតការណ៍និយាយថា ប្រសិនបើគ្មានកិច្ចព្រមព្រៀងទីក្រុងប៉ារីស ទេ នោះនយោបាយឈ្នះឈ្នះរបស់លោក ហ៊ុន សែន ក៏គ្មានរូបរាងដែរ។ ពួកគេនិយាយថា នយោបាយឈ្នះឈ្នះរបស់លោក ហ៊ុន សែន នេះហើយដែលកំពុងទាញទម្លាក់នាវាកម្ពុជា ឲ្យដាំក្បាលចូលបាតសមុទ្រកាន់តែជ្រៅទៅៗ តាមរយៈការដឹកនាំតាមបែបផ្ដាច់ការ ញាំញីទៅដោយអំពើពុករលួយជាប្រព័ន្ធ ការរំលោភអំណាច ការរំលោភសិទ្ធិមនុស្ស ការសម្លាប់គោលការណ៍ប្រជាធិបតេយ្យ ការបើកដៃឲ្យមានឧក្រិដ្ឋកម្មឆបោកតាមអនឡាញពេញផ្ទៃប្រទេស ការធ្វើឲ្យរបងព្រំដែនមានភាពរខិករខក់ និងការបណ្តែតបណ្តោយឲ្យសេដ្ឋកិច្ចរបស់ប្រទេសងើបមុខមិនរួច ជាដើម៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

មន្រ្តីបក្សកាន់អំណាចថា ការងារស្វែងរកការដោះលែង លោក កឹម សុខា បានចំណាយពេលអស់ជិត៣ឆ្នាំ

ប្រមុខរដ្ឋស្តីទី លោក ហ៊ុន សែន លើកលែងទោស អតីតមេបក្សប្រឆាំង លោក កឹម សុខា ប៉ុន្តែចាក់សោនយោបាយ

ព្រឹទ្ធសភាកម្ពុជា អនុម័តទាំងស្រុងសេចក្តីព្រាងច្បាប់ស្តីពី «កាតព្វកិច្ចយោធា»

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន